ইলেক্সন কম্মিসন ওব ইন্দিয়ানা হয়েং পাঙথোক্কদবা ফেজ-৫কী লোক সভা পোলগী পুম্নমক শেম শারে। পোল্লিং অসি রাজ্য/য়ু.তি. ৮দা লৈবা পার্লিয়ামেন্তরী কন্সতিত্যুএন্সী ৪৯দা পাঙথোক্কনি। ওদিশা লেজিস্লেতিব এসেম্বলীগী এসেম্বলী কন্সতিত্যুএন্সী ৩৫গী মীখলসু হয়েং চপ মাননা পাঙথোক্কনি। পোল্লিং স্তেসনশিং অসিনা ভোতরশিংবু উরুম, থক্নবা ঈশিং, রাম্প, অমাংশঙ অমসুং মীখল অসিবু নুংঙাইনা অমসুং শোইদ-ঙামদনা পাঙথোকপদা চঙবা অতৈ তঙাইফদবা পুম্নমক পীদুনা তরাম্না ওক্নবা শেম শারে। মরী লৈনবা সি.ই.ও./দি.ই.ও.শিং অমসুং রাজ্যগী মেচিনরীশিংসু মফমশিং অসিগী মাংজৌননা তাকপা অইং অশাগী পাউদা য়াম্না শাবা ফিভম অসিবু নীংথিনা মাইয়োক্ননবা শেম শানবা পাউতাক পীখ্রে। পোল্লিং পার্তীশিংবু মেচিনশিং অমসুং মীখলগী খুৎলাইশিংগা লোইননা পোল্লিং স্তেসনশিংদা থাখ্রে।

কম্মিসন অসিনা ভোতরশিংবু পোল্লিং স্তেসনশিংদা মশীং য়াম্না থৌদাং অমসুং চাউথোকচবগা লোইননা থোকপীরক্নবা পুক্নিং চিংশিনখি। হৌজিক ফাওবদা লোক সভা ইলেক্সন ২০২৪ অসিদা পোল্লিং স্তেসনশিংদা ভোতর থোক্লকপগী চাং ৬৬.৯৫% উবা ফংখি। চথরিবা জেনরেল ইলেক্সন অসিগী মরিশুবা ফেজদা মীওই মিলিয়ন ৪৫১না মাঙজৌননা ভোত থাদখ্রে।

ফেজ-৫তা থাদগদবা রাজ্য/য়ু.তি. ৮ অদুদি – বিহার, জম্মু অমসুং কাশ্মির, লদাখ, ঝার্খন্দ, মহারাস্ত্র, ওদিশা, উত্তর প্রদেশ, অমসুং নোংচুপ বেঙ্গালনি। মুম্বাই, থানে, লখনৌগুম্বা শহরশিংসু হায়রিবা ফেজ অসিদা ভোৎ থাদগনি, হায়রিবশিং অসি মমাংদা ভোত থাদবদা অর্বান এপেথী ফাওবা মফমশিংনি। কম্মিসন অসিনা অখন্ননা শহরদা লৈরিবা মীওইশিংবু মশীং য়াম্না থোকপীরক্তুনা অসিগুম্বা স্তিগ্মা অসি কোকহন্নবা পুক্নিং চিংশিনখি।

ই.সি.আই.না মশক থোকপা মীওই কয়াগা শম্নদুনা ভোতরশিংদা চত্থরিবা মীখল অসিদা  মখোয়গী ভোত থাদবীনবা হোৎনরি। মরম অসিনা করিগুম্বা ক্রিকেতকী লিজেন্দ ই.সি.আই.গী নেসনেল আইকন সচিন তেন্দুলকরনা অদোমদা অদোমগী ভোত থাদবীনবা ফোন তৌবীরকপা মতমদা অঙকপা পোকপীগনু!

লেমহৌরিবা মীখলগী ফেজ ৩ অসিনা ভোত মশীং জুন ৪দা থীবগা লোইননা জুনগী ১ ফাওবা চত্থদুনা পাঙথোক্কনি। রাজ্য/য়ু.তি. ২৩ অমসুং পি.সি. ৩৭৯গী পোল্লিং অসি জেনরেল ইলেক্সন অসিগী অহানবা তাংকক মরি অসিদা ঈংনা চীক্না পাঙথোক্তুনা লোইশিনখি।

ফেজ ৫ কী খঙবা য়াবশিং:

1. জেনরেল ইলেক্সন ২০২৪গী ফেজ ৫কী পোল্লিং অসি রাজ্য/য়ূ.তি. ৮গী পার্লিয়ামেন্তরী কন্সতিত্যুএন্সী ৪৯গী (জেনরেল ৩৯; এস.তি.-০৩; এস.সি. ০৭)গী ওইনা মে ২০, ২০২৪দা পাঙথোক্কনি। ভোত থাদবা অয়ুক পুং ৭ তগী হৌগনি অমসুং নুমিদাং পুং ৬তা লোইগনি (লোইশিনবগী পুংফম অসি পি.সি.গী মতুং ইন্না মান্নদবা য়াই)।
2. ওদিশাগী এসেম্বলী কন্সতিত্যুএন্সী ৩৫ (জেনরেল-২১; এস.তি.-০৮; এস.সি.-০৬;)গীসু ওদিশা লেজিস্লেতিব এসেম্বলীগী সিতকীদমক ভোত থাদনগনি।
3. পোল্লিং ওফিসিএল ৯.৪৭ লাখলোম্না পোল্লিং স্তেসন ৯৪,৭৩২ রোমদা ভোতর করোর ৮.৯৫ লোম্বু তরাম্না ওক্কনি।
4. ভোতর করোর ৮.৯৫ অসিদা নুপা করোর ৪.৬৯; নুপী করর ৪.২৬ অমসুং অহুমশুবা জেন্দর ৫৪০৯ য়াওরি।
5. ফেজ ৫কী অসিদা চহি ৮৫+কী মিং চল্লবা লাখ ৭.৮১ য়াওরি, চহি ১০০ হেল্লবা ভোতর ২৪,৭৯২ য়াওরি অমসুং মখোয়গী ময়ুমদা নুংঙাইনা ভোত থাদহনগদবা পি.দব্ল্যু.দি. ভোতর লাখ ৭.০৩ য়াওরি। ওপসনেল হোম ভোতিং অসিবু হরাওনা য়াবীবগী পাউখুম কয়া লাকখি।
6. অখন্নবা ত্রেন ১৭ অমসুং হেলিকোপ্তর ৫০৮না পোল্লিং অমসুং সেক্যুরিতী পার্সনেলশিংবু পুথোক-পুশিন তৌরি।
7. ওবজার্বর ১৫৩ (জেনরেল ওবজার্বর ৫৫, পোলিস ওবজার্বর ৩০, এক্সপেন্দিচর ওবজার্বর ৬৮)সু মখোয়গী কন্সতিত্যুএন্সীশিংদা মীখল পাঙথোক্কদবা নুমিৎকী মাংজৌননা থুংখ্রে। মখোয়না কম্মিসনগী মীৎ অমসুং নাকোং ওইনা মথৌ তৌরি। মসিগী মথক্তা, অখন্নবা ওবজার্বরশিংসু অখন্নবা রাজ্যশিংদা থারি।
8. অপুনবা ওইনা ফ্লাইং স্ক্বাদ ২০০০, স্তেতিক সর্ভিলেন্স তীম ২১০৫, ভিদিও সর্ভিলেন্স তীম ৮৮১ অমসুং ভিদিও ভ্যুৱিং তিম ৫০২না মীকুপ নাহুম শিংনা য়েংশিল্লি।
9. অন্তর্জাতিগী ঙমখৈগী চেক পোস্ত ২১৬ অমসুং ইন্তর স্তেত বোরদর চেক পোস্ত ৫৬৫না য়ু, দ্রগ, শেল অমসুং ফ্রীবীস আইন কায়না পুথোক পুশিন তৌবা য়েংশিল্লি। অকনবা চেকশিন থৌরাংশিং শমুদ্র অমসুং নোংথক্কী লম্বীদা থম্লি।
10.  ঈশিং, উরুম, অমাংশঙ, রাম্প, ভোলুন্তীয়র, ৱীলচিয়র অমসুং মৈগী তঙাইফদবা খুদোংচাবশিং অহল অমসুং নাম্ম শোইরবশিং য়াওনা ভোতর খুদিংমক্তা লায়না ভোত থাদনবা য়াহন্নবা ফংহল্লি।
11.  ভোতর ইনফোর্মেসন স্লিপসু রেজিস্তর তৌরবা ভোতর খুদিংমক্তা পীরি। হায়রিবা স্লিপশিং অসিনা ভোত থাদবা য়াহন্নবা অমসুং কম্মিসন্না ভোত থাদবা লাকপীনবা তরাম্না ওকপগী চেরোল অমা ওইনা মথৌ তৌরি।
12.  ভোতরশিংনা মখোয়গী পোল্লিং স্তেসনগী অকুপ্পা মরোলশিং, মীখলগী তারিখ https://electoralsearch.eci.gov.in/ পীরিবা লিঙ্ক অসিদগী য়েংবা য়াগনি।
13.  কম্মিসন অসিনা পোল্লিং স্তেসনশিংদা শক্তাক চে ওইনা ভোতর আই.দি. কার্দ (ইপিক)কী মথক্তা অতোপ্পা চে চাং ১২সু পীরি। করিগুম্বা ভোতর অমনা ইলেক্তোরেল রোলদা মিং চল্লবদি হায়রিবা চে চাংশিং অসিদগী অমা উৎপীরগা ভোত থাদবা য়াগনি। অতোপ্পা শক্তাক চে ওইনা শীজিন্নবা য়াবা চে চাংশিং অদুগী ই.সি.আই.গী ওর্দরগী লিঙ্কঃ https://www.eci.gov.in/eci-backend/public/api/download?
14.  পার্লিয়ামেন্তরী কন্সতিত্যুএন্সীশিংগী ওইবা ফেজ ৫কী ইলেক্তরশিং মে ১৭, ২০২৪গী প্রেস নোত নম্বর ৮৯ গী মতুং ইন্না ফোঙখ্রে।
15.  জেনরেল ইলেক্সন্দগীনা লোক সভা ২০১৯ ফাওবগী ভোতর থোক্লকপগী চাং তাকপা দেতা মখাগী লিঙ্ক অসিদা ফংবীগনিঃ
    https://old.eci.gov.in/files/file/13579-13-pc-wise-voters-turn-out/
16.  ভোতর তর্নআউত এপনা ফেজ খুদিংমক্কী তোঙান তোঙান্না মপুং ওইবা চাউরাক্না থোক্লকপগী চাং পীরি। মসিমসু খঙজিনবা য়াই মদুদি ফেজ ৱাইজ/স্তেত ৱাইজ/এ.সি. ৱাইজ/পি.সি. ৱাইজগী ওইবা চাউরাক্না থোক্লকপগী চাংসু ভোতর তর্নআউত এপতা পুং অনি খুদিংগী ওইনা মীখলগী নুমিত্তা নুমিদাং পুং ৭ ফাওবা ফংলি।

***************