மத்திய திறன் மேம்பாடு மற்றும் தொழில்முனைவோர் மற்றும் மின்னணு மற்றும் தகவல் தொழில்நுட்பத் துறை இணையமைச்சர் திரு ராஜீவ் சந்திரசேகர் இன்று செய்தியாளர்களைச் சந்தித்தார்,  அப்போது அவர், ஆகஸ்ட் மாதம் நடைபெற்ற டிஜிட்டல் பொருளாதார அமைச்சர்கள் கூட்டத்தின் குறிப்பிடத்தக்க விளைவுகள் குறித்து செய்தியாளர்களிடம் விவாதித்தார்.

இந்தியாவின் ஜி 20 தலைமையின் கீழ்,  இந்த  வரலாற்று ரீதியான நடவடிக்கையில், ஜி 20 டிஜிட்டல் பொருளாதார அமைச்சர்கள் மத்தியில் எதிர்கால டிஜிட்டல் பொது உள்கட்டமைப்பை (டிபிஐ) எவ்வாறு திறம்பட வடிவமைப்பது என்பது குறித்த ஒருமித்த கருத்து எட்டப்பட்டது குறித்து  அவர் எடுத்துரைத்தார்.

டிஜிட்டல் பொது உள்கட்டமைப்பு, சைபர் பாதுகாப்பு மற்றும் டிஜிட்டல் திறன்கள் ஆகிய மூன்று முக்கியத் துறைகளில் நாடுகளுக்கு இடையிலான ஒருமித்த கருத்து பரவலாக கவனம் செலுத்துகிறது என்றும் திரு ராஜீவ் சந்திரசேகர் கூறினார்.

"ஜி20 சூழலில் வேகம் பெற்ற ஒரு அற்புதமான உரையாடலாக இருந்தது. முன்னேற்றத்திற்கும் வளர்ச்சிக்கும் தொழில்நுட்பக் கருவிகளைப் பணியில் ஈடுபடுத்திய மற்றும் பயன்படுத்திய ஒரு நாடாக இந்தியா ஒரு டிஜிட்டல் ஆய்வகமாக உள்ளது. டிஜிட்டல் திறனில் பின்தங்கிய நாடுகள்,  இந்தியாவை ஓப்பன் சோர்ஸ் டிஜிட்டல் கட்டமைப்பாக,  டிபிஐக்களில் இந்தியாவின் முன்னிலையைப் பின்பற்றுவதற்கான ஒரு வழியாகவும், இந்தியாவுக்கு இருக்கும் அதே தாக்கத்தை உருவாக்குவதற்கான  ஒரு வழியாகவும் இதைப் பார்க்கின்றன. இந்த ஜி 20 உரையாடல்கள் மூலம்,  டிபிஐக்கள் உள்ளடக்குவதற்கான ஒரு சக்திவாய்ந்த பொறிமுறை என்பதை நாங்கள் மேலும் புரிந்து கொண்டோம், குறிப்பாக உலகளாவிய தெற்கில் உள்ள நாடுகளுக்கு, "என்று அமைச்சர் கூறினார்.

ஆர்மீனியா, சியரா லியோன், சுரினாம், ஆன்டிகுவா, பார்படோஸ், டிரினிடாட் மற்றும் டொபாகோ, பப்புவா நியூ கினியா மற்றும் மொரீஷியஸ் போன்ற நாடுகளுடன் இந்தியா எட்டு புரிந்துணர்வு ஒப்பந்தங்களில் கையெழுத்திட்டுள்ளது. இந்த நாடுகள் இப்போது தங்கள் எல்லைகளுக்குள் இந்த வளங்களை ஏற்றுக்கொண்டு பயன்படுத்துவதற்கான வாய்ப்பைப் பெற்றுள்ளன.

டி.பி.ஐ.கள் தவிர, நாடுகள் எவ்வாறு சைபர் பாதுகாப்பிற்கு முன்னுரிமை அளித்துள்ளன என்பது குறித்தும் அமைச்சர் பேசினார்,

-----

ANU/AD/BS/GK