য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শহনা হর ঘর তিরঙ্গা কেম্পেনগী মখাদা নই দিল্লীদা মহাক্কী য়ুম মথক্তা তিরঙ্গা চীংখৎখ্রে
প্রধান মন্ত্রী শ্রী নরেন্দ্র মোদীগী #HarGharTiranga কেম্পেনগী মখাদা লৈবাক পুম্বনা তিরঙ্গা মচু ওইরক্লি
ঙসি নই দিল্লীদা লৈবা ঐহাক্কী য়ুমদা তিরঙ্গা চীংখৎতুনা ঐহাক্না লৈবাক্কী নীংতম্বা ফংনবগীদমক পুম্নমক কত্থোকখিবা অথৌবশিংবু নীংশিংলি
তিরঙ্গানা ইরৈবাকচা করোর কয়াগী অমত্তা ওইবগী, অচেৎপা ফিরেপ, অমসুং চাউথোকচবগী খুদম অমা ওইনা মতম চুপ্পদা ৱাংনা পাইদুনা লৈহৌরগনি
ঐহাক্না মীপুম খুদিংমক্তা ঐখোয়গী দেমোক্রেসীগী শেংলবা কুহ্মৈ অসিদা মখা তানা শরুক য়ানবা, মখোয়গী য়ুমশিংদা তিরঙ্গা চীংখৎনবা, অমসুং harghartiranga.comদা সেল্ফীশিং অপলোদ তৌনবা অপিল তৌজরি
Posted On:
14 AUG 2024 11:27AM by PIB Imphal
কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শহনা ঙসি হর ঘর তিরঙ্গা কেম্পেনগী মখাদা নই দিল্লীদা মহাক্কী য়ুম মথক্তা তিরঙ্গা চীংখৎখ্রে।
মহাক্কী ‘X’ পোস্ততা কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীগী #HarGharTiranga কেম্পেনগী মখাদা লৈবাক পুম্বনা তিরঙ্গা মচু ওইরক্লি। ঙসি নই দিল্লীদা লৈবা ঐহাক্কী য়ুমদা তিরঙ্গা চীংখৎতুনা ঐহাক্না লৈবাক্কী নীংতম্বা ফংনবগীদমক পুম্নমক কত্থোকখিবা অথৌবশিংবু নীংশিংলি। তিরঙ্গানা ইরৈবাকচা করোর কয়াগী অমত্তা ওইবগী, অচেৎপা ফিরেপ, অমসুং চাউথোকচবগী খুদম অমা ওইনা মতম চুপ্পদা ৱাংনা পাইদুনা লৈহৌরগনি।
শ্রী অমিত শাহনা তিরঙ্গাগা লোয়ননা মহাক্কী সেল্ফী শিয়রসু তৌখি অমসুং মীপুম খুদিংমক্তা ঐখোয়গী দেমোক্রেসীগী শেংলবা কুহ্মৈ অসিদা মখা তানা শরুক য়ানবা, মখোয়গী য়ুমশিংদা তিরঙ্গা চীংখৎনবা, অমসুং harghartiranga.comদা সেল্ফীশিং অপলোদ তৌনবা অপিল তৌখ্রে।
*****
(Release ID: 2045230)
Visitor Counter : 33
Read this release in:
Telugu
,
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Punjabi
,
Gujarati
,
Tamil
,
Kannada