وزیراعظم کا دفتر

ہندوستان اور بنگلہ دیش کے وزرائے اعظم یکم نومبر کو مشترکہ طور پر تین ترقیاتی منصوبوں کا افتتاح کریں گے


یہ تینوں پروجیکٹ بھارت کی مدد سے مکمل کیے گئے ہیں

 ان تین منصوبوں میں  اکھورا - اگرتلہ کراس بارڈر ریل لنک، کھلنا - مونگلا پورٹ ریل لائن، اور میتری سپر تھرمل پاور پلانٹ کی یونٹ – IIشامل ہیں

منصوبے خطے میں رابطے اور توانائی کی سلامتی کو مضبوط بنائیں گے

Posted On: 31 OCT 2023 5:02PM by PIB Delhi

وزیر اعظم جناب نریندر مودی اور بنگلہ دیش کی وزیراعظم عزت مآب شیخ حسینہ 1 نومبر 2023 کو صبح تقریباً 11 بجے ویڈیو کانفرنسنگ کے ذریعے تین ہندوستانی تعاون یافتہ ترقیاتی منصوبوں کا مشترکہ طور پر افتتاح کریں گے۔ یہ تین منصوبے اکھوڑہ - اگرتلہ کراس بارڈر ریل لنک  کھلنا، مونگلا پورٹ ریل لائن؛ اور میتری سپر تھرمل پاور پلانٹ کی یونٹ  II ہیں۔

اکھورا-اگرتلہ کراس بارڈر ریل لنک پروجیکٹ کو حکومت ہند کی طرف سے بنگلہ دیش کو دی گئی  آئی این آر 392.52 کروڑ کی گرانٹ امداد کے تحت عمل میں لایا گیا ہے۔ اس ریل لنک کی لمبائی 12.24 کلو میٹر ہے، جس میں سے 6.78 کلومیٹر ڈوئل گیج ریل لائن بنگلہ دیش میں   اور 5.46 کلومیٹر، تریپورہ میں آتا ہے۔

کھلنا-مونگلا پورٹ ریل لائن پروجیکٹ کو حکومت ہند کی رعایتی لائن آف کریڈٹ کے تحت لاگو کیا گیا ہے جس کی کل لاگت388.92 ملین امریکی ڈالر ہے۔ اس منصوبے میں مونگلا پورٹ اور کھلنا میں موجودہ ریل نیٹ ورک کے درمیان تقریباً 65 کلومیٹر کے براڈ گیج ریل روٹ کی تعمیر شامل ہے۔ اس کے ساتھ بنگلہ دیش کی دوسری سب سے بڑی بندرگاہ مونگلا براڈ گیج ریلوے نیٹ ورک سے منسلک ہو جاتی ہے۔

1.6 بلین امریکی ڈالر کے ہندوستانی رعایتی فنانسنگ اسکیم کے قرض کے تحت میتری سپر تھرمل پاور پروجیکٹ، بنگلہ دیش کے کھلنا ڈویژن کے رامپال میں واقع 1320 میگاواٹ (2x660)  کا سپر تھرمل پاور پلانٹ(ایم ایس ٹی پی پی) ہے۔ اس منصوبے کو بنگلہ دیش-انڈیا فرینڈشپ پاور کمپنی (پرائیویٹ) لمیٹڈ(بی آئی ایف پی سی ایل) نے نافذ کیا ہے، جو کہ بھارت کی این ٹی پی سی لمیٹڈ اور بنگلہ دیش پاور ڈیولپمنٹ بورڈ (بی پی ڈی بی) کے درمیان 50:50 جوائنٹ وینچر کمپنی ہے۔ میتری سپر تھرمل پاور پلانٹ کی  یونٹ I کی دونوں وزرائے اعظم نے مشترکہ طور پر ستمبر 2022 میں نقاب کشائی کی تھی اور یونٹ 2 کا افتتاح 1 نومبر 2023 کو کیا جائے گا۔ میتری سپر تھرمل پاور پلانٹ کے آپریشنل ہونے سے بنگلہ دیش میں توانائی کے تحفظ میں  اضافہ ہوگا۔

یہ منصوبے خطے میں رابطے اور توانائی کی سلامتی کو مضبوط بنائیں گے۔

*************

 

ش ح۔ ج ق۔ رض

U. No.509



(Release ID: 1973421) Visitor Counter : 94