Ka Ophis jong u Myntri Rangbah duh ka ri

Peit bniah u Myntri Rangbah duh ia ka jingiaid shaphrang ki skhim katkum ka jingpynbna ha ka jingai jingkren jong u ha ka sngi rakhe ia ka jingioh jinglaitluid ka ri

Ka jingphaikhmat kyrpang halor ki longkmie: La iakren ia ki skhim ba kynthup ka jingdon 2 klur ngut ki Lakhpati Didi bad ban pynkup bor ia 15,000 tylli ki SHG jong ki longkmie lyngba ki drone

Ka skhim ka treikam ruh ban pynsted ka jingpyniar ia ki dukan Jan Aushadhi na ka 10,000 sha ka 25,000

Posted On: 10 OCT 2023 7:50PM by PIB Shillong

U Myntri Rangbah duh u Narendra Modi u la pyniaid ia ka jingialang ban iamir jingmut ia ka jingiaid shaphrang ki skhim ba dei ban pyntreikam katkum ka jingai jingkren jong u ha ka sngi rakhe ia ka jingioh jinglaitluid ka ri.

U Myntri Rangbah duh u la kren shaphang ka jingdon 2 klur ngut ki Lakhpati didi kata kalong ban pynlong ia 2 klur ki longkmie ban iadon bynta ha ki SHG lane ki Anganwadi Lakhpati. U la lum jingtip shaphang ki kam bapher bapher ba iadei bad ka kamai kajih ba la saindur ban kot sha kane ka thong.

Ha ka jingai jingkren jong u ha ka sngi rakhe ia ka jingioh jinglaitluid ka ri, u Myntri Rangbah duh u la kren shaphang ka jingpynkhreh ia 15,000 tylli ki Self Help Group jong ki longkmie ban pyndonkam ia ki drone na ka bynta ki kam rep bad kiwei ki kam ba iadei bad kane. La ai jingtip ia u Myntri Rangbah duh shaphang ki jing thmu ban pyntreikam ia kane, ba kynthup naduh ka jingai jinghikai pyntbit ia ki SHG jong ki longkmie haduh ki kam peitngor.

U Myntri Rangbah duh u la kren ruh shaphang ka jingkyntiew ia ka jingdon ki dukan Jan Aushadhi ha India sha ka 25,000 na ka 10,000 ba don mynta ban kyntiew ka jingdon ki dawai ba jemdor. U Myntri Rangbah duh u la peit bniah ia ka rukom pyntreikam na ka bynta ban pyniar ia kane.

***



(Release ID: 1966471) Visitor Counter : 78


Read this release in: English , Urdu , Hindi , Marathi , Assamese , Manipuri , Bengali , Punjabi , Gujarati , Odia , Tamil , Telugu , Kannada , Malayalam , Malayalam