કેન્દ્રીય ગૃહ મંત્રી અને સહકારિતા મંત્રી શ્રી અમિત શાહ મંગળવાર, 10 સપ્ટેમ્બર, 2024ના રોજ નવી દિલ્હીમાં આઇ4સીના પ્રથમ સ્થાપના દિવસની ઉજવણીને સંબોધન કરશે અને સાયબર ક્રાઇમને રોકવા માટેની મુખ્ય પહેલોનો પ્રારંભ કરશે.

ગૃહ મંત્રી સાયબર ફ્રોડ મિટિગેશન સેન્ટર (સીએફએમસી) દેશને સમર્પિત કરશે. સીએફએમસીની સ્થાપના નવી દિલ્હીમાં ભારતીય સાયબર ક્રાઇમ કોઓર્ડિનેશન સેન્ટર (14સી) ખાતે કરવામાં આવી છે, જેમાં મોટી બેંકો, ફાઇનાન્સિયલ ઇન્ટરમિડિયરીઝ, પેમેન્ટ એગ્રિગેટર્સ, ટેલિકોમ સર્વિસ પ્રોવાઇડર્સ, આઇટી ઇન્ટરમિડિયરીઝ અને રાજ્યો/કેન્દ્રશાસિત પ્રદેશોના કાયદા અમલીકરણ એજન્સીઓ (એલઇએ)ના પ્રતિનિધિઓ સામેલ છે. તેઓ ઓનલાઇન નાણાકીય ગુનાઓનો સામનો કરવા માટે તાત્કાલિક કાર્યવાહી અને એકીકૃત સહકાર માટે સાથે મળીને કામ કરશે. સીએફએમસી કાયદાના અમલીકરણમાં "સહકારી સંઘવાદ"ના ઉદાહરણ તરીકે કામ કરશે.

શ્રી અમિત શાહ સમાન્ય પ્લેટફોર્મ (જોઇન્ટ સાયબર ક્રાઇમ ઇન્વેસ્ટિગેશન ફેસિલિટેશન સિસ્ટમ)નો શુભારંભ કરશે. સંવાદ પ્લેટફોર્મ નામનું વેબ-આધારિત મોડ્યુલ દેશભરમાં કાયદાનું અમલીકરણ કરતી એજન્સીઓ માટે સાયબર ક્રાઇમ, ડેટા શેરિંગ, ક્રાઇમ મેપિંગ, ડેટા એનાલિટિક્સ, સહકાર અને સંકલન પ્લેટફોર્મના ડેટા રિપોઝિટરી માટે વન સ્ટોપ પોર્ટલ તરીકે કામ કરશે.

કેન્દ્રીય ગૃહ મંત્રી અને સહકારિતા મંત્રી 'સાયબર કમાન્ડોઝ' કાર્યક્રમનું ઉદઘાટન કરશે. આ કાર્યક્રમ અંતર્ગત દેશમાં સાયબર સુરક્ષાના જોખમોનો સામનો કરવા માટે રાજ્યો/કેન્દ્રશાસિત પ્રદેશો અને કેન્દ્રીય પોલીસ સંગઠનો (સીપીઓ)માં પ્રશિક્ષિત 'સાયબર કમાન્ડો'ની એક વિશેષ પાંખની સ્થાપના કરવામાં આવશે. પ્રશિક્ષિત સાયબર કમાન્ડો રાજ્યો/કેન્દ્રશાસિત પ્રદેશો અને કેન્દ્રીય એજન્સીઓને ડિજિટલ સ્પેસને સુરક્ષિત કરવામાં મદદ કરશે.

શ્રી અમિત શાહ શંકાસ્પદ રજિસ્ટ્રીનું પણ ઉદઘાટન કરશે. આ પહેલના ભાગરૂપે નેશનલ સાયબર ક્રાઇમ રિપોર્ટિંગ પોર્ટલ (એનસીઆરપી) પર આધારિત વિવિધ ઓળખકર્તાઓની એક શંકાસ્પદ રજિસ્ટ્રી બનાવવામાં આવી રહી છે, જે નાણાકીય ઇકોસિસ્ટમની છેતરપિંડીના જોખમ વ્યવસ્થાપનની ક્ષમતાઓને મજબૂત કરવા માટે બેંકો અને નાણાકીય મધ્યસ્થીઓ સાથે જોડાણમાં છે.

કેન્દ્રીય ગૃહ મંત્રી શ્રી અમિત શાહના માર્ગદર્શન હેઠળ આ પહેલો પ્રધાનમંત્રી શ્રી નરેન્દ્ર મોદીના 'સાયબર સિક્યોર ભારત'ના વિઝનને સાકાર કરવામાં મહત્ત્વપૂર્ણ સીમાચિહ્નરૂપ સાબિત થશે. ભારતીય સાયબર ક્રાઇમ કોઓર્ડિનેશન સેન્ટર (I4C)ની સ્થાપના 5 ઓક્ટોબર, 2018નાં રોજ કેન્દ્રીય ક્ષેત્રનાં યોજના અંતર્ગત ગૃહ મંત્રાલયનાં સાયબર એન્ડ ઇન્ફોર્મેશન સિક્યુરિટી ડિવિઝન (સીઆઇએસ ડિવિઝન)ની અંદર થઈ હતી. તેનો મુખ્ય ઉદ્દેશ દેશભરમાં સાયબર ક્રાઇમને લગતા તમામ મુદ્દાઓના ઉકેલ માટે રાષ્ટ્રીય સ્તરનું સંકલન કેન્દ્ર સ્થાપવાનો હતો. આઈ૪સીનો હેતુ કાયદા અમલીકરણ એજન્સીઓની ક્ષમતાઓને વધારવાનો અને સાયબર ક્રાઇમ સાથે કામ કરતા વિવિધ હિસ્સેદારો વચ્ચે સંકલનમાં સુધારો કરવાનો છે. 10 જાન્યુઆરી, 2020 ના રોજ, નવી દિલ્હીમાં આઈ4સી મુખ્યાલયનું ઉદઘાટન અને રાષ્ટ્રને સમર્પિત કરવામાં આવ્યું હતું. કાયમી સંસ્થાકીય સ્વરૂપ આપવા અને યોજનાના તબક્કા દરમિયાન પ્રાપ્ત થયેલા શિક્ષણને આધારે નિર્માણ કરવા માટે, 1 જુલાઈ, 2024થી, આઈ4સીને ગૃહ મંત્રાલય હેઠળ સંલગ્ન કચેરી તરીકે નિયુક્ત કરવામાં આવી છે.

કેન્દ્રીય ગૃહ રાજ્ય મંત્રી શ્રી બંદી સંજય કુમાર, કેન્દ્રીય ગૃહ સચિવ, આઈબીના નિદેશક, વિશેષ સચિવ (આંતરિક સુરક્ષા), મુખ્ય સચિવો અને ભારતના રાજ્યો/કેન્દ્રશાસિત પ્રદેશોના ડીજીપી/વરિષ્ઠ પોલીસ અધિકારીઓ, વિવિધ સરકારી સંગઠનોના અધિકારીઓ. આ કાર્યક્રમમાં વિવિધ બેંકો/નાણાકીય મધ્યસ્થીઓ, ફિનટેક, મીડિયા, સાયબર કમાન્ડો, એનસીસી અને એનએસએસ કેડેટ્સના વરિષ્ઠ અધિકારીઓ પણ ઉપસ્થિત રહેશે.

આ કાર્યક્રમનું 10 સપ્ટેમ્બર, 2024ના રોજ સવારે 11.30 વાગ્યાથી આઇ4સીની ઓફિશિયલ યુટ્યુબ ચેનલ, સાયબરડોસ્ટ પર જીવંત પ્રસારણ કરવામાં આવશે.

AP/GP/JD