ইলেক্সন কম্মিসন ওফ ইন্দিয়ানা ইলিজিবল ভোতর অমত্তদা ফিজিকেল নত্ত্রগা অতৈ মরমশিংনা মখোয়গী ভোৎ থাদবগী হকশিং ফংদবা তৌদনবা জেনরেল ইলেক্সন 2024দা ইনক্লুসিভিতী অমসুং এক্সেসিবিলিতী লৈহন্নবা চাউনা থবক পায়খৎখি। হৌজিক ফাওবদা মীখলগী ফেস 6 লোইশিনখ্রবা মতুংদা দিসএবিলিতীশিং, সিনিয়র সিতিজেনশিং, ত্রান্সজেন্দরশিং, PVTGশিংগুম্বা মীওইশিংগী কাংলুপকী ভোতরশিংগী মরক্তা চাউনা থৱায় য়াওবা উবা ফংখি। চহি 85কী মথক্কী  সিনিয়র সিতিজেনশিং অমসুং 40%গী বেঞ্চমার্ক্কী মথক্তা লৈবা  PwDশিংগীদমক য়ুমদগী ভোৎ থাদবগী খুদোংচাবা জেনরেল ইলেক্সন 2024দা ভারত শিনবা  থুংনা ফংহনখি।

তিরুভুর কন্সতিত্যুএন্সীগী পোল্লিং স্তেসন্দা লমবাদা ত্রাইব, জেনরেল ইলেক্সন অমদা অহানবা ওইনা ভোৎ থাদখিবা গ্রেত নিকোবরগী শোম্পেন ত্রাইব অমসুং অরুনাচল প্রদেশকী নিশি ত্রাইব

ইলেক্সন কম্মিসনর, শ্রী জ্ঞানেশ কুমার অমসুং দা. সুখবির সিংহ সন্ধুগা লোয়ননা চীফ ইলেক্সন কম্মিসনর শ্রী রাজিব কুমারগী লুচিং মখাদা লৈবাক শিনবা থুংবদা অকনবা খোঙথাং অসিনা লোক সভা মীখল – 2024গী ফেস 6 ফাওবদা লোইশিনখিবা মীখলদা রাজ্যশিং/UTশিংদগী মাইপাকপগী ৱারী কয়া তাবা ফংখি। CEC রাজিব কুমারনা হায়খি, “ইলেক্তোরেল প্রোসেসশিং অসি মালেমগী থাক্তা অনৌবা স্তেন্দর্দশিং শেমগৎনবা লেপ্পা লৈতনা ফগৎহন্নবা হোৎনবা অসি কম্মিসনগী অচেৎপা ৱারেপ অমনি। ECI না মীখলশিং অসি ঐখোয়গী লৈবাক অসিগী চাউথোকচনীংঙাই ওইরিবা প্লুরেলিতী অমসুং দাইভর্সিতীগী ৱাখল্লোন উৎথোক্নবা হোৎনরি। ECIনা মীখলগী থৌওং পুম্নমক্তা ইনক্লুসিবিতী অমসুং এক্সেসিবিতীগী কাংলোনশিং অমসুং থৌওংশিং য়াওহন্নবা অমসুং মপুং ফানা পুনশিন্নবা হোৎনরি। মসিনা খুন্নাইগী মফম খুদিংমক্তা অমুক হন্না পাঙথোক্নবা খুদম অমা পীরি।”

অরুনাচল প্রদেশতা মহাক্কী ভোৎ থাদনবা লম্বেলদা চৎলিবা সিনিয়র সিতিজেন অমা

শেম-শাবা অসি চহি অনিগী মমাংদা ইলেক্তোরেল রোলশিংদা ইলিজিবল ওইরবা প্রজাশিংগী মশিং হেনগৎহন্নবা অমসুং রেজিস্ত্রেসন তৌনবগী থবকশিং পায়খৎতুনা হৌখি। ভোতরশিং অসিগী কাংলুপতা তার্গেৎ থমদুনা অখন্নবা রেজিস্ত্রেসন দ্রাইবশিং, কেম্পশিং পাঙথোক্তুনা মসি ফংবা ঙমখি। ECIনা মখোয়গী ভোৎ থাদনবগী হক ফংদনা লৈরকপা কাংলুপকী মরক্তা শরুক য়াবা হেনগৎহন্নবগীদমক মল্তি-প্রোং স্ত্রেতেজী অমা পায়খৎখ্রে।

ওপ্সনেল হোম-ভোতিং ফেসিলিতী: ভারতকী জেনরেল ইলেক্সনশিংদা অহানবা ওইনা চাউনা রেস্পোন্স ফংখিবা

ইলেক্তোরেল প্রোসেস্তা ওপ্সনেল হোম ভোতিং ফেসিলিতী অসিনা অচৌবা অহোংবা অমা পুরক্লি অমসুং মসি ভারতকী জেনরেল ইলেক্সনগী পুৱারীদা অহানবা ওইনা ফংহনখ্রে। চহি 85 শুরবা অমসুং মসিগী মথক্তা লৈবা নত্ত্রগা বেঞ্চমার্ক তৌরবা দিসএবিলিতীগী চাদা 40 লৈবা ইলিজিবল ওইবা প্রজা অমহেক্তনা ইলেক্সন অসিদা পোস্তেল বেল্লোৎকী খুত্থাংদা য়ুমদা ভোৎ থাদবগী খুদোংচাবা লৌবা য়াই। মসিগী ফেসিলিতী অসিনা ভোতরশিংদগী চাউনা রেস্পোন্স ফংলি। লৈবাক অসিগী মফম খুদিংমক্তগী সোসিএল মেদিয়াদা মখোয়গী য়ুমদগী ভোৎ থাদবগী হরাও-মীনোক তম্বা অমসুং ভোৎ থাদবগী খুদমশিং অদু উবা ফংখি। য়ুমদগী ভোৎ থাদবা মতমদা পোল্লিং স্তাফ অমসুং সেক্যুরিতী পর্সনেলগী মপুং ফাবা কন্তিঞ্জেন্তনা শরুক য়াখি। কেন্দিদেৎশিংগী এজেন্তশিংনা পোল্লিং তীমশিংগা লোয়ননা প্রোসেস অসি উনবগী অয়াবা পীরি।

কোববুরু কন্সতিত্যুএন্সীদগী চহি 100 শুরবা শ্রীমতি দি পদমাবতি অমসুং অরুনাচল প্রদেশতগী সিনিয়র সিতিজেন ইলেক্তর অমা

রাজস্থানগী চুরুদা হোম ফেসিলিতী লৌরিবা চপ মান্নবা ইমুংগী PwD মেম্বর নিপান

অৱাৎপশিং মেনশিনবা: হেন্না শরুক য়ানবগীদমক মথৌ তাবা ইনফ্রাস্ত্রকচর ফংহনবা

ইনফ্রাস্ত্রকচরগী অৱাৎপা লৈহন্দনবা, ECIনা পোল্লিং বুথ খুদিংমক গ্রাউন্দ ফ্লোরদা লৈহন্দুনা, রেম্পশিং, ভোতরশিংগীদমক সাইনেজশিং, পার্কিং স্পেস, তোখাইবাবা ক্যুশিং অমসুং ভোলুন্তিয়রশিং য়াওনা এস্যুর্দ এমেনিতীশিং ফংহল্লি। মসিগী মথক্তা, ECIগী শক্ষম এপ অসিনা PwDশিংদা হ্বীলচেয়র, পিক এন্দ দ্রোপ অমসুং ভোলুন্তিয়র সর্বিসশিংগুম্বা পোল্লিং স্তেসনশিংদা তোঙান তোঙানবা খুদোংচাবশিং ফংহনবদা মতেং পাংলি। ইলেক্সনগী লাউথোকখিবা অদুদগী হৌরগা শক্ষম এপ অসি দাউনলোদ লাখ 1.78 হেন্না তৌখ্রে।

কম্মিসননা মমিৎ উবা ঙমদ্রবা ইলেক্তরশিংগী মতেং পাংনবা EVMশিংদা ব্রেলগীদমক প্রোভিজনশিং, ব্রেল য়াওবা ইপিক, অমসুং ভোতর স্লিপশিংসু থম্মি। মীখল নুমিৎতা রেজিস্ত্রেসনগী থৌওংগী ই-পাউ য়াওবা PwDশিং অমসুং সিনিয়র সিতিজেনশিংগীদমক ইংলিশ অমসুং হিন্দীদা ভোতর গাইদ ফংহল্লি।

বিহারদা পোল্লিং স্তেসন অমদা ব্রেল য়াওবা ইপিক, ভোতর গাইদ, ভোল্যুন্তিয়র পীবা অমসুং ওরিশাদা পোল্লিং স্তেসন অমদা শামিয়ানাগী প্রোভিজন ফংহনবা

ৱাখল্লোনদা ইনক্লুসিভিতী লৈহনবা: ভোৎ থাদবদা লৈরিবা ৱাখলগী ওইবা অপনবশিং লৌথোকপা

ভোৎ থাদবদা থেংনবা ফিজিকেল ওইবা অপনবশিং কোকহনবতা নত্তনা, ECIনা ত্রান্সজেন্দরশিং, সেক্স ৱর্করশিং, PVTGশিংগুম্বা খুদোংচাদবা মীওইশিংগী অকোয়বদা লৈরিবা খুন্নাইগী ওইবা অপনবশিং অমসুং স্তিগমা কোকহন্নবা হোৎনখি। সিভিল সোসাইতীগা খুৎশম্নদুনা থানে দিস্ত্রিক্তনা অহুমশুবা জেন্দর (TG) ইলেক্তরশিং অমসুং সেক্স ৱার্করশিং অমসুং PVTGশিংগুম্বা অতোপ্পা শোত্থরবা কাংলুপশিং য়াওহন্নবা অখন্নবা কেম্পশিং শেমখি। তামিল নাদুদা অহুমশুবা জেন্দর ইলেক্তরশিংগী মশিং 8467গা লোয়ননা খ্বাইদগী য়াম্না লৈরি। মসিগী মতুংদা উত্তর প্রদেশতা TG 6628 অমসুং মহারাস্ত্রাদা TG 5720 লৈরি।

SVEEP থৌরাংশিংগী শরুক অমা ওইনা, PwD ইলেক্তরশিংগী মরক্তা ভোতর এৱেরনেস শেমগৎনবা অমসুং ইনক্লুসিব ইলেক্সন প্রমোৎ তৌনবা IDCA (ইন্দিয়ন দেফ ক্রিকেৎ এসোসিএসন) অমসুং DDCA (দিল্লি দিস্ত্রিক্ত ক্রিকেৎ এসোসিএসন) তীমশিংগী মরক্তা 2024গী মার্চ 16তা T-20 ক্রিকেৎ মেৎচ অমা কম্মিসন্না শীনখি।

T-20 মেৎচতা কম্মিসন্না ৱিন্নরশিংদা ত্রোফী খুৎশিন্নবা

কম্মিসন্না য়ারিবমখৈ AC খুদিংমক্তা য়ামদ্রবদা পোল্লিং স্তেসন অমা PwDগী ওফিসিএলশিংনা খক্তনা মেনেজ তৌদুনা হাংদোক্নবা হোৎনখি। 2024গী লোক সভা মীখলগীদমক্তা, লৈবাক শিনবা থুংনা চাউরাক্না PwDনা মেনেজ তৌবা পোল্লিং স্তেসন 2697  লৈ, PwD মেন পোল্লিং স্তেসন মশিং খ্বাইদগী য়াম্না উত্তর প্রদেশতা লৈখি মদুদি 302 ওইখি।

খুদোংচাদ্রবা কাংলুপশিংগীদমক রেজিস্ত্রেসন অমসুং ভোতিং লাইথোকহল্লি

য়ুম লৈতবা মীওইশিং অমসুং অতোপ্পা নোমাদিক কাংলুপশিং অসি মীখলদা শরুক য়াবগী চাং ৱাংবদা অতোপ্পা মরু ওইবা দেমোগ্রাফিক অমনি। মখোয়গী অখন্নবা ফিভমশিং অসিনা মরম ওইদুনা, মীওইশিং অসিনা রেসিদেন্সীগী প্রুফ লৈতবনা মরম ওইদুনা ইলেক্তোরেল এক্সক্লুজন থেংনবা য়াই। অদুম ওইনমক, হৌখিবা চহি অনি অসিদা মখোয়গী ভোৎ থাদনবগী রেজিস্ত্রেসন তৌনবা অমসুং ভোৎ থাদনবগী থৌওংদসু শরুক য়ানবা অখন্নবা হোৎনখি। মমাংদা চঙবা ঙমদবা মফমশিংদা অনৌবা পোল্লিং বুথশিং থম্বা অসিনা PVTGশিংবু পাক-শন্না য়াওহল্লক্লি। PVTGশিংগী মশিং য়াম্না লৈবা রাজ্যশিং/UTদা PVTGশিং অসি অরাপ্পা মফমশিংদগী পোল্লিং স্তেসনশিংদা য়ৌহন্নবগীদমক লেম্না চৎথোক-চৎশিনগী খুদোংচাবশিং ফংহল্লি। পুৱারী ওইরবা খোঙথাং অমদা, গ্রেৎ নিকোবরগী শোম্পেন ত্রাইবনা 2024গী লোক সভা মীখলদা অহানবা ওইনা ভোৎ থাদখি।

পার্তনরশিপশিং

ইলেক্তোরেল এৱারনেস প্রমোৎ তৌনবা অমসুং ইলেক্সনশিংদা পার্তনরশিপ অমসুং ইনক্লুজনগী ৱাখল্লোন অমা পোকহন্নবা, ECIনা ইলেক্তোরেল প্রোসেসতা কম্ম্যুনিতীবু হেন্না শরুক য়াহন্নবা PwDগী মীওই তরামঙাবু "ECI এম্বেসেদরশিং" ওইনা দেজিগনেৎ তৌখি। পোল্লিং পর্সনেলশিংবু ইলেক্সনশিংদা শরুক য়াবা অমসুং মশাগী ওইবা ৱাখল্লোন অমা শেমগৎনবা ্ PwDশিংগী অখন্নবা মথৌ তাবশিংগী মতাংদা ত্রেনিং পীখি অমসুং খঙহনখি। রাজ্যগী ECOশিংনা PwDশিং অমসুং সিনিয়র সিতিজনশিংদা হেন্না ফবা খুদোংচাবা পীনবগীদমক মরী লৈনবা রাজ্যশিংগী দিসএবলিতী অমসুং হেল্থ দিপার্তমেন্তশিংগা লোয়ননা থবক তৌমিন্নখি।

ৱুমেন এন্দ চাউল্দ দিবেলপমেন্ত অমসুং হেল্থ দিপার্তমরন্তগা লোয়ননা চুংশিন্নদুনা DEOনা গেংতোক্তা কেম্পশিং পাঙথোকখি

ECIগী ওফিসিএলশিংগী তীম অমনা মুম্বাই সহরদা লৈরিবা ত্রান্সজেন্দর অমসুং ফিমেল সেক্স ৱার্করশিংগা লোয়ননা ওপন দাইলোগ তৌদুনা ইলেক্তোরেল পার্তিসিপেসনদা মখোয়না থেংনবা শীংনবশিং মুন্না খঙনবা, ইলেক্তরশিংগীদমক ফিল্স মেছিনরী সেন্সিতাইজ তৌবা অমসুং ভোতরশিংবু লোক সভা ইলেক্স 2024দা শরুক য়াহন্নবা পুক্নিং থৌগৎনবগীদমক থানে জিলা অমসুং কামাথিপুরাদা চৎখি।

লোক সভা ইলেক্সনদা 100% শরুক য়ানবগীদমক মখোয়বু পুক্নিং থৌগৎনবা থানে জিলাদা NGOs/CSOs অমসুং TG কাংলুপকা লোয়ননা ECI তীম

কম্মিসন্না ECIগী নেস্নেল আইকন ওইনা কুমারি শীতেল দেভী, অর্জুন এৱার্দী অমসুং পেরা আর্চরনা PwDগী ইলেক্তরশিংবু 2024গী লোক সভা মীখলদা মখোয়গী ফ্রাঞ্চাইজ শীজিন্ননবা পুক্নিং থৌগৎখ্রে। ECIগী তোঙান তোঙানবা ভোতর এৱেরনেস ইনিসিএতিবশিংদা শরুক য়াবা অমসুং ECIগী ইলেক্তরশিংগা পাউ ফাওনবগীদমক PwDগী শক্নাইরবা মীওই 11বু ECIগী এম্বেসেদর ওইনা খনখ্রে। মসিগী মথক্তা, রাজ্যশিং/UTশিংগীদমক্তা কম্মিসন্না স্তেত PwD আইকোনশিংসু খন্নখ্রে।

কুমারী শীতল দেভী, PwD আইকন, ECI

লাস্ত মাইল ইলেক্তরশিংদা য়ৌশিনবা

কম্মিসন অসিনা "নো ভোতর ইস লেফ বিহাইন" হায়বগী থাজবা থম্লি অমসুং লৈবাক্কী খ্বাইদগী মনুং হঞ্জিনবা মফমশিংদা লৈবা ইলেক্তরশিংদা য়ৌনবা অখন্নবা থৌরাংশিং লৌখৎলি। খুদম ওইনা হায়রবদা, গুজরাতকী আলিয়াবেৎতা শিপ্পিং কন্তেনর অমদা পোল্লিং স্তেসন অমা শেমখি। মসি মফম অসিদা লৈরিবা ত্রাইবেল ইলেক্তরশিংদা য়ৌহন্নবনি। মতৌ অসুম্না, ছত্তিসগরগী বস্তর অমসুং কঙ্কর PCগী খুঙ্গং 102গী ভোতরশিংনা লোক সভা মীখলদা অহানবা ওইনা মখোয়গী খুঙ্গংদা শেম্বা পোল্লিং বুথ অমদা ভোৎ থাদখি।

লদাখকী লেহ জিলাদা লৈবা মনুং হঞ্জিনবা খুঙ্গং, ৱারশিদা ইমুং অমগী মীওই মঙা খক্তগী ওইবা পোল্লিং স্তেসন

মখা তানা, হৌজিক চত্থরিবা 2024গী জেনরেল ইলেক্সনদা কাশ্মীরী মাইগ্রেন্তশিংনা ভোৎ থাদনবগী খুদোংচাবা ফংহন্নবা মরুওইবা ৱারেপ অমদা, ECIনা জম্মু অমসুং উধামপুরদা লৈবা তুরেলদগী পন্দুনা লৈরিবা মীওইশিংগীদমক ফোর্ম-এম মপুং ফাহন্নবগী অরুবা থৌওং অসি লৌথোকখ্রে। মসিগী মথক্তা, জম্মু অমসুং উধামপুরগী মপান্দা লৈবা মাইগ্রেন্তশিংগীদমক (মখোয়না ফোর্ম এম সবমিৎ তৌবা মখা চত্থরগনি) ই.সি.আই.না ফোর্ম-এমগা লোয়ননা এনেক্স তৌরিবা সর্তিফিকেৎ অদু সেল্ফ-এত্তেস্তেসন তৌবগী অয়াবা পীখ্রে। মসিনা গেজেতেদ ওফিসরনা সর্তিফিকেৎ অসি ওথোরাইজেসন তৌবগী অৱাবা অদু কোকহনগনি। দিল্লি, জম্মু অমসুং উধামপুরগী তোঙান-তোঙানবা রিলিফ কেম্পশিংদা লৈরিবা কাশ্মীরী মাইগ্রেন্ত ভোটরশিংসু অখন্নবা পোল্লিং স্তেসনশিংদা মীৎয়েং চংদুনা নৎত্রগা পোস্তেল বেল্লোত শিজিন্নদুনা ভোৎ থাদনবগী ওপসন লৈহন্নবা কম্মিসন্না অয়াবা পীখ্রে। জম্মুদা স্পিসিএল পোল্লিং স্তেসন 21, উধমপুরদা 1 অমসুং দিল্লীদা 4 লিংখৎখি।

স্পেসিএল পোল্লিং স্তেসনশিংদা মখোয়গী ভোৎ থাদরিবা কাশ্মিরি মাইগ্রেন্তশিং

মতৌ অসুম্না, মনিপুরদা ইন্তর্নেল্লী দিসপ্লস তৌরবা মীওইশিংগী ভোৎ থাদবগী হক ফংহন্নবা, দিস্ত্রিক্ত 10দা ইন্তর্নেল‌্লী দিসপ্লস তৌরবা মীওইশিংগীদমক স্পিসিএল পোল্লিং স্তেসন 94 লিংখৎলে। তেংনৌপল দিস্ত্রিক্ততা ভোতর অমখক্তগীদমক স্পেসিএল পোল্লিং স্তেসন অমা লিংখৎখি। পোল অসি ৱেবকাস্তিং/ ভিদিওগ্রাফীগী মখাদা পাঙথোকখি অমসুং রিলিফ কেম্পশিংগী মপান্দা লৈবা দিসপ্লেস তৌরবা মীওইশিংসু SPSতা ভোৎ থাদনবা থোরকখি।

           স্পেসিএল পোল্লিং স্তেসনশিংদা মনিপুরদা IDPনা মখোয়গী ভোৎ থাদখিবা          

******