লৈবাক শিনবা থুংনা লৈরিবা য়ুমথোং খুদিংমক্কী অৱাবা কোকহনগদবা থোঙথাং অমা ওইনা প্রধান মন্ত্রী শ্রী নরেন্দ্র মোদীনা লুচিংবা সরকার অসিনা চাকথোং গ্যাসকী মমলদা চাউনা মমল হন্থখ্রে। 30.08.2023দগী চৎনবা হৌদুনা 14.2 Kg LPG সিলিন্দরগী মমল অসি লৈবাক্কী মফম খুদিংমক্তা লৈরিবা কৈথেলশিংদা লুপা 200 হন্থরগনি। খুদম ওইনা দিল্লীদা, ৱারেপ অসিনা মরম ওইরগা 14.2 Kg সিলিন্দরগী মমল অসি হৌজিক পীরিবা সিলিন্দর অমগী মমল লুপা 1103দগী সিলিন্দর অমদা অহোংবা মমল লুপা 903দা হন্থরগনি। প্রধান মন্ত্রী নরেন্দ্রনা হায়, “মসি লৈবাক অসিদা লৈরিবা ঐহাক্কী ইচে ইচল করোর কয়াদা রক্ষা বন্ধনগী কুহ্মৈনা লাকপা পীবা খুদোল অমনি। ঐখোয়গী সরকারনা মতম চুপ্পদা মীয়ামগী পুন্সি মহিং ফগৎহন্নবা অমসুং লায়রবা অমদি মিদ্দল ক্লাসতা কান্নবা পীনবা তৌবা য়াবা খুদিংমক তৌগনি”।

PMUY হাউসহোল্দশিংদা সিলিন্দর অমদা লুপা 200গী হৌজিক পীরিবা তার্গেতেদ সবসিদী অসি অদুমক মখা চত্থবগা লোয়ননা মসিগী মথক্তা অহেনবা ওইনা মসি হন্থনবনি। মসিনা মরম ওইরগা PMUY হাউসহোল্দশিংগীদমক দিল্লীদা চৎনগদবা মমল অসি মসি হন্থরবা মতুংদা সিলিন্দর অমদা লুপা 703 ওইরগনি।

পনবা য়াবদি PMUY বেনিফিসরী করোর 9.6 য়াওনা লৈবাক অসিদা দোমেস্তিক LPG কঞ্জ্যুমর করোর 31 হেন্না লৈ অমসুং মসিগী হন্থহনবা অসিনা লৈবাক্কী LPG কঞ্জ্যুমর পুম্নমক্তা কান্নরগনি। পন্দুনা লৈরিবা PMUY এপ্লিকেসনশিং ক্লিয়র তৌনবা অমসুং ইলিজিবল ওইবা হাউসহোল্দ পুম্নমক্তা দিপোজিৎ ফ্রী LPG কনেক্সন পীনবা সরকারনা LPG কনেক্সন লৈজদবা লায়রবা ইমুংশিংদগী নুপী লাখ 75দা PMUY কনেক্সনশিং য়েন্থোকপা অথুবদা হৌরগনি। মসিনা PMUYগী মখাদা লৈরিবা বেনিফিসরীশিংগী অপুনবা মশিং করোর 9.6 দগী করোর 10.35দা হেনগৎলগনি।

ৱারেপশিং অসি প্রজাশিংগী শেল-থুমগী পোৎলুম কোকহন্নবা অমসুং য়ুমথোংশিং য়াইফবা ঙম্নবা সরকারগী হৌজিক পাইখৎলিবা খোঙথাংশিংগী শরুক ওইনা লৌখিবনি। চাকথোং গ্যাসকী মমলশিং হন্থনবা অসিনা সরকারনা মাগী প্রজাশিংগী য়াইফবা হায়বা অসিদা মরু ওইবা মীৎয়েং চংলি অমসুং অহোংবা মমলশিংদা ইসেন্সিএল কম্মোদিতীশিং এক্সেস তৌবা ঙমহন্নবা সরকারগী ফিরেপ অদু উৎলি।

পেত্রোলিয়ম এন্দ নেচরেল গ্যাসকী মন্ত্রী, শ্রী হরদীপ সিংহ পুরিনা ৱারেপ অসিদা নুংঙাইবা ফোঙদোক্লদুনা হায়খি, “ঐখোয়না য়ুমথোংশিংনা মখোয়গী বজেৎশিং কোন্ননবা হোৎনবদা থেংনরিবা খুদোংচাদবশিং অদু খঙই। চাকথোং গ্যাসকী মমলশিং হন্থহনবা অসিনা ইমুং মনুংশিংদা অমসুং মীওইশিংদা হকথেংননা অৱাবা কোকহন্নবা পান্দম থমখি লোয়ননা তঙাই ফদবা পোৎলমশিং অহোংবা মমলদা ফংহন্নবা সরকারগী অচৌবা পান্দম অসিবুসু শৌগৎলি”।

চাকথোং গ্যাসকী মমলশিংদা হন্থরকপা অসিনা খুন্নাইগী শরুক পুম্নমক্কী হিংবদা চংলিবা শেলদা চাউনা কান্নবা অমা পীরগনি পান্নখি। সরকারগী প্রোএক্তিব ওইবা খোঙথাং অসিনা য়ুমথোংশিংগীদমক চাদিংশিংদা চাউনা কনবা ঙমহন্দুনা মসিনা প্রজাশিংগী দিস্পোজেবল ইনকমদা চাউনা শরুক তমহন্নবা প্রোজেক্ত তৌখি।

সরকারনা মীয়ামগী অৱাবা পোৎলুম কোকহন্নবা খোঙথাং কয়ামরুম লৌখৎলি অমসুং চাকথোং গ্যাসকী মমলশিং হন্থহনখিবা অসিনা সরকারনা মীয়ামগী মথৌ তাবশিং অদু তারি অমসুং মখোয়গী য়াইফনবা হনবা লৈতনা কত্থোক্তুনা লাক্লি হায়বগী শাখি অমা ওইরি।

***