वित्त मन्त्रालय
केन्द्रीय वित्त मन्त्री श्रीमती निर्मला सीतारमणले 18 सेप्टेम्बर, 2024 मा एनपीएस वात्सल्य योजना शुरु गर्ने छिन्
नयाँ दिल्लीमा लगभग 75 स्थान मुख्य प्रक्षेपणमा सामेल हुन
एनपीएस वात्सल्यमा बालक - बालिकाका सदस्यहरूलाई प्राण कार्ड सहित प्रारम्भ गरिनेछ
एनपीएस वात्सल्यले बालक - बालिकाको आर्थिक भविष्य सुरक्षित गर्न प्रारम्भिक शुरुवातलाई बढावा दिन भारत सरकारको प्रतिबद्धतालाई प्रकाश पार्छ
Posted On:
16 SEP 2024 5:38PM by PIB Gangtok
केन्द्रीय बजेट 2024-25 मा घोषणाको अनुसरण गर्दै केन्द्रीय वित्त र कर्पोरेट मामिला मन्त्री श्रीमती निर्मला सीतारमणले 18 सेप्टेम्बर, 2024 मा नयाँ दिल्लीमा एनपीएस वात्सल्य योजना शुरु गर्नेछिन्। विद्यालयका बालक - बालिका पनि प्रक्षेपणमा सामेल हुनेछन्।
केन्द्रीय वित्त मन्त्रीले एनपीएस वात्सल्यको सदस्यता लिन, स्कीम ब्रोसर जारी गर्न र नयाँ नाबालिग ग्राहकहरूलाई स्थायी सेवानिवृत्ति खाता नम्बर (प्राण) कार्ड वितरण गर्नको लागि अनलाइन प्लेटफर्म पनि शुरु गर्नेछिन्।
नयाँ दिल्लीमा प्रक्षेपणको एक भागको रूपमा एनपीएस वात्सल्य कार्यक्रमहरू देशभरि लगभग 75 स्थानमा एक साथ आयोजना गरिनेछ। अन्य स्थानहरू भिडियो कन्फरेन्सको माध्यमद्वारा प्रक्षेपणमा सामेल हुनेछन् र त्यस स्थानमा नयाँ साना ग्राहकहरूलाई प्राण सदस्यता वितरण गर्नेछन्।
एनपीएस वात्सल्यले आमाबाबुलाई पेन्शन खातामा लगानी गरेर आफ्ना बालक - बालिकाको भविष्यको लागि बचत गर्न र कम्पाउन्डिङको शक्तिको साथ दीर्घकालीन सम्पत्ति सुनिश्चित गर्न अनुमति दिनेछ। एनपीएस वात्सल्यले लचिलो योगदान र लगानी विकल्प प्रदान गर्दछ, जसले आमाबाबुलाई बच्चाको नाममा वार्षिक रु. 1,000 लगानी गर्न अनुमति दिन्छ, जसले गर्दा सबै आर्थिक पृष्ठभूमिका परिवारहरूलाई पहुँचयोग्य बनाउँछ।
यो नयाँ पहल भारतको पेन्शन प्रणालीमा एक महत्त्वपूर्ण कदम चिन्ह लगाउँदै बालक -बालिकाको आर्थिक भविष्य सुरक्षित गर्न चाँडै शुरु गर्न तयार गरिएको हो। यो योजना पेन्शन कोष नियामक र विकास प्राधिकरण (पीएफआरडीए) अन्तर्गत चलाइनेछ।
एनपीएस वात्सल्यको शुरुवातले सबैका लागि दीर्घकालीन वित्तीय योजना र सुरक्षालाई प्रवर्द्धन गर्ने भारत सरकारको प्रतिबद्धतालाई प्रकाश पार्छ। भारतको भावी पुस्तालाई आर्थिक रूपमा सुरक्षित र आत्मनिर्भर बनाउने दिशामा यो एउटा ठूलो कदम हो।
************
(Release ID: 2055433)
Visitor Counter : 57
Read this release in:
Telugu
,
Odia
,
Bengali
,
English
,
Khasi
,
Urdu
,
Marathi
,
Hindi
,
Bengali-TR
,
Assamese
,
Punjabi
,
Gujarati
,
Tamil
,
Kannada
,
Malayalam