ভারত অমসুং ভুতানগী মরক্তা থাক পুম্নমক্তা থাজবা, অফবা মংলান অমসুং থাক খুদিংমক্তা অমগা অমগা খঙমিন্নবা, মরুপ-মপাং ওইবগী মপাঙ্গল কল্লবা অমসুং মীয়ামগী মরক্তা নক্নবা মরী লৈনবনা মশক তাক্লি অখন্নবা বাইলেতরেলগী ওইবা মরী অমা লৈনরি। প্রধান মন্ত্রী শ্রী নরেন্দ্র মোদী অমসুং প্রধান মন্ত্রী দাশো সেরিং তোবগেনা থিম্ফুদা কান্নরবা অমসুং পাক-শন্না খন্ন-নৈনখিবা অদুদা লুচিংবা অনিনা তুংলমচৎতা মীৎয়েং থমদুনা অখন্নবা লৈবাক অনিগী ওইবা পার্তনরশিপ অসিবু অনৌবা থাক্তা পুখৎনবা মখোয়গী ফিরেপ অদু অমুক হন্না ফোংদোক্নখি।

লুচিংবা অনিমক্না ভুতানগী হাইদ্রো-পাৱর সেক্তর চাউখৎহনবদা অমসুং লমদম অসিদা ইনর্জী সেক্যুরিতী ফংহনবদা ক্লিন ইনর্জী পার্তনরশিপকী থোইদোক হেন্দোকপা থৌদাং অদু পনখি। প্রধান মন্ত্রী মোদীনা ভুতানগী ফার্মশিং অমসুং তেক্নিকেল এজেন্সীশিংগী ইনর্জী প্রোজেক্তশিং পায়খৎপদা হেনগৎলক্লিবা লৈবাক অসিগী কেপাসিতীবু থাগৎপা ফোংদোকখি। প্রধান মন্ত্রী তোবগেনা প্রধান মন্ত্রী মোদীবু হৌখিবা চহিশিংদা ভারতকী রিন্যুএবল ইনর্জী সেক্তরদা মশক থোক্না খুমাং চাউশিল্লিবা অসিগীদমক অমসুং ইন্তর্নেস্নেল সোলর এলাইন্স অমসুং নেস্নেল গ্রীন হাইদ্রোজেন মিসন ওফ ইন্দিয়াগুম্বা ইনিসিএতিবশিং শৌগৎলিবা মহাক্কী লুচিংবগী মতৌবু থাগৎপা ফোংদোকখ্রে।

প্রধান মন্ত্রী অনিমক্না নাকল অনিগী ওইবা ইনর্জী কোওপরেসনগী হিরম খুদিংমক য়েংশিনখি অমসুং পুন্না পায়খৎলিবা প্রোজেক্তশিং অসি ফজনা মথৌ পাংথোক্লিবা অমসুং ভুতানগী শেন্মিৎলোন চাউখৎহনবদা মতেং পাংলিবা অসিদা নুংঙাইবা ফোংদোকখি। মেগাৱাৎ 720গী মাংদেছু হাইদ্রো-ইলেক্ত্রিক প্রোজেক্ত মাই পাক্না পায়খৎলকপদা লুচিংবা অনিনা চহি অসিদা মেগাৱাৎ 1020গী পুনাৎসাংছু-II  হাইদ্রো-ইলেক্ত্রিক প্রোজেক্ত পায়খৎপা হৌনবগীদমক থাজবা থমখি। নাকল অনিমক্না মেগাৱাৎ 1200 পুনাৎসাংছু চু I HEPগীদমক তেক্নিকেল ওইনা অফবা অমসুং শেল চংদবা মওং অমা পায়খৎনবা এক্সপর্ত-লেভেলগী পোজিতিব ওইবা খন্ন-নৈনবশিং অদু তরাম্না ওকখি।

4. প্রধান মন্ত্রী অনিনা য়ান্নখিবশিং:

(i) ভারত-ভুতান ইনর্জী পার্তনরশিপ অসিনা ইনর্জী সেক্যুরিতী হেনগৎহনবা, মখোয়গী শেন্মিৎলোনশিং মপাঙ্গল কনখৎহনবা, থবক পীবা, এক্সপোর্তকী শেন্থোক হেনগৎহনবা অমসুং ইন্দস্ত্রীএল অমসুং ফাইনান্সিএল কেপাসিতীশিং মখা তানা চাউখৎহনবদা মতেং পাংদুনা লৈবাক অনিমক্তা কান্নবা পীবা ঙমগনি।

(ii) অনৌবা ইনর্জী প্রোজেক্তশিং শেমগৎপা অমসুং ইলেক্ত্রিসিতীগী ললোন-ইতিক তৌবা য়াওনা নাকল অনিমক্তা কান্নগদবা বাইলেতরেল ক্লিন ইনর্জী পার্তনরশিপ অসিবু মখা তানা মপাঙ্গল কনখৎহন্নবা মমাংদা অমুক্তা ওইখিদ্রিবা খুদোংচাবশিং লৈরি।

(iii) স্ত্রেতেজিক পার্তনরশিং ওইনা ভারতকী এন্তিতীশিং শরুক য়াবা য়াওনা হায়দ্রো-পাৱর, সোলর অমসুং গ্রীন হায়দ্রোজেনগী লমশিংদা অনৌবা ইনর্জী প্রোজেক্তশিং পায়খৎপদা শরুক য়াবা।

(iv) সরকার অনিমক্না রিজার্বর হাইদ্রো প্রোজেক্তশিং য়াওনা অনৌবা প্রোজেক্তশিংগীদমক প্রোজেক্ত-স্পেসিফিক ইমপ্লিমেন্তেসন মোদেলিতীশিং হন্না য়েংশিনগনি অমসুং ফাইনেলাইজ তৌগনি।

(v) ভারত সরকারনা ভুতান্দা অনৌবা অমসুং লাক্কদৌরিবা হাইদ্রো-পাৱর প্রোজেক্তশিংগীদমক ভারত্তা লৈরিবা ফাইনান্সিং ইন্সতিত্যুসনশিংদগী ফাইনান্সিং ফংহন্নবা অমসুং মৈ য়োনবগী কৈথেল ফংহন্নবদা মতেং পাংগনি।

(vi) লৈবাক অনিগী মরক্তা পাৱর একচেঞ্জ তৌনবনা লমদম অসিদা ইনর্জী সেক্যুরিতী ফংহনবদা মরু ওইবা থৌদাং অমা লৌদুনা লৈহৌরগনি। মসিগী মতাংদা, ভুতানগী ইলেক্ত্রিসিতী প্রদ্যুসরশিংদা নাকল অনিমক্না য়ানরবা এরেঞ্জমেন্তশিং অমসুং দেলিভরী পোইন্তশিংগী খুত্থাংদা চৎনবা য়াবা দোমেস্তিক রেগুলেসনশিং অমসুং প্রোসিজরশিংগী মতুং ইন্না মার্কেৎ এক্সেস ফংহনগনি।

(vii) চাউখৎলক্লিবা ইনর্জীগী মার্কেৎশিং অসি য়েংলগা, ভুতানগী ইনর্জী প্রোজেক্তশিংদা ইনভেস্তমেন্ত তৌবা য়াহন্নবা অমসুং ইলেক্ত্রিসিতীদা অপনবা লৈতবা ক্রোস-বোর্দর ত্রেদ তৌবা য়াহন্নবগীদমক চাং নাইনা খন্ন-নৈনবা পাঙথোকপা।

(viii) স্তেকহোল্দর পুম্নমক্কী কান্ননবগীদমক্তা ইকনোমীশিংগী মরক্তা মরী হেন্না চেৎশিনহনগদবা সব-রিজনেল ইনর্জী কোওপরেসন হেনগৎহন্নবা মাইকৈদা থবক পায়খৎপা।

(ix) কেপাসিতী হেনগৎহনবা, পোলিসীশিং অমসুং তেক্নোলোজীশিংগা মরী লৈনবা ইনফোর্মেসন একচেঞ্জ তৌবা, অমসুং ইনর্জী কান্নবা তেক্নোলোজীশিংদা রিসর্চ অমসুং দিবেলপমেন্ত তৌবগী খুত্থাংদা ইনর্জী কান্নবা অমসুং ইনর্জী কনবগী লমদা ইনর্জী কোওপরেসন মপাঙ্গল কনখৎহনবা।

প্রধান মন্ত্রী অনিমক্না নাকল অনিমক্কী কান্নগদবা জোইন্ত বিজন স্তেতমেন্তকী মতুং ইন্না প্রোজেক্তশিং অমসুং ইনিসিএতিবশিংদা খোঙজেল য়াংখৎহন্নবা য়ানখি।

*********