৭৭শুবা কান্স ফিল্ম ফেস্তিবেলদা পীখিবা ভারতকী পার্ফোরমেন্স অসি ফিল্মেকর ২, এক্ত্রেস অমা অমসুং সিনেমাতোগ্রাফর অমনা মালেমগী মাংজিল থারিবা ফিল্ম ফেস্তিবেল অসিদা চাউনা মায় পাক্তুনা ঙান্থোইরি। মায় পাকপা ফিল্ম ইন্দস্ত্রী অমা ওইবগা লোইননা খ্বাইদগী য়াম্না ফিল্ম পুথোকপা লৈবাকশিংগী মনুংদা অমা ওইরিবা ভারতকী ফিল্ম পুথোকপশিংনা চহি অসিগী কান্সতা চাউনা মায় পাক্লে।

চহি ৩০ রোম অসিদা অহানবা ওইনা পায়ল কপাদিয়াগী ভারতকী ফিল্ম, নর্স অনিগী পুন্সিদা য়ুম্ফম ওইবা 'ওল ৱি ইমেজিন এস লাইত'না ফেস্তিবেল অসিগী খ্বাইদগী চাউবা মনা ওইরিবা পাল্মে দিওরগী নোমিনেত তৌখি।

কপাদিয়াগী ফিল্ম অসিনা কাংলুপ অসিদা অনিশুবা তাদুনা গ্রান্দ প্রিক্স ফংখি। পায়ল কপাদিয়াগী মায় পাকপসিগা লোইননা, এফ.তি.আই.আই.গী এলুম্নস অমনা অসিগুম্বা মমল নাইদ্রবা মনা অসি ফংবা ঙম্বা অহানবা ভারত মচা ওইরে। মসি শাজি এন করুনগী জ'স্বাহম'না খ্বাইদগী ৱাংবা কাইখুম্নবা অসিদা অথোই অহেন তানখ্রবা মতুং চহি ৩০গী মতুংদা ফংখিবনি।

পায়লগী ফিল্ম অসি ইনফোর্মেসন অমসুং ব্রোদকাস্তিং মন্ত্রালয়না ভারত অমসুং ফ্রান্সকী মরক্তা ওদিও ভিজ্বেল ত্রিতী খুৎয়েক পীনখিবগী মখাদা ইন্দো-ফ্রেঞ্চ অনিনা পুন্না পুথোকপনি হায়না ওফিসিএল ওইনা লাউথোকখি। ফিল্ম অসিবু নম্বগী অয়াবসু মন্ত্রালয় অসিনা মহারাস্ত্র (রতনগিরি অমসুং মুম্বাই) নম্বগী অয়াবা পীখি। ফিল্ম অসিনা ভারত সরকারদগী ইন্সেন্তিব স্কিমগী মখাদা ওফিসিএল ওইনা অনিনা পুথোকমিন্ননবগীদমক অহানবগী ওইনা ক্বালিফাইয়িং কো প্রদক্সন এক্সপেন্দিচর ৩০% ফংখি।

ফিল্ম তেলিভিজন ইন্সতিত্যুত ওব ইন্দিয়াগী মহৈরোই চিদানন্দ এস নাইকনা লা সিনেফ কাংলুপতা কনাদাগী ফুঙ্গা ৱারীদা য়ুম্ফম ওইবা মিনত ১৫ শাংবা শোর্ত ফিল্ম "সনফ্লাৱর ৱেয়র দি ফর্স্ত তু নো"দা অহানবা মনা ফংখি। হায়রিবা এফ.তি.আই.আই.গী ফিল্ম অসি এফ.তি.আই.আই.গী তিভি ৱিংগী চহি অমগী প্রোগ্রাম ওইনা তোঙান-তোঙানবা দিসিপ্লিন হায়বদি দিরেক্সন, ইলেক্ত্রোনিক সিনেমাতোগ্রাফী, ইদিতিং, সাউন্দগী মহৈরোই মরিনা অমত্তা ওইনা প্রোজেক্ত অমদা চহি লোইরকপগী অপুনবা এক্সর্সাইস ওইনা হোৎনমিন্নখি। ২০২২দা এফ.তি.আই.আই.দা চঙদ্রিঙৈদা, চিদানন্দ এস নাইক অসি আই & বি মন্ত্রালয়গী নৌনা সিনেমাগী লমদা ফাওগৎলক্লিবা আর্তিস্তশিংবু শকখঙবীনবা অমসুং শৌগৎনবা থৌরাং অমা ওইরিবা ৫৩শুবা ইন্তর্নেসনেল ফিল্ম ফেস্তিবেল ওব ইন্দিয়া (আই.এফ.এফ.আই)গী ৭৫ ক্রিএতিব মাইন্দসগী খনগৎলবশিংগী মরক্তা অমা ওইখি। মসিমসু পনবা য়াই মদুদি ভারত্তা পোকপা মন্সি মহেস্বরিগী বন্নিহুদ, এনিমেতেদ ফিল্ম সিনসু লা সিনেফ সেলেক্সন্দা অহুমশুবা মনা ফংখি।

ফেস্তিবেল অসিনা মালেমগী মমিং লৈরবিয়া দিরেক্তর শ্যাম বেনেগলগী থবকশিংবুসু ইকাইখুম্নবা উৎখি। নেসনেল ফিল্ম আর্কাইবস ওব ইন্দিয়া (ইনফোর্মেসন ব্রোদকাস্তিং মন্ত্রালয়য়গী মখাদা এন.এফ.দি.সি.-এন.এফ.এ.আই.)দা চেকশিন্না থম্লিবা অমসুং ফিল্ম হেরিতেজ ফাউন্দেসননা নৌনা রিস্তোর তৌবা ইদনিয়া বেনেগলগী মন্থন্না ফোঙখ্রবা মতুং চহি ৪৮গী মতুংদা কান্সতা ক্লাসিক সেক্সন্দা উৎখি। ময়াম্না শকখঙনরবা ভারতকী সিনেমাদা থবক কয়া অমা খুৎশিন্নবীরম্বা সিনেমাতোগ্রাফর সন্তোশ সিবননা পিয়রে এঞ্জিনিয়ক্স ত্রিব্যুত মনা মহাক্কী "পুন্সি অমসুং তোপ তোপ্পা থবক্কী মগুন"গীদমক মনা ফংবা ইহান হানবা এসিয়া মচা ওইরে। কান্সতা পুৱারী শেমখিবা অতোপ্পা মীশক অমা হায়রবদি অনাসুয়া সেনগুপ্তনি, মহাক্না "দি শেম্লেস"তা পীখিবা পার্ফোরমেন্সকীদমক 'অন সর্তেন রিগার্দ'কী কাংলুপতা বেস্ত এক্ত্রেসকী মনা ফংবা ইহান হানবা ভারত মচা ওইরে। অতোপ্পা কান্সতা মায় পাকখিবা ইন্দিপেন্দেন্ত ফিল্ম মেকর অমদি মৈসাম অলিনি, মহাক এফ.তি.আই.আই.গী অলুম্নস অমসুনি। মহাক্কী ফিল্ম "ইন রিত্রিত"পু এসিদ কান্স সাইদবার প্রোগ্রামদা উৎখি। মসিনা ভারতকী ফিল্ম অমনা ১৯৯দা হেক হৌদোক্লকপদগী এসোসিএসন ফোর দি দিফ্যুজন ওব ইন্দিপেন্দেন্ত সিনেমানা চলাইবা সেক্সনদা কাপখিবা ইহান হানবনি।

ঐখোয়না ৭৭শুবা কান্স ফিল্ম ফেস্তিবেলদা ভারতকী সিনেমাগী পুৱারী ওইরবা চহি অমা উবা ফংবগা লোইননা, ফিল্ম অমসুং তেলিভিজন ইন্সতিত্যুত ওব ইন্দিয়ানা পায়ল কপাদিয়া, সন্তোস সিবন, মৈসাম অলি অমসুং চিদানন্দ এস নাইককুম্বা এলুম্নিশিংনা কান্সতা মায় পাক্লকপগী হরাওবা ফোংদোকপগী অখন্নবা মরম অমা ওইরি। এফ.তি.আই.আই. অসি ইনফোর্মেসন অমসুং ব্রোদকাস্তিং মন্ত্রালয় ভারত সরকারগী মখাদা লৈবা ওতোনোমস ইন্সতিত্যুত অমা ওইরি অমসুং কেন্দ্র সরকারদগী শেন্থং ফংবগা লোইননা সোসাইতী অমা ওইনা চলাইরি।

কেন্দ্র সরকারনা সিঙ্গল ৱিন্দো ক্লিয়রেন্স, তোঙান-তোঙানবা লৈবাকশিংগা পুন্দুনা পুথোকমিন্নবা, মসিগী ওতোনোমস ইন্সতিত্যুতশিং হায়বদি ফিল্ম অমসুং তেলিভিজন ইন্সতিত্যুত ওব ইন্দিয়া অমসুং সত্যজিত রে ফিল্ম অমসুং তেলিভিজন ইন্সতিত্যুত নৎত্রগা তোঙান-তোঙানবা মওংদা ভারতপু মালেমগী কন্তেন্ত হব অমা ওইনবা অমসুং ফিল্মগী সেক্তর চাউখৎনবা হোৎনরিবা কয়ানা নেসনেল অমসুং ইন্তর্নেসনেলগী থাক্তা অফবা শাফু অমা পুরক্লি।

***