প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা তেলঙ্গানা অমসুং আন্ধ্র প্রদেশ (AP) রাজ্য অনিগী মরক্তা ISRWD এক্তকী সেক্সন 5(1)গী মখাদা হৌজিক লৈরিবা কৃষ্ণ ৱাতর দিস্প্যুতস ত্রিব্যুনেল-II(KWDT-II)গী মাগী এদজুদিকেসন্দা মখা তানা তর্মস ওফ রিফরেন্স (ToR) পীবদা অয়াবা পীখ্রে। মসি ইন্তর স্তেৎ রিভর ৱাতর দিস্প্যুতস (ISRWD) এক্ত, 1956কী সেক্সন (3)গী মখাদা মখোয়গী কমপ্লেন্তদা পীরকপা লিগেল ওপিনিয়ন অমসুং গভর্নমেন্ত ওফ তেলঙ্গানা (GoT)না থাংগৎলকপা ইস্যুদা য়ুম্ফম ওইরগা অয়াবা পীখিবনি।

রাজ্য অনিগী মরক্তা কৃষ্ণ তুরেলগী ঈশিং শীজিন্নবা, য়েন্থোকপা নত্ত্রগা কন্ত্রোল তৌবগী য়েৎনবগী ৱারোইশিন পুরকপা অসিনা তেলঙ্গানা অমসুং AP রাজ্য অনিমক্কী গ্রোথতা অনৌবা এভেন্যুশিং হাংদোক্লগনি অমসুং রাজ্য অনিমক্কী মীয়ামদা কান্নবা পীরগনি, অসুম তৌবনা ঐখোয়গী লৈবাকপু হেন্না মপাঙ্গল কনখৎহনবদা মতেং পাংশিল্লি।

কৃষ্ণ ৱাতর দিস্প্যুতস ত্রিব্যুনেল-II অসি ISRWD এক্ত, 1956কী সেক্সন 3গী মখাদা রাজ্যশিংগী পার্তীনা 02.04.2004দা হায়জরকপদগী কেন্দ্র সরকারনা শেমখিবনি। মতুং তারকপদা 02.06.2014দা তেলঙ্গানা অসি ভারতকী রাজ্য অমা ওইনা শেমখি। আন্ধ্র প্রদেশ রিওর্গনাইজেসন এক্ত (APRA), 2014গী সেক্সন 89গী মখাদা KWDT-IIগী তেনর অসি APRA, 2014গী হায়রিবা সেক্সনগী ক্লোস (a) অমসুং (b) এদ্রেস তৌনবা শাংদোকহনখি।

মতুং তারকদা গভর্নমেন্ত ওফ তেলঙ্গানা (GoT) না ভারত সরকারগী মিনিস্ত্রী ওফ জল শক্তি (MoJS), দিপার্তমেন্ত ওফ ৱার রিসোর্সেস, রিভর দিবেলপমেন্ত এন্দ গঙ্গা রিজুবনেসন (DoWR, RD & GR)দা 14.07.2014দা কৃষ্ণ তুরেলগী ঈশিং শীজিন্নবা, য়েন্থোকপা নত্ত্রগা কন্ত্রোল তৌবগী য়েৎনবা কোকহন্নবা কমপ্লেন্ত অমা পুখৎলকখি। 2015দা ইকাই খুম্নরবা সুপ্রিম কোর্ত (SC)দা GoTনা রিত পেতিসন অমসু ফাইল তৌরকখি। 2018দা GoTনা DoWR, RD & GR, MoJSদা তেলঙ্গানা অমসুং আন্ধ্র প্রদেশ রাজ্যশিংগী মরক্তা খক্তা KWDT-IIগী স্কোপ ওফ রিফরেন্স অসি কনফাইন তৌনবা কমপ্লেন্ত অদু য়েংশিন্নবা হায়খি। ৱাফম অসি ইকাই খুম্নরবা মন্ত্রী (জল শক্তি)গী মখাদা 2020দা পাঙথোকিবা 2শুবা এপেক্স কাউন্সিল মীতিংদা খন্নখি। 2শুবা এপেক্স কাউন্সিল মীতিংদা খন্নখিবা অদুগী মতুং ইন্না GoTনা 2021দা রিত পেতিসন অদু হন্দোকখি অমসুং ৱাফম অসিদা DoWR, RD & GRনা মিনিস্ত্রী ওফ লো এন্দ জস্তিস (MoL&J)গী লিগেল ওপিনিয়ন তাখি।

*****