চহি মাপনগী মমাঙদা, প্রধান মন্ত্রী শ্রী নরেন্দ্র মোদীনা, ইং ২০১৪দা লু-নানবগী খোল্লাউ অমা লাউখি‍। শিন্ফম কয়াদা লৈবা লৈবাক মীয়াম্না ইচঙ থৌনা থোরক্তুনা স্মচ্ছ ভারতকী মপুং ওইবা থৌদাং লৌখি‍। মদুগী মহৈনা, স্বচ্চতানা লৈবাক্কী মচৎ ওইখি অমদি স্বচ্চ ভারত মিসন ইমুং পুম্নমক্তা য়ৌখ‍ি‍।

গান্ধী জয়ন্তীগী মাঙওইননা পায়খৎপা থৌরাং ওইনা, প্রধান মন্ত্রীনা লৈবাক মীয়ামগী মফমদা তোপ তোপ্পা থবক পায়খৎনবা খোল্লাউ অমা লাউরক্লি‍। মন কী বাতকী ১০৫শুবা তাঙ্কক্তা, প্রধান মন্ত্রীনা লৈবাক মীয়াম পুম্বদা ওক্তোবর ১গী অয়ুক পুং ১০ তাবা মতমদা পুং অমগী ওইবা স্বচ্চতাগী থৌরম অমা পায়খত্তুনা বাপুগী মফমদা মহাক্কী মপোক কুমওনগী মাঙওইননা ‘স্বচ্চাঞ্জলি’ ওইনা পুন্না কৎমিন্ননবা ৱাফম থম্লক্লি‍। স্বচ্চতা হি সেবা অভিয়ানগীম তাঙদা ৱা ঙাঙলদুনা, “ওক্তোবর ১ হায়বদি নোংমাইজিং নুমিৎকী অয়ুক পুং ১০ তাবা মতমদা লু-নানবগী অচৌবা থৌরম অমা পাঙথোক্কদৌরি‍। অদোমসু মতম কাইথোক্তুনা লু-নানবগা মরী লৈনবা কেম্পেন অসিদা মতেঙ পাংবিয়ু‍। অদোম্না হায়রিবা লু-নানবগী কেম্পেন অসিদা অদোমগী লৈরক্তা, নৎত্রগা লৈকায়দা, নৎত্রগা পার্ক, তুরেল, পাৎ নৎত্রগা মীয়ামগী ওইবা মফম অমা হেক্তদা শরুক য়াবিবা য়াই,” হায়না মহাক্না হায়খি‍।

অচৌবা লু-নানবগী থৌরম অসিনা শিন্ফম খুদিংদা লৈরিবা মীয়াম পুম্নমক্কী মফমদা কৈথেল, রেলৱে ত্রেক, ঈশিং তুংফম, লমকোয় মফমশিং, লাইনিংগী মফম্নচিংবা মীয়ামগী ওইবা মফমশিংদা তশেংনা শিৎ শেংবগী থবক্তা শরুক য়াননবা পাউজেল চেল্লি‍। ময়োল্লম, গ্রাম পঞ্চায়ত, সিভিল এভিএসন, রেলৱে, ইনফোর্মেসন এন্দ তেক্নোলোগীনচিংবা লৈঙাক্কী সেক্তর পুম্নমক, পব্লিক ইন্সতিত্যুসন খুদিংমক্না মীয়াম্না লমজিংবা লু-নানবগী থৌরম অসি পাঙথোক্কনি‍। শিৎ শেংবগী থৌরমসিদা শরুক য়াবিনিংবা এন.জি.ও./আর.দব্লিউ.এ./লনাই লুপ্নচিংবশিংনসু য়ু.এল.বি./দিস্ত্রিক্ত এদমিনিস্ত্রেসনশিংদা ওনলাইন পোর্তেলদা এপ্লাই তৌবা য়াগনি‍। শিৎ-শেংবগী থৌরম অসি অখন্ননা শেম্লবা আই.তি. ফম্পাক স্বচ্চতা হি সেবা – সিতিজন্স পোর্তেল https://swachhatahiseva.com/ দা মীয়ামগী ঈ-পাউগীদমক ফংগনি‍। শিৎ-শেংগদৌরিবা মফমশিংদা, মীয়াম্না ফোতো নম্বা অমদি পোর্তেলদা থাগৎপসু য়াগনি‍। পোর্তেল অসিনা মীয়াম, ইনফ্লুএন্সরশিংবু ঈহৌ অসিদা শরুক য়ারনবা অমদি স্বচ্চতা এম্বেসেদর ওইদুনা মীয়ামগী ঈহৌদা লমজিংনবা পাউজেল চেনবা সেক্সন অমসু য়াওরি‍।

অচৌবা শিৎ-শেংবগী থৌরম অসি সেপ্তেম্বর ১৫দগী ওক্তোবর ২ ফাওবা চত্থরিবা স্বচ্চতা পখ্বারা – স্বচ্চতা হি সেবা ২০২২ গী শরুক অমনি‍। মীয়াম্না অরিবা বিল্দিংশিং নৌনা শেমজিনবা, ঈশিং লৈবা মফমশিং, ঘাতশিং শেংদোকপা, ফক্লাংদা লাই য়েকপা, লম্বীগী কুমহৈ শান্নবা, রঙ্গোলী অথোই অহেন তান্নবনচিংবা তোঙাত তোঙানবা লু-নানবগী থৌরমশিং পাঙথোক্লি‍। পখ্বারা হৌদোকখিবদগী, মীওই করোর ৫ হেনবনা পখ্বারা থাখায়দা হৌজিক ফাওবদা শরুক য়ারকখ্রে‍।

*****