কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহনা হিন্দী দিৱসকী থৌরম্না লাকপদা লৈবাক মীয়ামদা য়াইফ-মঙ্গোল পীখ্রে। মহাক্কী পাউজেলদা গৃহ মন্ত্রীনা হায়, ভারত অসি লোল কয়ামরুমগী লৈবাক অমনি। হিন্দীনা মালেমগী খ্বাইদগী চাউবা দিমোক্রেসী অসিদা লোল কয়ামরুম অসিবু পুনশিল্লি। হিন্দী অসি দেমোক্রেতিক ওইবা লোল অমনি। মসিনা মালেমগী লোলশিংগা লোয়ননা তোঙান তোঙানবা ভারতকী লোল অমসুং দাইলেক্তশিং অসিবু ইকাই খুম্নরি অমসুং মখোয়গী ৱাহৈ শিংবুন, ৱাহৈ পরেং অমসুং গ্রমারগী কাংলোন অদু পুরি।

কেন্দ্রগী গৃহ মন্ত্রীনা হায় হিন্দী লোল অসিনা নীংতম ইহৌগী অৱাবা মতমশিং অদুদা লৈবাক অসিবু পুনশিনবদা মমাংদা লৌখ্রিদ্রিবা মওংদা অচৌবা থৌদাং অমা লৌখি। মসিনা লোল অমসুং দাইলেক্ত কয়ামরুম থোক্না খাইদোক্লিবা লৈবাক অসিদা অমত্তা ওইবগী ৱাখল্লোন অদু ফাওহল্লি। হিন্দী অসিনা পাউ ফাওননবা লোল অমা ওইনা লৈবাক অসিদা নীংতম ইহৌ অদুবু নোংপোক্তগী নোংচুপ ফাওবা অমসুং অৱাংদগী খা ফাওবা পুবদা মরুওইবা থৌদাং অমা লৌখি। শ্রী শাহনা হায় ‘স্বারাজ’ অমসুং ‘স্বাভাশা’ ফংনবা হৌখিবা ইহৌ অসি লৈবাক অসিদা মতম অমত্তদা হৌখি। নীতম ইহৌগী মতম অমসুং নীংতম্লবা মতুংদা হিন্দীনা লৌখিবা মরুওইবা থৌদাং অদুবু নীংশিংবা ওইনা কন্সতিত্যুসন ইরিবা মীওইশিং অদুনা সেপ্তেম্বর 14, 1949দা হিন্দী অসি ওফিসিএল লেংগ্বেজনি হায়না অয়াবা পীখি।

গৃহ মন্ত্রীনা হায়, লৈবাক অমহেক্তগী তশেংবা অমসুং ক্রিএতিব ওইবা ৱাখল্লোন অসি মখোয়গী মশাগী লোল খক্তগী খুত্থাংদা ফোঙদোকপা ঙম্মি। মমিং লৈরবা অইবা ভারতেন্দু হরিশচন্দ্রগী মমিং লৈরবা শৈরেং “निज भाषा उन्नति अहै, सब उन्नति को मूल” গী মতাংদা পল্লদুনা মহাক্না হায় ঐখোয়গী লোল চাউখৎপা হায়বসিনা হীরম খুদিংমক্তা চাউখৎপগী য়ুম্ফম অমনি। শ্রী শাহনা হায় ভারতকী লোল অমসুং দাইলেক্ত খুদিংমক ঐখোয়না লোইনদুনা চৎকদবা নাৎকী ওইবা হেরিতেজ অমনি হিন্দীনা হৌজিক ফাওবদা অতোপ্পা ভারতকী লোল অমহেক্তগা চাংদম্নদ্রি অমসুং তুংদসু চাংদম্নরোই। ঐখোয়গী লোল খুদিংমক মপাঙ্গল কলহল্লবা খক্তদা মপাঙ্গল লৈবা লৈবাক অমা শেম্বা ঙমগনি। হিন্দি অসি লোকল লেংগ্বেজ খুদিংমকপু এম্পাৱর তৌবা ঙম্বা মেদিয়ম অমা ওইরক্লগনি হায়না গৃহ মন্ত্রীনা ফোঙদোকখি।

শ্রী শাহনা হায়, প্রধান মন্ত্রী নরেন্দ্র মোদীগী লুচিং মখাদা ভারতকী লোলশিং অসি নেস্নেল অমসুং মালেমগী ফম্বাক্তা মশক খংবীবা অমসুং ইকাই খুম্নবা ফংবা ঙমখ্রে। গৃহ মন্ত্রালয়গী দিপার্তমেন্ত ওফ ওফিসিএল লেংগ্বেজনা ভারতকী লোলশিং অসি পব্লিক এদমিনিস্ত্রেসন, এজুকেসন অমসুং সাইন্তিফিক ওইবা মওংদা শিনজিন্নবা হেনগৎহন্নবা মতমগা চুনবা তেক্নোলোজীশিং শিজিন্নবগা লোয়ননা লেপ্পা লৈতনা থবক পাইখৎলি হায়না মহাক্না মখা তাখি। মহাক্না হায়, প্রধান মন্ত্রীগী লুচিং মখাদা মীয়ামগী চাউখৎ থৌরাংগী স্কীমশিং অসি সরকার অমসুং মীয়ামগী মরক্তা ভারতকী লোলশিংদা পাউ ফাওনদুনা নীংথীজনা পাইখৎলি।

কেন্দ্রগী গৃহ মন্ত্রীনা হায় পার্লিয়ামেন্তরী কম্মিতী ওন ওফিসিএল লেংগ্বেজ অসি লৈবাক অসিদা ওফিসিএল লেংগ্বেজদা পাংথোক্লিবা থবকশিং অসি চাং নাইনা য়েংশিন্নবা শেমখিবনি। লৈবাক শিনবা থুংনা সরকারগী থবক থৌরমশিংদা হিন্দী শিজিন্নবদা খুমাং চাউশিল্লিবা অদু য়েংশিন্নবা অমসুং মদুগী রিপোর্ত অদু রাস্ত্রপতিদা লানখৎলক্নবা থৌদাং পীখি। শ্রী শাহনা হায় মসিগী রিপোর্ত অসিগী 12শুবা ভোল্যুম অসি রাস্ত্রপতিদা লানখৎখিবদা মহাক্না অপেনবা পোকই। 2014 ফাওবদা ভোল্যুম 9 খক্তা পীখৎখি অদুবু হৌখিবা চহি 4 খক অসিদা ভোল্যুম 3 পীখৎখ্রে। 2019 ফাওবদা মন্ত্রালয় 59 খুদিংমক্তা হিন্দী এদভাইজরী কম্মিতী শেমখ্রে অমসুং চাং নাইনা মখোয়গী মীফমসু পাংথোক্লি। লৈবাক অসিগী হীরম কয়ামরুমদা ওফিসিএল লেংগ্বেজ শিজিন্নবগী চাং হেনগৎলক্লিবা অসি য়েংলগা হৌজিক ফাওবদা তাউন ওফিসিএল লেংগ্বেজ ইম্প্লিমেন্তেসন কম্মিতী (TOLIC) 528 লিংখৎখ্রে। মপান লৈবাক্তা ফাওবা হায়বদি লন্দন, সিংগাপোর, ফিলি, দুবাই অমসুং পোর্ত লুইসতা তাউন ওফিসিএল লেংগ্বেজ ইম্প্লিমেন্তেসন কম্মিতী শেমখ্রে। য়ুনাইতেদ স্তেতসতা হিন্দী লোল অসি শিজিন্ননবা ভারতনা থবক পাইখৎপা হৌখ্রে।

কেন্দ্রগী গৃহ মন্ত্রীনা হায় ‘ওল ইন্দিয়া ওফিসিএল লেংগ্বেজ কনফরেন্স’ শিনবগী চৎনবী অমসুং দিপার্তমেন্ত ওফ ওফিসিএল লেংগ্বেজনা হৌদোকখ্রে। অহানবা ওল ইন্দিয়া ওফিসিএল লেংগ্বেজ কনফরেন্স অসি 2021দা বনারসতা নবেম্বর 13-14 ফাওবা পাংথোকখি অমসুং অনিশুবা কনফরেন্স অসিনা সেপ্তেম্বর 14, 2022দা সুরত্তা পাংথোকখি। চৎলিবা চহি অসিদা অহুমশুবা ওল ইন্দিয়া ওফিসিএল লেংগ্বেজ কনফরেন্স অসি পুনেদা শিনগনি। তেক্নোলোজীগী মতুং ইন্না ওফিসিএল লেংগ্বেজ অসি শেমগৎনবা পান্দমদা দিপার্তমেন্ত ওফ ওফিসিএল লেংগ্বেজনা ‘কন্থস্থ’ কৌবা মেমোরী বেজ ত্রান্সলেসন সিস্তেম অমা শেমগৎখ্রে। অনৌবা খোঙথাং অমা পাইখৎপা ওইনা দিপার্তমেন্ত ওফ ওফিসিএল লেংগ্বেজনা ‘হিন্দী সব্দ সিন্ধু’ হায়বা দিক্সনরি অমা শেমখ্রে। মসিগী দিক্সনরি অসি 8শুবা সেদ্যুল লেংগ্বেজশিংদা য়াওরিবা ভারতকী লোলশিংদগী ৱাহৈশিং হাপচিন্দুনা লেপ্পা লৈতনা চাওথোকহল্লি। দিপার্তমেন্ত অসিনা ৱাহৈ 90,000 য়াওবা ‘ই-মহাসব্দকোশ’ অমসুং ৱাহৈ পরেং 9,000 য়াওবা ‘ই-সরল’ কৌবা মোবাইল এপসু শেমখ্রে।

কেন্দ্রগী গৃহ মন্ত্রীনা হায় প্রিন্সিপল ওফ লেংগ্বেজ চেঞ্জনা হাব “লোল অসি কম্প্লেক্সিতীদগী সিম্প্লিসিতীদা হোংই”। শ্রী শাহনা হায় মহাক্কী ৱাখল্লোন্দা ওফিসকী থবক থৌরমশিংদা অরাইবা অমসুং ময়েক শেংবা হিন্দীগী ৱাহৈশিং শিজিন্নগদবনি। দিপার্তমেন্ত ওফ ওফিসিএল লেংগ্বেজকী মসিগী থৌশিলশিং অমসুং মমালোন খুদিংমক এসিমিলেত তৌদুনা মীয়ামগী অয়াবগা লোয়ননা হিন্দী অসি সাইন্তিফিক অমসুং তেক্নোলোজিকেলগী ওইবা অয়াবা ফংলগনি অমসুং ইনাক খুনবা ওফিসিএল লেংগ্বেজ অমা ওইনা থোরক্লগনি। অমুক্কা হন্না, হিন্দী দিৱসনা লাকপদা পুম্নমকপু থাগৎপা ফোঙদোকচরি।

*****