প্রধানমন্ত্রীগী লোইশঙ
ভুতানগী নিংথৌনা তেলিফোন তৌরক্তুনা প্রধান মন্ত্রী মোদী থাগৎপা ফোঙদোকখ্রে
মহাক্না য়াইফ-পাউজেল পীরকপগীদমক প্রধান মন্ত্রীনা ভুতানগী নিংথৌ থাগৎপা ফোঙদোকখ্রে
তমজনফম ওইরবা ভারত-ভুতানগী মরীশিংদা লুচিংবা অনিনা অমুক হন্না মখোয়গী থাজবা ফোঙদোকখি
Posted On:
05 JUN 2024 10:15PM by PIB Imphal
১৮শুবা লোক সভা মীখলদা এন.দি.এনা মাইপাকপদা মহাক থাগৎপা ফোঙদোক্নবা ঙসি ভুতানগী নিংথৌ জিগমে খেসার নামগয়েল ৱাংচুক্না প্রধান মন্ত্রী শ্রী নরেন্দ্র মোদীদা কোল তৌরকখ্রে। নিংথৌনা মহাক্কী য়াইফ-পাউজেল পীখি অমসুং প্রধান মন্ত্রী মোদীগী লুচিংবা মখাদা ভারতকী মীয়াম মখা তানা চাউখৎপা অমসুং নুংঙাই-য়াইফবা পুরক্নবা য়াইফ-পাউজেল পীখি।
মহাক্না য়াইফ-পাউজেল পীরকপগীদমক প্রধান মন্ত্রী মোদীনা ভুতানগী নিংথৌ থাগৎপা ফোঙদোকখ্রে। ভারত অমসুং ভুতানগী মরক্তা লৈনরিবা তমজনফম ওইরবা মরুপ-মপাংগী মরীশিং নিংশিংলদুনা, ভারত সরকারনা ভুতান সরকারগা থবক তৌমিন্নগনি অমসুং লৈবাক অনিগী তোপ-তোপ্পা মরী অৱাংবা থাক্তা পুখৎকনি হায়না প্রধান মন্ত্রী মোদীনা অমুক হন্না থাজবা ফোঙদোকখি।
ভারত-ভুতানগী মরী অসি থাজবা, অফবা অমসুং অমনা অমবু মশক খঙবগী থাকশিংদা লৈরি অমসুং অচেৎপা মীগা মীগা লৈনবা মরীশিং অমসুং অচেৎপা শেন-থুম অমসুং চাউখৎপগী মরীনা হেন্না মপাঙ্গল কনখৎহল্লে।
****
(Release ID: 2023191)
Visitor Counter : 28
Read this release in:
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam