হৌজিক পাংথোক্লিবা চহি অসিগী রাস্ত্রিয়া পোসন মাহ অসিদা ঈ ৱাৎপা (এনেমিয়া) অসি মরুওইবা ৱাফম অমা ওইরি। হৌজিক ফাওবদা জন অন্দোলনশিংদা ঈ ৱাৎপা অসি মরুওইবা হিরম অমা ওইরি। ঈ ৱাৎপা অসি মরুওইনা পীক্লিবা অঙাং, ইনখৎলক্লিবী নুপীমচাশিং, মীরোনবীশিং, অঙাং উনখ্রবী নুপীশিং অমসুং অঙাং পোকপা য়াবগী চহি মনুংদা লৈরিবা নুপীশিংনা তোয়না থেংনবা খুদোংচাদবা অমনি। তুংগী মীরোলশিংদা ঈ ৱাৎপনা থোকহনবা ফত্তবশিং ঙাকথোক্নবা মচি ওইবা চীঞ্জাকশিং মরাংকাইনা চাদবগী অশোইবশিং অসি চুমথোক্নবগীদমক ইনখৎলকপা মতম অসি চপ চারবা মতমনি।

ঈ ৱাৎপগা মরী লৈনবা ৱাফমশিং মরুওইনা লৌনবা, ৱুমেন অমসুং চাইল্দ দিবলপমেন্ত মিনিস্ত্রিগী মরী লৈনবা মিনিস্ত্রিশিং/দিপার্তমেন্তশিংগা লোয়ননা মীয়াম ৱাখল তাহন্নবা হৌখিবা জন অন্দোলনশিংদা ঈ ৱাৎপগা মরী লৈনবা থবক কয়া পায়খৎলে। সেপ্তেম্বর ২০২৩ দা পাংথোকখিবা হৌখিবা পোসন মাহদা মীয়াম খঙহন্নবা থৌরম করোর ৩৫ পাংথোকপগী মনুংদা থৌরম করোর ৪ ঈ ৱাৎপগী মতাংদা মীৎয়েং থমখি।

স্কিম ফোর এদোলেসসেন্ত গার্লস(এস এ জি)গী মখাদা এস্পিরেসনেল দিস্ত্রিকশিং অমসুং অৱাং-নোংপোক লমদম শীনবা থুংনা মীরোনবী লাখ ৬৯, খোমজিংবী মমা লাখ ৪৩, ইনখৎলক্লিবী নুপীমচা (চহি ১৪-১৮) লাখ ২২ হকথেংননা পাউ ফাওনরে। বেনিফিসির করোর ১০ অমসুং মখোয়গী ইমুং-মনুংগী মীওইশিং হকথেংননা শরুক য়াখি অমসুং মখা তানা অহানবা ওইনা মচি ওইবা চীঞ্জাক্তা য়ুম্ফম ওইবা জন অন্দোলনশিংগী খুৎথাংদা চহি অমদা লৈবাক অসিগী কাচিন-কোয়াশিং অনিরক য়ৌবা ঙমখি। ইনখৎলক্লিবী নুপীমচাশিং উনবা অসিনা মচি ওইবা চীঞ্জাক চাবা ৱাৎপা মায়োক্নরিবা কোকহনবা ঙম্বা ভারত অমা শেমগৎনবা থবকশিংদা মতেং পাংখি অমসুং মখোয়গা উনবা অসিনা হেল্থ অমসুং ফেমিলি ৱেলফিয়ার মিনিস্ত্রিগী এনেমিয়া মুক্ত ভারত প্রোগ্রামগী থবকশিংদা মতেং পাংলে।

মখা তানা, ৱুমেন অমসুং চাইল্দ দিবলপমেন্ত মিনিস্ত্রিনা অয়ুস মিনিস্ত্রিগা লোয়ননা ঈ ৱাৎপা লাকশিন্নবা অমসুং দ্রাক্ষাভলেহ অমসুং পুর্নানবমন্দুর য়াওবা অয়ুর্বেদগী থবকশিংগী খুৎথাংদা উতকার্স জিলা মঙাদা ইনখৎলক্লিবী নুপীমচাশিং(চহি ১৪-১৮)গী মচি ওইবা চীঞ্জাক চাবগী থাক ৱাংখৎনবা থবক পায়খৎলি।

****