অপুনবা অপীকপা সেতেল্লাইত অমা শেমগৎনবা মতেং পাংননবা, মাউরিসিয়সকী ইনফোর্মেসন তেক্নোলোজি, কম্মুনিকেসন অমসুং ইন্নোবেসনগী লমজিং মখাদা ইন্দিয়ান স্পেস রিছার্স ওর্গনাইজেসন(ইসরো) অমসুং মাউরিসিয়স রিছার্স এন্দ ইন্নোবেসন কাউন্সিল(এম আর আই সি)গী মরক্তা মেমোরেন্দম ওফ অন্দরস্তেন্দিং অমা হৌখিবা নবেম্বর ১, ২০২৩দা পোর্ত লুইজতা মেমোরেন্দম ওফ অন্দরস্তেন্দিং অমা খুৎয়েক পীনখিবা অদু প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

কান্নবা :

অপুনবা অপীকপা সেতেল্লাইত অমা শেমগৎনবা অমসুং এম.আর.আই.সিগী গ্রাউন্দ স্তেসন শীজিন্নবগী মতেং পাংননবা ইসরো অমসুং এম.আর.আই.সিগী মরক্তা মতেং পাংননবা ঙাক্লৌ অমা শেমগৎপদা এম.ও.য়ু অসিনা মতেং পাংগনি। অপুনবা সেতল্লাইত অসিগী সবসিস্তেম খর ভারতকী উদোগশিং শরুক য়াদুনা শেমগৎকনি অমসুং মসিনা উদোগ কান্নবা পীগনি।

পুন্না সেতেল্লাই শেমগৎনবা মতেং পাংনবা অসিগী খুৎথাংদা মখা তানা ইসরো/ভারতকী লঞ্চ ভেহিকল অমসুং সেতাল্লাইত মিসনশিংগী মরুওইবা ওইরিবা মাউরিসিয়সতা লৈরিবা ভারতকী গ্রাউন্দ স্তেসনগীদমক মাউরিসিয়স সরকারনা মখা তানা শৌগৎপদা মতেং পাংগনি। মসিগী অপুনবা ওইনা সেতল্লাইত শেমগৎপা অসিনা তুংদা ইসরোগী অপীকপা সেতেল্লাইতকী মিসন্দা মখোয়গী গ্রাউন্দ স্তেসন শীজিন্নবদা এম.আর.আই.সিনা মতেং পাংগনি।  অপুনবা সেতল্লাইত অসিগী সবসিস্তেম খর ভারতকী উদোগশিং শরুক য়াদুনা শেমগৎকদবা অসিনা থবক ফংবা হেনগৎহনগনি।

থবক ওইনা পায়খৎনবা মতম :

এম.ও.য়ু খুৎয়েক পীনবা অসিনা ইসরো অমসুং এম.আর.আই.সিগী মরক্তা অপুনবা ওইনা অপীকপা সেতেল্লাইত শাবা ঙমহনগনি। সেতাল্লাইত শাবা অসি থা ১৫গী মনুংদা লোইশিনগনি।

চঙগদবা শেনফম :

অপুনবা সেতেল্লাইত অসি শাবদা চাউরাক্না লুপা করোর ২০ রোম চঙগনি অমসুং শেনফম অসি ভারত সরকারনা পুথোক্কনি। লৈবাকশিংগী মরক্তা ফন্দশিং পীথোক-পীশিন তৌনবগী ৱাফম অমতা এম.ও.য়ু অসিনা কোনশিন্দে।

নুঙগীৱারোল :

লৈবাক অনিগী থাক্তা ১৯৮৬ তা য়ানচেশিং খুৎয়েক পীনদুনা, ইসরোগী লঞ্চ ভেহিকল অমসুং সেতল্লাইত মিসনশিং খোঙ্গুল লীনবা অমসুং তেলিমেত্রিগী মতেং পাংনবা ইসরোনা মাউরিসিয়সতা গ্রাউন্দ স্তেসন অমা লিংখৎপা ১৯৮০গী মতমদগী হৌনা ভারত অমসুং মাউরিসিয়সগী মরক্তা স্পেসকী মতেং পীনবা হৌরক্লে। ১৯৮৬ তা খুৎয়েক পীনখিবা য়ানচে অদুগী মথক্তা সেপ্তেম্বর ২৯, ২০০৯ দা লৈবাক অনিগী মরক্তা খুৎয়েক পীনখিবা য়ানচেগী মখাদা হৌজিক স্পেসকী লমদা মতেং পাংনবনি।

মাউরিসিয়সকীদমক অপীনবা অপুনবা সেতেল্লাইত অমা শেমগৎনবা এম.আর.আই.সিনা ফোঙদোরকপদগী, ভারত-মাউরিসিয়সকী অপুনবা সেতেল্লাইত শানবা এক্সতর্নেল এফেয়ার্স মিনিস্ত্রিনা ইসরোদা হায়জখি লোয়ননা সেতেল্লাইত শানবা, থাগৎনবা অমসুং মথৌ পাংথোক্নবা শেনফম মিনিস্ত্রিনা পুথোক্কনি। ‘অপ্রাভাসি দিবস’ থৌরম শরুক য়ানবা এক্সতর্নেল এফেয়ার্সকী রাজ্য মন্ত্রীগী মাউরিসিয়স খোঙচৎ মনুংদা নবেম্বর ১, ২০২৩ দা মাউরিসিয়সকী পোর্ত লুইজদা এম.ও.য়ু খুৎয়েক পীনখিবনি।

*****