প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা রাস্ত্রপতি পুতিন্দা মহাক্না রাস্ত্রপতি অমুক হন্না ওইরকপগী নুংঙাইবা ফোঙদোকখ্রে
লুচিংবশিংনা ইন্দিয়া-রসিয়া স্পেসিএল এন্দ প্রিভিলেজ স্ত্রেতেজিক পার্তনরশিপ হেন্না চেৎশিনহন্নবা য়ান্নখ্রে
মখোয়না বাইলেতরেল কোওপরেসনদা খুমাং চাউশিল্লিবা অদু হন্না য়েংশিনখি অমসুং রিজনেল অমদি গ্লোবেলগী সমস্যাশিংদা ৱাখল্লোনশিং ফোঙদোক্নখ্রে
পি.এম. মোদীন রসিয়া-য়ুক্রেন লান লোইশিন্নবা লম্বী অসি দাইলোগ অমসুং দিপ্লোমেসীনি হায়না অমুক হন্না ফোঙদোকখ্রে
Posted On:
20 MAR 2024 3:33PM by PIB Imphal
প্রধান মন্ত্রী শ্রী নরেন্দ্র মোদীনা রসিয়ন ফেদরেসনগী রাস্ত্রপতি ঐচ.ই. শ্রী ব্লাদিমির পুতিনগা ঙসি ফোনদা ৱারী শাখ্রে।
প্রধান মন্ত্রীনা মহাক্না রসিয়ন ফেদরেসনগী রাস্ত্রপতি ওইনা অমুক হন্না মীখল মাইপাকপদা নুংঙাইবা ফোঙদোকখ্রে অমসুং রসিয়াগী নুংশিরবা মীওইশিংগীদমক শান্তি, চাউখৎপা অমসুং নুংঙাইবা পুরকপা ওইরসনু হায়না য়াইফ-পাউজেল পীখ্রে।
লুচিংবা অসিনা লাক্কদৌরিবা চহিশিংদা লৈবাক অনিগী মরক্তা স্পেসিএল এন্দ প্রিভিলেজ স্ত্রেতেজিক পার্তনরশিপ হেন্না মপাঙ্গল কনখৎহন্নবা পুন্না খোঙথাংশিং লৌখৎপদা য়ান্নখ্রে।
মখোয়না বাইলেতরেল কোওপরেসনগী তোঙান-তোঙানবা ইস্যুশিংদা খুমাং চাউশিনবা অদুসু হন্না য়েংশিনখ্রে অমসুং নাকল অনিমক্কী য়াইফনবা রিজনেল অমসুং গ্লোবেলগী সমস্যাশিংদা ৱাখল্লোনশিং ফোঙদোক্নখ্রে।
রসিয়া-য়ুক্রেন লানগী মতাংদা খন্নবদা পি.এম.না মসি লোইশিন্নবা দাইলোগ অমসুং দিপ্লোমেসী তৌনবগী ভারতকী হোংদ্রবা ফিরেপ অদু অমুক হন্না ফোঙদোকখ্রে।
লুচিংবা অনিনা মখা তানা পাউ অদুমক ফাওনবা হায়নসু য়ান্নখ্রে।
***
(Release ID: 2015704)
Visitor Counter : 55
Read this release in:
English
,
Urdu
,
Hindi
,
Marathi
,
Bengali-TR
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam