কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা সেপ্তেম্বরগী ১৪, থাংজা নুমিত্তা, নই দিল্লীদা ওফিসিয়েল লেংগ্বেজ দাইমন্দ জুবিলী সেলেব্রেশন অমসুং ৪শুবা অখিল ভার্তিয়া রাজভাশা সম্মেলন হৌদোকপগী সেসনদা ৱা ঙাংলগনি। ওফিসিয়েল লেংগ্বেজ দিপার্তমেন্তনা হিন্দীবু ওফিসিয়েল লেংগ্বেজ ওইনা চহি ৭৫ মপুং ফাবগী নিংশিংনবগীদমক্তা ২০২৪গী সেপ্তেম্বর ১৪-১৫দা নই দিল্লীগী ভারত মন্দপমদা ৪শুবা অখিল ভার্তিয়া রাজভাশা সম্মেলন শিল্লগনি।

প্রধান মন্ত্রী, শ্রী নরেন্দ্র মোদীনা ইনস্পায়র তৌবদগী অমসুং কেন্দ্রগী য়ুম্লৈ-কৈরৈ অমসুং কোওপরেশন মন্ত্রীগী হৈথোই-শিংথোইরবা লমজিং-লমতাক মখাদা, য়ুম্লৈ-কৈরৈ মন্ত্রলয়গী ওফিসিয়েল লেংগ্বেজ দিপার্তমেন্তনা ২০২১দগী চহি খুদিংগী অখিল ভার্তিয়া রাজভাশা সম্মেলন শিল্লি।

কেন্দ্রগী য়ুম্লৈ-কৈরৈ মন্ত্রীনা ওফিসিয়েল লেংগ্বেজ দাইমন্দ জুবিলীগী থৌরমদা ‘রাজভাশা ভার্তি’ মেগাজিনগী দাইমন্দ জুবিলী স্পেসিয়েল ইশু ফোংলগনি। শ্রী অমিত শাহনা দাইমন্দ জুবিলী অসিবু নিংশিংনিংঙাই ওইহন্নবা নিংশিং খুদম ওইবা পোস্তেজ স্তাম্প অমসুং শেলয়েক অমা লোঞ্চ তৌরগনি। য়ুম্লৈ-কৈরৈ মন্ত্রীনা থৌরম অসিদা রাজভাশা গৌরব অমসুং রাজভাশা কির্তি মনাশিংশু পীরগনি। মসিগা লোইন-লোইননা লাইরিক অমসুং মেগজিন খরশুং ফোংলগনি।

থৌরম অসিদা, কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা ভার্তিয়া ভাশা অনুভাগ হৌদোক্লগনি। প্রধান মন্ত্রী, শ্রী নরেন্দ্র মোদীনা হিন্দী অমসুং ভারতকী লোলশিং চাউখৎহনবা অমসুং মখোয়গী মরক্তা কোওর্দিনেশন হেন্না লৈহনবগী মতাংদা তত্তনা মরু ওইবা থমদুনা লাকখি। শংবিধানগী পান্দম অমসুং হিন্দিগা লোইননা ভারতকী লোনশিংবু শিজিন্নবা হেনগৎহনবা  অমসুং মখোয়গী মরক্তা হেন্না ফবা কোওর্দিনেশন লৈহনন্নবগী পান্দমদা প্রধান মন্ত্রীনা পীরকখিবা লমজিং অদুগী মতুং ইন্না, MHAগী দিপার্তমেন্ত ওফ ওফিসিয়েল লেংগ্বেজনা ভার্তিয়া ভাশা অনুভাগ থম্নবগী ৱাফম অসি থাংগৎলকখি।

কেন্দ্রগী য়ুম্লৈ-কৈরৈ মন্ত্রীনা ২০১৯দা লৈবাক অসিগী সহর কয়াদা পাক শন্না হিন্দি দিৱস শিনবগী ৱাখল্লোন অসি পুথোরকখি। মসিগী ৱাখল্লোন অসিবুজ মঙফাওনহন্দুনা, হিন্দী দিৱস অমসুং অহানবা অকিল ভার্তিয়া রাজভাশা সম্মেলন অসি ২০২১দা বরানসিদা শিনখি। মসিগী মতুংদা, হিন্দি দিৱস অমসুং অনিশুবা অমসুং অহুমশুবা অকিল ভার্তিয়া রাজভাশা সম্মেলন অসি ২০২২দা সুরত্তা অমসুং ২০২৩দা পুনেদা শিনখি। মসিগী থৌরমশিং অসিনা লৈবাক শিনথুংনা লৈরিবা ওফিসিয়েল লেংগ্বেজ ওফিসিয়েল পর্সোনেল অমসুং ওফিসরশিংগী মরক্তা অনৌবা পাঙ্গল অমা হাপ্পীরে।

লৈবাক অসিগী কোনুংদা হিন্দি দিৱস থৌরম অমসুং মরিশুবা অকিল ভার্তিয়া রাজভাশা সম্মেলন শিনবা অসিশু য়াম্না তোপ-তোপ্পা অমা ওই মরমদি ওফিসিয়েল দিপার্তমেন্তনা থৌরম অসিবু দাইমন্দ জুবিলী ওইনা সেলেব্রেত তৌরগনি। হিন্দীনা ওফফিসিয়েল লেংগ্বেজ ওইরকপগী চহি ৭৫গী খোংচৎ অসিনা মরু ওইবা মাইপাকপা কয়া অমা থেংনরকখিবদা নত্তনা তেক্নোলজীগী লমদা লেপ্তনা খুমাংশু চাউশিল্লকখি।

নুমিৎ নিনিগী ওইবা মরিশুবা অখিল ভার্তিয়া রাজভাশা সম্মেলন অসিদা হিন্দিবু ওফিসিয়েল লেংগ্বেজ অমা ওইনা, পব্লিক লেংগ্বেজ অমা ওইনা অমসুং কন্তেক্ত লেংগ্বেজ অমা ওইনা হৌখিবা চহি ৭৫ অসিদা খুমাং চাউশিল্লকপা অদুগী মতাংদা মনুং-হুৎনা খন্ন-নৈনরগনি। সেপ্তেম্বর ১৪দা কনফরেন্স অদুগী অহানবা নুমিৎ অদুগী লঞ্চ মতুংগী সেসনদা ‘োফিসিয়েল লেংগ্বেজ দাইমন্দ জুবিলী- চহি ৭৫ অসিদা হিন্দীনা ওফিসিয়েল লেংগ্বেজ অমা ওইনা, পব্লিক লেংগ্বেজ অমা ওইনা অমসুং কন্তেক্ত লেংগ্বেজ অমা খুমাং-চাউশিল্লকখিবা’ অদুগী মতাংদা খন্নরগনি। অদুগা অনিশুবা সেসন অদুনা ‘ভারতকী কলচরেল হেরিতেজ অমসুং হিন্দী’গী মতাংদা ওইগনি, মসিবু শক্নাইরবা হিন্দীগী কবি অমসুং ওরেতর, দা. কুমার ভিস্বাসনা ৱা ঙালগনি।

সেপ্তেম্বরগী ১৫দা কনফরেন্স অদুগী অহুমশুবা সেসনদা, লৈবাক অসিগী মমিং লৈরবা লিংগ্বিস্তশিং অমসুং লেক্সিকোগ্রাফরশিংনা ‘লোন তম্বিবদা দিক্সনারীগী থৌদাং অমসুং দেবনাগ্রি স্ক্রিপকী তোপ-তোপ্পা মগুন’গী মতাংদা মখোয়গী ৱাখল্লোনশিং অদু ফোংদোক্লগনি। মরিশুবা সেসন অদু তেক্নোলোজীগী মতম অসিদা ওফিসিয়েল লেংগ্বেজ হিন্দীগী ইমপ্লিমেন্তেশনদা “তাউন ওফিসিয়েল লেংগ্বেজ কমিতী”না লৌখিবা থৌদাং অদুগী মতাংদা ওইরগনি।

মঙাশুবা সেসন অদু ‘ভার্তিয়া ন্যায় সনহিতা ২০২৩, ভার্তিয়া নাগ্রিক সুরক্সা সনহিতা ২০২৩ অমসুং ভার্তিয়া সাক্স্যা অধিনিয়ম ২০২৩: খন্ন-নৈনবা অমা’ হায়রিবা অসিগী মতাংদা ওইগনি, মসিগী মতাংদা কেন্দ্রগী লো অমসুং জস্তিসকী মন্ত্রী, শ্রী আর্জুন রাম মেঘৱালনা ৱা ঙাংগনি। অরোইবা সেসন অদু ‘ভারতকী সিনিমা, হিন্দী লোল চাউখৎনবগী য়াম্না শক্তি লৈবা মীদিয়ম অমা’ হায়রিবা অসিগী মতাংদা ওইগনি, মসিগী মতাংদা শক্নাইরবা এক্তর, শ্রী অনুপম খের অমসুং মমিং লৈরবা ফিলম প্রোদ্যসর অমসুং দাইরেক্তর, শ্রী চন্দরপ্রকাশ দ্বিবেদিনা ৱা ঙাংলগনি।

রাজ্য সভাগী দেপ্যুতী চিয়রমেন, শ্রী হরিৱন্স, কেন্দ্রগী য়ুম্লৈ-কৈরৈ মন্ত্রালয়গী রাজ্য মন্ত্রী, শ্রী নিত্যানন্দ রাই অমসুং শ্রী বন্দি সঞ্জয় কুমার, পার্লিয়ামেন্তরী ওফিসিয়েল লেংগ্বেজ কমিতীগী ভাইস-চিয়রমেন, শ্রী ভার্ত্রুহারি মাহতব অমসুং কমিতী অসিগী অতোপ্পা মেম্বরশিং, ভারত সরকারগী সেক্রেতরিশিং, তোঙান-তোঙানবা বেঙ্কশিং অমসুং পব্লিক সেক্তর অন্দরতেকিংশিং (PSUশিং)গী চীফ একজিক্যুতিব ওফিসরশিং, খা ভারত্তগী শক্নাইরবা হিন্দী স্কোলর অনি, প্রোফেসর এম. গোৱিন্দরাজন অমসুং প্রোফেসর এস.আর. সারাজু অমসুং হিন্দীগী শক্নাইরবা স্কোলর অনি, প্রোফেসর সুর্য়ো্রসাদ দিক্সিত অমসুং দা. হরিওম পনৱারনা অহৌবগী সেসন অদুদা শরুক য়ারগনি। নুমিৎ নিনিগী কনফরেন্স অসিদা পার্তিসিপেন্ত ১০,০০০ হেন্না লাকপা য়ানা লৈ, মসিদা লৈবাক অসিগী মফম শিনথুংনদগী রাজভাশা ওফিসিয়েলশিংগা লোইন=লোইননা হিন্দি স্কোলরশিং অমসুং ভারত সরকারগী সেনিয়র ওফিসিয়েলশিংশু য়াওরি।

*****