پوسٹ کرنے کی تاریخ:
20 MAR 2024 3:33PM by PIB Delhi
وزیر اعظم جناب نریندر مودی نے آج روسی وفاق کے صدر عزت مآب جناب ولادیمیر پوتن کے ساتھ ٹیلی فون پر بات چیت کی۔
وزیراعظم نے انہیں روسی وفاق کا دوبارہ صدر منتخب ہونے پر مبارکباد دی اور دوست ملك کے عوام کے حق میں امن، ترقی اور خوشحالی کی خواہشات کا اظہار کیا۔
دونوں رہنماؤں نے آنے والے برسوں میں دونوں ممالک کے درمیان خصوصی اور مراعات یافتہ حكمت انگیز شراكت کو مزید مضبوط بنانے کے لیے ٹھوس کوششیں کرنے پر اتفاق کیا۔
دوطرفہ تعاون کے مختلف امور میں پیش رفت کا بھی دونوں رہنماوں نے جائزہ لیا اور باہمی دلچسپی کے علاقائی اور عالمی امور پر تبادلہ خیال کیا۔
روس- یوکرین تنازعہ پر تبادلہ خیال کرتے ہوئے وزیر اعظم نے آگے بڑھنے کے راستے کے طور پر بات چیت اور سفارت کاری کے حق میں ہندوستان کے مستقل موقف کا اعادہ كیا۔
دونوں رہنماؤں نے رابطے میں رہنے سے اتفاق کیا۔
*****
U.No:6264
ش ح۔ع س۔ک ا