ভারতকী খুঙ্গংদা অপুনবা অমসুং তুংকোইনা চাউখৎপা পুরকপা হায়বসি সরকারগী লাল্লোংগী মরুওইবনি। থৌরাং তৌবদা শরুক য়াহন্দুনা, শেন্থং হেন্না ফংহন্দুনা, নুপীশিংদা শক্তি পীদুনা, য়ুম শাদুনা অমসুং লাইরিক তমহন্দুনা শেন-থুমগী ফিবম ফগৎহন্নবা মীৎয়েং চঙলি। ৱাফম অশি ঙসি সংসদতা ফাইনান্স অমসুং কোর্পোরেত এফেয়ার্সগী য়ুনিয়ন মিনিস্তরনা ইকোনোমিক সর্ভে ২০২৪ পুথোকপদা ফোঙদোকখিবনি।

ভারতকী খুঙ্গংদা পুন্সিগী হিংবগী থাক ৱাংখৎহনবা

ইকোনোমিক সর্ভেনা হায়খি মদুদি খুঙ্গংগী লমদমশিংদা তঙাইফদনা চঙদ্রবা য়াদ্রবা মচাকশিং, লাইরিক-লাইশু, হকশেল অমসুং শেন-থুমগী লমদা চাউখৎলে। জুলাই ১০,২০২৪ ফাওবদা শ্বাছ ভারত মিসন-গ্রামিনগী মখাদা তোইলেত করোর ১১.৫৭ শাখ্রে অমসুং জল জিবন মিসনগী মখাদা য়ুমথোং করোর ১১.৭ দা তোতি ঈশিং ফংহনখ্রে। হৌখিবা চহি ৯ দগী জুলাই ১০,২০২৪ ফাওবদা পি.এম-অৱাস-গ্রামিনগী মখাদা লায়রবশিংগী য়ুম  করোর ২.৬৩ শাখ্রে হায়না সর্ভে রিপোর্ত অসিনা ফোঙদোক্লি। মসিগী মথক্তা, খুঙ্গংগী লমদা শেন-থুমগী থবকশিং কোনশিন্নবা জুন ২৬,২০২৪ ফাওবদা প্রধান মন্ত্রী জন ধন য়োজনাগী মখাদা রুপে দেবিদ কার্দ করোর ৩৫.৭ পীখ্রে। হকশেলগী লমদা, সব সেন্তর লাখ ১.৫৮ অমসুং প্রাইমারি হেল্থ সেন্তর ২৪,৯৩৫ না খুঙ্গংগী লমশিংদা হিংবগী থাক ৱাংখৎহল্লে।

এম.জি.এন.আর.ই.জি.এস মপাঙ্গল কনখৎহনবা অমসুং মতমগা চুনবা মওংদা শেমগৎপা

এম.জি.এন.আর.ই.জি.এসতা নারোন্দা শেন লৌথোকপা থিংনবা থবক মমাঙ, মনুং অমসুং লোইরবা মতুংদা জিওতেগ্গিংগী থবক পাংথোক্লে অমসুং খুৎশুমল পীথোকপগী চাদা ৯৯.৯ নেসনেল ইলেক্ত্রোনিক মেনেজমেন্ত সিস্তেমগী মখাদা পাংথোক্লে হায়না সর্ভে অসিনা ফোঙদোক্লি।

সর্ভে অসিনা হায়খি মদুদি থবক পীবদা এম.জি.এন.আর.ই.জি.এস শিংথাবা য়ানা ফগৎলে অমসুং নুপীশিং শরুক য়াদুনা ২০১৯-২০দা পর্সন-দেস করোর ২৬৫.৪ ওইরম্বদগী ২০২৩-২৪ দা করোর ৩০৯.২ দা হেনগৎলে অমসুং নুপীশিং শরুক য়াবগী চাং ২০১৯-২০ দা চাদা ৫৪.৮ ওইরম্বদগী ২০২৩-২৪ দা চাদা ৫৮.৯ দা হেনগৎলে।

তুংকোইনা চৎনবা য়াবা হিংনবগী লম্বী পীনবা এম.জি.এন.আর.ই.জি.এসনা থবক পায়খৎলে অমসুং লনাই বেনিফিসরিশিংনা লনাই লমদা থবক শুবা অসি শেনবা চহি১৪ দা চাদা ৯.৬ ওইরম্বদগী শেনবা চহি ২৪ দা চাদা ৭৩.৩ দা হেনগৎলে।

মখোঙদগী হৌনা খুঙ্গংগী ওন্ত্রেপ্রেনিউয়রশিপ য়োকখৎপা

শেন্দোয় য়ামদবা শেন্থং ফংহন্দুনা অমসুং মতিক চাবা কৈথেলশিং ফংহনবগা লোয়ননা অফবা স্কিমশিং পায়খৎতুনা খুঙ্গংদা ওন্ত্রেপ্রেনিউয়রশিপকী অৱাৎপা মেনখৎনবা সরকারনা লেপ্তনা হোৎনরি। স্কিমশিং হায়বদি দিনদয়াল অন্তয়োদয়া-নেসনেল রুরেল লাইফলিহুদ মিসন, লাখপদি দিদি অমসুং দিন দয়াল উপাধ্যায় গ্রামিন কৌসাল য়োজনানা হিংনবগী লম্বী পীবা হেনগৎহল্লে অমসুং খুঙ্গংগী লমদা লাইনা শেন্থং ফংহল্লে।

খুঙ্গংগী লৈঙাক্লোন্দা দিজিতাইজেসনগী থবকশিং

ই-গ্রাম শ্বারাজ, শ্বামিতভা স্কিম, ভু-আধারগুম্বা দিজিতেলগী থবকশিংনা খুঙ্গংদা লৈঙাক্লোনগী থবকশিং ফগৎহল্লে। শ্বামিতভা স্কিমগী মখাদা, খুঙ্গং লাখ ২.৯০ দা দ্রোন সর্ভে পাংথোকখ্রে অমসুং লন-থুমগী কার্দ করোর ১.৬৬ শেম-শাখ্রে। ইকোনোমিক সর্ভেনা হায়খি মদুদি ২০১৫ অমসুং ২০২১গী মরক্তা খুঙ্গংদা ইন্তরনেত শম্বা চাদা ২০০ হেনগৎলে অমসুং মসিনা খুঙ্গংশিং অমসুং দিস্ত্রিক হেদক্বাতরশিংগী মরক্তা লৈবা লাপ্নবা হন্থহন্দুনা লমদম কয়া চাউখৎহল্লে।

***