ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ 10 ସେପ୍ଟେମ୍ବର 2023 ରେ ନୂଆ ଦିଲ୍ଲୀରେ ଜି-20 ଶିଖର ସମ୍ମିଳନୀ ଅବସରରେ ଫ୍ରାନ୍ସର ରାଷ୍ଟ୍ରପତି ମହାମହିମ ଶ୍ରୀ ଇମାନୁଏଲ୍ ମାକ୍ରୋନଙ୍କ ସହିତ ମଧ୍ୟାହ୍ନ ଭୋଜନ ଅବସରରେ ଦ୍ବିପାକ୍ଷିକ ଆଲୋଚନା କରିଛନ୍ତି। ଏହା ଉଲ୍ଲେଖନୀୟ ବିଷୟ ଯେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ 14 ଜୁଲାଇ 2023 ରେ ଫ୍ରାନ୍ସ ଜାତୀୟ ଦିବସ ଅବସରରେ ବିଶିଷ୍ଟ ଅତିଥି ଭାବରେ ଯୋଗ ଦେଇଥିଲେ। ସେ ଜୁଲାଇ 2023 ରେ ପ୍ୟାରିସ୍ ଯାଇଥିଲେ। ଏହି ଅବସରରେ ଭାରତ-ଫ୍ରାନ୍ସ କୌଶଳଗତ ଭାଗିଦାରୀର 25ତମ ବାର୍ଷିକି ମଧ୍ୟ ପାଳନ କରାଯାଇଥିଲା। ରାଷ୍ଟ୍ରପତି ମାକ୍ରୋନ୍ ଏହି ଯାତ୍ରା ପରେ ଭାରତ ଆସିଥିଲେ।

ରାଷ୍ଟ୍ରପତି ମାକ୍ରୋନ୍ ଭାରତର ଜି -20 ଅଧ୍ୟକ୍ଷତାର ସଫଳତା ପାଇଁ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି। ଏହି ପରିପ୍ରେକ୍ଷୀରେ ଫ୍ରାନ୍ସର ସମର୍ଥନ ପାଇଁ ପ୍ରଧାନମନ୍ତ୍ରୀ ମାକ୍ରୋନଙ୍କୁ ଧନ୍ୟବାଦ ଜଣାଇଛନ୍ତି।

ଦୁଇ ନେତା ଦ୍ୱିପାକ୍ଷିକ ସମ୍ପର୍କ ଉପରେ ଆଲୋଚନା କରିଥିଲେ ଏବଂ ସମୀକ୍ଷା କରିଥିଲେ। ‘ହରିଜନ୍ 2047’ ରୋଡମ୍ୟାପ, ଭାରତ-ପ୍ରଶାନ୍ତ ରୋଡମ୍ୟାପ ଏବଂ ପ୍ରଧାନମନ୍ତ୍ରୀଙ୍କ ନିକଟରେ ପ୍ୟାରିସ ଯାତ୍ରାରୁ ଯେଉଁ ଫଳାଫଳ ପ୍ରାପ୍ତ ହୋଇଛି ଏହି କ୍ରମରେ ମଧ୍ୟ ଉଭୟ ରାଜନେତା ଆଲୋଚନା କରିଛନ୍ତି।  ପ୍ରତିରକ୍ଷା, ଶିଳ୍ପ ଏବଂ ଷ୍ଟାର୍ଟଅପ୍ ସହଯୋଗ ସହିତ ମହାକାଶ, ଆଣବିକ ଶକ୍ତି ସହିତ ଏସଏମଆର ଏବଂ ଏଏମଆର ଟେକ୍ନୋଲୋଜିର ସହଭାଗୀତା, ଡିଜିଟାଲ ସାର୍ବଜନିକ ଭିତ୍ତିଭୂମି, ଗୁରୁତ୍ବପୂର୍ଣ୍ଣ ପ୍ରଯୁକ୍ତିବିଦ୍ୟା, ସଂଯୋଗ, ଶକ୍ତି, ଜଳବାୟୁ ପରିବର୍ତ୍ତନ, ଶିକ୍ଷା କ୍ଷେତ୍ରରେ ସହଯୋଗର ଲକ୍ଷ୍ୟର କାର୍ଯ୍ୟକାରିତା ଉପରେ ତଥା ଜାତୀୟ ସଂଗ୍ରହାଳୟରେ ସହଯୋଗ ଏବଂ ଲୋକ ସମ୍ପର୍କ ବିଷୟରେ ସେମାନେ ଆଲୋଚନା କରିଥିଲେ।

ଦୁଇ ନେତା ଭାରତ-ପ୍ରଶାନ୍ତ ମହାସାଗର ସମେତ ଗୁରୁତ୍ୱପୂର୍ଣ୍ଣ ଆନ୍ତର୍ଜାତୀୟ ତଥା ଆଞ୍ଚଳିକ ବିକାଶ ଉପରେ ମତ ବିନିମୟ କରିଥିଲେ ଏବଂ ସଂସ୍କାରିତ ବିବିଧ ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ସେମାନେ ଭାରତ-ମଧ୍ୟ ପୂର୍ବ-ୟୁରୋପ ଅର୍ଥନୈତିକ କରିଡର (ଆଇଏମଇସି) ର ଘୋଷଣାକୁ ସ୍ୱାଗତ କରିଛନ୍ତି ଏବଂ ଏହାର କାର୍ଯ୍ୟକାରିତା ପାଇଁ ମିଳିତ ଭାବେ କାର୍ଯ୍ୟ କରିବାକୁ ପ୍ରତିଶୃତି ଦେଇଛନ୍ତି।

ଭାରତର ସଫଳ ଚନ୍ଦ୍ରଯାନ -3 ମିଶନ ପାଇଁ ରାଷ୍ଟ୍ରପତି ମାକ୍ରୋନ୍ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି। ଦୁଇ ନେତା ଭାରତ-ଫ୍ରାନ୍ସ ମହାକାଶ ସହଯୋଗର  ଛଅ ଦଶକକୁ ମନେ ପକାଇଛନ୍ତି।

BS