"বজেত অসিনা এম.এস.এম.ই.শিং অমসুং মেন্যুফেকচরিং, অদুগা মরুওইনা লেবর য়াম্না চংবা মেন্যুফেকচরিংদা অখন্নবা মীৎয়েং থম্লি," হায়না কেন্দ্রগী শেলথুম অমসুং কোর্পোরেত এফিয়র্স মন্ত্রী শ্রীমতি নির্মলা সিতারমন্না পার্লিয়ামেন্ততা ঙসি কেন্দ্রগী বজেত ২০২৪-২৫ লান্থোকপদা ফোঙদোকখ্রে। কেন্দ্রগী শেলথুম মন্ত্রী অসিনা হায়খি মদুদি লৈঙাক অসিনা এম.এস.এম.ই.শিংদা ইন্তরিম বজেত্তা পল্লিবগুম্না মশানা চাউখৎচবা য়ানবা অমসুং মপুং ফানা মালেমগী থাক্তা লৈজনবগীদমক শেন্থং পীথবা, রিগুলেতরী চেঞ্জ অমসুং তেক্নোলোজীগী সপ্পোর্ত পীনবা পেকেজ অমা শেম্লে।

মাইক্রো, স্মোল, অমসুং মীদিয়ম এন্তর্প্রাইজ (এম.এস.এম.ই.শিং)না বজেত অসিগী মরুওইবা থিম মরিই অমসুং কেন্দ্রগী শেলথুম মন্ত্রীনা এম.এস.এম.ই.শিংবু শৌগৎনবা মখাগী অখন্নবা খোঙথাংশিং অসি লান্থোকখিঃ

মেন্যুফেকচরিং সেক্তরদা এম.এস.এম.ই.শিংগীদমক ক্রেদিত গরেন্তী স্কিম

কেন্দ্রগী শেলথুম মন্ত্রীনা এম.এস.এম.ই.শিংদা মেচিনরী অমসুং খুৎলাইশিং কোলেতরেল নৎত্রগা থার্দ পার্তী গরেন্তী য়াওহন্দনা তার্ম লোন ফংহনবা পুখৎখি। শ্রীমতি সিতারমন্না হায়খি মদুদি স্কিম অসি হায়রিবা এম.এস.এম.ই.শিং অসিগী ক্রেদিত রিস্ক পুল তৌনবা চলাইগনি। অহেনবা মরোল পীরদুনা, কেন্দ্রগী শেলথুম মন্ত্রীনা হায়খি মদুদি এপ্লিকেন্ত খুদিংমক্তা লুপা করোর ১০০ ফাওবগী সেল্ফ ফাইনান্সিং গরেন্তী ফন্দ অমা তোঙান্না শেমখ্রে, অদুগা লোনগী শেনফম অসিসু হেন্না চাউবা য়াই। পুরিবদুনা অপফ্রন্ত গরেন্তী ফী অমা পীবা তারি অমসুং লোন বেলেন্স হন্থবা মতমদা চহিগী গরেন্তী ফী পীগনি।

পি.এস.বি.শিংনা এম.এস.এম.ই.  ক্রেদিতকীদমক অনৌবা এসেস্মেন্ত মোদেল শেমগৎকনি

এম.এস.এম.ই.শিংদা অনৌবা ইন্দিপেন্দেন্ত অমসুং ইন হাউজ মেকানিজম অমগী খুথাংদা ক্রেদিত হেন্না ফংহন্নবগীদমক শ্রীমতি সিতারমন্না পব্লিক সেক্তর বেঙ্কশিং (পি.এস.বি.)না এম.এস.এম.ই.শিংদা এক্সতর্নেল এসেস্মেন্ততা থাজবা থম্বগী মহুত্তা ক্রেদিত লৌবা য়ানবা ইন হাউজ কেপেবিলিতী অমা শেমগৎলগনি। মখোয়না অনৌবা ক্রেদিত এসেস্মেন্ত মোদেল অমা এম.এস.এম.ই.শিংগী শেন্মিৎলোন্দা লৈবা দিজিতেল ফুতপ্রিন্তকী স্কোরগী মতুং ইন্না শেমগৎনবা লুচিংগনি হায়না লানখৎখি। "মসি মহৌশাগী এসেত নৎত্রগা তর্ন ওভর ক্রাইতেরিয়াদা য়েংদুনা ক্রেদিত ইলিজিবিলিতী লেপ্লম্বদুদগী হেন্না ফগৎলগনি হায়না থাজৈ। মসিনা এম.এস.এম.ই.শিংবু ফোরমেল একাউন্তিং সিস্তেম অমা য়াওদনা কোনশিনগনি," হায়না কেন্দ্রগী শেলথুম মন্ত্রীনা হায়খি।

এম.এস.এম.ই.শিংনা অৱাবা তারকপা মতমদা লৈঙাক্কী প্রোমোতেদ ফন্দ অমনা ক্রেদিত সপ্পোর্ত পীবা

কেন্দ্রগী শেলথুম মন্ত্রীনা এম.এস.এম.ই.শিংদা মখোয়গী অৱাবা তারকপা মতমদা বেঙ্ক ক্রেদিত মখা তানা ফংহন্নবা অনৌবা মেকানিজম অমা লানখৎখি। মখোয়না খঙবগী ৱাংমদা 'স্পেসল মেন্সন একাউন্ত' (এস.এম.এ.) তাংকক্তা লৈবা মতমদা, এম.এস.এম.ই.শিংনা মখোয়গী কর্বার অদু মখা চত্থনবা অমসুং নোন-পারফোরমিং এসেত (এন.পি.এ.) তাংকক্তা চঙদনবা ক্রেদিত মথৌ তাই। শ্রীমতি সিতারমন্না পুখৎখি মদুদি ক্রেদিত অসি লৈঙাক্কী প্রোমোতেদ ফন্দ অমদগী গরেন্তী অমনা শৌগৎকনি।

ক্রেদিত ৱর্দি ওন্ত্রপ্রিন্যুরশিংদা লুপা লাখ ২০ ফাওবগী মুদ্রা লোন হেনগৎপা

'তরুন' কাংলুপকী মখাদা লোন লৌখ্রবা অমসুং মমাংগী লোন মায় পাক্না শিংগৎখ্রবা ওন্ত্রপ্রিন্যুরশিংদা হান্না লুপা লাখ ১০ ওইরবা মুদ্রা লোন অদু লুপা লাখ ২০ ফাওবদা হেনগৎনবা শেলথুম মন্ত্রীনা হৌদোকখি।

কেন্দ্রগী বজেতনা মেন্দেতরী ওনবোর্দিং ত্রেদশিংদা লৈরিবশিংগী ওইনা তর্নওভর থ্রেসোল্দ তংখাই

এম.এস.এম.ই.শিংদা মখোয়গী ত্রেদ রিসিবেবলশিংবু কেস ওইনা ওন্থোক্তুনা মখোয়গী ৱার্কিং কেপিতেল হাংদোক্নবগীদমক শ্রীমতি সিতারমন্না মেন্দেতরী ওনবোর্দিং ত্রেদশিংদা লৈরিবশিংগী ওইনা তর্নওভর থ্রেসোল্দ অসি হান্না করোর ৫০০ লৈরম্বদগী করোর ২৫০ দা হন্থনবা হৌদোকখি।

এম.এস.এম.ই. ক্লস্তরশিংদা অনৌবা সিদবি ব্রাঞ্চ ২৪ ক্রেদিত লৌবা হেন্না লায়হন্নবা অমসুং হকথেংননা ফংজনবা শ্রীমতি সিতারমন্না থাংগৎখ্রে

কেন্দ্রগী শেলথুম মন্ত্রীনা চহি অহুমগী মনুংদা লৈবা মরুইওবা এম.এস.এম.ই. ক্লসতরশিংনা শীজিন্নবা হেনগৎনবা অনৌবা সিদবিগী ব্রাঞ্চ হাংদোকপা অমসুং মখোয়দা হকথেংননা ক্রেদিত পীবা। চহি অসিদা অসিগুম্বা ব্রাঞ্চশিং অসি হাংদোকপগা লোইননা, সর্ভিস কভরেজসু মেজর ক্লস্তর ২৪২গী মনুংদা ১৬৮ দা পাকথোক চাউথোক্কনি হায়না শ্রীমতি সিতারমন্না ফোংদোকখ্রে।

ফুদ ইরাদিএস, ক্বালিতী অমসুং সেফতী তেস্তিংগীদমক অনৌবা এম.এস.এম.ই. য়ুনিতশিং

শ্রীমতি সিতারমন্না এম.এস.এম.ই. সেক্তরদা মলতি প্রদক্ত ফুদ ইরাদিএসন য়ুনিত ৫০ লিংখৎনবা শেলগী মতেং পীনবা হৌদোকখি। ফুদ ক্বালিতী অমসুং সেফতী তেস্তিং লেব ১০০ এন.এ.বি.এল. এক্রিদিতেসনগা লোইননা হাংদোপা।

ই-কম্মর্স এক্সপোর্ত হব এম.এস.এম.ই. অমসুং ত্রেদিসনেল আর্তিসানশিং ইন্তর্নেসনেল মার্কেত ফংহনবা হেলহনবা

এম.এস.এম.ই.শিংদা অমসুং ত্রেদিসনেল আর্তিসানশিংদা মখোয়গী পোত্থোকশিং ইন্তর্নেসনেল মার্কেত্তা য়োনবা য়াহন্নবা কেন্দ্রগী শেলথুম মন্ত্রীনা ই-কম্মর্স এক্সপোর্ত হবশিং পব্লিক প্রাইবেত পার্তনরশিপ (পি.পি.পি.) মোদতা হাংদোক্নবা লানখৎখি। হায়রিবা হবশিং অসিনা নীংথিনা শেম শারবা রিগুলেতরী অমসুং লোজিস্তিক ফ্রেমৱার্ক্কা লোইননা শাতিন অমগী মখাদা ত্রেদ অমসুং এক্সপোর্তকা মরী লৈনবা সর্ভিসশিং ফংহনগনি হায়না কেন্দ্রগী শেলথুম মন্ত্রীনা হায়খি।

***************