Ka jingduna snam ka dei kawei na ki phang ba heh ha ka jingrakhe ia ka Poshan Maah mynta u snem. Ka jingduna snam ka ju dei kawei na ki phang ba kongsan hapoh ki Jan Andolan haduh mynta. Ka jingduna snam ka dei ka jingeh ha ka koit ka khiah kaba kham ktah ia ki khynnah, ki khynnah kynthei ba dang khie samla, ki longkmie ba dang pun khun, kito kiba dang shu dep kha khun bad ki samla kynthei. Kane ka por jong ka jingkhie samla ka dei ka por kaba biang bha ban pynbeit ia ki jingma ia ki samla ha kaba iadei bad ka jingioh ia ka bam kaba tei met khnang ban tehlakam ia kam jingshong tynrai ka jingduna snam ha ki pateng ban wan.

Khnang ban phai khmat shuh shuh sha ki bynta kiba iadei bad ka jingduna snam, ka Tnad ka la shim ia ki phang bad ki sienjam ha ka jingiatreilang bad ki Tnad kiba iadei bad kine ki kam ha ki Jan Andolan ba  la dep khnang ban ai jingtip ia ki paidbah. Ha ka Poshan Maah ba dang shu dep ha u Nailur, 2023, la don palat 35 klur ki prokram ai jingtip ha kaba 4 klur na kine ki dei kiba phai kyrpang sha ka jingduna snam.

Ha ryngkat ka jingiakren bad 69 lak ngut ki longkmie ba dang pun khun bad 43 lak ngut ki longkmie ba dang ai buin, kane ka skhim ka kynthup ruh 22 lak ngut ki khynnah samla kynthei (14-18 snem) hapoh ka Scheme for Adolescent Girls (SAG) ha ki  Aspirational Distrik bad ka thain shatei lammihngi. La don palat 10 klur ngut kiba ioh jingmyntoi bad ki longiing jong ki, bad ka jingpyniar sha baroh ki bynta jong ka ri arsien shi snem lyngba ki Jan Andolan kiba nyngkong kaba don nongrim ha ka jingioh ia ka bam kaba tei met. Ka jingai jingtip ia ki khynnah kynthei kiba dang khie samla ka plie ia ka lad ban pynkhlain ia ka kam bad tei ia ka India ka bym don ka jing duna ha ka jingioh ia ka bam kaba tei met, khamtam haba kine ki jingai jingtip ki iaid ryngkat bad ki sienjam jong ka Tnad ban ai jingkyrshan ia ka Anemia Mukt Bharat programme jong ka Tnad ka Koit ka Khiah.

Shuh shuh, ka tnad Kam ka Roi ka Par jong ki Longkmie bad ki Khynnah ha ka jingiatreilang bad ka tnad Ayush ka dang pyntreikam ia ka sienjam ban peit ia ka jingduna snam bad ban kyntiew ia ka jingioh ki khynnah kynthei ba dang khie samla (14-18 snem) ia ka bam kaba tei met ha san tylli ki Utkarsh Distrik lyngba ki kam Ayurveda ba kynthup ia ka drakshavleh bad punarnavamandoor.

****