প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ঙসি হৌজিক লৈরিবা মন্দলনা পুনে মেত্রো ফেজ-১ প্রোজেক্তকী পি.সি.এম.সি.-স্বরগেত মেত্রো লাইনগী স্বরগেত তু কত্রাজ অন্দরগ্রাউন্দ লাইন এক্সতেন্সন অয়াবা পীখ্রে‍। অনৌবা এক্সতেন্সন অসি লাইন-১ বি. এক্সতেন্সন হায়না খঙনৈ অমদি কি.মি. ৫.৪৬ শাংদোক্তুনা মার্কেত য়ার্দ, বিব্বেৱাদি, বালাজী নগর, অমসুং কত্রাজ সবর্বনচিংবা মরুওইবা মফমশিং শম্নহনগদবা লৈনুংগী স্তেসন অহুম য়াওগনি‍।

প্রোজেক্ত অসিনা পুনেদা অপন্বা লৈতবা কন্নেক্তিতিবী পীননবা পান্দম থম্লি, অমদি ফেব্রুৱারী ২০২৯ ফাওবদা লোইশিনগদৌরি‍।

প্রোজেক্ত অসিগী চাউরাকপা শেঞ্জং লুপা করোর ২৯৫৪.৫৩ ওইবগা লোয়ননা, মসিগী ফন্দিং ভারত লৈঙাক অমসুং মহারাস্ত্র লৈঙাক্না চপ মান্ননা তৌগনি, লোয়ননা বাইলেতরেল এজেন্সীনচিংবশিংদগীসু শেল খোমগৎকনি‍।

এক্সতেন্সন অসিনা মেত্রো স্তেসন, এম.এস.আর.তি.সি. বস স্তেন্দ, অমসুং পি.এম.পি.এম.এল. বস স্তেন্দ য়াওরিবা স্বরগেত মল্তিমোদেল হবকা পুনশিন্দুনা পুনে ময়োল্লম মনুং অমসুং মপান্গী চত্থোক চৎশিন তৌরিবা মীওইশিংদা অপন্বা লৈতবা কন্নেক্তিবিতী ফংহনগনি‍। এক্সতেন্সন অসিনা পুনেগী খা খম থেংবা শরুক, অৱাং থংবা শরুকশিং অমসুং নোংপোক অমদি নোংচুপ থংবা মফমশিংগী মরক্তা, দিস্ত্রিক্ত কোর্ত ইন্তরচেঞ্জ স্তেসনগী খুত্থাঙদা কন্নেক্তিবিতীগী ফীভম ফগৎহন্দুনা, পুনে ময়োল্লম মনুং অমসুং মপান্দা চত্থোক চৎশিন তৌবদা অপন্বা লৈতবা কন্নেক্তিবিতী ফংহনগনি‍।

স্বরগেত তু কত্রাজ অন্দরগ্রাউন্দ লাইন অসিনা লম্বীদা গারী চিনবগী চাং ফনা য়াম্না হন্থহনগনি অমসুং এক্সিদেন্তকী খুদোংথিবা, পোল্লুসন, অমসুং খোঙচৎকী মতম হন্থহন্দুনা হেন্না শাফবা, হেন্না নুংঙাইবা খোঙচৎকী মহাও অমা ফংহন্দুনা তুং কোইগদবা ময়োল্লম শেমগৎপদা মতেং ওইগনি‍।

অনৌবা কোরিদোর অসিনা রাজিব গান্ধী জুলোজিকেল পার্ক, তলজাইহিল্লোক (তেকরী), মোলনচিংবা মখল মখা কয়াগী বস স্তোপশিং, রেলৱে স্তেসনশিং, রিক্রিএস্নেল সেন্তরশিং, তোঙান তোঙানবা য়ুম তাবা মফমশিং, মহৈ মশিং তম্ফমশঙশিং, কলেজশিং, অমসুং অচৌবা লল্লোন ইতিক্কী মফমশিং শম্নহনগনি‍। মসিনা নুমিৎ খুদিং চত্থোক চৎশিন তৌবা মীওই লিশিং কয়াদা, মরুওইনা মহৈরোয় অমসুং নুমিৎ খুদিং ওফিস অমদি লল্লোন ইতিক্কী মফমশিংদা চত্থোক চৎশিন তৌরিবা মীওইশিংদা হেন্না খোঙজেল য়াঙবা অমদি মমল হন্থবা চত্থোক চৎশিনগী পাম্বৈ অমা ফংহন্দুনা কান্নহনগনি‍। প্রোজেক্ত অসিগী ওইরকপা য়াই হায়না পারিবা নোংমদা মী তোংবগী চাং অসি ২০২৭, ২০৩৭, ২০৪৭ অমসুং ২০৫৭দা মথঙশিৎনা পেসেঞ্জর ৯৫,০০০, লাখ ১.৫৮, লাখ ১.৮৭ অমসুং লাখ ১.৯৭নি‍।

প্রোজেক্ত অসি মহা মেত্রোনা, সিভিল, ইলেক্ত্রোমেকানিকেল, অতৈ মরী লৈনবা ফেসিলিতীশিং, থবকশিং অমসুং মরী লৈনবা এসেতশিংগা লোয়ননা পায়খৎকনি‍। মহা মেত্রোনা হান্ননা প্রি-বিদকী থবক থৌওংশিং অমসুং তেন্দরগী চে-চাংশিং শেম শাবা হৌখিবগা লোয়ননা কন্ত্রেক্তশিং বিদ্দিংগীদমক অথুবা মতমদা হৌরবা য়াই‍।

স্ত্রেতেজিক ওইবা এক্সপান্সন অসসিনা পুনেগী শেন্মিৎলোনগী মতিং ফুদোকহন্দুনা ময়োল্লম অসিগী ইনফ্রাস্ত্রকচরদা অচৌবা ইনোৎ হাপকনি অমদি তুং কোইগদবা চাওখৎ থৌরাংদা মতেঙ ওইগনি হায়না পারি‍।

***