Ka Tnat Kam Pohiing jong ka Sorkar Pdeng
Yn ai jingkren u Myntri Kam Pohiing bad Cooperation jong ka sorkar pdeng, Amit Shah ha ka jingrakhe ia ka sngi seng ba nyngkong ia ka 14C bad plie paidbah ia ki sienjam ban iada na ka cybercrime ha New Delhi lashai ka sngi
Yn aiti u Myntri Kam pohiing ia ka Cyber Fraud Mitigation Centre (CFMC) sha ka ri bad plie paidbah ia ka rynsan Samanvaya (Joint Cybercrime Investigation Facilitation System)
U Amit Shah un plie ruh ia ka prokram 'Cyber Commandos' bad Suspect Registry
Kine ki sienjam, hapoh ka jingpeit jong u Myntri Kam Pohiing Amit Shah, kin long u mawmer ba kongsan ban kot sha ka thong 'Cyber Secure Bharat' jong u Myntri Rangbah duh Narendra Modi
Posted On:
09 SEP 2024 6:21PM by PIB Shillong
U Myntri Kam Pohiing bad Cooperation jong ka Sorkar pdeng, Amit Shah un ai jingkren ha ka jingrakhe ia ka sngi seng ba nyngkong ia ka 14C bad plie paidbah ia ki sienjam ba kongsan ban iada na ka cybercrime ha New Delhi lashai ka sngi, 10 tarik Nailur 2024.
U Myntri Kam Pohiing un aiti ia ka Cyber Fraud Mitigation Centre (CFMC) sha ka ri. La sdang ia ka CFMC ha Indian cybercrime Coordination Centre (14C) ha New Delhi bad ki don ki dkhot na ki bank ba heh, ki Financial Intermediary, ki Payment Aggregator, ki nongai jingshakri telecom, ki Intermediariy bad ki kynhun pyntreikam ia ka ain na ki Jylla / UT. Kine kin iatreilang ban shim ia ki sienjam bad iatreilang ban tehlakam ia ki kam beain ba iadei bad ka pisa lyngba ka bor internet. Ka CFMC kan don kum ka nuksa jong ka ‘Jingiatreilang ka Sorkar Pdeng bad ki Sorkar Jylla’ ban pyntreikam ia ka ain.
U Amit Shah un plie paidbah ia ka rynsan Samanvaya (Joint Cybercrime Investigation Facilitation System). Ka rynsan Samanvaya kan long kum ka One Stop Portal na ka bynta ka jingbuh ia ka data shaphang ka cyber crime, ka jingiasam ia ka data, ka jingpeit ia ki kam beain, ka jingpeit ia ka data, ka rynsan iatreilang na ka bynta ki kynhun ba pyntreikam ia ka ain na kylleng ka ri.
U Myntri Kam Pohiing bad Cooperation un plie paidbah ia ka prokram 'Cyber Commandos'. Hapoh kane ka prokram yn buh ia ka special wing jong ki 'Cyber Commandos' ba la ioh jinghikai pyntbit ha ki Jylla/UT bad ki Central Police Organization (CPO) ban iakhun ia ki jingma ha ki kam cyber ha ka ri. Ki Cyber Commando kiba la ioh jinghikai pyntbit kin iarap ia ki Jylla/UT bad ki Kynhun jong ka sorkar pdeng ban wanrah jingshngain ha ki kam digital.
U Amit Shah un plie paidbah ruh ia ka Suspect Registry. Kum shi bynta kane ka sienjam la shna ia ka Suspect Registry jong ki dak bapher bapher katkum ka National Cybercrime Reporting Portal (NCRP), ha ka jingiatreilang bad ki bank bad ki financial intermediary ban pynkhlain ia ka jinglah ban tehlakam ia ki kam thok pisa.
Kine ki sienjam, hapoh ka jingpeit jong u Myntri Kam Pohiing Amit Shah, kin long u mawmer ba kongsan ban kot sha ka thong ‘Cyber Secure Bharat’ jong u Myntri Rangbah duh Narendra Modi. La sdang ia ka Indian Cybercrime Coordination Centre (I4C) ha ka 5 tarik Risaw, 2018, hapoh ka skhim jong ka sorkar pdeng hapoh ka Cyber and Information Security Division (CIS Division) jong ka Tnat Kam Pohiing. Ka thong ba kongsan jong ka kalong ban wanrah ia ka jaka Pdeng ha ka ri na ka bynta ka jingiatreilang ban weng baroh ki jingeh ba iadei bad ki kam beain lyngba ka bor internet ha kylleng ka ri. Ka 14C ka thmu ban kyntiew ia ka bor treikam jong ki kynhun ba pyntreikam ia ka ain bad kyntiew ia ka jingiatreilang jong kito kiba iadon bynta ha ka jingtehlakam ia ki kam beain ha ki kam cyber. Ha ka 10 tarik Kyllalyngkot, 2020, la plie ia ka 14C headquarter ha New Delhi bad la aiti sha ka ri. Ban wanrah ia ka jingryntih bad ban pyndonkam ia ki jingnang jingstad ba la ioh ha ka por jong ka skhim, naduh ka 1 tarik u Naitung 2024, la ithuh ia ka 14C kum ka ophis ba iasoh bad ka Tnad Kam Pohiing.
U Myntri Khynnah ka sorkar pdeng ba dei khmih ia ka Tnat Kam Pohiing, Bandi Sanjay Kumar, u Union Home Secretary, Director IB, Special Secretary (Internal Security), ki Chief Secretary bad ki DGP/ki heh pulit jong ki Jylla / UT jong ka ri, ki ophisar na ki kynhun sorkar bapher bapher. Ki ophisar jong ki Bank/ ki Financial Intermediary, Fintech, media, ki Cyber Commando, ki dkhot ka NCC bad NSS kin iadonlang ha kane ka jingialang.
Ia kane ka jingialang yn pyni live ha ka Youtube Channel, Cyberdost jong ka I4C naduh ka por 11.30 mynstep ha ka 10 tarik Nailur 2024.
*****
(Release ID: 2053242)
Visitor Counter : 12
Read this release in:
Telugu
,
English
,
Urdu
,
Marathi
,
Hindi
,
Nepali
,
Manipuri
,
Assamese
,
Gujarati
,
Tamil
,
Kannada
,
Malayalam