ঙরাং কেন্দ্রগী এজুকেসন অমসুং স্কিল দিবেলপমেন্ত এন্দ ওন্তপ্রিনোরশিপ মন্ত্রী, শ্রী ধর্মেন্দ্র প্রধান্না পরিক্ষা পে চর্চা 2024গী হৌজিক শেম শারিবশিং অসি হন্না য়েংশিনখ্রে।

শ্রী প্রধান্না হায়খি মদুদি পরিক্ষা পে চর্চা অসি চহিগী ওইবা ত্রেদিসন অমা ওইরি মসিদা একজাম ৱারিয়রশিং, মমা-মপাশিং অমসুং ওজাশিংনা ৱাখল  ৱাবা কোকহন্নবা অমসুং খ্বাইদগী ফবা ওইবা ঙম্নবা খৌরাংনা ঙাইরি।

মহাক্না হায়খি চহিগী ওইনা খ্বাইদগী খৌরাংনা ঙাইরিবা ইন্তরেক্সনগীদমক প্রধান মন্ত্রী, শ্রী নরেন্দ্র  মোদীগা PCC 2024দা মহাক্কা লোয়ননা ৱারী শানবা মীপুম খুদিংমক্কী মরক্তা হরাও তয়াম্বনা থল্লি।

 “পরিক্ষা পে চর্চা” (PPC) অসি পরিক্ষাগা মরী লৈনবা ৱাখল ৱাবা কোকহন্নবা অমসুং ‘একজাম ৱারিয়র্স’কী অচৌবা ইহৌগী পরিং মখাদা পুন্সিবু সেলেব্রেতরী এপ্রোচ অমা প্রমোৎ তৌরিবা প্রধান মন্ত্রী শ্রী নরেন্দ্র মোদীনা লমজিংবা অখন্নবা ইনিসিএতিব অমনি। এজুকেসন মন্ত্রালগী দিপার্তমেন্ত ওফ স্কুল এজুকেসন এন্দ লিতরেসীনা শিনবা PPC অসিনা হৌখিবা চহি তরুক অসিদা মহৈরোয়শিং, মমা-মপাশিং অমসুং ওজাশিংগা মাইপাক্না ৱারী শাখি। কোবিদ-19 লাইচৎনা মরম ওইরগা মরীশুবা ইদিসন অসি ওনলাইন্দা পাঙথোকখি, মঙাশুবা অমসুং তরুকশুবা ইদিসনশিং অসিনা তাউন-হোল ফোর্মেৎতা পাঙথোকখি। মমাং চহিদা মহৈরোয় লাখ 31.24, ওজা লাখ 5.60 অমসুং মমা-মপা লাখ 1.95গা লোয়ননা চাউনা শরুক য়াবা উবা ফংখি।

হন্দক্কী 7শুবা ইদিসন অসিগীদমক মাইগোব পোর্তেলদা রেজিস্ত্রেসন করোর 2.26 তৌরকপগী রেকোর্দ তৌখি, মসিনা লৈবাক শিনবা থুংবদা মহৈরোয়শিংগী মরক্তা চাউনা থৱায় য়াওরি উৎলি। জনুৱারী 29, 2024দা নই দিল্লীগী প্রগতি মৈদান্দা লৈবা ITPO,ভারত মান্দপমদা তাউন হোল ফোর্মেৎতা পাঙথোক্কদৌরিবা আসিদা প্রধান মন্ত্রীগা লোয়ননা শরুক য়ারিবা মীওই চাউরাক্না 3000না শরুক য়াগনি। রাজ্য অমসুং য়ুনিয়ন তেরিতোরীদগী মহৈরোয় অনি অমসুং ওজা অমা লোয়ননা কালা উৎসবকী ৱিন্নরশিংবু বর্তন তৌখি। অহানবা ওইনা একলব্যা মোদেল রেসিদেন্সিএল স্কুলশিংদগী মহৈরোয় চামানা শরুক য়াগনি।

দিসেম্বর 11, 2023দগী জনুৱারী 12, 2024দা মাইগোব পোর্তেলদা ওনলাইন MCQ কম্পিতিসননা মখোয়না পীশিল্লকখিবা ৱাহংশিংদা য়ুম্ফম ওইরগা পার্তিসিপেন্তশিং লেপখি। খল্লবা পার্তিসিপেন্তশিংনা প্রধান মন্ত্রীনা ইবা ‘একজাম ৱারিয়র্স’ লাইরিক অমসুং সর্তিফিকেৎ য়াওনা পরিক্ষা পে চর্চা কিৎ অমা ফংগনি।

জনুৱারী 11, 2023দগী জনুৱারী 12, 2024 ফাওবা মরাথোন রনশিং, ম্যুজিক অমসুং মেম কম্পিতিসনশিং, নুক্কদ নাতক, অমসুং স্তুদেন্ত-অঙ্কর-স্তুদেন্ত-গেস্ত দিস্কসনশিংগুম্বা লৈবাক শিনবা থুংবদা স্কুলগী থাক্কী এক্তিবিতী কয়ামরুম পাঙথোকখি। জনুৱারী 23, 2024দা মহৈরোয় লিশিং 60 হেনবনা শরুক য়াবগা লোয়ননা জিলা 774দা লৈবা কেন্দ্রিয়া বিদ্যালয় 657 অমসুং নভোদয় বিদ্যালয় 122দা লাইয়েকপগী চাংদম্নবা পাঙথোকখি, হায়রিবা অসিগী থিম অসি লাইরিক ‘একজাম ৱারিয়র্স’তগী একজাম মন্ত্রশিংদা য়ুম্ফম ওইখি।

রেজিস্ত্রেসন করোর 2.26গা লোয়ননা পরিক্ষা পে চর্চাগী 7শুবা ইদিসন অসি চাউনা খৌরাংনা ঙাইনরি, মসিনা একজাম স্ত্রেস কোকহনবা অমসুং পোজিতিব লর্নিং কলচরর অমা য়োকখৎপদা থৌরম অসিগী থৌদাং উৎলি।

*****