প্ৰধানমন্ত্ৰী শ্ৰী নৰেন্দ্ৰ মোদীয়ে আজি ৰাষ্ট্ৰীয় একতা দিৱস উদযাপন অনুষ্ঠানত অংশগ্ৰহণ কৰে৷ চৰ্দাৰ পেটেলৰ জন্ম বাৰ্ষিকীত উপলক্ষে তেওঁ তেওঁৰ প্ৰতিমূৰ্তিত শ্ৰদ্ধাঞ্জলি জ্ঞাপন কৰে। শ্ৰী মোদীয়ে বিএছএফ আৰু বিভিন্ন ৰাজ্যিক আৰক্ষীৰ দলৰ দলৰে গঠিত ৰাষ্ট্ৰীয় একতা দিৱস পেৰেড, মহিলা চিআৰপিএফ বাইকাৰ্ছৰ ডেয়াৰডেভিল শ্ব’, বিএছএফৰ মহিলা পাইপ বেণ্ড, গুজৰাট মহিলা আৰক্ষীৰ নৃত্য প্ৰদৰ্শন, বিশেষ এনচিচি শ্ব’, স্কুল বেণ্ডৰ প্ৰদৰ্শন, ভাৰতীয় বায়ু সেনাৰ ফ্লাই পাষ্ট, সজীৱ গাঁওসমূহৰ অৰ্থনৈতিক জীৱনমুখীতা প্ৰদৰ্শন উপভোগ কৰে৷

এই উপলক্ষে আগবঢ়োৱা ভাষণত প্ৰধানমন্ত্ৰীয়ে কয় যে ৰাষ্ট্ৰীয় একতা দিৱসত ভাৰতৰ যুৱক-যুৱতী আৰু ইয়াৰ যোদ্ধাসকলৰ ঐক্যৰ শক্তি উদযাপন কৰা হয়। “এক প্ৰকাৰে মই ক্ষুদ্ৰ ভাৰতৰ ছবি প্ৰত্যক্ষ কৰিছো '', প্ৰধানমন্ত্ৰীয়ে সজোৰে কয়। ভাষা, ৰাজ্য আৰু পৰম্পৰা বেলেগ বেলেগ হ’লেও দেশৰ প্রতিজন ব্যক্তি ঐক্যৰ বলিষ্ঠ সূতাৰে গাঁথা বুলি তেওঁ আলোকপাত কৰে৷ “অসংখ্য বীজ আছে, কিন্তু মালা এডাল। আমি বৈচিত্ৰ্যপূৰ্ণ হ’লেও আমি ঐক্যবদ্ধভাৱে আছো”, তেওঁ কয়। ১৫ আগষ্ট আৰু ২৬ জানুৱাৰীক যেনেকৈ স্বাধীনতা আৰু গণৰাজ্য দিৱস হিচাপে স্বীকৃতি দিয়া হয়, তেনেকৈয়ে প্ৰধানমন্ত্ৰীয়ে ৩১ অক্টোবৰ দিনটো সমগ্ৰ দেশতে একতাৰ উৎসৱত পৰিণত হৈছে বুলি দৃঢ়তাৰে কয়। তেওঁ কয় যে লালকিল্লাত স্বাধীনতা দিৱস উদযাপন, কৰ্তব্য পথত গণৰাজ্য দিৱসৰ পেৰেড আৰু মা নৰ্মদাৰ পাৰত ষ্টেছ্যু অফ ইউনিটীৰ দ্বাৰা ৰাষ্ট্ৰীয় একতা দিৱস উদযাপন ৰাষ্ট্ৰীয় উত্থানৰ ত্ৰিনিটীত পৰিণত হৈছে। আজিৰ কাৰ্যসূচী সন্দৰ্ভত প্ৰধানমন্ত্ৰীয়ে কয় যে একতা নগৰ ভ্ৰমণ কৰাসকলে কেৱল ষ্টেছ্যু অফ ইউনিটীৰ সাক্ষী হোৱাই নহয়, ভাৰতৰ ৰাষ্ট্ৰীয় সংহতিৰ দিশত চৰ্দাৰ চাহাবৰ জীৱন আৰু অৱদানৰ আভাসো পায়। “ষ্টেছ্যু অফ ইউনিটীয়ে এক ভাৰত শ্ৰেষ্ঠ ভাৰতৰ আদৰ্শক প্ৰতিনিধিত্ব কৰে”, শ্ৰী মোদীয়ে কয়। প্ৰতিমূৰ্তি নিৰ্মাণত নাগৰিকসকলৰ অৱদানৰ কথা উল্লেখ কৰি কৃষকে নিজৰ সঁজুলি দান কৰা উদাহৰণ দাঙি ধৰে। ঐক্যৰ প্ৰাচীৰ নিৰ্মাণৰ বাবে ভাৰতৰ বিভিন্ন প্ৰান্তৰ মাটি একত্ৰিত কৰাৰ কথাও তেওঁ উল্লেখ কৰে। প্ৰধানমন্ত্ৰীয়ে জনায় যে সমগ্ৰ দেশতে ‘একতাৰ বাবে দৌৰ’ আৰু অন্যান্য সাংস্কৃতিক কাৰ্যসূচীত অংশগ্ৰহণ কৰি কোটি কোটি নাগৰিকে ৰাষ্ট্ৰীয় একতা দিৱসৰ উদযাপনৰ সৈতে জড়িত হৈছে। “এক ভাৰত শ্ৰেষ্ঠ ভাৰতৰ মনোভাৱ উদযাপন কৰিবলৈ একত্ৰিত হোৱা ১৪০ কোটি নাগৰিকৰ মূলতে হৈছে চৰ্দাৰ চাহেবৰ আদৰ্শ”, চৰ্দাৰ পেটেলক শ্ৰদ্ধাঞ্জলি জনোৱাৰ লগতে ৰাষ্ট্ৰীয় একতা দিৱস উপলক্ষে নাগৰিকসকলক অভিনন্দন জনাই প্ৰধানমন্ত্ৰীয়ে কয়।

প্ৰধানমন্ত্ৰীয়ে লগতে কয় যে এই সময়ছোৱাত ভাৰত এখন সমৃদ্ধিশালী আৰু উন্নত দেশলৈ পৰিণত হোৱাৰ বাবে আগন্তুক ২৫ বছৰ দেশৰ বাবে এই শতিকাৰ আটাইতকৈ গুৰুত্বপূৰ্ণ৷ স্বাধীনতাৰ ঠিক পূৰ্বৰ ২৫ বছৰত যি সমৰ্পণৰ মনোভাৱ প্ৰত্যক্ষ কৰা হৈছিল, দেশৰ সেই মনোভাৱ প্ৰদৰ্শনৰ বাবে তেওঁ আহ্বান জনায়। তেওঁ বিশ্বত ভাৰতৰ ক্ৰমবৰ্ধমান স্থিতিৰ কথা উল্লেখ কৰে। বৃহত্তম গণতন্ত্ৰৰ আকাৰক নতুন উচ্চতালৈ লৈ যোৱাৰ সময়ত আমি গৌৰৱ অনুভৱ কৰিছো।’ তেওঁ নিৰাপত্তা, অৰ্থনীতি, বিজ্ঞান, থলুৱা প্ৰতিৰক্ষা উৎপাদন আৰু ভাৰতীয়সকলে গুৰুত্বপূৰ্ণ বৈশ্বিক কোম্পানী আৰু ক্ৰীড়াত প্ৰদান কৰি থকা বিশ্ব কৰ্পৰেট নেতৃত্বৰ ক্ষেত্ৰত ভাৰতৰ শক্তিশালী স্থানৰ কথা উল্লেখ কৰে।

আগুৱাই যোৱা আৰু দাসত্বৰ মানসিকতা পৰিত্যাগ কৰাৰ প্ৰতিশ্ৰুতিৰ কথা দোঁহাৰি প্ৰধানমন্ত্ৰী মোদীয়ে কয় যে ভাৰতবৰ্ষই ইয়াৰ ঐতিহ্য সংৰক্ষণ কৰাৰ লগতে ইয়াৰ মৰ্যাদা বৃদ্ধি পাইছে।”  এই সন্দৰ্ভত তেওঁ নৌসেনাৰ পতাকাৰ পৰা ঔপনিৱেশিক চিহ্ন আঁতৰোৱা, ঔপনিৱেশিক যুগৰ অপ্ৰয়োজনীয় আইন বাতিল কৰা, আইপিচি সলনি কৰা আৰু ঔপনিৱেশিক প্ৰতিনিধিৰ ঠাইত ইণ্ডিয়া গেটৰ শোভাবৰ্ধন কৰা নেতাজীৰ মূৰ্তিৰ কথা উল্লেখ কৰে।

প্ৰধানমন্ত্ৰী মোদীয়ে কয়, “আজি ভাৰতৰ অসাধ্য একো নাই।” সবকা প্ৰয়াসৰ ক্ষমতাৰ সন্দৰ্ভত তেওঁ ৩৭০নং অনুচ্ছেদ বাতিলৰ কথা উল্লেখ কৰি কয় যে আজি কাশ্মীৰ আৰু দেশৰ বাকী অংশৰ মাজত থিয় হৈ থকা ৩৭০নং অনুচ্ছেদৰ বাধাৰ প্ৰাচীৰখন ভাঙি পেলোৱা হৈছে আৰু তেওঁ য’তেই নাথাকক কিয় এই কথাই নিশ্চয়কৈ চৰ্দাৰ চাহাবক সন্তুষ্ট কৰিলহেতেন৷।

দীৰ্ঘদিন ধৰি বিচাৰাধীন হৈ থকা বিষয়সমূহ সন্দৰ্ভত উল্লেখ কৰি প্ৰধানমন্ত্ৰীয়ে ৫-৬ দশক ধৰি অসম্পূৰ্ণ হৈ পৰি থকা চৰ্দাৰ সৰোবৰ বান্ধৰ নিৰ্মাণ কেইবছৰমানত সম্পূৰ্ণ কৰা বুলি কয়। তেওঁ কেৱাদিয়া-একতা নগৰৰ ৰূপান্তৰক সংকল্প ছে সিদ্ধিৰ উদাহৰণ হিচাপে দাঙি ধৰে৷ “আজি একতা নগৰক বিশ্ব সেউজ চহৰ হিচাপে স্বীকৃতি দিয়া হৈছে”, তেওঁ কয়। প্ৰধানমন্ত্ৰীয়ে জনোৱা মতে বিভিন্ন পৰ্যটনস্থলীৰ উপৰিও বিগত ৬ মাহত একতা নগৰত ১.৫ লাখৰো অধিক গছপুলি ৰোপণ কৰা হৈছে। স্থানীয় অঞ্চলটোত ইতিমধ্যে শক্তিশালী সৌৰশক্তি উৎপাদন আৰু চহৰীয়া গেছ বিতৰণৰ প্ৰসংগত প্ৰধানমন্ত্ৰীয়ে কয় যে আজি একতা নগৰত এখন আকৰ্ষণীয় ঐতিহ্যমণ্ডিত ৰে’লৰ সংযোজন হ’ব। তেওঁ জনোৱা মতে, যোৱা ৫ বছৰত ১.৫ কোটিতকৈ অধিক পৰ্যটকে এই স্থান ভ্ৰমণ কৰিছে, যিটোৱে স্থানীয় জনজাতীয় সমূদায়ক কৰ্মসংস্থাপনত সহায় কৰিছে।

প্ৰধানমন্ত্ৰীয়ে কয়, “আজি সমগ্ৰ বিশ্বই ভাৰতৰ অদম্য দৃঢ়তা আৰু ইয়াৰ জনসাধাৰণৰ সাহস আৰু সুস্থিৰতাক স্বীকাৰ কৰিছে।” তাৰ পৰাই বিশ্বই প্ৰেৰণা লোৱাৰ সময়তে তেওঁ কেতবোৰ গতিবিধিৰ বিৰুদ্ধে সতৰ্ক কৰি দিয়ে। বৰ্তমানৰ বিশ্বৰ ভূ-ৰাজনৈতিক অস্থিৰতাৰ ওপৰত আলোকপাত কৰি প্ৰধানমন্ত্ৰীয়ে ক’ভিড মহামাৰীৰ পিছত একাধিক দেশৰ বিধ্বস্ত অৰ্থনীতিৰ ওপৰত আলোকপাত কৰে য’ত বিগত ৩০-৪০ বছৰত মুদ্ৰাস্ফীতি আৰু নিবনুৱা সমস্যাৰ শিখৰত উপনীত হৈছে। এনে পৰিস্থিতিত প্ৰধানমন্ত্ৰীয়ে এই কথাত গুৰুত্ব আৰোপ কৰে যে ভাৰতে নতুন অভিলেখ আৰু ব্যৱস্থা সৃষ্টি কৰাৰ সমান্তৰালকৈ অবিৰতভাৱে আগুৱাই গৈছে। প্ৰধানমন্ত্ৰীয়ে কয় যে বিগত ৯ বছৰত চৰকাৰে গ্ৰহণ কৰা নীতি আৰু সিদ্ধান্তৰ ইতিবাচক প্ৰভাৱ আজি প্ৰত্যক্ষ কৰিব পাৰিছে৷ তেওঁ কয় যে কেৱল যোৱা ৫ বছৰত ১৩.৫ কোটিতকৈ অধিক ভাৰতীয় দৰিদ্ৰতাৰ পৰা ওলাই আহিছে। দেশৰ সুস্থিৰতা বজাই ৰাখিবলৈ নাগৰিকসকলক আহ্বান জনাই প্ৰধানমন্ত্ৰীয়ে কয় যে ভাৰতক উন্নয়নৰ পথত অনা ১৪০ কোটি নাগৰিকৰ প্ৰচেষ্টা অথলে যাব নালাগে। তেওঁ লগতে কয়, ‘আমি ভৱিষ্যতৰ ওপৰত চকু ৰাখিব লাগিব আৰু ৰাষ্ট্ৰীয় লক্ষ্যত উপনীত হোৱাৰ সংকল্প অব্যাহত ৰাখিব লাগিব।

আভ্যন্তৰীণ নিৰাপত্তাৰ প্ৰতি লৌহ মানৱ চৰ্দাৰ চাহাবৰ অদম্য চিন্তাৰ কথা উল্লেখ কৰি প্ৰধানমন্ত্ৰীয়ে এই সন্দৰ্ভত বিগত ৯ বছৰত গ্ৰহণ কৰা পদক্ষেপসমূহৰ তালিকা অৱগত কৰে৷ তেওঁ কয় আগতে যি সফলতা লাভ কৰিছিল, সেই সফলতাই ধ্বংসমুখী শক্তিক মষিমূৰ কৰি প্ৰত্যাহ্বানসমূহ দৃঢ়ভাৱে মোকাবিলা কৰিছে। তেওঁ দেশৰ ঐক্যৰ ওপৰত হোৱা আক্ৰমণৰ বিৰুদ্ধে সজাগ হৈ থকাৰ প্ৰয়োজনীয়তাৰ ওপৰত গুৰুত্ব আৰোপ কৰে।

শ্ৰী মোদীয়ে কয় যে ভাৰতৰ উন্নয়ন যাত্ৰাৰ আটাইতকৈ ডাঙৰ বাধা হৈছে তুষ্টিকৰণৰ ৰাজনীতি৷ তুষ্টিকৰণ ৰাজনীতিত লিপ্তসকলেও সন্ত্ৰাসবাদৰ বিৰুদ্ধে চকু মুদি মানৱতাৰ শত্ৰুৰ সৈতে থিয় দিয়াটো যোৱা কেইবাটাও দশক ধৰি জনতাই প্ৰত্যক্ষ কৰিছে। দেশৰ ঐক্য বিপন্ন কৰা এনে চিন্তাৰ বিৰুদ্ধে তেওঁ সকীয়নি প্ৰদান কৰে৷

চলিত আৰু আগন্তুক নিৰ্বাচনৰ কথা উল্লেখ কৰি প্ৰধানমন্ত্ৰীয়ে ইতিবাচক ৰাজনীতিৰ পৰা সম্পূৰ্ণ বঞ্চিত আৰু অসামাজিক আৰু ৰাষ্ট্ৰ বিৰোধী কাৰ্যকলাপত লিপ্ত হোৱা ফৈদক সকীয়নি প্ৰদান কৰে৷ ‘এখন উন্নত ভাৰতৰ লক্ষ্যত উপনীত হ’বলৈ দেশৰ ঐক্য বজাই ৰখাৰ বাবে আমি সদায় প্ৰচেষ্টা অব্যাহত ৰাখিব লাগিব। আমি যি ক্ষেত্ৰতে নাথাকো কিয়, তাত আমাৰ ১০০ শতাংশ দিব লাগিব। উঠি অহা প্ৰজন্মক উন্নত ভৱিষ্যত দিয়াৰ একমাত্ৰ উপায় এইটোৱেই”, শ্ৰী মোদীয়ে লগতে কয়।

শ্ৰী মোদীয়ে মাইগভত চৰ্দাৰ পেটেলৰ ওপৰত এখন ৰাষ্ট্ৰীয় প্ৰতিযোগিতাৰ বিষয়েও অৱগত কৰে।

প্ৰধানমন্ত্ৰীয়ে কয় যে আজিৰ ভাৰত হৈছে এখন নতুন ভাৰত, য’ত প্ৰতিজন নাগৰিক আত্মবিশ্বাসেৰে ভৰি পৰিছে। এই আত্মবিশ্বাস যাতে অব্যাহত থাকে আৰু ঐক্যৰ অনুভূতি একেই থাকে তাৰ ওপৰত গুৰুত্ব আৰোপ কৰে। ভাষণৰ সামৰণিত তেওঁ জনসাধাৰণৰ হৈ চৰ্দাৰ পেটেললৈ বিনম্ৰ শ্ৰদ্ধাঞ্জলি জ্ঞাপন কৰি ৰাষ্ট্ৰীয় একতা দিৱসৰ বাবে সকলোকে পুনৰ শুভেচ্ছা জ্ঞাপন কৰে।

পটভূমি

দেশৰ ঐক্য, অখণ্ডতা আৰু নিৰাপত্তা ৰক্ষা আৰু শক্তিশালী কৰাৰ মনোভাৱ আৰু অধিক উন্নীত কৰাৰ উদ্দেশ্যে প্ৰধানমন্ত্ৰীয়ে তেওঁৰ দূৰদৰ্শী নেতৃত্বত চৰ্দাৰ বল্লভভাই পেটেলৰ জন্ম বাৰ্ষিকীক ৰাষ্ট্ৰীয় একতা দিৱস হিচাপে উদযাপন কৰাৰ সিদ্ধান্ত গ্ৰহণ কৰে।

Addressing the Rashtriya Ekta Diwas. May this day further the spirit of unity and brotherhood in our society. https://t.co/e3XBxzjEt1

— Narendra Modi (@narendramodi) October 31, 2023

31 अक्टूबर का ये दिन देश के कोने-कोने में राष्ट्रीयता के संचार का पर्व बन गया है। pic.twitter.com/qoKIuXjAuM

— PMO India (@PMOIndia) October 31, 2023

राष्ट्र उत्थान की त्रिशक्ति... pic.twitter.com/WSfKGthiDy

— PMO India (@PMOIndia) October 31, 2023

The coming 25 years are the most important 25 years of this century for India. pic.twitter.com/eYJMMekWPj

— PMO India (@PMOIndia) October 31, 2023

अमृत काल में भारत ने गुलामी की मानसिकता को त्यागकर आगे बढ़ने का संकल्प लिया है। pic.twitter.com/fyHNRnxkX4

— PMO India (@PMOIndia) October 31, 2023

Today, there is no objective beyond India's reach. pic.twitter.com/7NPhrKIVfq

— PMO India (@PMOIndia) October 31, 2023

Today, the entire world acknowledges the unwavering determination of India, the courage and resilience of its people. pic.twitter.com/7FT6eqvkeS

— PMO India (@PMOIndia) October 31, 2023

We must persistently work towards upholding our nation's unity to realise the aspiration of a prosperous India. pic.twitter.com/FUrGGhg6n7

— PMO India (@PMOIndia) October 31, 2023

हर भारतवासी आज असीम आत्मविश्वास से भरा हुआ है। pic.twitter.com/oQU8JdxvyH

— PMO India (@PMOIndia) October 31, 2023

***

DS/TS/DB/BM