ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଭିଡିଏନକେଏଚ୍ ଠାରେ ରୋଜାଟମ୍ ପ୍ୟାଭିଲିୟନ ପରିଦର୍ଶନ କରିଛନ୍ତି ପ୍ରଧାନମନ୍ତ୍ରୀ
Posted On:
09 JUL 2024 4:18PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ମହାମହିମ ରାଷ୍ଟ୍ରପତି ଶ୍ରୀ ଭ୍ଲାଦିମିର ପୁଟିନଙ୍କ ସହ ଆଜି ମସ୍କୋରେ ଥିବା ଅଲ୍ ଋଷୀୟ ପ୍ରଦର୍ଶନୀ କେନ୍ଦ୍ର, ଭିଡିଏନକେଏଚ୍ ପରିଦର୍ଶନ କରିଛନ୍ତି ।
ଉଭୟ ନେତା ଭିଡିଏନକେଏଚ୍ରେ ଥିବା ରୋଜାଟମ୍ ପ୍ୟାଭିଲିୟନ ପରିଦର୍ଶନ କରିଥିଲେ। ନଭେମ୍ବର ୨୦୨୩ରେ ଉଦଘାଟିତ ହୋଇଥିବା ରୋଜାଟମ୍ ମଣ୍ଡପ ବୈଜ୍ଞାନିକ ଏବଂ ବୈଷୟିକ ବିକାଶର ଇତିହାସ ଉପରେ ଏକ ବୃହତ୍ତମ ପ୍ରଦର୍ଶନୀ । ବେସାମରିକ ପରମାଣୁ ଶକ୍ତି କ୍ଷେତ୍ରରେ ଭାରତ-ରୁଷ୍ ସହଯୋଗକୁ ସମର୍ପିତ ଏକ ଫଟୋ ପ୍ରଦର୍ଶନୀ କୁ ପ୍ରଧାନମନ୍ତ୍ରୀ ଦେଖିଥିଲେ । ପ୍ରଧାନମନ୍ତ୍ରୀଙ୍କୁ "ଆଟମିକ୍ ସିମ୍ଫନି" ମଧ୍ୟ ଦେଖାଯାଇଥିଲା - ଭିଭିଇଆର -୧୦୦୦ ରିଆକ୍ଟରର ଏକ ସ୍ଥାୟୀ କାର୍ଯ୍ୟ ମଡେଲ ଯାହା ଭାରତର କୁଡାନକୁଲମ ଆଣବିକ ଶକ୍ତି କେନ୍ଦ୍ର (କେକେଏନପିପି)ର ଉତ୍ସ ଅଟେ ।
ପ୍ୟାଭିଲିୟନରେ ପ୍ରଧାନମନ୍ତ୍ରୀ ଭାରତ ଓ ରୁଷର କିଛି ଛାତ୍ରଛାତ୍ରୀଙ୍କ ସହ ମଧ୍ୟ ଆଲୋଚନା କରିଥିଲେ । ଭବିଷ୍ୟତ ପିଢ଼ି ଏବଂ ପୃଥିବୀ ପାଇଁ ଉପଯୋଗ କରାଯାଇପାରୁଥିବା ବିଜ୍ଞାନ ଓ ବୈଷୟିକ ବିଜ୍ଞାନ କ୍ଷେତ୍ରରେ ଭବିଷ୍ୟତର ସମ୍ଭାବନା ଉପରେ ଦୃଷ୍ଟି ଦେବାକୁ ସେ ସେମାନଙ୍କୁ ଉତ୍ସାହିତ କରିଥିଲେ।
HS
(Release ID: 2031934)
Visitor Counter : 49
Read this release in:
English
,
Marathi
,
Gujarati
,
Malayalam
,
Urdu
,
Hindi
,
Hindi_MP
,
Manipuri
,
Assamese
,
Bengali
,
Punjabi
,
Tamil
,
Telugu
,
Kannada