প্রধানমন্ত্রীগী লোইশঙ
প্রধান মন্ত্রী নরেন্দ্র মোদী অমসুং মাউরিসিয়সকী প্রধান মন্ত্রী প্রভিন্দ জুগনৌথনা পুন্না ফেব্রুৱারি ২৯দা মাউরিসিয়সকী অগালেগা ইথৎতা অনৌবা এয়রস্ত্রিপ অমসুং জেত্তি অমা শঙ্গাগনি
অগালেগা ইথৎতা মীয়ামগী চাউখৎ-থৌরাংগী প্রোজেক তরুক শঙ্গাগনি
প্রোজেকশিং অসিনা অগালেগা ইথৎ অমসুং মেনলেন্দ মাউরিসিয়কা চৎথোক-চৎশিন ফগৎহনগনি অমসুং মেরিতাইম সেকুরিতি মপাঙ্গল কনখৎহনগনি
Posted On:
27 FEB 2024 6:44PM by PIB Imphal
প্রধান মন্ত্রী নরেন্দ্র মোদী অমসুং মাউরিসিয়সকী প্রধান মন্ত্রী প্রভিন্দ জুগনৌথনা পুন্না ফেব্রুৱারি ২৯,২০২৪গী নুংথিল পুং ১ তাবদা ভিদিও কনফরেন্সকী খুৎথাংদা মাউরিসিয়সকী অগালেগা ইথৎতা মীয়ামগী চাউখৎ-থৌরাংগী প্রোজেক তরুক্কা লোয়ননা অনৌবা এয়রস্ত্রিপ অমসুং সেন্ত জেমস জেত্তি শঙ্গাগনি।
হায়রিবা প্রোজেকশিং শঙ্গাবা অসি ভারত অমসুং মাউরিসিয়সকী মরক্তা লৈনবা চহি কয়া শুরবা চাউখৎ-থৌরাংগী মরীগী খুদম অমনি। প্রোজেকশিং অসিনা অগালেগা ইথৎ অমসুং মেনলেন্দ মাউরিসিয়কা চৎথোক-চৎশিন ফগৎহন্নবা তকশিন্দুনা লাকপা থবক ওইনা পাংথোক্লগনি, মেরিতাইম সেকুরিতি মপাঙ্গল কনখৎহনগনি অমসুং খুন্নাই অমসুং শেন-থুমগী ফিবম ফগৎহল্লগনি।
হায়রিবা প্রোজেকশিং শঙ্গাবা অসিনা হন্দক ফেব্রুৱারি ১২,২০২৪দা লুচিংবা অনিনা মাউরিসয়সতা য়ু.পি.আই অমসুং রুপে কার্দ সর্বিসশিং হৌদোকখিবা অদু হেন্না মরুওইহল্লে।
***
(Release ID: 2009637)
Visitor Counter : 96
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam