য়ু.তি জম্মু অমসুং কাস্মিরদা শ্রীনগর পি.সিদা ভোত্তর 38.49% থোক্লকখিবা মতুংদা, হৌখিবা লোক সভা মীখল 8 দা বরামুল্লা পি.সিনা হৌজিক ভোত্তর খ্বাইদগী য়াম্না ভোৎ থাদবা থোক্লকপা ওইরে। নুংথিল পুং 5 ফাওবদা বরামুল্লা, কুপৱারা, বন্দিপোরা অমসুং বুদগামদা ভোত্তর 54.21 % থোক্লকখি।

সি.ই.সি শ্রী রজিব কুমারনা ই.সিশিং হায়বদি শ্রী গ্যনেস কুমার অমসুং শ্রী সুখবির সিংহ সন্ধুগা লোয়ননা শান্তি ওইনা মীখল পাংথোক্নবা সিবিল অমসুং সেকুরিতিগী মীওইশিংনা পাংথোক্লিবা থবকশিং থাগৎপা ফোঙদোকখি। জে অমসুং কেগী ভোত্তরশিংনা থৱায় য়াওনা শরুক য়াবা অসিনা তাক্লে মদুদি জম্মু অমসুং কাস্মিরগী মীয়াম ভোৎ থাদনবা খৌরাংনা ঙাইরি অমসুং গনতন্ত্রগী লৈঙাক অমদা মখোয়গী থাজবা লৈরিবা হায়বা উৎলে।

বরামুল্লা প.সি শীনবা থুংনা লৈরিবা পোল্লিং স্তেসন ২১০৩দা ভোৎ থাদনখি অমসুং পোল্লিং স্তেসনশিংদা লাইভ ৱেবকাস্তিং তৌখি। অয়ুক পুং 7 ভোৎ থাদবা হৌখি অমসুং মখোয়গী ভোৎশিং থাদনবা ভোত্তরশিংনা থৱায় য়াওনা পরেং শাংনা লেপতুনা ঙাইনখি।

হৌখিবা মীখলশিংদা ভোত্তর থোক্লকখিবগী অপুনবা মশিং

সাধারন মীখল 2024 দা বরামুল্লা পি.সিদা মীরেপ 22 লাম্বা তৌনখি। পোল্লিং স্তেসনশিংদা শান্তি ওইনা মীখলশিং পাংথোক্নবা পোল্লিং পর্সোনেলশিং অমসুং সেকুরিতি পর্সোনেলশিংনা চোকথবা নাইদনা হোৎনখি। দিল্লি, জম্মু অমসুং উধামপুরদা লৈরিবা রিলিফ কেম্পশিংদা লৈরিবা কাস্মিরদগী চেল্লকখিবা ভোত্তরশিং ভোৎ থাদনবা কম্মিসন্না থবক পায়খৎলে অমসুং অখন্নবা পোল্লিং স্তেসনশিংদা মশাক লাক্তুনা ভোৎ থাদনবা নত্ত্রগা পোস্তেল বেল্লোতশিংনা ভোৎ থাদনবা খুদোংচাবশিং পীরে। জম্মুদা অখন্নবা পোল্লিং স্তেসন 21 উধামপুরদা 1 অমসুং দিল্লিদা 4 হাংদোক্লে।

জম্মু, উধামপুর অমসুং দিল্লিদা অখন্নবা পোল্লিং বুথশিংদা মাইগ্রেন্ত ভোত্তরশিং

মরিশুবা তাঙ্কক্কী মীখলদা শ্রীনগর পি.সিগী শ্রীনগর, গন্দরবাল, পুলৱামা, বুদগাম অমসুং সোপিয়ান জিলাশিংদা হৌখিবা চহি খর অসিদা খ্বাইদগী ৱাংবা ওইনা ভোত্তর 38.49% থোক্লকখি। মসি আর্তিকল 370 লৌথোকখিবা অমসুং জম্মু অমসুং কাস্মির রিওর্গনাইজেসন এক্ত,2019 চৎনখিবা মতুংদা কাস্মিরদা অহানবা ওইনা পাংথোকপা সাধারন মীখলনি।

****