প্রধানমন্ত্রীগী লোইশঙ
মহারাস্ত্রাগী হান্নগী চীফ মিনিস্তর শ্রী মনোহর জোসি লৈখিদবদা প্রধান মন্ত্রীনা অৱাবা ফোঙদোকখ্রে
Posted On:
23 FEB 2024 11:14AM by PIB Imphal
মহারাস্ত্রাগী হান্নগী চীফ মিনিস্তর শ্রী মনোহর জোসি লৈখিদবদা প্রধান মন্ত্রী শ্রী নরেন্দ্র মোদীনা অৱাবা ফোঙদোকখ্রে। শ্রী জোসি ২০০২দগী ২০০৪ ফাওবা লোক সভাগী স্পিকর ওইরমখি। শ্রী মোদীনা হায়খি মহারাস্ত্রাগী চীফ মিনিস্তর ওইনা, রাজ্য অসি চাউখৎনবা শ্রী জোসিনা চোকথবা নাইদনা হোৎনখি। মহাক্না লোক সভাগী স্পিকর ওইরিঙৈ মনুংদা, ঐখোয়গী সংসদকী থবকশিং হেন্না মশক থোক্নবা অমসুং শরুক য়ানবা শ্রী জোসিনা হোৎনরমখি।
এক্স পোস্ত অমদা, প্রধান মন্ত্রীনা হায়খি;
“শ্রী মনোহর জোসি লৈখিদবদা অৱাবা ফাওহল্লে। মহাক চহি কয়া মীয়ামগী থবক তৌরম্বা অহল ওইরবা লুচিংবা অমনি অমসুং মিউনিসিপাল, রাজ্য অমসুং জাতিগী থাক্তা তোঙান-তোঙানবা থৌদাং কয়া লৌরমখি। মহারাস্ত্রাগী চীফ মিনিস্তর ওইনা, রাজ্য অসি চাউখৎনবা মহাক্না চোকথবা নাইদনা হোৎনখি। মহাক্না য়ুনিয়ন মিনিস্তর ওইনা শিংথাবা থাবা থবক কয়া পাংথোক্লমখি। মহাক্না লোক সভাগী স্পিকর ওইরিঙৈ মনুংদা, ঐখোয়গী সংসদকী থবকশিং হেন্না মশক থোক্নবা অমসুং শরুক য়ানবা শ্রী জোসিনা হোৎনরমখি। লেজিসলেচর মরিমক থবক তৌরম্বগী ইকায়খুম্নবগা লোয়ননা, লেজিসলেচর অমা ওইনা মহাক্কী লৌশিংগীদমক মনোহর জোসি নিংশিংদুনা লৈহৌরগনি। মহাক্কী ইমুং-মনুং অমসুং মহাক শৌগৎপশিংগী অৱাবদা শরুক য়াজরি। ঔম শান্তি”।
***
(Release ID: 2008470)
Visitor Counter : 70
Read this release in:
Kannada
,
English
,
Urdu
,
Hindi
,
Marathi
,
Bengali-TR
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam