প্রধানমন্ত্রীগী লোইশঙ
‘হৌজিক লৌমীশিং মতেং ফংলগনি হায়বগী থাজবা লৈরে’, পঞ্জাবগী লৌমীশিংনা প্রধান মন্ত্রীদা হায়খ্রে
ঐখোয়গী গুরুশিংগী পাউতাক মতুংইন্না ঐখোয়না লৌউ-শিংউ পাংথোক্কদবনি অমসুং মালেম ইমা ঙাক-শেনগদবনি। গুরু নানক দেবজিগী পাউতাকশিংদগী হেনবা অমতা লৈতে: প্রধান মন্ত্রী
Posted On:
08 JAN 2024 3:21PM by PIB Imphal
ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংগা লোয়ননা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং থৌরম অদুদা শরুক য়াখি।
পঞ্জাবগী গুরদাসপুরগী গুরৱিন্দর সিংহ বাজৱানা হায়খি বিকসিত ভারতকী খোৎচৎকী খ্বাইদগী চাউনা কান্নবা ফংলিবশিংদি লৌউ-শিংউগী লমদা খ্বাইদগী খুদোংচাবা ফংলিবা অপীকপা কাংবু শেম্লিবা লৌমীশিংনি। প্রধান মন্ত্রীদা পাউদম্লদুনা মহাক্না হায়খি মহাক্কা লোয়নবা লৌমীশিং হু চেন্দবা লৌউ-শিংউগী থবক পায়খৎলি অমসুং মসিগীদমক মহাক্না মেছিন লৈনবা সবসিদি অমা ফংলে। মসিনা লৌমীশিংনা চরু লোইশিনবদা মতেং পাংলে অমসুং লৈবাক-লৈহাওগী ফিবমসু ফগৎলে। শ্রী বাজৱানা হায়খি সরকারনা মতেং পাংলকপদগী গুরদাসপুরদা চরু মৈ থাবগী থৌদোকশিং মশিং হন্থরে। লমদম অসিদা এফ.পি.ওগা মরী লৈনবা থবকশিংশু পায়খৎলে। কিমি ৫০ না কোনবদা লৈবা লৌমীশিং কস্তম হাইয়ারিং স্কিমনা মতেং পাংলি। মহাক মতেং ফজনা ফংলে হায়না হৌজিক লৌমীশিংনা খল্লে।
‘মোদী হায় তো মুমকিন হায়’ ওইনা থাজবশিং ৱাংলে হায়না লৌমীশিংনা প্রধান মন্ত্রীদা ফোঙদোকখি, প্রধান মন্ত্রীনা হায়খি মহাক্না হায়জবদা লৌমীশিংনা তাবীবদগী মসি ওইথোকপনি। তুংকোইনা চৎনবা য়াগদবা লৌউ-শিংউগী থবকশিং পায়খৎনবা প্রধান মন্ত্রীনা অমুক হন্না ফোঙদোকখি। প্রধান মন্ত্রীনা হায়খি ঐখোয়গী গুরুশিংগী পাউতাক মতুংইন্না ঐখোয়না লৌউ-শিংউ পাংথোক্কদবনি অমসুং মালেম ইমা ঙাক-শেনগদবনি। গুরু নানক দেবজিগী পাউতাকশিংদগী হেনবা অমতা লৈতে। বিকসিত ভারত সংকল্প যাত্রাগী মতাংদা প্রধান মন্ত্রীনা হায়খি ইকোন কোনবা বেনিফিসরি য়ৌদ্রি ফাওবা মোদী কি গরেন্তি কি গারি লেপ্লোই।
***
(Release ID: 1994309)
Visitor Counter : 62
Read this release in:
Bengali
,
Odia
,
Kannada
,
Tamil
,
English
,
Assamese
,
Telugu
,
Hindi
,
Marathi
,
Urdu
,
Bengali-TR
,
Punjabi
,
Gujarati
,
Malayalam