Ia ka “Meri Maati Mera Desh”, ka prokram ha kylleng ka ri la sdang ha ka 9 tarik u Nailar, 2023 ban pynkup burom ia ki ‘Veer’ kiba la aiti ia la ka jingim na ka bynta ka ri. Kane ka dei ka prokram pynkut ia ka 'Azadi ka Amrit Mahotsav,' kaba la sdang ha ka 12 tarik u Lber 2021 bad kaba la khring ia ka jingiashim bynta ki paidbah (Jan Bhagidari) ha kaba la pynlong palat 2 lak tylli ki prokram ha kylleng ka India.

Kane ka campaign ka la don ki prokram bapher bapher kum ka jingshna ia ki Shilaphalakam kiba la aiti sha ka jingkynmaw burom ia ki nongiakhun ban ioh ka jinglaitluid bad ruh ki kynhun pahara, bad ruh ki sienjam kum ki jingbam smai Panch Pran, Vasudha Vandan, Veeron ka Vandan kaba burom ia ki jinglenlade jong kine ki riewshlur.

Ka bynta kaba nyngkong jong ka Meri Maati Mera Desh campaign ka la long kaba jop ha kaba ka la khring bha ia ka jingiashim bynta ki paidbah. La dep shna palat 2.33 lak tylli ki Shilaphalakam ha 36 tylli ki Jylla/UT haduh mynta. La dep upload palat 4 klur ki selfie jong ka jingbam samai Panch Pran ha ka website haduh mynta. La dep pynlong palat 2 lak ki prokram pynkup burom ia ki riewshlur ha kylleng ka ri. Hapoh ka phang Vasudha Vandan la dep thung palat 2.36 klur ki symbai dieng bad la sdang 2.63 lak tylli ki Amrit Vatika.

Mynta, kane ka campaign ka la khreh ban rung sha ka bynta kaba ar ha kaba la pynkhreh ia ki Amrit Kalash Yatra ha kylleng ka ri. Kum ka prokram kaba long ha baroh kawei ka ri, ka thong jong ka ka dei ban poi sha baroh ki longiing ha ka ri. La lum ia ki khyndew bad ki khaw na palat 6 lak tylli ki shnong ha ki jaka nongkyndong bad ruh na ki ward ha ki jaka sor ha kylleng ka India. Ha ki jaka nongkyndong, la pyniasoh lang ha ki block ban don ki block kalash. Hadien ba la pyllait na ki nongbah jong ki jylla, kine ki kalash kin poi sha Delhi na ka bynta ka prokram kaba long ha kylleng ka ri. Ha ki jaka sor, la lum ia ki khyndew na ki ward bad la wanrah sha ki bor pyniaid shnong ba kham heh ban khleh bad pynkit sha Delhi lyngba ka nongbah jong ka jylla. La kyrmen ba palat 8500 tylli ki kalash kin poi sha Delhi shuwa ban kut u Risaw na ka bynta ka prokram pynkut. Ia ka khyndew ba lum na kylleng ka India yn buh ha ka Amrit Vatika bad Amrit Memorial, ka ban long ka jingsahnam ban rakhe ia ka Azadi Ka Amrit Mahotsav.

Ia ki dur jong ka Meri Maati Mera Desh campaign lah ban ioh na kane ka link harum:

https://drive.google.com/drive/folders/1ZbRRp1YP893V6LBfibaQJeoK3vBOLoc9?usp=drive_link

*****