প্রধানমন্ত্রীগী লোইশঙ
য়োগ পুনশিনবা ঙম্বা শক্তি অমা ওইরে, তোঙান-তোঙানবা নাতশিং অমসুং শীনফমশিংগী মীওইশিং অমতা ওইনা পুনশিনহল্লে: প্রধান মন্ত্রী
Posted On:
21 JUN 2024 9:15PM by PIB Imphal
১০শুবা মালেমগী য়োগ নুমিৎ থৌরমদা মালেম শীনবা থুংনা পাক-শন্না পুনখিবা অমসুং য়োগ শান্নখিবা লনাই মীওইশিং, ফুরুপশিং অমসুং লুপশিংগী থবকশিং প্রধান মন্ত্রী শ্রী নরেন্দ্র মোদীনা থাগৎপা ফোঙদোকখ্রে। য়োগ মমিং চৎনবা থবক তৌখিবা মীওই খুদিংমক্তা প্রধান মন্ত্রীনা তৌবীমল খঙবশু উৎখি।
প্রধান মন্ত্রীনা এক্সতা হায়খি;
“১০শুবা মালেমগী য়োগ নুমিৎ মালেম শীনবা থুংনা পাক-চাউনা পাকথোকখ্রে, অমতা ওইনা পুনখিবা অমসুং য়োগ শান্নখিবা লনাই মীওইশিং, ফুরুপশিং অমসুং লুপশিংগী থবকশিং থাগৎপা ফোঙদোকচরি। য়োগ পুনশিনবা ঙম্বা শক্তি অমা ওইরে, তোঙান-তোঙানবা নাতশিং অমসুং শীনফমশিংগী মীওইশিং অমতা ওইনা পুনশিনহল্লে হায়বসি নাখৈ শেংলে। হরাও তয়াম্বা অমসুং কৎথোকপগা লোয়ননা নহারোলশিং য়োগ সেসনশিং শরুক য়াবা উবদা হরাওই।
য়োগ মমিং চৎনবা থবক তৌখিবা মীওই খুদিংমক্তা ঐনা তৌবীমল খঙবা উৎচরি। থবকশিং অসিনা মতম শাংনা অমতা ওইবা অমসুং নুংশিনবা হেনগৎহনগনি। অতোপ্পা মীওইশিং য়োগ শান্নবা ইথিল পীবা পামজবা অমসুং হৈথোই-শিংথোইরবা য়োগ ইন্সত্রক্তরশিং মশিং হেনগৎলকপা উবদা ঐ হরাওই।
তুংদা য়োগনা মালেম অমতা ওইনা পুনশিনবা ঙম্বা ওইরসনু”।
*****
(Release ID: 2027832)
Visitor Counter : 11
Read this release in:
English
,
Urdu
,
Marathi
,
Hindi
,
Hindi_MP
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam