প্রধানমন্ত্রীগী লোইশঙ
বাংলাদেসকী প্রধান মন্ত্রী সৈখ হসিনানা প্রধান মন্ত্রী মোদী থাগৎপা ফোঙদোকখ্রে
হৌখিবা চহি ১০দা লৈবাক অনিগী মরীশিং শিংথাবা য়ানা ফগৎলকখিবা অদু মখোয়না ফোঙদোকখি
অচেৎ মরী মখা তানা চৎথনবা লুচিংবা অনিমক্না থাজবা থমখি
Posted On:
05 JUN 2024 10:13PM by PIB Imphal
১৮শুবা লোক সভা মীখলশিংদা এন.দি.এনা মাইপাকপগীদমক বাংলাদেসকী প্রধান মন্ত্রী সৈখ হসিনানা তেলিফোন তৌরক্তুনা প্রধান মন্ত্রী শ্রী নরেন্দ্র মোদী থাগৎপা ফোঙদোকখ্রে।
প্রধান মন্ত্রী মোদী থাগৎলকখিবা অহানবা মপান লৈবাকশিংগী লুচিংবশিংগী মরক্তা প্রধান মন্ত্রী সৈখ হসিনা য়াওখি অমসুং মসিনা লুচিংবা অনিগী মরক্তা লৈনরিবা অচেৎপা মরী অমসুং অমগা অমগা শৌগৎনবগী মমি তাখি।
বিকসিত ভারত ২০৪৭ অমসুং স্মার্ত বাংলাদেস ২০৪১গী ভিজন মখাদা পান্দম ফংনবা পুৱারি ওইরবা অমসুং অচেৎপা মরীশিং মখা তানা ফগৎহন্না পুন্না থবক তৌমিন্নবা য়ায়না লুচিংবা অনিনা ৱাশকখি।
হৌখিবা চহি ১০দা লৈবাক অনিমক্কী মীয়ামগী পুন্সিদা শিংথানিঙাই ওইনা ফিবম ফগৎলকপা অদু মখোয়না থাগৎপা ফোঙদোক্নখি অমসুং শেন-থুম, চাউখৎ-থৌরাং, ইনর্জি সেকুরিতি, লম্বী-থোং, দিজিতেলগী মরী অমসুং মীগা মীগা লৈনবা মরীশিং য়াওনা হিরম খুদিংমক্তা অওনবা পুরকপা হেনগৎহন্নবা থাজবা ফোঙদোকখি।
****
(Release ID: 2023188)
Visitor Counter : 33
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam