పారదర్శకత, బహిర్గతాలకు కట్టుబడి ఉన్న కమిషన్ రెండు నెలలు పూర్తయిన తర్వాత రాజకీయ పార్టీల ఫిర్యాదుల ఆధారంగా ఎంసీసీ కింద తీసుకున్న చర్యల స్థితిగతులను అప్ డేట్ చేయాలని నిర్ణయించింది. ఇది అమల్లోకి వచ్చిన మొదటి నెల తర్వాత ఎంసిసి నవీకరణలను అందించే కమిషన్ పారదర్శక చొరవకు కొనసాగింపు. తీసుకున్న చర్యలకు సంబంధించిన కొన్ని వివరాలు కూడా పేర్కొన్నారు. తద్వారా అపోహలు చిన్నవి అయినా, లేదా పరిమితమైనవి అయినా పరిష్కరించారు.ముగించారు.

భారతదేశం గర్వించదగిన స్థాయి ఆట  మైదానాన్ని నిర్వహించడానికి తీసుకున్న చర్యలపై అత్యంత ముఖ్యమైన భాగస్వాములు, ఓటర్లు , రాజకీయ పార్టీలకు వాస్తవిక సమాచారం లభించేలా కమిషన్ ఈ సమాచారాన్ని పబ్లిక్ డొమైన్ లో ఉంచాలని ఎంచుకుంది.

సిఇసి శ్రీ రాజీవ్ కుమార్, ఇసిలు శ్రీ జ్ఞానేష్ కుమార్,  శ్రీ సుఖ్బీర్ సింగ్ సంధు నేతృత్వంలోని కమిషన్ ఎంసిసి ఉల్లంఘనలకు సంబంధించి దేశవ్యాప్తంగా పెండింగ్ లో ఉన్న కేసులను ప్రతిరోజూ పర్యవేక్షిస్తోంది. సకాలంలో, అధిక ప్రాధాన్యతతో చర్యలు తీసుకుంటోంది. గత రెండు నెలల్లో ఈ చర్యలలో అనేకం ప్రచార తీరును ప్రక్షాళన చేయడం లో కేవలం ఇప్పటికీ మాత్రమే గాక దీర్ఘకాలిక,  వ్యవస్థాగత ప్రభావాలను కలిగి ఉన్నాయి,

రాజకీయ పార్టీల అగ్రనేతలు, ముఖ్యంగా ప్రధాన జాతీయ పార్టీల అగ్రనేతలు, వీరిలో ఎక్కువ మంది స్టార్ క్యాంపెయినర్లు కావడం ప్రస్తుత ఎన్నికల్లో వారి నుంచి ఆశించే ప్రచార ప్రసంగాలకు మంచి ఉదాహరణగా నిలుస్తుందని కమిషన్ భావిస్తోంది. సున్నితమైన సమతుల్యమైన దేశ సామాజిక వ్యవస్థకు శాశ్వత విఘాతం కలగకుండా మిగిలిన దశల్లో తమ ప్రకటనలు, వ్యాఖ్యల సరళిని సరిదిద్దడం ప్రధానంగా వారి బాధ్యత.

ఎంసీసీ రెండు నెలల అమలు లో తీసుకున్న కొన్ని నిర్ణయాలు ఇలా ఉన్నాయి.

1. లోక్ సభకు సార్వత్రిక ఎన్నికల ప్రకటనతో 2024 మార్చి 16న ఎన్నికల కోడ్ అమల్లోకి వచ్చి నాలుగు దశలు ముగిశాయి.

2. ఎన్నికల ప్రవర్తనా నియమావళి (ఎంసిసి) అమల్లోకి వచ్చి సుమారు రెండు నెలలు పూర్తి కాగా, నియోజకవర్గ స్థాయిలో వివిధ రాజకీయ పార్టీలు అభ్యర్థుల ప్రచారం చాలావరకు హింసా రహితంగా, తక్కువ శబ్దంతో, తక్కువ గందరగోళంగా, చొరబాటు లేకుండా, ప్రలోభాలకు, ఆర్భాటాలకు తావులేకుండా ఉంది.

3. ఓటర్ల ఉత్సాహభరిత భాగస్వామ్యంతో శాంతియుత, ప్రలోభరహిత ఎన్నికల నిర్వహణ తీరుపై భారత ఎన్నికల సంఘం పూర్తి సంతృప్తి చెందింది.
4. నాలుగు దశలలో దేశవ్యాప్తంగా, ముఖ్యంగా మణిపూర్, త్రిపుర, ఎల్ డబ్ల్యూ ఇ  ప్రాంతాలు, పశ్చిమబెంగాల్, జమ్ముకశ్మీర్, సుదూర, చేరుకోలేని ప్రాంతాల్లో ప్రశాంతంగా, ఉత్సాహంగా, పండుగ వాతావరణంలో ప్రశాంతంగా జరిగిన ఓటింగ్ ప్రజాస్వామ్య మూలాలకు నిదర్శనం. ప్రత్యేకంగా రూపొందించిన ఫోటో గ్యాలరీలో భారత ఎన్నికల ఉత్సాహాన్ని వీక్షించడానికి కమిషన్ ఈ లింక్ : https://www.eci.gov.in/ge-2024-photogallery లోకి పౌరులను ఆహ్వానిస్తోంది

5. పారదర్శకతను పెంపొందించేందుకు కమిషన్ ప్రకటించిన రోజు నుంచి ఇప్పటివరకు 63 ప్రెస్ నోట్స్ ను విడుదల చేసింది.

6. ఎన్నికల నియమావళి ఉల్లంఘనలపై ఇప్పటివరకు 16 రాజకీయ పార్టీలకు చెందిన 25 మంది ప్రతినిధులు కమిషన్ ను కలిసి అభ్యంతరాలు/ ఫిర్యాదులు, ఫిర్యాదులు అందచేశారు. చేశారు. వీటితో పాటు రాష్ట్రాల లో ఎన్నికల ప్రధానాధికారి స్థాయిలో అనేక ప్రతినిధి వర్గాలు సమావేశమయ్యాయి..

7. అన్ని రాజకీయ పార్టీలకు సకాలంలో సమయం కేటాయించి వారి సమస్యలను ఓపికగా విన్నాం.
8. ప్రచారం సంబందమైనవి, లేదా వివరణ సంబంధిత మినహా వివిధ రాజకీయ పార్టీలు, అభ్యర్థుల నుంచి ఇ సి ఐ, సి ఇ ఒ ల స్థాయిలో దాదాపు 425 ప్రధాన ఫిర్యాదులు దాఖలయ్యాయి. వీటిలో 400 కేసుల్లో చర్యలు తీసుకున్నారు (లేదా సమస్యను పరిష్కరించారు). దాదాపు 170, 95, 160 ఫిర్యాదులను ఐ ఎన్ సి , , బీజేపీ, ఇతరులు దాఖలు చేశారు. ఈ ఫిర్యాదుల్లో చాలా వరకు చర్యలు తీసుకున్నారు.

9. మత, కుల, ప్రాంతీయ భాషా విభేదాలు లేదా భారత రాజ్యాంగ పవిత్రతపై అగ్ర స్టార్ క్యాంపెయినర్లు విభజన ప్రకటనల శైలిలో ఎంసిసిని ఉల్లంఘించారని ఆరోపిస్తూ కాంగ్రెస్, బిజెపి ఒకరిపై ఒకరు ఇచ్చిన కొన్ని ఫిర్యాదులు పెండింగ్ లో ఉన్నాయి. గతంలో ఎంసీసీ ఉల్లంఘనలకు పాల్పడిన వ్యక్తిగత నేతలకు కమిషన్ నోటీసులు జారీ చేసింది. ఎంసిసిని ప్రత్యక్షంగా లేదా పరోక్షంగా ఉల్లంఘించే ప్రసంగాలు/ ప్రకటనలు చేయవద్దని తమ నాయకులు / అభ్యర్థులు / స్టార్ క్యాంపెయినర్లను కోరాలని ఆదేశిస్తూ అన్ని గుర్తింపు పొందిన రాజకీయ పార్టీల అధ్యక్షులు / చైర్పర్సన్లు / ప్రధాన కార్యదర్శులకు 01 మార్చి 2024 నాటి అడ్వైజరీ తో కమిషన్ కొత్త చర్యకు ఉపక్రమించింది. వ్యక్తిగతంగా స్టార్ క్యాంపెయినర్/నాయకుడు/అభ్యర్థి చేసిన ప్రసంగాలకు బాధ్యత పార్టీలు వహించాల్సి ఉంటుందని కమిషన్ అభిప్రాయపడింది, పార్టీలు సూచించిన విధంగా పార్టీ అధ్యక్షుడు/రాజకీయ పార్టీ అధినేతను కమిషన్ సందర్భానుసారంగా సంబోధిస్తుంది. అటువంటి ఉల్లంఘనలకు పాల్పడకుండా వారి స్టార్ క్యాంపెయినర్లను అదుపు చేయడం పార్టీల ప్రధాన బాధ్యత. ఎంసిసికి అనుగుణంగా రాజకీయ పార్టీ జవాబుదారీతనాన్ని వారి కార్యకర్తలందరూ పెంచడం దీని ఉద్దేశం. ఈ పెండింగ్ ఫిర్యాదుల విషయంలో ఇరు పార్టీల అధ్యక్షులకు నోటీసులు జారీ చేశారు. రెండు పార్టీల నుంచి స్పందన వచ్చింది. ఫిర్యాదులు/కౌంటర్ ఫిర్యాదులపై తగిన చర్యలు కమిషన్ పరిశీలనలో ఉన్నాయి.  ఎం సి సి ఫ్రేమ్ వర్క్ కింద తీసుకున్న కొన్ని ముఖ్యమైన చర్యలు ఈ క్రింద  ఇవ్వబడ్డాయి.
10. 10.ఐ ఎన్ సి ఫిర్యాదు మేరకు హర్యానాలోని ఓ జిల్లా పరిషత్ సీఈవోను అభ్యర్థి ఎన్నికల ప్రచారంలో పాల్గొన్నందుకు బదిలీ చేశారు.

11. గుజరాత్ లోని దాహోద్ పార్లమెంటరీ నియోజకవర్గంలో పోలింగ్ బూత్ ను స్వాధీనం చేసుకోవడం, ఈవీఎంలను ట్యాంపరింగ్ చేశారన్న ఐ ఎన్ సీ ఫిర్యాదు మేరకు రీపోలింగ్ కు ఆదేశించడంతో పాటు మొత్తం పోలింగ్, పోలీసు పార్టీలను సస్పెండ్ చేసి, వారిపై శాఖాపరమైన చర్యలు తీసుకోవాలని సంబంధిత రాష్ట్ర అధికారులను ఆదేశించారు.

12. టీడీపీ ఫిర్యాదుపై ఎన్నికల సంఘం ఎన్నికల ప్రవర్తనా నియమావళి నిబంధనలను, ధృవీకరించని ఆరోపణలకు సంబంధించి కమిషన్ సలహాలను ఉల్లంఘించినందుకు వైఎస్సార్సీపీ అధ్యక్షుడిని కమిషన్ అభిశంసింది.

13. తెలంగాణ ప్రదేశ్ కాంగ్రెస్ కమిటీ ఫిర్యాదు మేరకు, ప్రెస్ మీట్ లో ఎంసిసిని ఉల్లంఘించే ప్రకటనలు చేసినందుకు బిఆర్ఎస్ అధ్యక్షుడు ఎటువంటి బహిరంగ సభలు, బహిరంగ ఊరేగింపులు, బహిరంగ ర్యాలీలు, ప్రదర్శనలు, ఇంటర్వ్యూలు,  మీడియాలో బహిరంగ ప్రకటనలు చేయకుండా 48 గంటల పాటు నిషేధించారు.  

14. బీఆర్ఎస్ ఫిర్యాదుల మేరకు తెలంగాణకు చెందిన ఓ మంత్రి నిరాధారమైన ఆరోపణలు చేసి ప్రతిపక్ష పార్టీ/నాయకుడి ప్రతిష్టకు భంగం కలిగించారని అభిశంసించారు.

15. ఎంసీసీని ఉల్లంఘించినట్లు తేలడంతో ఐ ఎన్ సి ఫిర్యాదు మేరకు 'బీజేపీ4 కర్ణాటక' ట్విట్టర్ 'ఎక్స్' ఖాతా నుంచి ఓ పోస్టును తొలగించారు. ఈ వ్యవహారంపై ఎఫ్ఐఆర్ కూడా నమోదైంది.

16. సోషల్ మీడియా సైట్లో దురుద్దేశంతో కాంగ్రెస్ నాయకుల మార్ఫింగ్ చిత్రాలను పెడుతున్నారని ఐఎన్సి చేసిన ఫిర్యాదుపై, ఇన్స్టాగ్రామ్ హ్యాండిల్ 'బోల్ హిమాచల్' పై ఎఫ్ఐఆర్ నమోదు చేయాలని ఈసీఐ ఆదేశించింది. అభ్యంతరకరమైన సోషల్ మీడియా పోస్టులను తొలగించడానికి అవసరమైన చట్టపరమైన చర్యలు తీసుకోవాలని ఆదేశించింది.

17. మాజీ మహిళా మంత్రిపై అభ్యంతరకర వ్యాఖ్యలు చేసినందుకు మధ్యప్రదేశ్ రాష్ట్ర ఐఎన్సీ అధ్యక్షుడిపై ఎస్సీ, ఎస్టీ అత్యాచారాల నిరోధక చట్టం 1989 కింద ఎఫ్ఐఆర్ నమోదు చేశారు.

18. ఆప్ ఫిర్యాదు మేరకు, అధీకృత / అనధికార సైట్లలో అనామక హ్యాండ్ బిల్లులు/ కరపత్రాలు / హోర్డింగ్ ల పట్ల మరింత అప్రమత్తంగా ఉండాలని సంబంధిత ఆఫీసర్లు/ అధికారులు / అధారిటిలకు అవగాహన కల్పించాలని సిఇఒ ఢిల్లీని ఆదేశించారు. అధీకృత సైట్లలో ప్రచురణకర్త పేరు లేకుండా హోర్డింగులు లేవని ఫీల్డ్ ఆఫీసర్లు ధ్రువీకరించారు.

19. ఆప్ ఫిర్యాదు మేరకు ఆప్ సమర్పించిన పాటను పునఃపరిశీలించి క్లియరెన్స్ ఇవ్వాలని సీఈఓ ఢిల్లీని ఆదేశించింది.
20. నార్త్ దినాజ్ పూర్ లోని చోప్రాలో జరిగిన ఎన్నికల ర్యాలీలో పశ్చిమ బెంగాల్ నుంచి సీఏపీఎఫ్ ఉపసంహరించుకున్న తర్వాత పర్యవసానాల గురించి స్థానిక ఓటర్లను, ప్రతిపక్ష పార్టీ కార్యకర్తలను బెదిరించినందుకు ఏఐటీసీ ఎమ్మెల్యేపై ఐపీసీ సెక్షన్ 171ఎఫ్, 506, ఆర్పీ యాక్ట్ 1951 సెక్షన్ 135 (సి) కింద ఎఫ్ఐఆర్ నమోదు చేశారు.

21. ఆంధ్రప్రదేశ్ డీజీపీ (హెచ్ఓపీఎఫ్)ను తొలగించారు. ఆంధ్రప్రదేశ్ ఇంటెలిజెన్స్ డిజిపి, విజయవాడ పోలీసు కమిషనర్, డిఐజి అనంతపురం, ప్రకాశం, చిత్తూరు, పల్నాడు, అనంతపురం ఎస్పీలను కూడా వివిధ ఫిర్యాదులు/ సమాచారం ఆధారంగా తొలగించారు. ఇలాంటి ఫిర్యాదులు/ సమాచారం మేరకు ఆంధ్రప్రదేశ్ లో నలుగురు డిప్యూటీ ఎస్పీలు/ ఎస్ డి పి ఒలు, ఐదుగురు ఇన్స్పెక్టర్లు/ ఎస్ హెచ్ ఒ/ ఎస్ఐలను బదిలీ చేశారు/ సస్పెండ్ చేశారు.

22. మద్యాన్ని నియంత్రించలేకపోవడం, ఇతర అవాంఛనీయ కార్యకలాపాలకు పాల్పడినందుకు ఆంధ్రప్రదేశ్ రాష్ట్ర బేవరేజెస్ కార్పొరేషన్ లిమిటెడ్ మేనేజింగ్ డైరెక్టర్ ను తొలగించారు.

23. ఎన్నికలను ప్రభావితం చేయడానికి ఉపయోగించే స్వయం సహాయక సంఘాల వేదికను సమర్థవంతంగా నియంత్రించలేదనే సమాచారం పై ఒడిశా ప్రభుత్వ మిషన్ శక్తి డిపార్ట్ మెంట్ కార్యదర్శి కమ్ కమిషనర్ ను తొలగించారు.

24. హింసను అదుపు చేయడంలో విఫలమైనందుకు, పాక్షిక చర్యలు తీసుకోవడంలో విఫలమైనందుకు పశ్చిమ బెంగాల్ లోని శక్తిపూర్, బెల్దంగా, ఆనంద్ పూర్, డైమండ్ హార్బర్, బెహ్రాంపూర్ పోలీస్ స్టేషన్లకు చెందిన ఐదుగురు ఓసీ/ఎస్ హెచ్ వోలను బదిలీ చేశారు.

25. పోలింగ్ రోజున పోలింగ్ కేంద్రానికి 100 మీటర్ల దూరంలో ఓటర్లను ప్రభావితం చేసినందుకు తెలంగాణలోని హైదరాబాద్ పీసీలో బీజేపీ అభ్యర్థిపై రెండు ఎఫ్ఐఆర్లు నమోదయ్యాయి.

26. వికలాంగుల హక్కుల జాతీయ వేదిక (ఎన్ పి ఆర్ డి) ఫిర్యాదు మేరకు జగన్ మోహన్ రెడ్డి ని సైకో అని, ఆయన మానసిక స్థితి సరిగా లేదని అన్నందుకు టీడీపీ అధినేత చంద్రబాబు నాయుడు ను అభిశంసించారు. భవిష్యత్తులో తన బహిరంగ ప్రకటనల్లో దివ్యాంగుల పట్ల జాగ్రత్తగా, గౌరవంగా ఉండాలని ఆదేశించారు.

27. 22.04.2024న మేఘాలయలోని వెస్ట్ గారో హిల్స్‌లోని తురా పోలీస్ స్టేషన్‌లో వికలాంగుల హక్కుల చట్టం, 2016 కింద ఒక పిడబ్ల్యుడి వ్యక్తిని ఎన్‌పిపి కండువా ధరించి అతని అనుమతి లేకుండా వీడియోలో పాల్గొనమని బలవంతం చేసిన శ్రీ క్రిటెన్‌బర్త్ మరాక్‌పై ఫిర్యాదు నమోదైంది. .

28. రాజకీయ పార్టీలు, అభ్యర్థులు తమ ప్రతిపాదిత లబ్దిదారుల పథకాల కోసం సర్వేల ముసుగులో ఓటర్ల వివరాలు , రిజిస్ట్రేషన్లను కోరుతూ కరపత్రాలు జారీ చేయడాన్ని ప్రజాప్రాతినిధ్య చట్టం 1951లోని సెక్షన్ 123(1) ప్రకారం లంచంగా పరిగణించిన ఎన్నికల సంఘం ఏ విధమైన వాణిజ్య ప్రకటనలు/సర్వే/ యాప్ ద్వారా ఎన్నికల అనంతర పథకాల ప్రయోజనాల కోసం వ్యక్తుల నమోదు వంటి కార్యకలాపాలను తక్షణం నిలిపి వేయాలని అన్ని జాతీయ, రాజకీయ పార్టీలను ఆదేశించింది.  

29. మే 14, 2024 నాటికి పౌరుల ఉల్లంఘనలపై సి-విజిల్ యాప్ / కమిషన్ పోర్టల్ లలో మొత్తం 4,22,432 ఫిర్యాదులు దాఖలయ్యాయి. వీటిలో 4,22,079 (99.9%) కేసుల్లో చర్యలు తీసుకోగా, వీటిలో 88.7% ఫిర్యాదులు సగటున 100 నిమిషాల కంటే తక్కువ సమయంలో పరిష్కరించబడ్డాయి. బలమైన సి-విజిల్ యాప్ కారణంగా అక్రమ హోర్డింగ్ లు, ఆస్తుల విధ్వంసం, అనుమతించిన సమయం మించి ప్రచారం చేయడం, అనుమతించిన వాటికి మించి వాహనాలను మోహరించడం గణనీయంగా తగ్గింది.

30. అదేవిధంగా, మే 14, 2024 నాటికి సువిధ పోర్టల్లో 2,31,479 అనుమతులు ఇవ్వబడ్డాయి, ఇది ఎఫ్ఐఎఫ్ఓ (ఫస్ట్-ఇన్-ఫస్ట్-అవుట్) ఉపయోగించడం ద్వారా అర్హతల మంజూరులో విచక్షణను తొలగించడం, అభ్యర్థులు / రాజకీయ పార్టీలకు ఎన్నికల సంబంధిత సౌకర్యాన్ని సులభతరం చేసింది. మొదటి నెలలో ఎం సి సి  కింద తీసుకున్న చర్యల పై విడుదల చేసిన ప్రెస్ నోట్ https://tinyurl.com/ddpeukfh వద్ద లభ్యం అవుతుంది.

31. గుజరాత్, ఉత్తరప్రదేశ్, బీహార్, జార్ఖండ్, హిమాచల్ ప్రదేశ్, ఉత్తరాఖండ్ వంటి ఆరు రాష్ట్రాల ముఖ్యమంత్రులకు ప్రిన్సిపల్ సెక్రటరీలుగా ద్వంద్వ బాధ్యతలు నిర్వహిస్తున్న అధికారులను సుమోటోగా తొలగించారు. డీఎంలు/డీఈవోలు/ఆర్వోలు, ఎస్పీలపై నియంత్రణ ఉన్న ఎన్నికలకు సంబంధించిన సీనియర్ అధికారులను ముఖ్యమంత్రి కార్యాలయాల నుంచి దూరం చేయడమే దీని ఉద్దేశం.

32. గత ఎన్నికల్లోనూ ఎన్నికల విధుల నుంచి బహిష్కరణకు గురైన పశ్చిమబెంగాల్ డీజీపీని సుమోటోగా తొలగించారు.

33. గుజరాత్, పంజాబ్, ఒడిశా, పశ్చిమబెంగాల్ రాష్ట్రాల్లో జిల్లా మేజిస్ట్రేట్ (డీఎం), సూపరింటెండెంట్ ఆఫ్ పోలీస్ (ఎస్పీ)గా నాయకత్వ స్థానాల్లో ఉన్న నాన్ కేడర్ అధికారులను సుమోటోగా బదిలీ చేశారు.

34. పంజాబ్, హరియాణా, అస్సాం రాష్ట్రాల్లో ఎన్నికైన రాజకీయ ప్రజాప్రతినిధులతో ఉన్న బంధుప్రీతి లేదా కుటుంబ అనుబంధం కారణంగా అధికారులను సుమోటోగా బదిలీ చేశారు.

35. ఐఎన్సీ, ఆప్ ఫిర్యాదు మేరకు ఎన్నికల ప్రకటన తర్వాత వాట్సాప్ లో భారత ప్రభుత్వ వికసిత్ భారత్ సందేశాన్ని ప్రసారం చేయడాన్ని నిలిపివేయాలని ఎంఈఐటీవైకి ఆదేశాలు జారీ చేసింది.

36. ఐఎన్ సి , ఆప్ ల నుండి వచ్చిన ఫిర్యాదు మేరకు, ప్రభుత్వం/ప్రభుత్వ ప్రాంగణాల నుండి చిత్రాలను తొలగించడంపై ఇ సి ఐ  సూచనలను పాటించాలని అన్ని రాష్ట్రాలు/కేంద్రపాలిత ప్రాంతాలకు ఆదేశాలు జారీ చేసింది.  
37. రామేశ్వర్ కేఫ్ పేలుడుపై ధృవీకరించని ఆరోపణలతో డిఎంకె ఫిర్యాదు మేరకు బిజెపి మంత్రిపై ఎఫ్ఐఆర్ నమోదైంది.
38. ఐఎన్ సి నుండి వచ్చిన ఫిర్యాదు మేరకు, డిఎంఆర్ సి రైళ్లు, పెట్రోల్ పంపు, హైవేలు మొదలైన వాటి నుండి హోర్డింగ్ లు, ఫోటోలు ,సందేశాలతో సహా ప్రభుత్వ/ ప్రజా ప్రాంగణాల నుండి చిత్రాలను తొలగించడంపై ఇసిఐ ఆదేశాలను పాటించాలని క్యాబినెట్ కార్యదర్శికి ఆదేశాలు జారీ చేసింది.

39. ఐఎన్సీ ఫిర్యాదు మేరకు కేంద్ర మంత్రి తన అఫిడవిట్లో ఆస్తుల ప్రకటనలో ఏవైనా పొంతన లేకుండా ఉంటే సరిచూసుకోవాలని సీబీడీటీకి ఆదేశాలు జారీ చేసింది.

40. మమతా బెనర్జీపై అభ్యంతరకర, అమర్యాదకరమైన వ్యాఖ్యలు చేసినందుకు ఏఐటీఎంసీ ఫిర్యాదు మేరకు బీజేపీ నేత దిలీప్ ఘోష్ కు నోటీసులు జారీ చేసింది.

41. కంగనా రనౌత్, హేమమాలినిలపై అనుచిత వ్యాఖ్యలు చేసిన సుప్రియా శ్రీనాటే, సుర్జేవాలాలకు బీజేపీ ఫిర్యాదు మేరకు నోటీసులు జారీ చేసింది.

42. మహిళలపై అనుచిత వ్యాఖ్యలు చేసిన పార్టీల నేతలకు నోటీసులు జారీ చేయడం ద్వారా మహిళల గౌరవం, హుందాతనం విషయంలో కమిషన్ ప్రత్యేకంగా గట్టి వైఖరి తీసుకుంది.  తమ పార్టీ నాయకులు, ప్రచారకులు ఇలాంటి అగౌరవ,  అవమానకరమైన వ్యాఖ్యలకు పాల్పడకుండా చూసుకోవడానికి పార్టీ ముఖ్యులు/ అధ్యక్షులపై జవాబుదారీతనాన్ని ఉంచడంలో ఎన్నికల సంఘం ఒక అడుగు ముందుకేసింది.

43. డిఎంకె నాయకురాలు శ్రీ అనితా ఆర్ రాధాకృష్ణన్ ప్రధానిని ఉద్దేశించి చేసిన వ్యాఖ్యలపై ఎఫ్ఐఆర్ నమోదైంది.

44. ఐ ఎన్ సి ఫిర్యాదు మేరకు వివిధ కళాశాలల నుంచి స్టార్ క్యాంపెయినర్ల కటౌట్లను తొలగించాలని ఢిల్లీలోని మున్సిపల్ అధికారులకు ఆదేశాలు జారీ చేశారు.

***