য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা হয়েং নই দিল্লীদা I4Cগী অহানবা মপোক কুমওনগী থৌরমদা ৱা ঙাংগনি অমসুং সাইবরক্রাইম থীংনবগীদমক মরু ওইবা থৌশিলশিং হৌদোক্কনি
গৃহ মন্ত্রীনা জাতিদা সাইবর ফ্রোদ মিতিগেসন সেন্তর (CFMC) কত্থোক্কনি অমসুং সমন্যায় প্লেৎফোর্ম (জোইন্ত সাইবরক্রাইম ইনভেস্তিগেসন ফেসিলিতেসন সিস্তেম) লোঞ্চ তৌগনি
শ্রী অমিত শাহনা ‘সাইবর কম্মান্দোস’ প্রোগ্রাম অমসুং সস্পেক্ত রেজিস্ত্রীসু হৌদোক্কনি
গৃহ মন্ত্রী শ্রী অমিত শাহগী লুচিং মখাদা থৌশিলশিং অসিনা প্রধান মন্ত্রী শ্রী নরেন্দ্র মোদীগী ‘সাইবর সেক্যুর ভারত’ অমগী মঙলান অদু ফংহনবদা মরু ওইবা পন্দুপ অমা ওইরগনি
Posted On:
09 SEP 2024 6:21PM by PIB Imphal
কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিৎ শাহনা 2024গী সেপ্তেম্বর 10দা ন্যু দিল্লীদা I4Cগী অহানবা মপোক কুমওনগী থৌরমদা ৱা ঙাংগনি অমসুং সাইবর ক্রাইম থিংনবা মরুওইবা থৌশিলশিং হৌদোক্কনি।
গৃহ মন্ত্রীনা সাইবর ফ্রোদ মিতিগেসন সেন্তর (CFMC) লৈবাক মীয়ামদা কত্থোক্কনি। CFMC অসি ইন্দিয়ন সাইবর ক্রাইম কোওর্দিনেসন সেন্তর (14C) নই দিল্লীদা মরুওইবা বেঙ্কশিং, ফাইনান্সিএল ইন্তরমিদিয়রীশিং, পেমেন্ত এগ্রিগেতরশিং, তেলিকোম সর্ভিস প্রোভাইদরশিং, IT ইন্তরমিদিয়রীশিং অমসুং রাজ্যশিং/য়ু.তি.শিংগী লো এনফোর্সমেন্ত এজেন্সীশিং (LEA)গী মীহুৎশিংগা লোয়ননা লিংখৎখি। মখোয়না ওনলাইন ফাইনান্সিএল ক্রাইম থেংননবা অথুবা মতমদা থবক পায়খৎনবা অমসুং পুন্না থবক তৌমিন্ননবা থবক পায়খৎকনি। CFMCনা লো এনফোর্সমেন্ত "কোওপরেতিব ফেদরেলিজম"গী খুদম অমা ওইগনি।
শ্রী অমিৎ শাহনা সমন্যায় প্লেৎফোর্ম (জোইন্ত সাইবর ক্রাইম ইনভেস্তিগেসন ফেসিলিতেসন সিস্তেম) হৌদোক্লগনি। লৈবাক শিনবা থুংনা লো এনফোর্সমেন্ত এজেন্সীশিংগীদমক্তা সাইবর ক্রাইম, দেতা শেয়রিং, ক্রাইম মেপ্পিং, দেতা এনালাইতিক্স, কোওপরেসন অমসুং কোওর্দিনেসন প্লেৎফোর্মগী দেতা রিপোজিসরীগীদমক সমন্যায় প্লেৎফোর্ম কৌবা ৱেব-বেজ মোদ্যুল অমনা ৱান স্তোপ পোর্তেল ওইনা থবক তৌগনি।
কেন্দ্রগী গৃহ মন্ত্রী অমসুং কোওপরেসন মন্ত্রীনা 'সাইবর কম্মান্দোস' প্রোগ্রাম হৌদোক্লগনি। মসিগী প্রোগ্রাম অসিগী মখাদা লৈবাক অসিদা সাইবর সেক্যুরিতীগী ওইবা খুদোংচাদবশিং থেংননবা রাজ্যশিং/য়ু.তি.শিং অমসুং সেন্ত্রেল পুলিস ওর্গনাইজেসনশিংদা ত্রেন তৌরবা 'সাইবর কম্মান্দোশিং'গী অখন্নবা ৱিং অমা লিংখৎকনি। ত্রেন তৌরবা সাইবর কম্মান্দোশিংনা দিজিতেল স্পেস অসি সেক্যুর তৌবদা রাজ্যশিং/য়ু.তি.শিং অমসুং সেন্ত্রেল এজেন্সীশিংদা মতেং পাংগনি।
শ্রী অমিৎ শাহনা সস্পেক্ত রেজিস্ত্রীসু হৌদোক্কনি। মসিগী থৌশিল অসিগী শরুক অমা ওইনা বেঙ্কশিং অমসুং ফাইনান্সিএল ইকোসিস্তেমগী ফ্রোদ রিস্ক মেনেজমেন্ত কেপাসিতীশিং মপাঙ্গল কনখৎহন্নবা বেঙ্কশিং অমসুং ফাইনান্সিএল ইন্তরমিদিয়রীশিংগা খুৎশম্নদুনা নেস্নেল সাইবর ক্রাইম রিপোর্তিং পোর্তেল (NCRP) দা য়ুম্ফম ওইদুনা তোঙান তোঙানবা আইদেন্তিফায়রশিংগী সস্পেক্ত রেজিস্তর অমা শেমগৎলি।
কেন্দ্রগী গৃহ মন্ত্রী শ্রী অমিৎ শাহগী লমজিং মখাদা পায়খৎলিবা থবকশিং অসিনা প্রধান মন্ত্রী শ্রী নরেন্দ্র মোদীগী 'সাইবর সেক্যুর ভারত'কী মঙলান ফংবদা মরুওইবা মাইলস্তোন অমা ওইগনি। ইন্দিয়ন সাইবর ক্রাইম কোওর্দিনেসন সেন্তর (I4C) অসি গৃহ মন্ত্রালয়গী সাইবর অমসুং ইনফোর্মেসন সেক্যুরিতী দিভিজন (CIS দিভিজন) গী মখাদা সেন্ত্রেল সেক্তর স্কিমগী মখাদা ওক্তোবর 5, 2018দা লিংখৎখি। মসিগী মরুওইবা পান্দমদি লৈবাক শিনবা থুংনা সাইবর ক্রাইমগা মরী লৈনবা ইসু পুম্নমক থেংননবা নেস্নেল লেবেলগী কোওর্দিনেসন সেন্তর অমা লিংখৎপনি। I4Cগী পান্দমদি লো এনফোর্সমেন্ত এজেন্সীশিংগী তৌবা ঙম্বশিং হেনগৎহনবা অমসুং সাইবর ক্রাইমগা মরী লৈনবা তোঙান তোঙানবা স্তেকহোল্দরশিংগী মরক্তা কোওর্দিনেসন ফগৎহনবনি। 2020গী জনুৱারী 20দা, নই দিল্লীদা লৈবা I4Cগী হেদক্বার্তর্স অসি জাতিদা কত্থোকখি অমসুং উরেপ উয়ুং তমখি। স্কিমগী ফেজ মনুংদা ফংখিবা লর্নিং অদুদা য়ুম্ফম ওইদুনা অমসুং পর্মিনেন্ত ইন্সতিত্যুস্নেল মশক অমা পীনবা, জুলাই 1, 2024দগী I4C বু গৃ মন্ত্রালয়গী মখাদা এতেচ তৌরবা ওফিস অমা ওইনা মশক তাকখি।
কেন্দ্রগী গৃহ মন্ত্রালয়গী রাজ্য মন্ত্রী, শ্রী বন্দি সঞ্জয় কুমার, কেন্দ্রগী হোম সেক্রেতরী, দাইরেক্তর IB., স্পেসিএল সেক্রেতরী (ইন্তর্নেল সেক্যুরিতী), ভারতকী রাজ্যশিং/য়ু.তি.শিংগী চীফ সেক্রেতরীশিং অমসুং DGPশিং/মকোক থোংবা পুলিস ওফিসরশিং, সরকারগী ওর্গানাইজেসন কয়াগী ওফিসরশিং। তোঙান তোঙানবা বেঙ্কশিং/ ফাইনান্সিএল ইন্তরমিদিয়রীশিং, ফিনতেক, মীদিয়া, সাইবর কম্মান্দোশিং, NCC অমসুং NSS কেদেৎশিংগী সেনিয়র ফঙ্কসনরীশিংসু থৌরম অদুদা শরুক য়াগনি।
থৌরম অসি 2024গী সেপ্তেম্বর 10গী অয়ুক পুং 11:30দগী I4Cগী ওফিসিএল য়ুত্যুব চেনেল, সাইবরদোস্ততা লাইভ ওইনা শন্দোক্কনি।
*****
(Release ID: 2053291)
Visitor Counter : 28
Read this release in:
Telugu
,
English
,
Khasi
,
Urdu
,
Marathi
,
Hindi
,
Nepali
,
Assamese
,
Gujarati
,
Tamil
,
Kannada
,
Malayalam