U Myntri Sorkar Pdeng ba dei khmih ia ka tnad Kam Pohiing bad Cooperation, Amit Shah un ai jingkren ha ka bynta kaba nyngkong jong ka jingrakhe Official language Diamond Jubilee bad ka Akhil Bharatiya Rajbhasha Sammelan ba saw ha ka Sngi Saitjain, 14 tarik u Nailur, ha New Delhi. Ka tnad Official Language kan pynlong ia ka Akhil Bharatiya Rajbhasha Sammelan kaba 4 ha Bharat Mandapam, New Delhi ha ka 14-15 tarik u Nailur 2024 ban rakhe ia ka jingdap 75 snem ka Hindi kum ka ktien jong ka ri.

Da kaba ioh mynsiem na u Myntri Rangbah Duh, Narendra Modi, bad ja jingialam jong u Myntri ba dei khmih ia ki Tnad Kam Pohiing bad Cooperation, Amit Shah ka tnad Official Language hapoh jong ka Kam Pohiing ka ju pynlong ia ka Akhil Bharatiya Rajbhasha Sammelan man u snem naduh u 2021.

U Myntri un pyllait paidbah ruh ia ka Diamond Jubilee Special Issue jong ka ‘Rajbhasha Bharti’ magazine ha ka Official Language Diamond Jubilee. U Amit Shah un pyllait paidbah ruh ia ka postage stamp bad pisa nar ban buh jingkynmaw ia kane ka Diamond Jubilee. U Myntri ka tnad Kam Pohiing un sam ruh ia ki khusnam Rajbhasha Gaurav bad Rajbhasha Kirti Award ha kane ka sngi. Ha ryngkat kane, yn pyllait paidbah ruh ia katto katne tylli ki kot bad ki magazine.

Ha kane ka sngi, u Myntri ki Tnad Kam Pohiing bad Cooperation un plie paidbah ia ka Bharatiya Bhasha Anubhag. U Myntri Rangbah Duh u ju ban jur man ka por halor ka jingkyntiew ia ka ktien Hindi bad ki ktien tynrai jong ka India bad ka jingiadei kaba kham khlain hapdeng jong ki. Da kaba kynmaw ia ka jing thmu jong ka Riti Synshar bad ki jingbthah u Myntri Rangbah Duh, da ka jingthmu ban kyntiew ia ka jingpyndonkam ia ki ktien tynrai jong ka India bad ka Hindi bad ban wanrah ka jingiadei kaba kham khlain hapdeng jong ki, ka tnad Official Language hapoh ka tnad Kam Poh Iing ka la ai jingmut ban sdang ia ka Bharatiya Bhasha Anubhag.

U Myntri Kam Pohiing u la saindur ia ka jingpynlong ia ka Hindi Diwas kaba heh ha ki nongbah bapher bapher jong ka ri ha u snem 2019. Ha ka jingpynurlong ia kane, la pynlong ia ka Hindi Diwas bad ka Akhil Bharatiya Rajbhasha Sammelan kaba nyngkong ha Varanasi ha u 2021. Hadien kane, la pynlong ia ka Hindi Diwas bad ka Akhil Bharatiya Rajbhasha Sammelan ba ar bad ba lai ha Surat ha u 2022 bad Pune ha u 2023. Kine ki prokram ki la wanrah ia ka bor kaba thymmai hapdeng ki ophisar bad nongtrei ka Official Language ha kylleng ka ri.

Ka jingpynlong ia ka Hindi Diwas bad ka Akhil Bharatiya Rajbhasha Sammelan kaba saw ha ka nongbah jong ka ri ka long kaba kyrpang namar ka tnad Official Language ka dang rakhe ia kane ka sngi kum ka Diamond Jubilee. Ka jingiaid lynti 75 snem ka Hindi ban long ka ktien jong ka ri ka la kot shibun ki mawmer bad ka la ioh ruh shibun ki jingjop ha ki kam teknoloji.

Ha ki ar sngi ka Akhil Bharatiya Rajbhasha Sammelan kaba saw, yn don ka jingiamir jingmut kaba bniah shaphang ka jingiaid lynti ka Hindi kum ka ktien jong ka ri, ka ktien ki paidbah bad ka ktien ba pyniasoh ha kine ki 75 snem. Ha ka nohphaisngi jong ka sngi kaba nyngkong jong kane ka jingialang ha ka 14 tarik u Nailur, kan don ka jingiamir jingmut halor ka phang 'Official Language Diamond Jubilee - Progress of Hindi as an official language, public language and contact language in 75 years'. Katba ka bynta kaba ar kan long ha ka phang 'India's cultural heritage and Hindi', ha kaba yn ai jingkren da u myllung bad nohngthoh Hindi, Dr. Kumar Vishwas.

Ha ka bynta kaba lai jong kane ka jingialang ha ka 15 tarik u Nailur, ki riewshemphang jong ka ri ha ki kam ka ktien ka thylliej kin ai ia ki jingmut jong k halor ka phang 'Role of dictionary in language teaching and specialty of Devanagari script'. Ka bynta kaba saw kan long halor ka phang 'Contribution of "Town Official Language Committee" in the implementation of official language Hindi in the era of technology'.

Ka bynta kaba san kan long halor ka phang 'Bharatiya Nyay Sanhita 2023, Bharatiya Nagrik Suraksha Sanhita 2023 and Bharatiya Sakshya Adhiniyam 2023: A discussion', ha kaba yn ai jingkren da u Myntri Sorkar Pdeng ba dei khmih ia ka tnad Law and Justice, Arjun Ram Meghwal. Ka bynta kaba khatduh kan long halor ka phang 'Indian cinema, a powerful medium for the development of Hindi language', ha kaba yn ai jingkren da u actor ba pawnam, Anupam Kher bad u nongpynmih phlim bad director ba pawnam Chandraprakash Dwivedi.

U symbud shongknor, Rajya Sabha, Harivansh, ki Myntri Khynnah ka tnad Kam Pohiing, Nityanand Rai bad Bandi Sanjay Kumar, symbud shongknor ka Parliamentary Official Language Committee, Bhartruhari Mahtab bad kiwei kiwei ki dkhot ka Komiti, Ki Secretary sha ka Sorkar India, ki Chief Executive Officer jong ki bank bad ki Public Sector Undertaking (PSU) bapher bapher, ar ngut ki riewshemphang ia ka ktien Hindi ha ka thain Shathie jong ka India, Prof. M. Govindarajan bad Prof. S.R. Sarraju bad ar ngut ki riewpawkhmat ha ka ktien Hindi, Prof. Suryaprasad Dixit bad Dr. Hariom Panwar kin ia donlang ha ka bynta kaba nyngkong. La khmih lynti ba yn don palat 10,000 ngut ki nongiashim bynta ha kane ka prokram kaba ar sngi ba kynthup ia ki ophisar Rajbahasa na kylleng ka ri bad ruh ki riewshemphang ha ka ktien Hindi ha ryngkat ki ophisar na ka Sorkar India.

*****