হৌখিবা চহি মঙাদা পব্লিক ইনভেস্তমেন্তশিং হেনগৎলকপগা লোয়ননা ভারতনা ফিজিকেল অমসুং দিজিতেল কন্নেক্তিবিতীদা চাউনা হেনগৎলকপা উবা ফংখি অমসুং সেনিতেসন অমসুং ৱাতর সপ্লায় য়াওনা সোসিএল ইনফ্রাস্ত্রকচরনা মীয়ামগী পুন্সি মহিং ফগৎহনবদা মতেং পাংখি হায়না কেন্দ্রগী শেল-থুম অমসুং কোর্পোরেৎ এফিয়র্স মন্ত্রী, শ্রীমতি নির্মালা সিতারামন্না ঙসি পার্লিয়ামেন্তদা পুথোকখিবা ইকনোমনিক সর্ভে 2023-24না ফোঙদোকখি। সর্ভে অসিনা হায়খি মদুদি শেন্মিৎলোন্দা লাইচৎনা শোন্থহনখিবা অদু কোকহন্নবা কেন্দ্র সরকারনা পায়খৎপা থৌশিলশিংগী মরক্তা খ্বাইদগী মরু ওইবা অসি কেপিতেল এক্সপেন্দিচরদা হেনগৎহনবা অসিনা ওইখি, মসিনা মরু ওইনা ক্বালিতী ৱাংবা ফিজিকেল অমসুং সোসিএল ইনফ্রাস্ত্রকচর ফেসিলিতীশিং শেম্বদা পান্দম থমখি। হৌখিবা চহি মঙা অসিদা খোঙজেল তপথদবা তৌদনা সরকারগী কেপিতেল এক্সপেন্দিচর অসি FY20গী লেবেলশিংগা য়েংনবা FY24দা শরুক অহুমগী ময়াদা হেনগৎলকখি হায়না সর্ভেনা উৎখি। মসিনা মখা তারদুনা হায়খি মদুদি স্তেপ-অপ অসিগী মরু ওইবা বেনিফিসরীশিং অসি রোদ অমসুং রেলৱেজগুম্বা মরু ওইবা ফাউন্দেস্নেল এসেৎশিংনা ওইখি।

রোদ ইনফ্রাস্ত্রকচর:

ইকনোমিক সর্ভেনা উবা ফংলি মদুদি স্ত্রেতেজিক ওইবা থৌরাং অমসুং পব্লিক ইনভেস্তমেন্ত হেনগৎহনবনা রোদ নেৎৱার্ক সিস্তেম অসি মপাঙ্গল কনবা অমসুং ইফিসিএন্ত ইনফ্রাস্ত্রকচর অমা ওইহন্নবগীদমক অপগ্রেদ তৌবগী মহৈ ফংখি। সরকার অমসুং প্রাইবেৎ সেক্তরগী কেপিতেল ইনভেস্তমেন্ত অসি FY15দা চাদা 0.4 ওইরম্বদগী FY24দা GDPগী চাদা 1.0 (চাউরাক্না লুপা করোর লাখ 3.01) ওইখি। প্রাইবেৎ সেক্তরনা কন্দ্যুসিব পোলিসীগী এনভাইর্নমেন্ত অমদা কেপিতেলাইজ তৌবনা সেক্তর অসিনা FY24দা প্রাইবেৎ ইনভেস্তমেন্তগী খ্বাইদগী ৱাংবা চাং লাকহনখি হায়না সর্ভে অসিনা হায়রি।

নেস্নেল হায়ৱেজ শেমগৎপদা চাউনা খুমাং চাউশিল্লকপগী মতাংদা পল্লদুনা সর্ভে অসিনা হায়রি মদুদি হৌখিবা চহি 10 অসিদা নেস্নেল হায়ৱেজ শেমগৎপগী চাং অসি 2014দগী 2024 ফাওবদা শরুক 1.6 হেনগৎলে। মসিনা হায়রি মদুদি ভারতমালা পরিয়োজনা অসিনা নেস্নেল হায়ৱে নেৎৱার্ক অসি য়াম্না চাউনা পাকথোক চাউথোকহনখ্রে। 2014 অমসুং 2024গী মরক্তা হাই-স্পিদ কোরিদোরগী অশাংবা অসি শরুক 12 হেনগৎহনখ্রে অমসুং 4-লেনগী লম্বীগী অশাংবা অসি শরুক 2.6 হেনগৎহনখ্রে। মখা তানা, কোরিদোরদা য়ুম্ফম ওইবা নেস্নেল হায়ৱে দিবেলপমেন্ত এপ্রোচনা মরম ওইদুনা হায়ৱে কন্সত্রক্সনগী ইফিসিএন্সী ফগৎলক্লি হায়না সর্ভে অদুদা পনখি। NH কন্সত্রক্সনগী চাংচৎকী খোঙজেল অসি FY14দা নোংমদা কিলোমীতর 11.7দগী FY24দা নোংমদা কিলোমীতর 34দা শরুক অহুম হেনগৎলে। NH নেৎৱর্ক অসি য়াম্না ফগৎলকপনা লোজিস্তিক ইফিসিএন্সীদা চাউনা খুমাং চাউশিনহনখ্রে। মসি ৱর্ল্দ বেঙ্ককী লোজিস্তিক পর্ফোমেন্স ইন্দেক্সতা ভারতকী রেঙ্কিং অসি 2014দা 54 অমসুং 2018দা 44 ওইরম্বদগী 2023দা 38দা লেপ্পা লৈতনা হেনগৎলকপা অসিনা উৎলি।

লোজিতিক ইফিসিএন্সী হেন্না হেনগৎহন্নবা, ইকনোমিক সর্ভেদা হায়রি মদুদি রোদ ত্রান্সপোর্ত অমসুং হায়ৱেজ মন্ত্রালয় (MoRT&H) না মল্তি-মোদেল লোজিতিক পার্কশিং (MMLP) মসিদা FY24 ফাওবদা অপুনবা মল্তিমোদেল লোজিস্তিক্স পার্ক (MMLP) তরুক এৱার্দ তৌখ্রে অমসুং এৱার্দ তৌরবা মল্তিমোদেল লোজিস্তিক্স পার্ক (MMLP) মসিগী মথক্তা, FY25দা MMLP তরেৎ পীনবা থৌরাং তৌরি।

রেলৱেজ ইনফ্রাস্ত্রকচর

ইকনোমিক সর্ভে 2023-24গী মতুং ইন্না, ইন্দিয়ন রেলৱেজ অসি রুট কি.মি. 68,584 (মার্চ 31, 2024 ফাওবদা) অমসুং এমপ্লোয়ি লাখ 12.54 (এপ্রিল 1, 2024 ফাওবদা) লৈদুনা সিঙ্গল মেনেজমেন্তকী মখাদা মালেমদা মরিশুবা খ্বাইদগী চাউবা নেৎৱর্ক ওইরি। সর্ভে অসিনা হায়রি মদুদি রেলৱেজদা কেপিতেল এক্সপেন্দিমেন্ত অসি হৌখিবা চহি 5দা চাদা 77 হেনগৎখ্রে (FY24দা লুপা লাখ 2.62) । অনৌবা লাইনশিং শেমগৎনবা, গেজ হোংদোক্নবা অমসুং শরুক অনি হেনগৎহন্নবা শেনফম য়াম্না থাদরে।

সর্ভে অসিনা পনখি মদুদি রেলৱেজনা FY24দা লোকোমোতিব অমসুং ৱেগন অনিমক্কী ওইনা খ্বাইদগী ৱাংবা প্রদক্সন ফংবা ঙমখি। সর্ভে অসিনা 2024গী মার্চ ফাওবদা ভন্দে ভারতকী পিয়র 51 পুথোকখ্রে হায়না ফোঙদোক্লি। ইনফ্রাস্ত্রকচর হেনগৎলকপগী খোঙজেল য়াঙখৎলকপা অসি প্রোজেক্ত মোনিতরিংগা লোয়ননা শেলগী শেনফম মরাং কাইনা হেনগৎলকপা অমসুং লম লৌশিনবা অমসুং অয়াবা পীনবগীদমক স্তেকহোল্দরশিংগা রিগ্যুলর ফোল্লো-অপকী মহৈনি হায়না সর্ভে অদুদা পনখি।

সর্ভে অসিনা রেলৱে স্তেসনশিং অমসুং ত্রেনশিংদা অমসুং মখোয়গী অকোইবদা তরু-তনানবা এনভাইর্নমেন্ত ফংহন্নবা রেলৱেজনা পায়খৎলিবা খোঙথাংশিং, হায়বদি কনভেন্সনেল তোইলেৎশিংবু কোচশিংদা বাইও-তোইলেৎশিংনা মহুৎ শিন্দোক্তুনা ক্লিন ত্রেকশিং শেম্বা, বাইও-দিগ্রেদেবল/ নন-বাইও-দিগ্রেদেবল ৱেস্তশিং খায়দোকপা, সোলীদ ৱেস্ত মেনেজমেন্ত অমসুং সিঙ্গল য়ুজ প্লাস্তিক শীজিন্নবা থিংবা অসিনচিংবগী মতাংদা পনখি।

ইকনোমিক সর্ভে 2023-24গী মতুং ইন্না রেলৱেজকী মরুওইবা মীৎয়েং থম্লিবা হিরমশিং অদুদি য়াঙনা কেপাসিতী হেনগৎহনবা, রোল্লিং স্তোক অমসুং মেন্তেনেন্স মোদর্নাইজেসন তৌবা, সর্ভিসশিংগী ক্বালিতী ফগৎহনবা অমসুং ইনর্জী ইফিসিএন্সী ওইহনবা অসিনি। মসিগী মতুং ইন্না, সর্ভে অসিনা হায়রি মদুদি ইনভেস্তমেন্ত অসি দিদিকেতেদ ফ্রাইৎ কোরিদোরশিং, হাই স্পীদ রেল, ভন্দে ভারত, অমৃত ভারত এক্সপ্রেস, অস্থা স্পেসিএল ত্রেনশিং, হাই কেপাসিতি রোল্লিং স্তোক অমসুং লাস্‌ত মাইল রেল লিঙ্কেজগুম্বা মোদর্ন পেসেঞ্জর সর্ভিসশিংদা প্রাইওরিতী পীরি। মরুওইবা কোরিদোর অহুমগী প্রোজেক্তশিং:  লোজিতিক্সকী শেনফম অমসুং কার্বোন ফুতপ্রিন্ত হন্থহন্নবগীদমক (1) হাই-ত্রাফিক দেন্সিতী কোরিদোরশিং, (2) ইনর্জী, মিনরেল অমসুং সিমেন্ত কোরিদোরশিং অমসুং (3) রেল সাগর (পোর্ত কন্নেক্তিবিতী) কোরিদোরশিংসু থৌরাং তৌরি হায়না সর্ভে অসিনা হায়খি। সর্ভে অদুগী মতুং ইন্না, রেলৱেজনা মরুওইনা রিন্যুএবল ইনর্জী সোর্সশিংগী খুত্থাংদা মসিগী ইনর্জীগী মথৌ তাবশিংগী সোর্সিং তৌদুনা কার্বোন ফুতপ্রিন্ট হন্থহন্নবা থৌরাং তৌরি। অমসুং 2029-30 ফাওবদা রিন্যুএবল কেপাসিতী ইনস্তোলেসন তৌবগী মথৌ তাবা অসি চাউরাক্না গিগা ৱাৎ 30নি। সর্ভে অসিনা পনখিবা অতোপ্পা থৌরাংশিংগী মনুংদা দিজলদগী ইলেক্ত্রিক ত্রেক্সনদা ওন্থোকপা, ইনর্জী ইফিসিএন্সী প্রোমোসন তৌবা অমসুং এফোরেস্তেসন য়াওরি।

*****