Ha ka jingsdang kaba iphuh iphieng, ka sngi ba nyngkong jong ka Viksit Bharat Sankalp Yatra ka la poi sha palat shi lak ngut ki briew ha 259 tylli ki Gram Panchayat ha ka ri. Ia kane ka campaign la pyllait da u Myntri Rangbah duh ka ri u Narendra Modi ha ka 15 tarik Naiwieng 2023, ha Khunti, Jharkhand da kaba pyllait bun tylli ki van na ki jaka bapher bapher ba bun ki riewlum ha kylleng ka ri.

La pynlong ia ki prokram bapher bapher bad ki sienjam ba la sdang ha ka sngi ba nyngkong jong ka Viksit Bharat Sankalp Yatra, kaba la wanrah lang ia ki khana jong ka jingpynkup bor bad ki kam jong baroh na ka bynta ka thong ban kyntiew ia ka ri.

Ka jing thmu jong ka Yatra kalong ban ai jinghikai halor ki skhim ba iadei bad ka bha ka miat jong ka sorkar pdeng bad ki mat treikam bad ka jingkot 100% ka jingpynpoi ia ki skhim sorkar. Ha kaba iadei bad kane ka thong, palat 21000 ngut ki briew ki la pynrung kyrteng na ka bynta ka PM Ujjwala Yojana ha ka sngi ba nyngkong jong ka Yatra.

Palat 1200 ngut ki nongtrei mon sngewbha My Bharat ki la pynrung kyrteng lang bad palat 80,000 ngut ki briew kiba la shim ia ka jingbam smai Viksit Bharat. Ka Yatra ka la sakhi ruh ka jingiashim bynta ki briew- 3,448 ngut ki longkmie, 1,475 ngut ki samla pule, 495 ngut ki barikor na ka thain, bad 298 ngut ki nongialehkai- ia kaba la ithuh ia ki sienjam jong ki bad la ai jingithuh ia ki kum ki briew kiba ai mynsiem.

Ki briew ki la ialum ha ki VBSY IEC Van bad ki la iashim bynta shitrhem ha ki prokram ba la pynlong bad kumjuh ruh ki la iashim bynta ha ki jingai jingshakri ba la pynbiang. Palat 16,000 ngut ki briew ki la iashim bynta ha ki Health Camp bad palat 6,000 ngut ki briew ki la shah eksamin na ka bynta ka jingpang TB bad 4500 ngut na ka bynta ka jingpang Sickle Cell.

Shongshit ka jingpyni ia ka jingpynher ia ki Drone

Ka VBSY ka la pyni ruh ia ki jingkiew shaphrang ha ki kam rep ba ki nongrep ki lah ban pyndonkam ban kyntiew ia ka jingseisoh jong ki kam rep jong ki. La don palat 120 tylli ki jingpyni ia ki jingpynher drone bad ki Soil Health Card, ryngkat bad ka jingiamir jingmut bad ki nongrep kiba thung ia ki jingthung khlem ka jingpyndonkam dawai.

Ka Viksit Bharat Sankalp Yatra ka la pyni ruh ia ki mawmer ba la kot 100% ka jingpynpoi ia ki skhim Sorkar ba kongsan. 83 tylli ki Gram Panchayat ki la don 100% ka Ayushman Card, 89 tylli ki GP kiba la kot 100% ka JJM, 97 tylli ki GP kiba la kot 100% ka Jan Dhan, bad 124 tylli ki GP ki la kot sha ka kyrdan Open Defecation Free +.

La pynsngew ruh ia ki khana jingjop jong ki briew ha ka Yatra ha kaba palat 200 ngut ki nongioh jingmyntoi ki la iathuh ia ka khana jingjop jong ha ki ha ka “Meri Kahani Meri Zubani,” ka jingbatai shaphang ka jingkylla ba ki skhim ba kongsan jong ka Sorkar ki la wanrah ha ka jingim jong ki.

Ka Viksit Bharat Sankalp Yatra kadei ka sienjam kaba heh tam jong ka Sorkar India.

Ka Viksit Bharat Sankalp Yatra ka dei ka sienjam ai jingtip kaba heh tam jong ka Sorkar India. Halor ka nongrim jong ka roi ka par ia baroh, ka la dei ka jingpyrshang ba nang iai bteng ban pynthikna ba ki jingmyntoi na ki skhim Sorkar ki poi sha baroh ki bynta jong ka ri bad ba baroh ki ioh jingmyntoi na kine ki skhim. Kane ka Yatra ka dei ka dak jong ka sienjam ban pynurlong ia kane ka thong lyngba ka jingai jingtip bad ka jingpynkupbor ia ki briew jong ka ri ba kin don la ka bynta ha ka roi ka par jong ka ri.

Ia ki jingshem shaphang ki kam ba pyntreikam da ki kali IEC, ka jingiashim bynta ki briew la kyntiew mardor ha ka rynsan ba la sdang da ka Digital India Corporation jong ka tnat Electronics and Information Technology.

NR/HP/RK/MI

Katto katne ki dur na kylleng ka India

Ki jingthoh shaphang ki skhim na ka bynta ka bha ka miat jong ki paidbah ba la sam ha ka Viksit Bharat campaign

Viksit Bharat Sankalp Yatra IEC van ha kawei ka shnong ha Bihar

Ka jingpyni ia ka jingpynher drone kum shi bynta ka Viksit Bharat campaign

Viksit Bharat Sankalp Yatra IEC van ha ka thain shatei lammihngi

Health Camp ha Assam

****