কেন্দ্রগী শেলথুম অমসুং কোর্পোরেত এফিয়র্স মন্ত্রী নির্মলা সিতারমন্না পার্লিয়ামেন্ততা ঙসি কেন্দ্রগী বজেত ২০২৪-২৫ লান্থোকপদা হায়খি, "মীয়াম্না ঐখোয়গী লৈঙাক্না লৈবাক অসিবু মপাঙ্গল লৈনা চাউখৎপা অমসুং মায়কৈ খুদিংদা খুমাং চাউশিন্নবগী মায়কৈদা পুনবা অখন্নবা খুদোংচাবা অমা পীবীরে।"

পি.এম. আৱাজ য়োজনা

পি.এম. আৱাজ য়োজনা গী মতাংদা ফোংদোক্লদুনা কেন্দ্রগী মন্ত্রীনা হায়খি মদুদি পি.এম. আৱাজ য়োজনাগী মখাদা লৈবাক অসিগী খুঙ্গং অমসুং শহরশিংদা অহেনবা য়ুম করোর অহুম লাউথোকখ্রে, মসিগীদমক তঙাইফদবা এলোকেসনশিং বজেত্তা হাপ্লে। মহাক্না মখা তারদুনা হায়খি মদুদি পি.এম. আৱাজ য়োজনা অর্বান ২.০ গী মখাদা, অর্বানগী লাইরবা অমসুং মিদল ক্লাস ইমুং করোর অমগী য়ুম তঙাইফদবশিংগীদমক লুপা করোর লাখ ১০ গী ইনভেস্তমেন্তকা লোইননা কোকহনবা মথৌ তাই। মসিদা মথংগী চহি মঙাদা লুপা করোর লাখ ২.২ গী কেন্দ্রগী তেংবাং য়াওরি। রেত ৱাংদনা লোন পীনবা ইন্তরেস্ত সবসিদীগী প্রোভিজন অমসু পীরি হায়না মহাক্না মখা তাখি।

রেন্তেল হাউসিং

রেন্তেল হাউসিংগী মতাংদা ঙাংলদুনা কেন্দ্রগী মন্ত্রী অসিনা হায়খি মদুদি "ভি.জিএফ. সপ্পোর্ত অমসুং এঙ্কর ইন্দস্ত্রীশিংদগী ফিরেপকা লোইননা পি.পি.পি. মোদতা ইন্দস্ত্রিএল ৱারকরশিংগীদমক দোর্মিতরী মখলগী লৈফমশিংগা লোইননা অশানবা য়ুমশিং ফংহনগনি।" মহাক্না মখা তারদুনা হায়খি মদুদি ইফিসিএন্ত ওইবা অমসুং ত্রান্সপরেন্ত ওইবা রেন্তেল হাউসিং মার্কেতকা লোইননা মরাং কায়না ফংহন্নবা পোলিসী অমসুং রিগুলেসনশিং পীরগনি।

শহরশিংবু চাউখৎপগী হব ওইহনবা

শ্রীমতি সিতারমন্না মখা তানা হায়খি মদুদি কেন্দ্র সরকারনা রাজ্যশিংগা লোইননা 'শহরশিংবু চাউখৎপগী হব' ওইনা শেমগৎনবা হোৎনগনি। "মসি একনোমিক অমসুং ত্রাঞ্জিত প্লান্নিং অমসুং পেরি-অর্বান ওইবা মফমশিংদা তাউন প্লান্নিং স্কিমশিং ওইনা শীজিন্নদুনা শেমগৎলবা মতুংদা ফংবা ঙমগনি" হায়না কেন্দ্রগী মন্ত্রী অসিনা মখা তাখি।

মহাক্কী বজেত ৱারোলদা কেন্দ্রগী শেলথুম মন্ত্রীনা মখা তারদুনা হায়খি মদুদি হৌজিক লৈরিবা শহরশিং অসিদা অহোংবা পুরকপা য়াবা শাফুশিংগা লোইননা ক্রিএতিব ওইবা ব্রাউনফীল্দ শেমগৎনবগীদমক লৈঙাক অসিনা পোলিসী, মার্কেত্তা য়ুম্ফম ওইবা মেকানিজম অমসুং রিগুলেসনশিং পুরক্নবা ফ্রেমৱার্ক অমা শেমগনি।

মহাক্কী বজেত ৱারোলদা কেন্দ্রগী শেলথুম অমসুং কোর্পোরেত মন্ত্রীনা মীশিং লাখ ৩০গী মথক্তা লৈবা অচৌবা শহর ১৪দা ত্রাঞ্জিত ওরিএন্তেদ দিবেলপমেন্ত চলাইনবা অমসুং শেন্থং পীনবগী থৌরাংগা লোইননা লাউথোকখি।

ৱাতর সপ্লাই অমসুং সেনিতেসন

ৱাতর সপ্লাই অমসুং সেনিতেসনগী মতাংদা ঙাংলদুনা কেন্দ্রগী শেলথুম মন্ত্রীনা হায়খি মদুদি কেন্দ্র সরকারনা রাজ্য সরকার অমসুং মলতিলেতরেল দিবেলপমেন্ত বেঙ্ককা খুৎশম্নরগা বেঙ্কেবল প্রোজেক্তশিংগী খুত্থাংদা অচৌবা শহর ১০০গী ৱাতর সপ্লাই, সিৱেজ ত্রিত্মেন্ত অমসুং সোলিদ ৱেস্ত মেনেজমেন্ত প্রোজেক্তশিং অমসুং সর্ভিসশিং প্রোমোত তৌগনি। মহাক্না মখা তারদুনা হায়খি মদুদি হায়রিবা প্রোজেক্তশিং অসিনা ত্রিত তৌরবা ঈশিংশিংবু ঈথৈ লৌখোংগীদমক অমসুং মনাক নকপদা লৈবা তেঙ্কীশিং থলহন্নবা শীজিন্ননবসু হোৎনগনি।

ৱীক্লি 'হাত'

শ্রীমতি নির্মলা সিতারমন্না লৈঙাক্না লাক্কদবা মথংগী চহি মঙাদা চহি খুদিংগী চয়োলগী 'হাত' নৎত্রগা স্ত্রীত ফুদ হবশিং খনগৎলবা শহরশিংদা স্ত্রীত ভেন্দরশিংগী পুন্সিবু অহোংবা পুরক্নবা পি.এম. স্বানিধি স্কিম মায় পাকপগা লোইননা ১০০ শেমগৎনবা হোৎনবদা শৌগৎনবা হোৎনরি।

স্তাম্প দ্যুতী

কেন্দ্রগী শেলথুম মন্ত্রীনা স্তাম্প দ্যুতী ৱাংনা চার্জ তৌরিবা রাজ্যশিংবু পুম্নমক্কীদমক রেতশিং মোদরেত তৌনবা পুক্নিং থৌগৎনবা অমসুং নুপীশিংনা প্রোপর্তী লৈবদা দ্যুতী হন্থনবগীদমক খন্ননবা হোৎনগনি। "রিফোর্ম অসি অর্বান দিবেলপমেন্ত স্কিমশিংগী তঙাইফদবা মচাক অমা ওইহনগনি" হায়না মহাক্না ফোংদোকখি।

***