पंतप्रधान कार्यालय
राष्ट्राध्यक्ष पुतीन यांचे पुन्हा निवडून आल्याबद्दल पंतप्रधान नरेंद्र मोदी यांनी केले अभिनंदन
भारत -रशिया विशेष आणि विशेषाधिकारप्राप्त धोरणात्मक भागीदारी आणखी मजबूत करण्यासाठी दोन्ही नेत्यांमध्ये सहमती
उभय नेत्यांनी द्विपक्षीय सहकार्यातील प्रगतीचा घेतला आढावा आणि प्रादेशिक तसेच जागतिक मुद्यांवर विचारांची केली देवाणघेवाण
रशिया -युक्रेन संघर्षात संवाद आणि मुत्सद्देगिरी हाच मार्ग असल्याचा पंतप्रधानांचा पुनरुच्चार
Posted On:
20 MAR 2024 4:51PM by PIB Mumbai
नवी दिल्ली , 20 मार्च 2024
पंतप्रधान नरेंद्र मोदी यांनी आज रशियाचे राष्ट्राध्यक्ष महामहीम व्लादिमीर पुतीन यांच्याशी दूरध्वनी वरुन संपर्क साधला.
रशियाच्या राष्ट्राध्यक्षपदी पुन्हा निवडून आल्याबद्दल पंतप्रधानांनी त्यांचे अभिनंदन केले आणि मित्र असलेल्या रशियन लोकांच्या शांतता, प्रगती आणि समृद्धीसाठी शुभेच्छा दिल्या.
येणाऱ्या काळात दोन्ही देशांमधील विशेष आणि विशेषाधिकारप्राप्त धोरणात्मक भागीदारी आणखी मजबूत करण्यासाठी ठोस प्रयत्न करण्यास दोन्ही नेत्यांनी सहमती दर्शवली.
त्यांनी द्विपक्षीय सहकार्याच्या विविध मुद्यांवरील प्रगतीचा आढावा घेतला आणि परस्पर हिताच्या प्रादेशिक आणि जागतिक मुद्यांवर विचारांची देवाणघेवाणही केली .
रशिया - युक्रेन संघर्षावर चर्चा करताना, भारत संवाद आणि मुत्सद्देगिरीच्या बाजूनेच असल्याच्या सातत्यपूर्ण भूमिकेचा पुनरुच्चार पंतप्रधानांनी केला.
दोन्ही नेत्यांनी कायम संपर्कात राहण्याचे मान्य केले.
S.Patil/V.Ghode/P.Malandkar
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2015719)
Read this release in:
English
,
Urdu
,
Hindi
,
Bengali-TR
,
Manipuri
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam