ইলেক্সন কমিসন

হৌখিবা চহি 35 দা সাধারন মীখল অমদা খ্বাইদগী য়াম্না ভোৎ থাদবা থোক্লক্তুনা ভারতকী মীখলগী পুৱারিদা জে অমসুং কেনা মুৎপা নাইদ্রবা মমি অমা তাহল্লে


2019 গা চাংদম্নবদা কাস্মির তম্পাক্তা মীখল শরুক য়াবা পোইন্ত 30 হেনগৎলে

সাধারন মীখল 2024 দা জে অমসুং কেগী মীয়াম্না থৱায় য়াওনা শরুক য়াবা অসি য়ু,তি জে অমসুং কেগী পাংথোক্কদৌরিবা এশেমব্লী মীখলশিংগী অফবা অমনি

জে অমসুং কেগী মীয়াম গনতন্ত্র পাম্লে অমসুং লৈবাক ঙাকপদা মখোয়গী থৌদাং লৌরে

Posted On: 27 MAY 2024 2:59PM by PIB Imphal

ভারতকী মীখলগী রাজনিতিদা অচৌবা অওনবা অমা ওইনা, হৌখিবা চহি 35 অসিদা জম্মু অমসুং কাস্মিরদা খ্বাইদগী য়াম্না মীখল শরুক য়াবা থেংনরে। সাধারন মীখল 2024 দা য়ু.তি(লোক সভা সিত 5)গী অপুনবা পোল্লিং স্তেসনশিংদা পুন্না ভোৎ থাদবা থোক্লকখিবা ভোত্তর মশিং 58.46 % ওইখি। থৱায় য়াওনা শরুক য়াবা অসিনা লমদম আসিগী মীয়ামদা গনতন্ত্রগী ৱাখল্লোন চেনবা অমসুং মীয়ামগী থবকশিংদা শরুক য়াবগী খুদম অমনি। য়ু.তি অসিদা শান্তি ওইনা মীখলশিং পাংথোকখিবগীদমক সি.ই.সি শ্রী রজিব কুমার অমসুং ই.সি শ্রী গ্যানেস কুমার অমসুং শ্রী সুখবির সিংহ সন্ধুনা লুচিংবা কম্মিসন্না পোল্লিং পর্সোনেলশিং অমসুং সেকুরিতি ওফিসিএলশিং থাগৎপা ফোঙদোকখ্রে।

জে অমসুং কেগী ভোত্তরশিং থাগৎলদুনা সি.ই.সি শ্রী রজিব কুমারনা হায়খি 2019 দগী মীরেপ মশিং 25% হেনগৎলকপগী মাইপাকপা অসি পুরকপা ঙমখিবনি। মীয়াম শরুক য়াবা হেনগৎলকপা অদু সি-ভিজিলদা উৎখি অমসুং মীখলগী কেম্পেন অমসুং অমসুং মীখলদা থৱায় য়াওবগী মমি তাবা ওইনা রেল্লিশিংগী হায়জরকপা 2455 সুবিধা পোর্তেলদা উৎখি। সাধারন মীখল 2024 দা জে অমসুং কেগী মীয়াম্না থৱায় য়াওনা শরুক য়াবা অসি য়ু,তি জে অমসুং কেগী পাংথোক্কদৌরিবা এশেমব্লী মীখলশিংগী অফবা অমনি

য়ু.তি জম্মু অমসুং কাস্মিরদা পি.সি 5 হায়বদি শ্রীনগর, বরামুল্লা, অনন্তনাগ, রাজৌরি, উধাম্পুর অমসুং জম্মু লৈরি। হৌখিবা মীখলশিংদা পি.সি 5 অসিগী অপুনবা ভোৎ থাদবা থোক্লকখিবা ভোত্তর মশিং মখাদা পীরি:

* মতম অমদা জে অমসুং কেগী শরুক অমা ওইরম্বা লাদাখ পি.সি চাংদম্নবা অসিদা য়াওদ্রে।

** গ্রাফিক্স অসিদা 1996-2019 গী অপুনবা ভি.তি.আর উৎলি, 2024গী ওইনা ভি.তি.আর অসি পোল্লিং স্তেসনশিংগীনি

কাস্মির তম্পাক্কী পি.সি অহুমদা ভোত্তর 50.86% থোক্লকখিবা অদুনা মীয়াম্না গনতন্ত্রগী থবকশিংদা থাজবা লৈরি হায়বা উৎপনি। 2019 গা চাংদম্নবদা কাস্মির তম্পাক্তা মীখল শরুক য়াবা পোইন্ত 30 হেনগৎলে, মসি 2019 দা 19.16% লৈখি। হৌখিবা চহি 30 দা খ্বাইদগী ৱাংবা ওইনা পি.সি অহুম হায়বদি শ্রীনগর, বরামুল্লা অমসুং অনন্তনাগ-রাজৌরিদা অপুনবা ভোৎ থাদখিবগী চাং অসি মথংশীৎনা 38.49%, 59.1% অমসুং 54.84% ওইখি। অতোপ্পা পি.সি অনি হায়বদি উধাম্পুর অমসুং জম্মুনা ভোত্তর থোক্লকখিবগী চাং অসি 68.27% অমসুং 72.22% ওইখি।

নোত: দিলিমিতেসনগী থবক্না মরম ওইদুনা, পি.সিশিং অসিগী হৌখিবা মীখলশিংদা ভোত্তরশিং থোক্লকখিবগী দেতা চাংদম্নদ্রে

*গ্রাফিক্স অসিদা 1996-2019 গী অপুনবা ভি.তি.আর উৎলি, 2024গী ওইনা ভি.তি.আর অসি পোল্লিং স্তেসনশিংগীনি

জম্মু অমসুং কাস্মিরগী মীয়াম, মরুওইনা নহারোলশিং মীখলশিংদা শরুক য়ানবা মীখলগী অমসুং সেকুরিতিগী ওফিসিএলশিংনা চোকথবা লৈতনা হোৎনবদগী য়ু.তি অসিদা পুৱারি ওইনা মীয়াম্না শরুক য়াখিবনি। নহারোল কয়া অমুক হন্না মখোয়গী থাজবা লৈরকখি অমসুং অচৌবা মওং অমদা গনতন্ত্র চৎনবা হৌখি। অতোপ্পা নুংঙাইবা অমনা য়ু.তি অসিগী চহি 18-59  কাংলুপকী মীওইশিংনা ইলেক্তরশিংগী অচৌবা শরুক অমা ওইবা অসিনি। সাধারন মীখল 2024 দা চাং ৱাংনা ভোৎ থাদবা অসিনা মখোয়না গনতন্ত্রদা থাজবা থম্বগী মমিনি।

য়ু.তি জে অমসুং কেদা রেজিস্তার তৌরবা ইলেক্তরশিং চহিগী মতুংইন্না খায়দোকপা( পি.সি অমদা অপুনবা ইলেক্তরশিংগী চাদা)

 

চহি কাংলুপশিং

বরামুল্লা

শ্রীনগর

অনন্তনাগ-রাজৌরি

উধাম্পুর

জম্মু

চহি 18 - 39

56.02

48.57

54.41

53.57

47.66

চহি 40 - 59

30.85

34.87

31.59

32.65

35.28

চহি 18 - 59

86.87

83.44

86.00

86.22

82.94

চহি 60 অমসুং মথক

13.13

16.56

14.00

13.78

17.06

 

দিল্লি, জম্মু অমসুং উধামপুরদা তোঙান-তোঙানবা রিলিফ কেম্পশিংদা লৈরিবা কাস্মিরি ভোত্তরশিং অখন্নবা পোল্লিং স্তেসনশিংদা নত্ত্রগা পোস্তেল বেল্লোত শীজিন্নদুনা ভোৎ থাদবা য়ানবা কম্মিসন্না থবক পায়খৎখি। জম্মুদা অখন্নবা পোল্লিং স্তেসন 21, উধামপুরদা 1 অমসুং দিল্লিদা 4 হাংদোকখি।

2019 দা লাদাখ তোখায়বা য়ু.তি অমা ওইনা শেমখি অমসুং য়ু.তি অসিদা ভোৎ থাদবা থোক্লকখিবগী চাং 71.82% ওইখি।

হৌখিবা মীখল খরদা পি.সি অমদা লৈখিবা অপুনবা ভোৎ থাদবা থোক্লকখিবা ভোত্তরগী চাং

পি.সি/চহি

2019

2014

2009

2004

1999

1998

1996

1989

শ্রীনগর

14.43%

25.86%

25.55%

18.57%

11.93%

30.06%

40.94%

লাম্বা লৈখিদে

বরামুল্লা

34.6%

39.14%

41.84%

35.65%

27.79%

41.94%

46.65%

5.48%

অনন্তনাগ

8.98%

28.84%

27.10%

15.04%

14.32%

28.15%

50.20%

5.07%

উধাম্পুর

70.15%

70.95%

44.88%

45.09%

39.65%

51.45%

53.29%

39.45%

জম্মু

72.5%

67.99%

49.06%

44.49%

46.77%

54.72%

48.18%

56.89%

 

মীয়াম পাক-শন্না ৱাখল তাহন্নবা সাধারন মীখল 2024গীদমক জম্মু অমসুং কাস্মিরদা শ্বিভকী শরুক অমা ওইনা তোঙান-তোঙানবা থৌরমশিং পাংথোকখি। চীফ ইলেক্তোরেল ওফিসার, জে অমসুং কেগী ওফিসনা শীন্দুনা মীয়ামদা ভোৎ থাদবগী পাউজেল শন্দোক্নবা এদভেঞ্চর স্পোর্তসকী থৌরমশিং, সিম্পোইজম, রেল্লিশিং, নুক্কাদ নতাক অমসুং তোঙান-তোঙানবা থৌরমশিং পাংথোকখি। পাংথোকখিবা তোঙান-তোঙানবা থবকশিংগী মনুংদা বরামুল্লাদা দম্মি পোল্লিং স্তেসনশিং ওইনা ইগ্লুশিং শেম্বা, কাথুৱাদা পরা স্কুতুরগী থৌরম, সুচেতগর ঙমখৈদা বিতিং দি রিত্রিৎ থৌরম পাংথোক্তুনা ৱাখল তাহনবা, এল.ও.সি মখাদা তিতৱালদা মেগা এৱারনেস রেল্লি, শ্রীনগরদা দাল পাৎ ময়াদা অমসুং কিসতৱারদা ই.সি.আইগী ঈশৈ খোঙবা য়াওখি। মমিং লৈরিবা শৈশকপশিংনা লাল চোক, গুলমার্গ, কুলগাম, অনন্তনাগ য়াওনা তোঙান-তোঙানবা মফমশিংদা ঈশৈগী থৌরমশিং পাংথোকখি। রেকোর্দ ওইনা ভোত্তরশিং ভোৎ থাদবা থোক্লক্তুনা য়ু.তি অসিগী কাচিন-কোয়া খুদিংমক্তা গনতন্ত্রগী হরাও-তয়াম্বা ফোঙদোকপা উখি।

******



(Release ID: 2021840) Visitor Counter : 37


Read this release in: Odia , English , Urdu , Marathi , Hindi , Hindi_MP , Bengali , Assamese , Punjabi , Gujarati , Tamil , Kannada , Malayalam