Ka Prasar Bharati ka la pynbna mynta ka sngi ba kan pyni ia ka lympung ialehkai T20 World Cup ka ban long ha West Indies bad USA naduh ka 2 tarik u Jylliew ha ka rynsan DD Free Dish. Hadien kane ka jingpyni ia ka T20 World Cup, ka Doordarshan kan pyni shibun kiwei kiwei ki lympung ialehkai. Kine ki kynthup ia ka jingpyni live lane ka jingpyni hadien ia ki mat ba kongsan jong ka lympung Paris Olympics Games 2024(26 tarik u Naitung-11 Nailar 2024), Paris Paralympic Games (28^th Nailar- 8^th Nailur 2024), International Cricket Series hapdeng ka India bad Zimbabwe (6^th Naitung -1th Naitung 2024) bad India Vs Sri Lanka (27^th Naitung -7^th Nailar 2024) bad ka jingiakhun lahduh hapdeng ki kynthei bad shynrang ha ka French Open 2024 (8^th & 9^th Jylliew 2024) & Wimbledon 2024 (13^th & 14^th Naitung 2024).

Ia kane la pynbna da u CEO Prasar Bharati, Gaurav Dwivedi ha ka jingiakren bad ki lad pathai khubor ha New Delhi mynta ka sngi. Ha kane ka jingiakren, u Secretary, ka tnat Information and Broadcasting, Sanjay Jaju ha ryngkat u Chairman, Prasar Bharati Navneet Kumar Sehgal, CEO, Prasar Bharati Gaurav Dwivedi bad DG, Doordarshan, Kanchan Prasad, ki la pyllait paidbah ia ka jingrwai ba kyrpang ‘Jazba’ na ka bynta ka T20 World Cup ba la rwai da u Sukhwinder Singh. U Secretary u la pyllait paidbah ruh ia ka promo jong kane ka lympung ialehkai T20 ia kaba la kren da u nongiathuh khana ba pawnam, Neelesh Misra.

Lah ban shu kdew hangne ba ka Doordarshan ka la iakut jingmut bad ki kynhun pyniaid ia ki lympung ialehkai kum ka NBA bad PGTA ban pyni ia ki jingialehkai jong ki ha ka DD Sports. Ia ki jingialehkai e-sports jong ka NBA kaba tip kum ka NBA 2K League la pyni ha ka DD Sports Channel.

Ka Prasar Bharati ka dang iakren bad ki kynhun pyniaid jingialehkai bapher bapher ban pyni ia ki lympung ialehkai jong ki ha ka channel sports jong ka. Ngin dang ai jingtip shuh shuh ia ki lad pathai khubor katba ngi dang pynskhem ia kine ki jingiatreilang.

U Gaurav Dwivedi u la pyntip ruh shaphang ki jingpynkhreh jong ka Doordarshan bad All India Radio na ka bynta ka jingniew vote ha ka sngi ba ar.

Ha une u snem ba la dep, ka DD Sports ka la pynmih bad pyni katto katne ki lympung ialehkai bapher bapher na kylleng ka ri. Kine ki kynthup ia ka Khelo India University Games ha Astalakshmi (ki phra tylli ki jylla jong ka thain shatei lammihngi), Khelo India Youth Games ha Tamil Nadu, National Games ha Goa, ka bynta ba nyngkong jong ka Khelo India Para Games ha New Delhi bad Khelo India Winter Games ha Gulmarg bad Leh. Ha ryngkat ka jingpyni ia kine ha ka DD Sports, la phah ruh ia ki prokram jong kine ki lympung jingialehkai sha ki channel shimet jong ka ri kum ka Star Sports, Jio Cinema bad Sony Network.

Ka kynhun Doordarshan ka la pynmih ia ka World Feed jong ki jingialehkai cricket ha ka lympung Hangzhou Asian Games ha China ha kaba la pyni ia ki jingialehkai hapdeng ki shynrang bad ruh hapdeng ki kynthei. Ia ka world feed ba la pynmih da ka kynhun DD na kane ka jaka ialehkai la pyni ha ki ri bapher bapher jong ka Asia.

Ka Doordarshan la ioh ia ka jingbit ban pyni television ia baroh ki rynsan na ka bynta ka jingleit ialehkai ka kynhun ialehkai cricket jong ka India sha West Indies ha u Nailar, 2023. Ha ryngkat ka jingbatai ia ki jingialehkai ha ka ktien Phareng bad Hindi, ka feed jong kine ki jingialehkai ha kane ka lympung la iohsngew ruh ha ka ktien Bhojpuri, Tamil, Telugu, Bengali bad Kannada bad la pyni ha ki channel kyrpang jong ka rynsan Doordarshan ha ki thain bapher bapher.

Ka Doordarshan ka la don ka jingiakut bad ki kynhun pyniaid jingialehkai kum ka NBA bad PGTA ban pyni ia ki jingialehkai jong ki ha ka DD Sports. Ia ki jingialehkai e-sports jong ka NBA kaba tip kum ka NBA 2K League la pyni ha ka DD Sports Channel.

Da ka jingsdang na ka T20 World Cup ban long ha West Indies bad USA (2^nd Jylliew to 29^th Jylliew 2024), ka rynsan Doordarshan ha ka rynsan DD Free dish ka Prasar Bharati, kum ka nongai jingpyntip ia ki paidbah ka niewkor ia ki lad pathai khubor bapher bapher kum kiba iadon bynta lang ha kane ka jingiaid shaphrang.

*******