লৈবাক্কীদমক মখোয়গী থৱায় কৎখ্রবা অদুগুম্লবা ‘অথৌবশিং’বু শ্রদ্ধাঞ্জলি কৎনবগীদমক ২০২৩গী ওগস্ত ৯দা লৈবাক পুম্বগী কেম্পেন অমা ওইরিবা “মেরী মাতী মেরা দেশ” হৌদোকখি। কেম্পেন অসি ‘আজাদী কা অমৃত মহোত্সব’ লোইশিনবগী থৌরমনি, মদু ২০২১গী মার্চ ১২দা হৌখি, অমসুং ভারত পুম্বদা লাখ ২দগী হেনবা প্রোগ্রামশিংগা লোয়ননা পাক শন্না মীয়াম্না শরুক য়াবা (জন ভাগিদারী) উবা ফংখি।

কেম্পেন অসিদা নিংতম লান্মীশিং অমসুং সেক্যুরিতী ফোর্সশিংদা শিলাফলকম ইস্তাব্লিস তৌবগুম্বা থৌরমশিংগা লোয়ননা পঞ্চ প্রন ৱাশক, বসুধা বন্দন, ঐখোয়গী অথৌবশিংগী থৌনা ফরবা কত্থোকখিবশিং ভক্তি তৌবা বীরোন কা বন্ধনগুম্বা খোংথাংশিং উৎখি।

মেরী মাতী মেরা দেশ কেম্পেনগী অহানবা ফেজ পাকশন্না য়ৌবা অমসুং মশিং য়াম্না মীয়াম্না শরুক য়াবগা লোয়ননা মমাংদা ওইখিদ্রিবা মওংদা মায়পাকপা ওইখি। ঙসি ফাওবদা রাজ্য/য়ু.তি. ৩৬দা শিলাফলকম লাখ ২.৩৩ হেন্না শাখ্রে। ঙসি ফাওবদা পঞ্চ প্রন ৱাশক সেলফী করোর ৪ ৱেবসাইত্তা অপলোদ তৌখ্রে। লৈবাক পুম্বদা ব্রেবহার্ত ফেলিসিতেসন প্রোগ্রাম লাখ ২ হেন্না পাংথোকখ্রে। বসুধা বন্ধন থীমগী মখাদা লমদম অসিগী ওইবা উ-চারা করোর ২.৩৬ হেন্না থাখ্রে অমসুং অমৃৎ ভতিকা লাখ ২.৬৩ শেমগৎখ্রে।

হৌজিক কেম্পেন অসি লৈবাক পুম্বদা অমৃৎ কলশ য়াত্রাশিংগী য়োজনাগা লোয়ননা মসিগী অনিশুবা ফেজদা চংনবগীদমক মপুং ফানা থৌরাংলে। ভারত পুম্বগী আউতরিচ কেম্পেন অমা ওইনা মসিগী পান্দমদি লৈবাক্কী য়ুমথোং খুদিংদা য়ৌশিনবনি। ভারতকী খুঙ্গং লমদমশিংগী খুঙ্গং লাখ ৬ হেনবা অমসুং শহর লমদমগী ৱার্দশিংদগী লৈবাক-লৈহাও অমসুং চেং মরুশিং খোমজিল্লি। খুঙ্গং লমদমদা মসি ব্লোক-লেবেল কলশ শেম্নবা ব্লোক লেবেলদা পুন্সিনগনি। রাজ্যগী কোনুংদগী থৌরম পাংথোক্তুনা বিদায় পীরবা মতুং কলশ অসি নেস্নেল প্রোগ্রামগীদমক দিল্লীদা লাক্কনি। অর্বান এরিয়াশিংদা ৱার্দশিংদগী মিত্তী খোমজিল্লি অমসুং রাজ্যগী কোনুংগী খুত্থাংদা দিল্লীদা মিক্সিং অমসুং ত্রান্সপোর্তেসনগীদমক অচৌবা অর্বান লোকেল বোদীশিংদা পুরক্লি। অরোইবা থৌরমগীদমক ওক্তোবর লোইরকপা ফাওবদা দিল্লীদা কলশ ৮৫০০ হেন্না থুংলবা য়াই হায়না পানরি। ভারতকী কাচিন-কোয়া খুদিংমক্তগী খোমগৎলবা লৈবাক-লৈহাওশিং অমৃৎ ভতিকা অমসুং অমৃৎ মেমোরিয়েলদা থমগনি, মদুদগী আজাদি কা অমৃত মহোত্সব পাংথোক্নবা লেগেসী থৌরাংগনি।

মেরী মাতী মেরা দেশ কেম্পেনগী ফোতোশিং মখাগী লিঙ্ক অসিগা ফংগনি:

https://drive.google.com/drive/folders/1ZbRRp1YP893V6LBfibaQJeoK3vBOLoc9?usp=drive_link

*****