জুন ২ দগী হৌদুনা য়ু.এস.এ অমসুং ৱেস্ত ইন্দিসদা পাংথোক্লিবা তি-২০ ৱার্ল্দ কপ দি.দি দিস প্লেতফোর্মদা শন্দোক্কনি হায়না ঙসি প্রাসার ভারতিনা লাউথোকখ্রে। দুরদর্সন্না তি-২০ ৱার্ল্দ কপ শন্দোকপগা লোয়ননা মালেমগী অচৌবা শান্নবগী থৌরমশিং শন্দোক্নবা ঙাইদুনা লৈরি। থৌরমশিংগী মনুংদা পেরিস ওলেম্পিক গেমস ২০২৪(জুলাই ২৬-ওগস্ত ১১,২০২৪গী লাইভ/দিফর লাইভ অমসুং হাইলাইতশিং, পেরিস পেরালেম্পিক্স গেমস(ওগস্ত ২৮-সেপ্তেম্বর ৮,২০২৪), ভারত অমসুং জিমবাবৱেগী মরক্তা ইন্তরনেসনেল ক্রিকেত সেরিজ(জুলাই ৬-জুলাই ১১,২০২৪) অমসুং ভারত অমসুং শ্রীলঙ্কাগী মরক্তা ক্রিকেত সেরিজ(জুলাই ২৭-ওগস্ত ৭,২০২৪) অমসুং ফ্রেঞ্চ ওপন ২০২৪(জুন ৮-জুন ৯,২০২৪) অমসুং ৱিমব্লেদন ২০২৪(জুলাই ১৩ অমসুং জুলাই ১৪,২০২৪)গী নুপী অমসুং নুপাগী ফাইনেল মেতচশিং য়াওরি।

ঙসি নিউ দিল্লিদা পাউমীশিংগা উনবা অমদা প্রাসার ভারতিগী সি.ই.ও শ্রী গৌরব দ্বিবেদিনা লাউথোকখিবনি। উনবা অদুদা ইনফোর্মেসন অমসুং ব্রোদকাস্তিং মিনিস্ত্রিগী সেক্রেতরি শ্রী সঞ্জয় জাজু  অমসুং প্রাসার ভারতিগী চিয়ার্মেন অ্রী নবনিত কুমার সেহগাল, প্রাসার ভারতিগী সি.ই.ও শ্রী গৌরব দ্বিবেদি অমসুং দুরদর্সনগী দি.জি কানচন প্রসাদনা শ্রী সুখবিন্দর সিংহনা শকপা তি-২০ ৱার্ল্দ কপগী অখন্নবা এন্থেম ‘জাজবা’ হৌদোকখি। মমিং লৈরবা ৱারি লিবা শ্রী নিলেস মিশ্রাগী খোঞ্জেলদা তি-২০ থৌরমগী প্রোমো অমশু সেক্রেতরিনা হৌদোকখি।

খঙজিবা য়াবদি দুরদর্সন্না মালেমগী মরুওইবা শান্নবগী লুপশিং হায়বদি এন.বি.এ অমসুং পি.জি.তি.এগা মখোয়গী থৌরমশিং দি.দি স্পোর্তসতা উৎনবা য়ানবা পুরকখ্রে। এন.বি.এগী মমিং লৈরবা ই-স্পোর্তস এন.বি.এ ২কে লিগ মেতচশিং দি.দি স্পোর্তস চেন্নেলদা শন্দোক্কনি। মসিগী স্পোর্তস চেন্নেলদা তোঙান-তোঙানবা লিগশিং উৎনবা প্রাসার ভারতিনা তোঙান-তোঙানবা এজেন্সিশিং অমসুং শান্নবগী বোদিশিংগা ৱারি শানবগী থবকশিং খুমাঙ চাউশিনবগী থাক্তা লৈরে।

শ্রী গৌরব দ্বিবেদিনা হায়খি লৈবাকপোকপা নুমিত্তা ভোৎ মশিং থিবগী পাউ দুরদর্সন অমসুং ওল ইন্দিয়া রেদিওনা শন্দোক্নবা মপুংফানা শেম-শাবা লোইরে।

হৌখিবা চহিদা, দি.দি স্পোর্তসনা লৈবাক শীনবা থুংনা তোঙান-তোঙানবা শান্নবগী থৌরমশিং পুথোকখি অমসুং শন্দোকখি। মসিগী মনুংদা খেলো ইন্দিয়া য়ুনিভর্সিতি গেমস(অৱাং-নোংপোক্কী রাজয় নিপাল), তামিল নাদুদা খেলো ইন্দিয়া য়ুথ গেমস, গৱাদা নেসনেল গেমস, নিউ দিল্লিদা খেলো ইন্দিয়া পেরা গেমস হৌদোকপা অমসুং গুলমার্গ অমসুং লেহদা খেলো ইন্দিয়া ৱিন্তর গেমসনি। থৌরমশিং অসি দি.দি স্পোর্তসতা শন্দোকপগী মথক্তা, হায়রিবা গেমশিং অসি লৈবাক অসিগী লনাই চেন্নেলশিং হায়বদি স্তার স্পোর্তস, জিও সেনিমা অমসুং সোনি নেতৱার্কতা শন্দোকখি।

চাইনাদা পাংথোকখিবা হাংঝৌ এসিয়ান গেমসতা নুপা অমসুং নুপীগী ক্রিকেত মেতচশিংগী ৱাল্দঘ ফিদ দুরদর্সন তিমনা পুথোকখি। দি.দি তিম্না পুথোকপা ৱার্ল্দ ফিদ এসিয়াগী লৈবাক খরদা শন্দোকখি।

ওগস্ত ২০২৩ দা ভারতকী ক্রিকেত তিমগী ৱেস্ত ইন্দিজ তুরগীদমক প্লেতফোর্ম খুদিংমক্তা দুরদর্সন্না তেলিবিজন রাইতশিং পায়খি। ইংলিস অমসুং হিন্দীদা কমেন্তরি পীবগী মথক্তা, সেরিজ অসিগী অকক্নবা ওভরগী মেতচশিং লম লমগী লোলশিং হায়বদি ভোজপুরি, তামিল, তেলুগু, বেঙ্গালি অমসুং কন্নরাদা শন্দোকখি অমসুং মেতচশিং অদু দি.দি নেতৱার্ককী তোঙান-তোঙানবা রিজনেল চেন্নেলশিংদা শন্দোকখি।

দুরদর্সন্না মালেমগী মরুওইবা শান্নবগী লুপশিং হায়বদি এন.বি.এ অমসুং পি.জি.তি.এগা মখোয়গী থৌরমশিং দি.দি স্পোর্তসতা উৎনবা য়ানবা পুরকখ্রে। এন.বি.এগী মমিং লৈরবা ই-স্পোর্তস এন.বি.এ ২কে লিগ মেতচশিং দি.দি স্পোর্তস চেন্নেলদা শন্দোক্লে।

ৱেস্ত ইন্দিজ অমসুং য়ু.এস.এদা পাংথোক্কদৌরিবা তি-২০ ৱার্ল্দ কপ দুরদর্সন নেতৱার্কতা মসিগী দি.সি ফ্রি দিস প্লেতফোর্মদা শন্দোকপা হৌরে। মীয়ামগী ব্রোদকাস্তার ওইনা ঐখোয়গী তুংগী লম্বীদা প্রিন্ত মেদিয়া, দিজিতেল মেদিয়া অমসুং ইলেক্ত্রোনিক মেদিয়া অসি মরুওইবা মরীলৈনবা ওইনা লৌরি।

*******