ইনফোর্মেসন অমসুং ব্রোদকাস্তিং (I&B) মন্ত্রালয়না অন্তরাস্ত্রিয় য়োগ দিবস মীদিয়া সম্মান – ২০২৪গী অহুমশুবা ইদিসন লাউথোকখ্রে‍। ভারত অমসুং মপান লৈবাকশিংদা য়োগগী পাউজেল শন্দোকপদা মীদিয়ানা লৌরিবা অফবা শক্লোন অমসুং থৌদাংবু শকখঙলদুনা, মন্ত্রালয়না জুন ২০১৯দা অহান্বা অন্তরাস্ত্রিয় য়োগ দিবস মীদিয়া সম্মান পীবা হৌখিবনি‍।

অন্তরাস্ত্রিয় য়োগ দিবস মীদিয়া সম্মান – ২০২৪গী মখাদা, ভারতকী লোন কুননিথোই অমসুং ইংলিস লোন্দা শন্দোকপা প্রিন্ত, তেলিভিজন, অমসুং রেদিওদা কাঙলুপ অহুমদা মনা কুন্থ্রাহুমদোই লান্থোক্কনি‍।

১.        “বেস্ত মীদিয়া কভরেজ ইন য়োগ ইন নিউজপেপর” কাঙলুপগী মখাদা ভারতকী লোল ২২ অমসুং ইংলিস লোন্দা মনা ১১ লান্থোক্কনি

২.       “বেস্ত মীদিয়া কভরেজ ইন য়োগ ইন ইলেক্ত্রোনিক বীদিয়া (তিভি)” কাঙলুপগী মখাদা ভারতকী লোল ২২ অমসুং ইংলিস লোন্দা মনা ১১ লান্থোক্কনি

৩.       “বেস্ত মীদিয়া কভরেজ ইন য়োগ ইন ইলেক্ত্রোনিক মীদিয়া (রেদিও)” কাঙলুপগী মখাদা ভারতকী লোল ২২ অমসুং ইংলিস লোন্দা মনা ১১ লান্থোক্কনি

মালেমগী য়োগ নুমিৎ

চহি খুদিংগী জুন ২১দা পাঙথোকপা মালেমগী য়োগ নুমিৎনা মালেম পুম্বদা মশা মউ ফনা অমসুং তিঞ্জং কায়জঙদনা লৈবগী মীয়ামগী ইহৌ অমা পুরক্লে‍। মসিগী হকচাঙ, পুক্নিং, অমসুং ৱাখলবু মশা ফনা থম্বদা মপুং ওইনা চঙশিল্লিবা মচৎ অসিনা মীয়ামগী পুক্নিং মশক থোক্না চিংশিন্দুনা, মালেমগী ওইবা থৌওং অমা ওইহল্লি‍। ভারত মনুং অমসুং মপান অনিমক্তা য়োগগী পাউজেল শন্দোকপদা মীদিয়ানা মরুওইবা থৌদাং অমা য়ারি‍। মরম অসিনা, হায়রিবা অরিবা মতমগী থৌওং অমসুং মসিগী মশিং থিঙমদ্রবা কান্নবশিংবু য়োকখৎপদা মীদিয়াদা লৈরিবা চাউরবা মতিক অমসুং থৌদাংবু মশক খঙবা হায়বসি মরুওই‍।

AYDMS রিকম্মেন্দেসন অমসুং চৎন-পথাপশিং

অখন্নবা মেদল/প্লেক/ত্রোফী অমসুং সাইতেসন অমা য়াওবা মনা অসি মনীং মখা তম্বা জুরী অমনা রিকম্মেন্দ তৌবনি‍। মনা অসিগীদমক I&B মন্ত্রালয়দা রেজিস্ত্রেসন তৌবা/পর্মিসন লৈবা প্রিন্ত মীদিয়া, রেদিও, অমসুং তেলিভিজনগী লমদা থবক তৌরিবা মীদিয়া হাউস/কম্পেঈ পুম্নমক্না থাবা য়াই‍।

চৎন-পথাপকী মতুং ইন্না, মীদিয়া হাউসশিংনা নোমিনেসনগী মচা খায়বা ৱারোলশিং অপিবা ফোর্মেত অমদা, জুন ১২, ২০২৪ দগী জুন ২৫, ২০২৪ ফাওবদা শেমখিবা নৎত্রগা ফোঙখিবা আর্তিকল(শিং)গী মরী লৈনবা ক্লিপ্পিংশিং নৎত্রগা শন্দোকখিবা ওদিও/ভিদিও কন্তেন্তশিংগা লোয়ননা থাজিল্লকপা য়াগনি‍। এন্ত্রীশিং থাজিল্লকপগী অরোয়বা মতম জুলাই ৮, ২০২৪নি‍। মচা খায়বা চৎন-পথাপশিং প্রেস ইন্ফোর্মেসন ব্যুরো (https://pib.gov.in/indexd.aspx) অমসুং I&B মন্ত্রালয়গী (https://mib.gov.in/sites/default/files/AYDMS%20Guidelines%202024_0.pdf ) ওফিসিএল ৱেবসাইত্তা ফংগনি‍।

AYDMS ২শুবা ইদিসন – ২০২৩

মনা অসিগী অহান্বা ইদিসন জনুৱারী ৭, ২০২০দা লান্থোকখি‍। AYDMS ২শুবা ইদিসন – ২০২৩গী মনা হৌজিক ফাওবা লান্থোক্ত্রি‍। মমাঙ চহিগী AYDMS (২শুবা ইদিসন)গী অথোইবশিংগী মফমদসু চহি অসিগী হায়বদি AYDMS (৩শুবা ইদিসন)গী অথোইবশিংগা লোয়ননা মনা লান্থোক্কনি‍।

*****