مرکزی وزیر داخلہ اور تعاون کے وزیر جناب امت شاہ، نئی دہلی میں 14 ستمبر کو سرکاری زبان کی ڈائمنڈ جوبلی تقریبات اور چوتھے اکھل بھارتیہ راج بھاشا سمیلن کے افتتاحی اجلاس سے خطاب کریں گے۔ راج بھاشا  کا محکمہ ہندی کو سرکاری زبان بننے کے 75 سال مکمل ہونے کی یاد میں14 اور 15ستمبر 2024 کو بھارت منڈپم، نئی دہلی میں چوتھا اکھل بھارتیہ راج بھاشا سمیلن منعقد کر رہا ہے۔

وزیر اعظم جناب نریندر مودی سے متاثر ہو کر اور مرکزی وزیر داخلہ اور تعاون کے وزیر جناب امت شاہ کی قابل رہنمائی میں، وزارت داخلہ کا سرکاری زبان کا محکمہ 2021 سے ہر سال اکھل بھارتیہ راج بھاشا سمیلن کا انعقاد کر رہا ہے۔

مرکزی وزیر داخلہ سرکاری زبان کی ڈائمنڈ جوبلی کے موقع پر ’راج بھاشا بھارتی‘ میگزین کے ڈائمنڈ جوبلی خصوصی شمارے کا آغاز کریں گے۔ جناب امت شاہ ڈائمنڈ جوبلی کو یادگار بنانے کے لیے ایک یادگاری ڈاک ٹکٹ اور سکہ بھی جاری کریں گے۔ وزیر داخلہ اس موقع پر راج بھاشا گورو اور راج بھاشا کیرتی ایوارڈ بھی پیش کریں گے۔ اس کے ساتھ ساتھ کچھ اور کتابیں اور رسالے بھی جاری کیے جائیں گے۔

اس موقع پر مرکزی وزیر داخلہ اور تعاون کے وزیر بھارتیہ بھاشا انوبھاگ کا آغاز کریں گے۔ وزیر اعظم جناب نریندر مودی ہندی اور بھارتی  زبانوں کی ترقی اور ان کے درمیان بہتر تال میل پر مسلسل زور دے رہے ہیں۔ آئین کے ارادے اور وزیر اعظم کی ہدایت کو مدنظر رکھتے ہوئے، ہندی کے ساتھ ساتھ  بھارتی  زبانوں کے استعمال کو فروغ دینے اور ان کے درمیان بہتر تال میل قائم کرنے کے مقصد سے، سرکاری زبان کے محکمے، ایم ایچ اے نے بھارتیہ بھاشا انوبھاگ کے قیام کی تجویز پیش کی تھی۔

مرکزی وزیر داخلہ نے سال 2019 میں ملک کے مختلف شہروں میں بڑے پیمانے پر ہندی دیوس منعقد کرنے کا تصور پیش کیا تھا۔ اس تصور کو عملی جامہ پہناتے ہوئے 2021 میں وارانسی میں ہندی دیوس اور پہلا اکھل بھارتیہ راج بھاشا سمیلن منعقد کیا گیا۔ اس کے بعد ہندی دیوس اور دوسرا اور تیسرا اکھل بھارتیہ راج بھاشا سمیلن 2022 میں سورت اور 2023 میں پونے میں منعقد کیا گیا۔ اِن تقریبات نے ملک بھر میں سرکاری زبان کے اہلکاروں اور افسران میں نئی ​​توانائی پیدا کی ہے۔

قومی راجدھانی  دلی میں ہندی دیوس پروگرام اور چوتھے اکھل بھارتیہ راج بھاشا سمیلن کا انعقاد اس لحاظ سے بھی خاص ہے کہ سرکاری زبان کا محکمہ اس موقع کو ڈائمنڈ جوبلی کے طور پر منا رہا ہے۔ ہندی کے سرکاری زبان بننے کے 75 سالہ سفر نے نہ صرف کئی اہم سنگ میل عبور کیے ہیں بلکہ ٹیکنالوجی کے میدان میں بھی مسلسل ترقی کی ہے۔

دو روزہ چوتھے اکھل بھارتیہ راج بھاشا سمیلن میں گزشتہ 75 سالوں میں ہندی کو سرکاری زبان، عوامی زبان اور رابطہ کی زبان کے طور پر پیش رفت پر گہرائی سے بحث کی جائے گی۔ 14 ستمبر کو کانفرنس کے پہلے دن بعد دوپہر کے کھانے کے سیشن میں 'سرکاری زبان کی ڈائمنڈ جوبلی 75 سالوں میں سرکاری زبان، عوامی زبان اور رابطے کی زبان کے طور پر ہندی کی ترقی' پر بحث ہوگی، جبکہ دوسرا سیشن 'بھارت کا ثقافتی ورثہ اور ہندی' ہوگا جس سے ہندی کے مشہور شاعر ڈاکٹر کمار وشواس خطاب کریں گے۔

15 ستمبر کو کانفرنس کے تیسرے سیشن میں ملک کے مشہور ماہر لسانیات اور لغت نویس 'زبان کی تعلیم میں لغت کا کردار اور دیوناگری رسم الخط کی خصوصیت' پر اپنے خیالات پیش کریں گے۔ چوتھا سیشن 'ٹکنالوجی کے دور میں سرکاری زبان ہندی کے نفاذ میں ٹاؤن آفیشل لینگویج کمیٹی' کے تعاون' پر ہوگا۔

پانچواں سیشن 'بھارتیہ نیائے سنہتا 2023، بھارتیہ ناگرک سورکشا  سنہتا 2023 اور بھارتیہ ساکشیہ ادھینیم 2023: ایک مباحثہ' پر ہوگا، جس سے قانون اور انصاف کے مرکزی وزیر ارجن رام میگھوال خطاب کریں گے۔ آخری سیشن 'بھارتی  سنیما، ہندی زبان کی ترقی کا ایک طاقتور ذریعہ' ہوگا، جس سے معروف اداکار  جناب  انوپم کھیر اور معروف فلم پروڈیوسر اور ڈائریکٹر جناب چندر پرکاش دویدی خطاب کریں گے۔

راجیہ سبھا  کے نائب  چیئرمین شری ہری ونش، مرکزی وزرائے مملکت برائے امور داخلہ جناب نتیا نند رائے اور جناب  بنڈی  سنجے کمار، پارلیمانی سرکاری زبان کمیٹی کے وائس چیئرمین شری بھرتوہری مہتاب اور کمیٹی کے دیگر اراکین، حکومت ہند کے سکریٹریز، وزرائے اعلیٰ  مختلف بینکوں اور پبلک سیکٹر انڈرٹیکنگس (پی ایس یو) کے ایگزیکٹو آفیسرز، جنوبی ہند کے دو ہندی اسکالرز، پروفیسر ایم گووندراجن اور پروفیسر ایس آر۔ سرراجو اور ہندی دنیا کے دو نامور اسکالر پروفیسر سوریا پرساد دکشت اور ڈاکٹر ہری اوم پنوار افتتاحی سیشن میں موجود ہوں گے۔ اس دو روزہ کانفرنس میں 10 ہزار سے زیادہ شرکاء کی شرکت متوقع ہے، جس میں ملک بھر سے راج بھاشا کے عہدیداروں کے ساتھ ساتھ ہندی اسکالرز اور حکومت ہند کے سینئر عہدیدار بھی شامل ہیں۔

***

(ش ح –ف خ )

U. No. 10887