ভারত অমসুং ফ্রান্স অসি ইন্দো-পেসিফিক্তা মতম কুইনদগী লৈরক্লবা স্ত্রেতেজিক পার্তনরশিংনি। ১৯৪৭দা লৈবাক অনি অসিগী মরক্তা দিপ্লোমেতিক ওইবা মরি থম্লবা মতুংদগী, অমসুং ১৯৯৮তা স্ত্রেতেজিক লেভেলদা পার্নরশিপ অসিবু অপগ্রেদ তৌদুনা, ঐখোয়গী লৈবাক অনি অসিনা লেপ্পা লৈতনা, মাইকৈ অনিমক্তা থজনবগী অৱাংবা থাক অমা শেমগত্তুনা, য়ুনাইতেদ নেসন্স  চার্তরদা য়াওরিবা প্রিন্সিপলশিং অমসুং ইন্তর্নেস্নেল লোদা য়ুমফম ওইবা কমন ভেল্যুশিং অদুগী মতুং ইন্না অচেৎপা ফিরেপ লৌমিন্নদুনা পুন্না থবক তৌমিন্নরকখি।

ইন্দো-ফ্রেঞ্চ পার্তনরশিপ অসিগী ২৫শুবা কুমওনবু নিংশিংবা ওইনা, লৈবাক অনিমক্না ২০৪৭ ফাওবগী ওইনা নাকল অনিমক্কী লৈনরিবা মরি অসিগীদমক্তা লম্বি অমা শেম্নবা রোদমেপ অমা পাইখৎনবা য়ানখ্রে, মসিনা ভারতকী নিংখা তম্বগী চহি চামা শুবগী, লৈবাক অনি অসিগী মরক্তা লৈরিবা দিপ্লোমেতিক্কী ওইবা মরি অসিগী চহি চামা শুবগী অমসুং স্ত্রেতেজিক পার্তনরশিপকী চহি ৫০ শুবগী কুমওন থৌরম পাংথোক্লগনি।

ভারত অমসুং ফ্রান্সনা মালেম অসিগী শান্তি অমসুং তংদু লৈতাবা ঙাক শেন্দুনা থম্নবা অমসুং ইন্দো-পেসিফিক অমসুং মসিগী ৱাংমদা রুলশিংদা য়ুমফম ওইবা ওর্দর অমা পুরক্নবা মখোয়না লেপ্লিবা ফিরেপ অদুবু অমুক থজবা থম্নবা পুন্না থবক তৌমিন্নরগনি। মখোয়না ১৯৯৮তগি হৌনা তৌরক্লিবা অদুগুম্না মখোয়গী মশা-মশাগী সোভরেন অমসুং স্ত্রেতেজিক ইন্তরেস্তশিং অদুগী মতুং ইন্না লেং মান্নবশিংগী মরক্তা পার্তনরশিপ থম্বগী ফ্রেমৱার্ক অসিগী মনুং চন্না থবক তৌনবা য়ানখি। মসিগি স্ত্রেতেজিক পার্তনরশিপ অসিবু হেন্না চেৎশিনহন্নবা অমসুং লিবর্তী, ইক্বেলিতী, দেমোক্রেসী অমসুং রুল ওফ লোগী য়ুনিভর্সেল ভেল্যুশিং অদুবু ঙাক্না চত্তুনা, ভারত অমসুং ফ্রান্সনা মখোয়গী সোভরেনতী অমসুং দিসিজন মেকিংদা ওতোনোমীবু হেন্না মপাঙ্গল কনখৎহন্নবা, অমসুং ভারত অমসুং য়ুরোপিয়ন য়ুনিয়নগী মরক্তং কোওপরেশন পীনদুনা ঐখোয়গী গৃহ অসিনা মায়োক্নগদবা অচৌবা শিংনবশিং অদুবু পুন্না মায়োক য়ামিন্ননবা তুংলমচৎকী সেক্তরশিংদা কোওপরেশন হেন্না লৈহন্নবা ৱারেপ লৌখ্রে।

I – সেক্যুরিতী অমসুং সোভরেনতীগীদমক্তা পার্তনরশিপ

১) সোভরেন দিফেন্স কেপেবিলিতীশিং পুন্না শেমগৎমিন্নবা

১.১ ফ্রান্স অসি মীপাল তাংদনা মরোমদোম লেপচবা ঙম্বা দিফেন্স ইন্দস্ত্রিয়েল অমসুং তেক্নোলোজিকেল বেস শেমগৎপদা ভারতকী য়াম্না মরু ওইবা পার্তনরশিংগী মনুংদা অমনি। ভারত অমসুং ফ্রান্সনা থর্দ কন্ত্রীশিংগীদমক্তশু কান্নহনগদবা য়াওনা য়াম্না খুমাং চাউশিল্লবা দিফেন্স তেক্নোলোজীশিংগী কো-দেবেলপমেন্ত অমসুং কো-প্রোদক্সনদা খুৎশম্নদুনা থবক তৌনবা ওংফম চেৎনা ফিরেপ লৌরি।

১.২  দিকেদ মঙাগী শাংলবা মতম অসিদা মিলিতরী এভিয়েশনদা মখোয়গী থোইদোক-হেন্দোকপা কোওপরেশন অদুগা মরি লৈননা, ভারত অমসুং ফ্রান্সনা ভারতনা ওর্দর তৌরকখিবা রাফৈল ৩৬কী মতম চানা দেলিভর তৌবা অদুবু য়াম্না তরাম্না ওকখি। তুংদা ভাররত অমসুং ফ্রান্সনা কোম্বেত এয়রক্রাফ ইঞ্জিনগী জোইন্ত দেবেলপমেন্ত অদুবু সপোর্ত তৌদুনা য়াম্না খুমাং চাউশিল্লবা এরোনোতিকেল তেক্নোলোজীশিংদা মখোয়গী অনৌ-অনৌবা দিফেন্স কোওপরেশন পীনরগনি। মখোয়না সাফ্রান হেলিকোপ্তর ইঞ্জিনগা লোইননা ইন্দিয়ন মল্তি রোল হেলিকোপ্তর (আই.এম.আর.ঐচ.)কী মখাদা হেভী-লিফ হেলিকোপ্তরশিংগী মোতরাইজেশনগীদমক্তা ইন্দস্ত্রিয়েল কোওপরেশনবুশু সপোর্ত তৌরি।আই.এম.আর.ঐচ. প্রোগ্রামদা খুমাং চাউশিনহনবা ঙম্নবা, ইঞ্জিন দেবেলপমেন্তকীদমক্তা হিন্দুস্তান এরোনোতিক্স লিমিতেদ (ঐচ.এ.এল.), ইন্দিয়া অমসুং সাফ্রান হেলিকোপ্তর ইঞ্জিন, ফ্রান্সকী মরক্তা শিয়রহোল্দরশিংগী ওইবা এগ্রীমেন্ত অমা লোইশিনখ্রে। মসিগী ভেঞ্চরশিং অসি তেক্নোলোজী ত্রান্সফরগী মতাংদা ইন্দো-ফ্রেঞ্চকী মাইপাকখিবশিং অদুদা য়ুমফম ওইরগা মরু ওইবা কমপোনেন্তশিং অমসুং তেক্নোলোজী বিল্দিং ব্লোকশিংগী শিয়রিং অমসুং জোইন্ত দেবেলপমেন্তকী মতাংদা ভারত অমসুং ফ্রান্সকী মরক্তা লৈরিবা থাজনবগী ৱাখল্লোন অদুগী মতুং ইন্না পাইখৎলি।

১.৩  ভারত অমসুং ফ্রান্সনা অহানবা স্কোর্পীন সবমেরিন কন্সত্রক্সন প্রোগ্রাম (পি.৭৫ - কালভরি) মাইপাক্না পাংথোকখ্রে, মসি মেক ইন ইন্দিয়াগী মোদেল অমনি অমসুং লৈবাক অনি অসিগী কমপনীশিংগী মরক্তা নেভল এক্সপর্তিসগী শিয়রিং তৌবনি। ভারত অমসুং ফ্রান্সনা ভারতকী সবমেরিন ফ্লীত দেবেলপ তৌনবা অমসুং ফ্লীত অসিগী পর্ফোর্মেন্স হেনগৎহন্নবা য়াম্না চাউবা প্রোজেক্ত কয়া অমা এক্সপ্লোর তৌনবা শেম-শারে।

১.৪  অমনা অমবু থজনবা অসিদা য়ুমফম ওইবা মসিগী দিফেন্স ইন্দস্ত্রিয়েল পার্তনরশিপ অসিগী অতোপ্পা খুদমশিং অদুগী মনুংদা শক্তি ইঞ্জিনগীদমক্তা ফোর্জিং অমসুং কাস্তিংশিংগী তেক্নোলোজী ত্রান্সফর তৌনবগীদমক্তা সাফ্রান হেলিকোপ্তর ইঞ্জি অমসুং ঐচ.এ.এল.গী মরক্তা তৌখিবা কন্ত্রেক্ত য়াওরি। মসিনা তেক্নোলোজী ত্রান্সফর অমসুং মেক ইন ইন্দিয়া সপোর্ত তৌনবা ফ্রঞ্চ কমিতমেন্ত অদুবু ময়েক শেংনা তাক্লি।

১.৫  অসিগুম্বা অতোপ্পা খুদম অমনা গার্দেন রীচ শিপবিল্দরস এন্দ ইঞ্জিনীয়র্স লিমিতেদ (জি.আর.এস.ই.) অমসুং য়ুরোপিয়ন নেভেল দিফেন্স ইন্দস্ত্রীদা লুচিংবা অমা ওইরিবা, নেভেল গ্রুপ ফ্রান্সকী মরক্তা ভারত অমসুং ইন্তর্নেস্নেল নেভেল ফোর্সশিংগী মথৌতাবশিং অদুবু নিংবা থুংহনবা ঙম্নবা সর্ফেস শিপকী লমদা খুৎশমনদুনা থবক তৌনবা এম.ও.য়ু. অদুনি।

১.৬  মসিগী মাইকৈদা, লৈবাক অনিমক্না দিফেন্স ইন্দস্ত্রিয়েল কোওপরেশনগী মতাংদা রোদমেপ অমা পাইখৎনবগী মাইকৈদশু থবক তৌরি।

১.৭  লৈবাক অনি অসিগী মরক্তা দিফেন্স ইন্দস্ত্রিয়েল কোলাবোরেশনগী মতাংদা খরমখৈ হেনগৎলকপা অসি য়েংলগা, ভারতনা পেরিস্তা লৈরিবা মশাগী এম্বেসীদা দি.আর.দি.ও.গী তেক্নিকেল ওফিস অমা থম্লগনি।

২) ইন্দো-পেসিফিক অসিবু তংদু-লৈতাবা অমসুং তুং কোইনগী ওইবা চাউখৎ-থৌরাংগী মফম অমা ওইহন্নবা তং-তাবা সোল্যুশনশিং পীবা

২.১  ভারত অমসুং ফ্রান্স অসি য়াম্না মরু ওইরবা রিজন অসিদা চপ মান্নবা ভিজন অমা শরুক য়ামিন্নরিবা ইন্দো-পেসিফিক্কী লৈবাক অনি অদুনি। ভারত অমসুং ফ্রান্সনা ২০১৮দা লৌখৎখিবা ইন্দিয়ন ওসীন রিজন্দা ভারত-ফ্রান্স কোওপরেশনগী জোইন্ত স্ত্রেতেজিক ভিজনগী মখাদা হৌখিবা কোওপরেশনবু হেন্না মপাঙ্গল কনখৎহন্নবা অচেৎপা ফিরেপ লৌরি অমসুং  মসিনা মরম ওইরগা অনৌবা ইন্দো-পেসিফিক রোদমেপ অমা লৌখৎখ্রে। মখোয়না মখোয়গী ইকোনোমিক অমসুং সেক্যুরিতী ইন্তরেস্তশিংবু কাইহন্দনা থম্নবা পুন্না থবক তৌমিন্ননবা অচেৎপা ফিরেপ লৌরি; গ্লোবল কমনশিংদা চপ মান্ননা অমসুং লেম্না এক্সেস ফংহনবা; চপ মান্ননা চাউখৎ-থৌরাংগী থবক-থৌরমশিং পাইখৎপনা মরম ওইরগা রিজন অসিদা নুংঙাই-য়াইফবা অমসুং তুং-কোইনা চৎকদবা মওংদা পার্তনরশিপ পুরকপা; ইন্তর্নেস্নেল লোগী রুল চাউখৎহনবা; রিজন অসিগী মনুংদা অমসুং ৱাংমদা লৈরিবা অতোপ্পশিংগা থবক তৌমিন্নবা অমসুং রিজন অসিদা সোভরেন্তি অমসুং তেরিতোরিয়েল ইন্তেগ্রিতীবু ইকাইখুম্নবীবগা লোইননা চাং মান্নবা অমসুং স্তেবল ওইবা ওর্দর অমা পুরকপা। মখোয়না ন্যু কেলিদোনিয়া অমসুং ফ্রেঞ্চ পোলীনেসিয়াগী ফ্রেঞ্চ তেরিতোরীশিংনা মসিদা শরুক য়াহন্দুনা অহেনবা মিৎয়েং থম্বা অমসুং মসিগা লোইননা পেসিফিক্তা মখোয়গী কোওপরেশন পীনবা ৱারেপ লৌখি। ইন্দিয়ন অমসুং পেসিফিক ওসীনশিংদা লৈরিবা ফ্রেঞ্চ ওভরসীজ তেরিতোরীশিংনা লৈবাক অনি অসিগী মরক্তা ইন্দো-পেসিফিক পার্তনরশিপ্তা য়াম্না মরু ওইবা থৌদাং লৌরগনি।

২.২ রিজন অসিদা ৱাখল মান্নবা পার্তনরশিংগা ত্রাইলেতরেল কোওপরেশন পীনবা অসিনা মরু ওইনা লৈবাক অনিমক্কী য়াম্না মরু ওইবা স্ত্রেতেজিক পার্তনর অমা ওইরিবা য়ুনিআতেদ অরব এমিরেতসকা লোইননা মিনিস্তরশিংগী থাক্তা ২০২৩গী ফেব্রৱারীদা, লোইন-লোইননা ২০২০গী সেপ্তেম্বরদা ওস্ত্রেলিয়া হৌদোকখিবা দাইলোগ অসিগী খুত্থাংদা ইন্দো-পেসিফিক রিজনদা কোওপরেশন পীনবগী য়াম্না মরু ওইবা য়ুম্বি অমা ওইরগনি।

ত্রাইয়েঙ্গুলর দেবেলপমেন্ত কোওপরেশনগী তোপ-তোপ্পা মোদেল অসিগী খুত্থাংদা, ভারত অমসুং ফ্রান্সনা রিজন অসিদা দেবেলপ তৌরক্লিবা গ্রীন তেক্নোলোজীশিং অসিবু হেন্না চাউখৎহনবদা মতেং পাংনবগী পান্দমদা ইন্দো-পেসিফিক্কী থর্দ কন্ত্রীশিংদগী ক্লাইমেত অমসুং এস.দি.জি.দা মিৎয়েং থম্বা ইনোভেশনশিং অমসুং স্তার্ত-অপশিং মতেং পাংবগী পান্দমদা ইন্দো-পেসিফিক ত্রাইয়েঙ্গুলর কোওপরেশন (আই.পি.তি.দি.সি.) ফন্দ থম্নবগী মতাংদা থবক তৌরগনি। লৈবাক অনিমক্না আই.পি.তি.দি.সি. ফন্দগী খুত্থাংদা সপোর্ত তৌগদবা প্রোজেক্তশিং অদুবু পুন্না মশক খঙদোকমিন্নরগনি। মসিগী অনৌবা থৌরাং অসিনা ইন্দো-পেসিফিক রিজনদা ইনোভেতরশিংদা মতিক চাবা অমসুং ত্রান্সপরেন্ত ওইবা ফন্দিং অল্তর্নেতিবশিং পীবদা য়াম্না মরু ওইবা খোংথাং অমা ওইরগনি অমসুং ২০২১দা হৌদোকখিবা ইন্দিয়া-ই.য়ু. কনেক্তিবিতী পার্তনরশীপকী য়াম্না মরু ওইবা য়ুম্বি অমশু ওইরগনি।

৩) ঐখোয়গী স্ত্রেতেজিক ওইবা মরি অসিগী য়াম্না মরু ওইবা অমা ওইনা স্পেসপু হাপচিনবা

৩.১  স্পেস, স্পেস তেক্নোলোজীশিংগী এক্সেস লৈহনবা অমসুং স্পেস দেতা অমসুং কেপেবিলিতীশিং শিজিন্নদুনা সর্বিসশিং অমসুং এপ্লিকেশনশিংগী দেবেলপমেন্ত হায়বসিনা ঐখোয়গী খুনাই অসিগী ইনোভেশন, সাইন্তিফিক দেবেলপমেন্ত অমসুং ইকোনোমিক গ্রোথকী য়াম্না মরু ওইবশিংগী মনুংদা অঞনি। ভারত অমসুং ফ্রান্সনা লৈবাক অনিমক্কী অনিমক্তা কান্নগদবা মখোয়গী প্রোগ্রামশিং অদুবু হেন্না মপাঙ্গল কনখৎহন্দুনা স্পেস সেক্তরগী লম খুদিংমক্তা মখোয়গী কোওপরেশন অদুবু হেন্না কনখৎহন্নবা ৱারেপ লৌখ্রে, মসিদা য়াওরিবা অসি:

৩.২.১ সাইন্তিফিক অমসুং কমর্সিয়েল পার্তনরশিপ: সি.এন.ই.এস. অমসুং আই.এস.আর.ও.না মরু ওইনা স্ত্রকচরিং এক্সিস অনিদা য়ুমফম ওইদুনা মখোয়গী পার্তনরশিপ অদু হেন্না কনখৎহল্লগনি: ক্লাইমেত অমসুং এনভাইরনমেন্ত, ত্রিস্না মিসন দেবেলপ তৌবা অমসুং ৱাতর রিসোর্স মেনেজমেন্ত, মেরিন রিসোর্সশিং অমসুং এয়র ক্বালিতী মোনিতরিংগূম্বা হিরমশিং অসিগী মতাংদা স্পেস ক্লাইমেত ওবজার্ভেতরী (এস.সি.ও.)গী মনুংদা থবক-থৌরমশিং পাংথোকপা; স্পেস এক্সপ্লোরেশন (মার্স, ভেনস), মেরিতাইম মোনিতরিং, লোঞ্চরশিং অমসুং ভারতকী গগনয়ান প্রোগ্রামগা মরি লৈননা মেনদ ফ্লাইতশিং। এন.এস.আই.এল. অমসুং এরিয়নস্পেসনসু কমর্সিয়েল লোঞ্চ সর্বিসশিংদা কোলাবোরেত তৌনবা থৌরাং তৌরি।

৩.২.২  স্পেসতা এক্সেসকী মতাংদা রেজিলিয়েন্স: ভারত অমসুং ফ্রান্সনা স্পেসতা নিংখা-তম্না এক্সেস ফংনবগী মতাংআ মখোয়গী সীনর্জীশিং অদুবু হেন্না কনখৎহন্নবা অমসুং মখোয়গী স্পেস ইন্দস্ত্রীশিং অদুবু শরুক য়াহনবগা লোইননা স্পেসতা এক্সেসকী মতাংদা রেজিলিয়েন্সতা ইনোৎ হাপ্নবা তুংগী ওইবা তেক্নোলোজীশিং দেবেলপ তৌনবগী মতাংদা থবক তৌরগনি।

৩.২.৩ ভারত অমসুং ফ্রান্সনসু হন্দক্তা ইনস্তিত্যুস্নেলাইজ তৌখ্রবা বাইলেতরেল স্ত্রেতেজিক স্পেস দাইলোগকী খুত্থাংদা মখাতানা থবক তৌমিন্নরগনি।

৪) ঐখোয়গী নাগ্রিকশিংবু হেন্না নিংথিজনা ঙাক-শেন্নবা অনৌবা থ্রেতশিংদা তেরোরিজমগী মায়োক্তা লান্থেংনববু এদাপ্ত তৌবা

৪.১ ভারত অমসুং ফ্রান্সনা তেরোরিজমগী মায়োক্তা লান্থেংনবদা মতম চুপ্পদা অমনা অমগা পুন্না লেপমিন্নখি। মখোয়না ওল্লক্লিবা থ্রেতশিং অসিগী মাংজিল থানা লৈনবা হিরম খুদিমকতা কোওপরেশন হেন্না কনখৎহল্লগনি। মসিদা ওপরেস্নেল কোওপরেশন, মল্তিলেতরেল এক্সন, ওনলাইন রেদিকেলাইজেশন কাউন্তর তৌবা অমসুং মরু ওইনা নো মনী ফোর তেরর (এন.এম.এফ.তি.) ইনিসিয়েতিব অদুগী খুত্থাংদা তেরোরিজম ফাইনান্সিংগা লান্থেংনবা অমসুং তেরোরিস্ত অমসুং ওনলাইনদা ভায়োলেন্ত ওইবা এক্সত্রিমিজম কন্তেন্ত মুত্থৎনবা খৃস্তচর্চকী খোল্লাও অদু য়াওগনি।

৪.২  ভারত অমসুং ফ্রান্সনা ইন্তর্নেস্নেল সেক্যুরিতী অমসুংহ্যুমেন ত্রাফিক্কিং, ফাইনান্সিয়েল ক্রাইম অমসুং এনভাইরনমেন্তেল ক্রাইম য়াওনা ত্রান্সনেস্নেল ওর্গনাইজ ক্রাইমগী মায়োক্তা লান্থেংনবদা মখোয়গী কোওপরেশন হেনগৎহল্লি। মখোয়না কাউন্তরতেরোরিজমগী লমদা কোওপরেশন পীননবগীদমক্তা ভারত অমসুং ফ্রান্সকী মরক্তা লেতর ওফ কন্তেন্তকী খুত্থাংদা ভারতকী নেস্নেল সেক্যুরিতী গার্দ (এন.এস.জি.) অমসুং ফ্রান্সকী গ্রুপ দি’ইন্তর্ভেন্সন দে লা জেন্দরমরী নেস্নেল (জি.আই.জি.এন.)গী মরক্তা কো্পরেশন ফোর্মেলাইজেশনগী মাইকৈদা পাইখৎলিবা থবক অদুবু তরাম্না ওকখি।

৪.৩ ইন্তর্নেল সেক্যুরিতীগী মতাংদা কোওপরেশন পীনবগী য়াম্না মরু ওইবা এরিয়া অসি লৈবাক অনিমক্কী ইন্তর্নেল সেক্যুরিতী এজেন্সীশিংনা তেক্নোলোজী ফজনা শিজিন্নবা অসিনি।

৫) রিন্যু তৌরবা অমসুং ইফেক্তিব ওইবা মল্তিলেতরেলিজম প্রোমোত তৌবা

৫.১ ভারত অমসুং ফ্রান্সনা ইন্তর্নেস্নেল ওর্দর অদুগী ফন্দামেন্তেল প্রিন্সিপলশিং অদুবু মপাঙ্গল শোন্থহন্নবা হোৎনবশিং অদুবু রিজেক্ত তৌই অমসুং মরু ওইনা য়ুনাইতেদ নেসনগী চার্তরদা য়াওরিবা প্রিন্সিপলশিং অমসুং মতম অসিগী ওইবা অনৌবা রিয়েলিতীশিং অদুগী মশক তাক্নবা গ্লোবল গোবর্নেন্স অদুবু অওনবা পুরক্নবা হোৎনবদা অচেৎপা ফিরেপ লৌরি।

৫.২ ভাররত অমসুং ফ্রান্সনা মখোয়গী কেতেগোরী অনিদা মেম্বরশিপ চাউথোকহন্নবা সেক্যুরিতী কাউন্সিলগী অওনবা অমা পুরক্নবা প্রোমোত তৌরি। মখোয়না জি.৪না হোৎনরিবশিং অদুবু সপোর্ত তৌই অমসুং মরম অদুনা ভারতপুসু, অনৌবা পর্মনেন্ত মেম্বর অমা ওইনা সেক্যুরিতী কাউন্সিলদা য়াওনবা অমসুং পর্মনেন্ত মেম্বরশিংগী মরক্তা য়াওনা অফ্রিকাদগীশু হেন্না ফজনা মহুৎ শিনবদা সপোর্ত তৌদুনা, অমসুং পাক-চাউনা মীহাৎ-মীপুন তৌবা মতমদা ভেতো শিজিন্নবগী রেগুলেশনগী মতাংদা ৱারি-ৱাতাই শাননবা হোৎনবা।

৫.৩ ভারত অমসুং ফ্রান্সনা চাউখৎ-থৌরাং অমসুং মহৌশাগী অকোইবদা লৈরিবা ফিভম অসিগী মাইকৈদা অকনবা পাম্বৈশিং লৌখৎনবগীদমক্তা অনৌবা গ্লোবল ফাইনান্সিয়েল পেক্ত অমগীদমক্তা সম্মিতকী মতুংদা মশক খঙদোকখিবা পেরিস এজেন্দা অদুবু সপোর্ত তৌই।

৬) সাইন্স, তেক্নোলোজিকেল ইনোভেশন অমসুং একাদেমিক কোওপরেশনবু ঐখোয়গী লৈবাকশিং অসিগীদমক্তা খুমাং চাউশিনবা অমসুং নিংখা তম্বা অসিগী মাইওন ওইহন্নবা শক্তি অনি খুৎশম্নবা।

৬.১ ভারত অমসুং ফ্রান্স অসিনা মখোয়গী মশা-মশাগী রিজনদা সেন্ত্রেল স্তার্ত অপ অমসুং ইনোভেশন ইকোসীস্তেমশিং ওইরি। ২১শুবা চহি চাগী শিংনবশিং অদুবু কোকহন্নবা হোৎনবদা তেক্নোলোজীনা লৌরিবা য়াম্না মরু ওইবা থৌদাং অদুবু মশখ খঙলদুনা, ভারত অমসুং ফ্রান্সনা ঐখোয়গী লৈবাকশিং অসিবু মশানা মরোমদোম লেপচবা ঙম্নবগী য়াম্না মরু ওইবা অমা ওইরিবা রিসর্চ পার্তনরশিপশিং অমসুং তেক্নোলোজীশিং প্রোমোত তৌনবা মখোয়গী কোওপরেশন মখাতানা কনখৎহন্নবা য়ানখ্রে

৬.১.১ সাইন্তিফিক কোওপরেশন: ভারত অমসুং ফ্রান্সনা ভারত-ফ্রান্স জোইন্ত স্ত্রেতেজিক কমিতী অমা শেমদুনা সাইন্তিফিক ফীল্দদা মখোয়গী স্ত্রেতেজিক পার্তনরশিপ হেন্না মপাঙ্গল কনখৎহনবগী মরু ওইবা অদু মশক খঙলে, মসিনা মতম মতমগী ওইবা মওংদা লেপ্পা কমন প্রায়োরিতী থীমশিংদা ফ্রেঞ্চ নেস্নেল রিসর্চ এজেন্সী (এ.এন.আর)না শরুক য়াবা প্রোজেক্তশিং তৌনবগীদমক্তা হায়রগনি, (খুদম ওইনা স্পেস, দিজিতেল, ক্রিতিকেল তেক্নোলোজীশিং, ইনর্জী, ইকোলোজিকেল অমসুং অর্বান ত্রাঞ্জিশন, হেল্থ), লোইন-লোইননা মখোয়গী সাইন্তিফিক অমসুং তেক্নোলোজিকেল কোওপরেশন তুলশিং, মরু ওইনা ইন্দো-ফ্রেঞ্চ সেন্তর ফোর দ প্রোমোশন ওফ এদভান্স রিসর্চ (সি.ই.এফ.আই.পি.আর.এ.), অমসুং মখোয় মশেল তানরবা মতুংদা মসিদা মখোয়না থাধবা রিসোর্রসশিং অদুবু হেন্না শিংথানিংঙাই ওইবা মওংদা মপাঙ্গল কনখৎহল্লগনি।

৬.১.২ ক্রিতিকেল তেক্নোলোজীশিং: ২০১৯দা পাইখৎখিবা সাইবর সেক্যুরিতী অমসুং দিজিতেল তেক্নোলোজীগী মতাংদা ইন্দো-ফ্রেঞ্চ রোদমেপ অদুদা য়ুমফম ওইরগা, ভারত অমসুং ফ্রান্সনা এদভান্স দিজিতেল তেক্নোলোজীশিংগী মতাংদা, মরু ওইনা সুপর কমপ্যুতিং, ক্লাউদ কমপ্যুতিং, আর্তিফিসিয়েল ইন্তেলিজেন্স অমসুং ক্বান্তম তেক্নোলোজিশিংগী লমসিদা য়াম্না চাউবা বাইলেতরেল কোওপরেশন অমা কন্না হোৎনরি, মিসবু মখোয়না গ্লোবল পার্তনরশিপ ওন আর্তিফিসিয়েল ইন্তেলিজেন্স (জি.পি.আই.এ.)গী ফ্রেমৱার্ক্তা য়াওহল্লে। মখোয়না আর. অমসুং দি., ক্রিতিকেল দিজিতেল তেক্নোলোজীশিংগী ইনোভেশন অমসুং ইন্দস্ত্রিয়েল এপ্লিকেশনশিং অদুগা লোইন-লোইননা ক্লাইমেত চেঞ্জ অমসুং হেল্থকা মরি লৈনবা ইশুশিং অদুবু য়েংশিন্নবা মসিগী তেক্নোলোজীশিং অসিবু থাদোকপদশু মিৎয়েং থমদুনা মখোয়গী কোওপরেশন অদুবুশু হেন্না মপাঙ্গল কনখৎহল্লগনি।

৬.১.৩ হেল্থ কোওপরেশন: ভারত অমসুং ফ্রান্সনা হকশেল অমসুং হিদাক-লাংথক্কী লমদা মখোয়গী কোওপরেশনঅদু হেন্না কনখৎহন্নবা য়ানখ্রে। অহানবা খোংথাং অমা ওইনা, মখোয়না হকশেল অমসুং হিদাক-লাংথক্কী লমদা কোওপরেশ পীননবগীদমক্তা লেতর ওফ ইন্তেন্ত অমা খুৎয়েক পীনখ্রে, মসিনা দিজিতেল হেল্থ, হেল্থকিয়রগীদমক্তা এ.আই., মেদিকেল ৱেস্ত ত্রীৎমেন্ত তেক্নোলোজী, বায়োতেক্নোলোজী, এন্তিমাইক্রোবিয়েল রেজিস্তেন্সকী মায়োক্তা লান্থেংননবগীদমক্তা ৱান হেল্থ অপ্রোচ, মেদিকেল দোক্তরশিংগী এক্সচেঞ্জ অমসুং ত্রেনিং য়াওনা অনৌবা হিরম কয়া অমদা কোওপরেশন পীননবগী মরম অঞা পীরি। ভারত অমসুং ফ্রান্সনা হেল্থ ইমর্জেন্সীজ প্রিভেন্সন, প্রিপেয়র্দনেস অমসুং রেসপোন্সকী মতাংদশু খুৎশম্নদুনা থবক তৌরগনি। লৈবাক অনিমক্না ফার্মস্যুতিকেল সেক্তর, দিজিতেল হেল্থ তেক্নোলোজীশীংগী মথক্তা হ্যুমেন রিসোর্সশিং অমসুং স্কিলিংগী মতাংদা ফার্মস্যুতিকেল সেক্তরদা মখোয়গী কোওপরেশন হেন্নামপাঙ্গল কনখৎহল্লগনি।

৬.১.৪ হেল্থকীদমক্তা ইন্দো-ফ্রেঞ্চ কেমপস: ভারত অমসুং ফ্রান্সনা ২০২২দা ইন্দো-পেসিফিককীদমক্তা হেল্থকী মতাংদা ইন্দো-ফ্রেঞ্চ কেমপসকী মতাংদা খুমা চাউশিল্লক্লিবা অদুবু তরাম্না ওকখি,  রিজন অসিগী লৈবাকশিংদা হাংদোক্তুনা, ইনোভেতিব ওইবা মওংদা ভারতকী ইনস্তিত্যুশনশিংগা পার্তনর তৌনবা মেনলেন্দ ফ্রান্স অমসুং লা রিয়ুনিয়ন আইলেন্দদা য়ুনিভর্সিতী কয়া অমা মোবিলাইজ তৌরি। ঐখোয়গী ইন্দো-পেসিফিক স্ত্রেতেজীগী কোরদা নহা, রিসর্চ অমসুং ফোর্মেশনবু থম্বা য়াম্না চাউরবা প্রোজেক্ত অসিনা হকশেলগী লমদা বাইলেতরেল কোওপরেশন হেনগৎহন্নবগী পাম্বৈ অমসুং রিজনেলগী থাক্তা য়ুনিভর্সিতীশিং অমসুং রিসর্চকীদমক্তা পুক্নিং চিংশিন্নিংঙাই ওইহল্লিবা পোল অমা ওইরে। প্রোগ্রাম অসিগী মখাদা, হকশেলগী লমদা দ্যুৱেল মাস্তর দিগ্রী প্রোগ্রামশিং শেম্নবা প্রোজেক্ত মরি সপোর্ত তৌখি, মসিগী মনুংদা সোর্বোন য়ুনিভর্সিতী-আই.আই.তি. দিল্লী প্রোগ্রামনা কেন্সর স্তদীশিং, ন্যুরোসাইন্সশিং, বায়োতেক্নোলোজী অমসুং বায়োমেদিকেল ইঞ্জিনীয়রিংদা  কোলাবোরেতিব রিসর্চ প্রোজেক্তশিং পাইখৎলি লোইন-লোইননা মসিগী মথক্তা কয়া অমসু পাইখৎলক্কদৌরি।

·২০২২ জনুৱারীদা ইনস্তিত্যুত পেস্তর অমসুং ইন্দিয়ন কাউন্সিল ফোর সাইন্তিফিক এন্দ ইন্দস্ত্রিয়েল রিসর্চ (সি.এস.আই.আর.)গী মরক্তা খুৎয়েক পীনখিবা এম.ও.য়ু. অদুসু হাইদরাবাদতা পেস্তর সেন্তর অমা লিংখৎনবগী মাইকৈদা নাকল অনিমক্না কন্না হোৎনবনা, য়াম্না নিংথিজনা খুমাং চাউশিল্লক্লি।

৬.১.৫. সাইবর কোওপরেশন: ভারত অমসুং ফ্রান্সনা বালেতরেল ওইবা মরি অসিদা সাইবরস্পেসকী স্ত্রেতেজিক ওইবা মওংদা মরু ওইবা হেনগৎলক্লিবা অসিবু অমুক্কশু হন্না থাজবা পীনখি অমসুং সাইবর কোওপরেশন হেন্না কনখৎহন্নবা বাইলেতরেল সাইবর দাইলোগকী থৌদাং অদুবু য়াম্না মরু ওইনা পনখি। লৈবাক অনিমক্না ফর্সত অমসুং থর্দ কমিতীশিংদা খুমাং চাউশিল্লক্লিবা য়ু.এন. সাইবর প্রোসেসশিংগী মতাংদা নাখল অনিমক্কী ৱাখল্লোনশিং অদুবু থাগৎপা ফোংদোকখি অমসুং নাকল অনিমক্কী ইন্তরেস্তকী মতাংদা য়াম্না নক্নননা পুন্না থবক তৌমিন্ননবা ফিরেপ লৌখি। লৈবাক অনিমক্না ফর্সত কমিতী ২০২১-২০২৫ ওপন এন্দেদ ৱার্কিং গ্রুপকী খন্ন-নৈনবা অদুবু সপোর্ত তৌনবা পুন্না থবক তৌমিন্নবা য়ানখি, মসিদা আই.সি.তি.শিং শিন্নবদা রেসপোন্সিবল স্তেত বেহেবিয়র খুমাং চাউশিনহন্নবা প্রোগ্রাম ওফ এক্সন অমা তুংদা লিংখৎলকপগীশু য়াওগনি। লৈবাক অনিমক্না ভিক্তিমশিংগীদমক্তা য়াম্না থুনা ৱায়েল পীনবা অমসুং মখোয়গী ফন্দামেন্তেল রাইতশিংবু ঙাক-শেন্দুনা সাইবর ক্রাইমশিংদগী ঙাকথোক্নবা, থোকহন্দনবা, হন্থনবা, থিজিন্নবা অমসুং প্রোসিক্যুত তৌনবগীদমক্তা ইফেক্তি ওইবা অমসুং এফিসিয়েন্ত ওইবা ইন্তর্নেস্নেল কোওপরেশন পীননবা য়ু.এন. ফ্রেমৱার্ককী লুচিং মখাদা ক্রিমিনেল পর্পোসকীদমক্তা আই.সি.তি.শিং শিজিন্নবা অদুবু কাউন্তর তৌনবগী মতাংদা কমপ্রেহেন্সিব ওইবা ইন্তর্নেস্নেল কনভেন্সন অমা শেম্নবা নাকল অনিমক্না য়াম্না নকশিন্না থবক তৌনবা য়ানখ্রে। ভারতনা রেজিলিয়েন্ত ওইবা সাইবর ইনফ্রাস্ত্রকচর লৈহন্নবা কেপাসিতী বিল্দিং তৌবা অমসুং সাইবরস্পেসতা থোরক্লিবা সাইবর থ্রেতশিং অদুনা ওইহল্লিবা শিংনবশিং অদুবু লাকশিন্নবা সাইবর প্রিপেয়র্দনেস হেনগৎহনবগী মরু ওইবা অদুবু হন্না-হন্না পনখি। লৈবাক অনিমক্না  খ্বাইদগী হেন্না ফবা প্রক্তিসশিং, ই-পাউ, সাইবর ট্রেত লেন্দস্কেপতা হোংলক্লিবা নেস্নেল সাইবরসেক্যুরিতী স্ত্রেতেজী ভ্যুশিং অমসুং দেবেলপমেন্তশিং অদুবু এক্সচেঞ্জ তৌনবা য়ানখি।

·৬.১.৬. দিজিতেল রেগুলেশন: ভারত অমসুং ফ্রান্সনা ফ্রেঞ্চ এক্তরশিং খুদম ওইনা সি.এন.আই.এল., ফ্রেঞ্চ দেতা প্রোতেক্সন ওথোরিতী অমসুং মরি লৈনবা ভারতকী কাউন্তরপার্তশিংগী মরক্তা ৱারি-ৱাতাই শানববু পুক্নিং থৌগৎলি। য়ুরোপিয়নগী থাক্তা, মখোয়না দিজিতেল রেগুলেশন অমসুং দেতা প্রাইভেসীগী মতাংদা য়ুরোপিয়ন য়ুনিয়নগা য়াম্না নক্নবা মওংদা খন্নবদা সপোর্ত তৌই। মখোয়না ইনফোর্মেশন অমসুং দেমোক্রেসীগী মতাংদা পার্তনরশিপকী ওবজেক্তিবশিং অদুবু সপোর্ত তৌই।

৬.১.৭ দিজিতেল তেক্নোলোজীশিংগী মতাংদা কোওপরেশন পীনবা: ভারত অমসুং ফ্রান্সনা দিজিতেল তেক্নোলোজীশিংদা য়াম্না য়াংনা চাউখৎলকপা অমসুং অওনবা পুরকপা অদুবু মশক খঙঙি অমসুং দিজিতেলাইজেশন তৌবগী মতাংদা মখোয়গী এপ্রোচতা মখোয়গী পাঙ্গলশিং অমসুং ফিলোসোফিকেল কনভর্জেন্স অদুবু শিজিন্ননবা য়ানখি। লৈবাক অনিমক্না দিজিতেল পব্লিক ইনফ্রাস্ত্রকচর, সাইবরসেক্যুরিতী, স্তার্ত অপ, এ.আই., সুপরকমপ্যুতিং, ৫জি./৬জি. তেলিকোম অমসুং দিজিতেল স্কিলশিং চাউখৎহনবনচিংবা অসিগুম্বা হিরমশিং অসিদা মখোয়গী কোওপরেশন অদুবু মখাতানা হেন্না চেৎশিনহন্নবা ফিরেপ লৌখি।

সাইবর সেক্যুরিতী অমসুং দিজিতেল তেক্নোলোজীগী মতাংদা ইন্দো-ফ্রেঞ্চ রোদমেপ অসিগী মতুং ইন্না, ভারত অমসুং ফ্রান্সনা শান্তি লৈবা, অসোই-অঙাম য়াওদবা অমসুং ওপন ওইবা সাইবরস্পেস প্রোমোত তৌবদা মখোয়গী সাইবর-সেক্যুরিতী এজেন্সীশিং অমসুং মরি লৈনবা ইকোসীস্তেমগী শক্তিশিং অদুবু পুন্না থবক তৌমিন্ননবগী মখোয়গী ফিরেপ অদুবু অমুক হন্না থাজবা পিরকখি।

ইনোভেশন হেনগৎহনবদা, থবক পীবদা অমসুং ইকোনোমিক গ্রোথতা স্তার্ত-অপশিংগী চাউরবা পোতেন্সিয়েল অদুবু মশক খঙলদুনা, লৈবাক অনিমক্না মখোয়গী স্তার্ত অপ অমসুং এন্ত্রপ্রেনরিয়েল নেতৱার্কশিংগী মরক্তা কনেক্তিবিতী ফগৎহন্দুনা বাইলেতরেল কোওপরেশন হেনগৎহন্নবা মখোয়গী ফিরেপ অদুবু মরু ওইবা থমখি। ২০২২দা ভিভাতেক্তা ফর্সত কন্ত্রী ওফ দ য়িয়র ওইনা ভারতনা শরুক য়াবা অমসুং হন্দক্কী চহি অসিদা শিংথানিংঙাই ওইবা মওংদা অমুক্কশু শরুক য়াবা অসিনা দিজিতেল এজ অসিদা ভারতনা লৌরিবা তোপ-তোপ্পা থৌদাং অমসুং কল্লিবা মফম অমসুং দিজিতেল দোমেনদা গ্লোবল লীদরশিপকীদমক্তা পার্তনর অমা ওইনা লৈরিবা ভেল্যু অদুবু ময়েক শেংনা তাক্লি।

·ভারত অমসুং ফ্রান্সনা নাগ্রিকশিংবু এমপাৱর তৌবা থ্রাইবিং ইকোসীস্তেম অমসুং কোলাবোরেশনশিং শেমগৎনবা অমসুং দিজিতেল সেনঞ্চুরীদা মখোয়না মপুং-ফানা শরুক য়াহন্নবা ফিরেপ লৌরি। মসিগী ৱাখল্লোন অসিদা, মমাগী চয়োলদা, এন.পি.সি.আই. ইন্তর্নেস্নেল পেমেন্তস লিমিতেদ (এন.আই.পি.এল.) অমসুং ফ্রান্সকী লাইরা কলেক্তনা ফ্রান্স অমসুং য়ুরোপতা য়ুনিফাইদ পেমেন্ত ইন্তরফেস (য়ু.পি.আই.) চৎনহন্নবা এগ্রীমেন্ত অমা থবক ওইনা পাইখৎখি। পেমেন্ত মেকানিজম অসি প্রোদক্সন =গী অরোইবা ফেজতা লৈরে অমসুং ২০২৩গী সেপ্তেম্বরদা মমিং লৈরবা আইফেল তাৱর, পেরিসনা ফ্রান্সতা য়ু.পি.আই. এক্সেপ তৌবা খ্বাইদগী অহানবা মর্চেন্ত ওইদুনা চৎনবা হৌরগনি।

ওপন ওইবা, ফ্রী ওইবা, দেমোক্রেতিক অমসুং ইনক্লুসিব ওইবা দিজিতেল ইকোনোমীশিং অমসুং দিজিতেল সোসাইতিশিং দেবেলপ তৌনবগীদমক্তা দিজিতেল পব্লিক ইনফ্রাস্ত্রকচর (দি.পি.আই.) এপ্রোচকী শক্তিদা থাজবা থমদুনা, ভারত অমসুং ফ্রান্সনা ইনফ্রাস্ত্রকচর্স (ইন্দিয়া ফ্রান্স স্ত্রকচর্স) অমসুং ইনফিনিতী (ইন্দিয়া ফ্রান্স ইনোভেশন ইন ইনফোর্মেশন তেক্নোলোজী) প্লেতফোর্মশিংগী খুত্থাংদা মল্তি-স্তেকহোল্দর এক্সচেঞ্জশিংদা খুমাং চাউশিনখ্রে। দি.পি.আই. এপ্রোচ অসিনানাগ্রিকশিং এমপাৱর তৌনবা, ইকোনোমী অমসুং সোসিবেল ত্রান্সফোর্মেশনদা ইনোৎ হাপ্নবা, পব্লিক সর্বিস দেলিভরী ফগৎহন্নবা অমসুং সোভরেন অমসুং সস্তেনেবল দিজিতেল সোল্যুশনশিংগীদমক্তা মার্কেত কমপিতিতিবনেস প্রোমোত তৌনবা, লোইননা সস্তেনেবল দেবেলপমেন্ত গোলশিং ফংবা ঙম্নবগী মাইকৈদা শরুক য়ানবা তেক্নোলোজী, মার্কেতশিং অমসুং গোবর্নেন্স শিজিন্নৈ। জোইন্ত দি.পি.আই. কোওপরেশন এফর্তশিং অসিগী শরুক অমা ওইনা, ভারত অমসুং ফ্রান্সনা ওপন প্রোতোকোলশিং শিজিন্নদুনা ফংবা ঙমখিবা প্লেতফোর্মশিংগী মরক্তা ইন্তর্কনেক্তেদনেসকী কান্নবশিং অদুবু উৎনবা অহৌবগী মঅখন্নবা মিৎয়েং ধম্লিবা অমা ওইনা মোবিলিতী, কমর্স অমসুং কলচরগী হিরম অসিদা ওইথোকপা য়াবা হাই-ইমপেক্ত ইনিসিয়েতিব অমা ওইনা মশক খঙদোক্লে। লৈবাক অনিমক্না লৈআবক অনিমক্কী মরক্তা অসিগুম্বা কোলাবোরেশনশিং অসিবু তরাম্না ওকখি অমসুং মসিগী এপ্রোচ অসিবু ইন্দো-পেসিফিক, অফ্রিকা অমসুং ৱাংমদা লৈবা অতোপ্পা লৈবাকশিংদা য়ৌহনবদা নাকল অনিমক্না অমনা অমগা খুৎশম্ননা থবক তৌনবা ফিরেপ লৌখি।

II –গৃহ অসিগীদমক্তা পার্তনরশিপ তৌবা

১) ঐখোয়গী ক্লাইমেত ওবজেক্তিবশিং অসিবু ফংবা ঙম্নবা ইনর্জী সেক্যুরিতী হেন্না কনখৎহনবা

১.১ ভারত অমসুং ফ্রান্সনা ভারতকী অর্বানাইজেশন অমসুং ইন্দস্ত্রিয়েলাইজেশন, হেনগৎলক্লিবা ইনর্জী সেক্যুরিতী অমসুং এস.দি.জি.৭ অমসুং পেরিস ক্লাইমেত এগ্রিমেন্ত ওবজেক্তিবশিং অদুবু ফংবা ঙম্নবগীদমক্তা ইনর্জীগী হেনগৎলক্লিবা দিমান্দ অসিবু নিংবা থুংহন্নবগী ত্রিপল ওবজেক্তিব অসিগা লোইননা লো কার্বোন ইকোনোমী অমগী মাইকৈদা ত্রাঞ্জিশন তৌবদআ য়াম্না নক্না খুৎশম্নদুনা থবক তৌরি। ভারত অমসুং ফ্রান্সনা পেরিস এগ্রীমেন্ত লোং-তর্ম ওবজেক্তিবশিং ফংনবা ইনর্জী মিক্সতা ক্লীন সোর্সকী শিয়র হেনগৎহনবা হায়বসি য়াম্না তঙাইফদে হায়বসি মশক খঙঙি। ভারত অমসুং ফ্রান্সনা কমহৌশাগী অহিং-অশাদা হোংলক্লিবা অসিগা লান্থেংনবদা সস্তেনেবল সোল্যুশন ওইনা ন্যুক্লিয়র ইনর্জী শিজিন্নবগী মতাংদা য়ানিংবা ফোংদোক্লি।

১.২ ক্লাইমেত চেঞ্জকী মায়োক্তা অমসুং ইন্দো-পেসিফিক্তা অকোইবদংআ লৈরিবা মহৌশাগী ফিভমবু ঙাক-শেন্দুনা থম্নবগীদমক্তালান্থেংনবা: ভারত অমসুং ফ্রান্সনা ইন্দো-পেসিফিক পার্কস পার্তনরশিপ, ইন্তর্নেস্নেল সোলর এলাইন্স অমসুং মেরিন অমসুং তেরে্ত্রিয়েল বায়িদাইভর্সিতী ঙাক-শেন্দুনা থম্নবা ইন্দো-পেসিফিক ওসীনস ইনিসিয়েতিব (আই.পি.ও.আই.) য়াওনা মল্তিলেতরেল অমসুং থর্দ কন্ত্রী ইনিসিয়েতিবশিংগী খুত্থাংদা রিজন অসিগী লৈবাকশিংদা সস্তএনেবল দেবেলপমেন্ত সোল্যুশনশিং পীরগনি। মখোয়না সস্তেনেবল দেবেলপমেন্তগী ফেবরদা ইন্দো-পেসিফিক রিজনদা প্লেয়রশিং মোবিলাইজ তৌবদা পান্দম থম্লিবা মখোয়গী দেবেলপমেন্ত বেঙ্কশিংগী মরক্তা ৱারি-ৱাতাই শানবা (এস.য়ু.এফ.আই.পি. ইনিসিয়েতিব – ইন্দো-পেসিফিক্তা সস্তেনেবল ফাইনান্স) অসিবু তরাম্না ওকখি। ভারত অমসুং ফ্রান্সনা ব্লু ইকোনোমী, তেরিতোরিয়ল রেজিলিয়েন্স অমসুং ক্লাইমেত ফাইনান্সকা মরি লৈনবা ইশুশিংগী মতাংদা দাইলোগ অমসুং কোওপরেশন প্রোমোত তৌরগনি।  ভারত অমসুং ফ্রান্সনা মখোয়গী সিভিল সোসাইতী ওর্গনাইজেশনশিংগী মরক্তা লিঙ্কশিং হেন্না কনখৎহন্দুনা অমসুং মরু ওইনা দিজাস্তর রেজিলিয়েন্ত ইনফ্রাস্ত্রকচরগীদমক্তা ওইবা কোলিশন অদুগী মনুংদা মখোয়গী নোলেজ, এক্সপর্তিজ অমসুং সীদ ফাইনান্সিং শিয়র তৌদুনা নেচরেল হজার্দশিং অমসুং ক্লাইমেত চেঞ্জ কা মরি লৈনবা খঙহৌদনা থোকপা খুদোংথিবশিংবু এন্তিসিপেত তৌবদা অমসুং রেসপোন্দ তৌবদা মখোয়গী কোওপরেশন দেবেলপ তৌরগনি।

১.৩ ইলেক্ত্রোন্যুক্লিয়র: নাকল অনিমক্না জাইতাপুর ন্যুক্লিয়র পাৱর প্রোজেক্ত (জে.এন.পি.পি.)গা মরি লৈনবা দিস্কসনশিংদা খুমাং-চাউশিনখিবা অদুবু তরাম্না ওকখি। মখোয়না ই.পি.আর. রিয়েক্তরশিং য়াওবা প্রোজেক্তশিংদা দিপ্লোই তৌনবগীদমক্তা ভারত্তগী সিভিল ন্যুক্লিয়র ইঞ্জিনীয়রশিং অমসুং তেক্নিসিয়নশিংগী ত্রেনিংগীদমক্তা ই.দি.এফ.কী প্রোপোজিল অদুবু তরাম্না ওকখি অমসুং মসিগী মতাংদা এগ্রীমেন্ত অমা য়াম্না থুনমক লোইশিল্লগনি হায়না থাজবা থম্লি। স্কিলস ইন্দিয়া ইনিসিয়েতিবকী মতুং ইন্না, মরি লৈনবা ফ্রেঞ্চ ওর্গনাইজেশনশীংনশু ন্যুক্লিয়রগী লমদা ত্রেনিং হেনগৎহন্নবা ভারতকী কাউন্তরপার্তশিংগা থবক তৌরগনি অমসুং ভারতকী মহৈরোইশিংগীদমক্তা ইনতর্নশিপশিং থৌগৎলগনি/মতেং পাংলগনি। লৈবাক অনিমক্না লো অমসুং মিদিয়ম পাৱর মোদ্যুলর রিয়েক্তরশিং নত্রগা স্মোল মোদ্যুলর রিয়েক্তরশিং (এস.এম.আর.) অমসুং এদভান্স মোদ্যুলর রিয়েক্তরশিং (এ.এম.আর.)গী মতাংদা পার্তনর্শিপ থম্নবগী মতাংদা থবক তৌবদা য়ানখ্রে। ঐখোয়গী লৈবাক অনি অসিনা ন্যুক্লিয়র তেক্নোলোজীশিংগী দেবেলপমেন্তকীদমক্তা জুলস হোরোৱিতজ রিসর্চ রিয়েক্তর (জে.ঐচ.আর.)গী মতাংদা মখোয়গী কোওপরেশন মখাতানা পীখিগনি অমসুং মখোয়গী এক্সচেঞ্জশিং অদু হেন্না হেনগৎহল্লগনি।

১.৪ দিকার্বোনেতেদ হাইদ্রোজেন: গ্রীন হাইদ্রোজেনগী মতাংদা রোদমাপ অমা লৌখৎলবা মতুংদা, ভারত অমসুং ফ্রান্সনা দিকার্বোনেতেদ হাইদ্রোজেন প্রোদক্সন কেপাসিতীশিং অমসুং রেগুলেতরী স্তেন্দার্দশিংগী ইনোভেশনগী মতাংদা য়াম্না নক্না কোওপরেশন দেবেলপ তৌরি। লৈবাক অনি অসিনা ওপরেস্নেল সোল্যুশনশিং িমপ্লিমেন্ত তৌনবা লৈবাক অনিমক্তগী কমপনীশিংগী মরক্তা ইন্দস্ত্রিয়েল পার্তনরশীপ প্রোমোত তৌরি।

১.৫ ভারত অমসুং ফ্রান্সনা রিন্যুৱেবল ইনর্জীশিংগী দেবেলপমেন্ত হেনগৎহন্নবা অচেৎপা ফিরেপ লৌরি। মরু ওইনা সোলর ইণর্জীদা, ভারত অমসুং ফ্রান্সনা মরু ওইনা স্তার-সি. পরোগ্রাম অমসুং জোইন্ত রিসর্চ অমসুং দেবেলপমেন্তকী খুত্থাংদা সেনেগালদা সোলর একাদেমী শেমদুনা থর্দ কন্ত্রীশিংবু মখোয়গী সোলর প্রোগ্রামশিংদা সপোর্ত তৌনবা ইন্তর্নেস্নেল সোলর এলাইন্সতা নক্না কোওপরেশন পীদুনা অমসুং শরুক য়াবা অদুগী মপাল তাংলি।

১.৬ হাইদ্রোপাৱরগী মতাংদা, ভারত অমসুং ফ্রান্সনা মরু ওইনা হৌজিক লৈরিবা ইনস্তোলেশনশিংগী রিনোভেশন তৌবদা, রন-ওফ-রিভর সোল্যুশনশিং অমসুং পম্প-স্তোরেজ সোল্যুশনশিংগী প্রোমোশন তৌবদা মখোয়গী কোওপরেশন হেন্না কনখৎহল্লি অমসুং লৈবাক অনিমক্কী বিজনেস প্রোজেক্তশিংদা সপোর্ত তৌরি।

১.৭ ইনর্জী এফিসিয়েন্সী: ফ্রান্সনা ভারত্তা পাংথোকখিবা স্মার্ত সিতী প্রোগ্রামশিং মাইপাকখিবা অদুদা য়ুমফম ওইরগা ভারতকী মাইকৈদগী ইন্তেলিজেন্ত ইলেক্ত্রিসিতী নেতৱার্ক অমা দেবেলপ তৌনবা, মশাগী ইকোনোমীগী ইনর্জী ইন্তেন্সিতী হন্থহন্নবা অমসুং মশাগী বিল্দিংশিং, অর্বান, ইন্দস্ত্রিয়েল অমসুং ত্রান্সপোর্ত ফেসিলিতীশীংগী ইনর্জী পর্ফোর্মেন্স হেনগৎহন্নবা হোৎনরিবশিং অদুবু সপোর্ত তৌরি। নাকল অনিমক্না ইনর্জী দেতা কলেক্সন অমসুং এনালিসিসতা এক্সপর্তিজশিং শিয়র তৌনবা হায়না য়ানখি।

২) ক্লাইমেত চেঞ্জ, বায়োদাইভর্সিতী লোস অমসুং পোল্যুশনগী খ্রাইসিস অহুম অসিবু পুন্না য়েংশিমিন্নবা

২১.১ ক্লাইমেত চেঞ্জকী, এনভাইরনমেন্তেল পোল্যুশন অমসুং বায়োদাইভর্সিতী মাংশিল্লকপগী শিংনবা অহুম অসিগী মতাংদা খঙলদুনা, ভারত অমসুং ফ্রান্সনা মখোয়গী কোওপরেশন অদুবু হেন্না কনখৎহন্নবা ফিরেপ লৌখি। ক্লাইমেত চেঞ্জনা মরম ওইরগা থোরকপশিং অদুনা পব্লিক হেল্থতা খুদোংথিনিংঙাই ওইবা অমা ওইবনা, ভারত অমসুং ফ্রান্সনা প্রিজোদ ইনিসিয়েতিবতা কোওপরেশন পীনদুনা, লাইচৎকী মতাংদা এগ্রীমেন্ত অমগী নেগোসিয়েশনদা শরুক য়াদুনা, অমসুং বাইলেতরেল ওইবা মওংদা হোসপিতাল অমসুং ফার্মস্যুতিকেলগী হিরমশিংদা কোওপরেশন পীনদুনা ৱান হেল্থ এপ্রোচকী ৱাখল্লোনদা পব্লিক হেল্থকী হিরমদা খুৎশম্নদুনা থবক তৌমিন্নরি। ২০২২গী ফেব্রৱারিদা লৌখৎলকখিবা ব্লু ইকোনোমী অমসুং ওসীন গোবর্নেন্সকী মতাংদা শেম্বা রোদমেপ অদুগী শরুক অমা ওইনা, ফিসরীশিংগী রিসোর্সশিং সস্তেনেবল মেনেজমেন্তকী মতাংদা কোলাবোরেশন পীনবা অমসুং মেরিন রিসর্চ অমসুং তেক্নোলোজীশিংগী মতাংদা আই.এফ.আর.এম.ই.আর. অমসুং এন.আই.ও.তি./ এম.ও.এস.কী মরক্তা এগ্রীমেন্ত তৌনবা অদুনা কোওপরেশনগী অনৌবা এরিয়াশিং হাংদোক্লগনি। মখোয়না  ২০২৫তা য়ু.এন.ও.সি.গী মমাংদা জি.২০গী মনুংদা ওসীনগী মতাংদা দাইলোগ হৌদোকপদা সপোর্ত তৌই।

২.২ ক্লাইমেত চেঞ্জ:  ভারত অমসুং ফ্রান্সনা য়াম্না থুনমক কার্বন ন্যুত্রেলিতী ফংবা ঙম্নবা অমসুং মথংশিৎনা ২০৫০ অমসুং ২০৭০ ফাওবসিগী মনুংদা ওইথোকহন্নবগী মখোয়গী ক্লাইমেত এম্বিশনশিং অদুবু য়াম্না য়াংনা হেনগৎহন্নবা অচেৎপা ফিরেপ লৌরি।

২.৩ তুং কোইনা চৎকদবা বিল্দিংশিং: ভারত অমসুং ফ্রান্সনা ক্লাইমেত অমসুং বায়োদাইভর্সিতী পোলিসীশিং মাইপাকপদা দিকার্বোনাইজেশন অমসুং বিল্দিংশিং রেজিলিয়েন্ত ওইবগী মরু ওইবা  অমসুং মসিগা লোইন-লোইননা পোপুলেশনশিংগী ৱেল-বিং অমসুং সেফ্তিদা শরুক য়াবা অদুবু মশক খঙঙি। মসিগী মতাংদা ভারত অমসুং ফ্রান্সনা আর্কিতেকচরগী দাইভর্সিতী হেনগৎহন্দুনা অনৌবা বিল্দিংশিং শাবা অমসুং জিরো এমিসন পর্ফোর্মেন্স অমসুং তুংগী ক্লাইমেতেশিংদা এদাপ তৌগবা মওংদা, লৈরিবা বিল্দিংশিং অসিবু রিনোভেত তৌবদা জেনেরেলাইজ তৌবগি পান্দমদা য়াম্না চাউবা পোলিসীশিং অমসুং ইনোভেতিব ওইবা পাম্বৈশিং ইমপ্লিমেন্ত তৌবগী মতাংদা খুৎশম্নদুনা থবক তৌমিন্নরি। মসিগী মতাংদা ভারত অমসুং ফ্রান্সনা কন্স্ত্রক্সন তৌবা মতমদা য়াম্না লিক্না অমসুং রিসোর্স এফিসিয়েন্ত ওইবা মওংদা তৌবা এপ্রোচ অসিবু প্রোমোত তৌরি। মসিগী এপ্রোচ অসি ২০২২গী ওক্তোবরদা ভারতনা লৌখৎপা অমসুং ফ্রান্সনা মতেং পাংবা মিসন লাইফ নত্রগা লাইফস্তাইল ফোর এনভাইরনমেন্ত অসিগী মতুং ইন্না লৈ।

২.৪ সার্কুলর ইকোনোমী অমসুং প্লাস্তিক পোল্যুশন: ভারত অমসুং ফ্রান্সনা প্লাস্তিক পোল্যুশন লোইশিন্নবা লিগেল ওইবা মওংদা ইন্তরনেস্নেল ইনস্ত্রুমেন্ত অমগী হৌজিক চত্থরিবা নেগোসিয়েশনদা হকথেংননা শরুক য়ারি। ভারত অমসুং ফ্রান্সনা সিঙ্গল য়ুস প্লাস্তিক পোল্যুশন মুত্থৎনবা ইন্দি-ফ্রঞ্চ কমিৎমে্ত অদুদা অনৌবা লৈবাকশিং য়াওহন্নবা থবক তৌরি।

২.৫ বাওয়োদাইভর্সিতী মাংবা: ভারত অমসুং ফ্রান্সনা মালেমগী থাক্তা লৈবা, কম্মিং-মোন্ত্রিয়েল গ্লোবল বায়োদাইভর্সিতী ফ্রেমৱার্ক (কে.এম.জি.বি.এফ.) গোলশিং অমসুং তার্গেতশিং অমসুং নেস্নেল সর্কমস্তেন্সশিং, প্রায়োরিতীশিং অমসুং কেপেবিলিতীশিং অদুগী মতুং ইন্না মখোয়বু খ্বাইদগী হেন্না ইফেক্তিব ওইবা মওংদা ইমপ্লিমেন্ত  তৌবগী মরু ওইবা  অদু খঙঙি। ভারত অমসুং ফ্রান্সনা ইন্দো-পেসিফিক পার্কস পারর্তনরশিপ (আই.৩.পি.) মখাতানা লেপ্তনা ইমপ্লিমেন্ত তৌরি। ভারত অমসুং ফ্রান্সনা ওসীনগী বায়োলোজিকেল দাইভর্সিতী লোস অমসুং দিগ্রেদেশন ওফ ইকোসীস্তেমবু য়াম্না কোহেরেন্ত অমসুং কোওপরেতিব ওইবা মওংদা য়েংশিন্নবা এরিয়াস বিয়োন্দ নেস্নেল জুরিসদিক্সন (বি.বি.এন.জে.)দা মেরিন বায়োদাইভর্সিতীগী কঞ্জার্ভেশন অমসুং সস্তেনেবল ওইবা মওংদা শিজিন্নবা মতাংদা ত্রীতী অমা েদোপ্ত তৌবা অদুবু তরাম্না ওকখি।

৩) ভারত্তা অর্বান অমসুং ইকোলোজিকেল ত্রাঞ্জিশনশিংগা লোইন-লোইননা সোসিয়েল ইনক্লুজনবু সপোর্ত তৌবা

৩.১ ভারতনা মশাগী এক্সপর্তিজ অমসুং কমপনীশিং অমসুং ফ্রেঞ্চ দেবেলপমেন্ত এজেন্সী (এ.এফ.দি.)গী খুত্থাংদা ফ্রান্সপু অর্বান ত্রাঞ্জিশন মাইপাক্না ফংবা ঙম্নবা হোৎনবদা খ্বাইদগী হেন্না পাম্বা পার্তনর ওইহনবা পাম্লি।

৩.২ ইন্তিগ্রেতেদ ৱেস্ত মেনেজমেন্ত: ভারত অমসুং ফ্রান্সনা ইন্তিগ্রেতেদ ৱেস্ত মেনেজমেন্ততা অহেনবা মিৎয়েং থমদুনা সর্কুলর ইকোনোমী প্রোমোত তৌদুনা সিতীশিংবু সপোর্ত তৌনবা সোল্যুশনশিংগী মতাংদা মখোয়গী কোলাবোরেশন হেন্না কনখৎহল্লি, মসিদা ৱেস্ত কলেক্সন অমসুং ত্রান্সপোর্তেশন হেন্না কনখৎহনবা, ৱেস্ত তু ৱেল্থ সোল্যুশনশিং য়াঔহন্দুনা সিতীশিংনা লিক্বিদ অমসুং সোলিদ ৱেস্ত মেনেজমেন্ত ফগৎহল্লে। সিতী ইনভেস্তমেন্ত তো ইনোভেত, ইন্তিগ্রেত এন্দ সস্তেনগী ফেজ ২ (সি.আই.তি.আই.আই.এস. ২.০.) প্রোগ্রাম হোদোকপনা মসিগী হিরমশিং অসিদা ইনোভেতিব ওইবা সোল্যুশনশিংপ্রোমোত তৌরগনি। সি.আই.তি.আই.আই.এস. ২.০. অসিনা রাজ্যগী থাক্তা ক্লাইমেত গোবর্নেন্স প্রোমোত তৌবা অমসুং মুনিসিপাল ফংশনরীশিংগী কাপাসিতীশিং শেমগৎপগী পান্দম থম্লি।

৩.৩. ত্রান্সপোর্ত অমসুং অর্বান মোবিলিতী: ভারত অমসুং ফ্রান্সনা রেলৱে সেক্তরদা মখোয়গী কোওপরেশন হেন্না কনখৎহন্দুনা অমসুং মরু ওইনা অর্বান এরিয়াশিংদা লৈরিবা মোবিলিতী ইশুশিং, য়েংশিন্নবা অনৌবা সোল্যুশনশিং খুদম ওইনা এহ্মদবাদ অমসুং সুরত্তা পাইখৎলিবা প্রোজেক্তশিং অদুবু এক্সপ্লোর তৌদুনা ত্রান্সপোর্তকী মতাংদা মখোয়গী দাইলোগ অদুবু হেন্না চাউথোরক্লি।

৩.৪ সোসিয়েল ইনক্লুজন: ভারত অমসুং ফ্রান্সনা হেন্না ইনক্লুসিব ওইবা অমসুং এনভাইরনমেন্তেল ফ্রেনলী ওইবা দেবেলপমেন্ত প্রোমোত তৌবদা হেন্না পুক্নিং চংলি অমসুং নুপীশিংবু অমসুং শোত্থহৌরবা মীশিংগি শরুকশিংগী ফাইনান্সিয়েল ইনক্লুজনদা শরুক য়াবা অনৌবা থৌরাংশিংবু থৌগৎলি অমসুং প্রায়োরিতী দেবেলপমেন্ত এরিয়াশিংগী দেবেলপমেন্তপু প্রোমোত তৌই, খুদম ওইনা ভারতকী ফন্দশিংনা সপোর্ত তৌবা প্রোজেক্তশিং (অন্নাপুর্না, ইন্দুসিন্দ বেঙ্ক,  নেওগ্রোথ) অমসুং প্রোপার্কোনা মতেং পাংবা প্রোজেক্তশিং।

৪) সস্তেনেবল গ্রোথ অমসুং লো কার্বোন ইনর্জীদা ত্রঞ্জিশন তৌবা অসিদা মিৎয়েং থমদুনা ঐখোয়গী লৈবাক অনি অসিগী মরক্তা ত্রেদ ফগৎহনবা আমসুং ইনভেস্তমেন্ত ফেসিলিতেত তৌবা।

৪.১ ভারত অমসুং ফ্রান্সকী মরক্তা রেজিলিয়েন্ত ওইবা ভাল্যু চেনশিং হেন্না দেবেলপ তৌবা অসি কম ওইবা ওবজেক্তিব অমনি, মসিগীদমক্তা মখোয়না হিরম অদুগী মতাংদা মতিক চাবা কন্দিশনশিং অমসুং পোলিসী এক্সচেঞ্জশিং ফেসিলিতেত তৌরগনি।

৪.২ ত্রেদ: ভারত অমসুং ফ্রান্সনা ভারত অমসুং ফ্রেঞ্চ এক্সপোর্তরশিং অমসুং ইনভেস্তরশিংনা মরু ওইনা বাইলেতরেল ফাস্ত ত্রেক প্রোসিজরদা মশা-মশাগী মার্কেতশিং থেংনরিবা অৱাবশিং আদুবু অথুবা মতমদা ৱারোইশিন পুরক্নবা মখোয়গী বাইলেতরেল দাইলোগ অদুবু হেন্না কনখৎহল্লি।

৪.৩ ক্রোস-ইনভেস্তমেন্ত: ভারত অমসুং ফ্রান্সনা ভারত অমসুং ফ্রেঞ্চ কমপনীশিংদা মখোয়গী মরিশিং অদুবু হেন্না চেৎশিহন্নবা অমসুং লৈবাক অনিমক্তা এক্তিবিতীশিং দেবেলপ তৌনবা থৌগৎলি, হায়রিবশিং অসি মরু ওইনা ভারত্তা ফ্রেঞ্চ ইনভেস্তরশিং অমসুং ফ্রান্সতা ভারতকী ইনভেস্তরশিংনা শরুক য়াবা হনেগৎহন্নবনি। মসিগী মতাংদা, ইনভেস্ত ইন্দিয়া অমসুং বিজনেস ফ্রান্সনা মশা-মশাগী লৈবাকশিংদা ফ্রান্স অমসুং ভারত্তগী ইনভেস্তরশিং খুদোংচানবা কোওপরেশনগীদমক্তা এম.ও.য়ু. অমা খুৎয়েক পীনখ্রে।

III –মীশিংগীদমক্তা পার্তনরশিপ

১) এক্সচেঞ্জ প্রোমোত তৌবা, মরু ওইনা নহাশিংগী কান্ননবগীদমক্তা

১.১ ২০২১দা চৎনবা হৌখিবা মাইগ্রেশন অমসুং মোবিলিতীগী মতাংদা পার্তনরশিপ এগ্রীমেন্ত অসি মহৈরোইশিং, গ্রেজুৱেতশীং, একাদেমিকশিং, রিসর্চরশিং, প্রোফেস্নেলশিং অমসুং হৈ-শিংলবা ৱার্করশিংগী মোবিলিতী হেনগৎহন্নবগী মাইকৈদা ঐখোয়গী কমিতমেন্ত অদুগী মঙফাওনহন্নবগী য়াম্না মরু ওইবা খোংথাং অমনি। ভারত অমসুং ফ্রান্সনা তুরিস্ত লাকপবু প্রোমোত তৌদুনা অঞসুং প্রাইভেত সেক্তর অমসুং বিজনেস কম্যুনিতীগীদমক্তা ভিজাশিং ইশু তৌবদা খুদোংচাহন্দুনা মীশিং অমসুং শেন্মিৎলোনগী ওইবা মরি অদুবু হেন্না চেৎশিনহনবদা সপোর্ত তৌরি। ভারত অমসুং ফ্রান্সনা রেসিপ্রোকেল বেসিসতা ওফিসিয়েল পাসপোর্ত হোল্দরশিংগীদমক্তা অতেনবা মতমগীদমক্তা লৈনবগীদমক্তা ভিজা একজেম্প তৌরগনি অমসুং ২০২৬তা মসিগী একজেম্পসন কদাইফাওবা ইফেক্তিব ওইবগে হায়বদু য়েংশিল্লগনি।  মসিগী মথক্তা মখোয়না লৈবাক অনি অসিগী মরক্তা হৈ-শিংলবশিংগী মোবিলিতী থৌগৎনবগীদমক্তা দিপ্লোমাশিং অমসুং প্রোফেস্নেল ক্বালিফিকেশনশিং ম্যুচুৱেল রিকোগ্নিশন প্রোমোত তৌবা অনৌবা থৌরাং অমদা থবক তৌরগনি।

১.২ লৈবাক অনি অসিনাভোকেস্নেল অমসুং লেংগ্বেজ ত্রেনিংদা কোওপরেশন হেন্না কনখৎহন্নবা হায়র এজুকেশন ইনস্তিত্যুশনশিং, রিসর্চ সেন্তরশিং অমসুং প্রাইভেত কমপনীশিংগী মরক্তা পার্তনরশিপ দেবেলপ তৌনবা থৌগৎলগনি। মখোয়না লিগ্বিস্তিক কোওপরেশনগী মাইকৈদা হোৎনরিবশিং অদুবু রিভাইতলাইজ তৌরগনি, ভারতকী স্কুলশিংদা ফ্রেঞ্চ লোনশিং তম্নবগী দেবেলপমেন্ত থৌগৎলগনি অমসুং এক্সচেঞ্জ প্রোগ্রামশিংগীদমক্তা ভিজা ফেসিলিতেশন সপোর্ত তৌরগনি। অসিগুম্বা থবকশিং অসিনা মশা-মশাগী লোনশিং তমহনবদা থম্লিবা মরু ওইবা অদুবু উৎলি অমসুং ক্রোস-বোর্দর মোবিলিতী প্রোমোত তৌবদা লোন্না লৌরিবা মরু ওইবা থৌদাং অদুবুশু উৎলি।

১.৩ মহৈরোইশিংগী মোবিলিতী: ভারত অমসুং ফ্রান্সনা মখোয়গী একাদেমিক্কী ওইবা মরিশিং অদুবু চেৎশিনহনবদা অমসুং মহৈরোইশিংগী এক্সচেঞ্জ তৌবা অদুবু য়োকখৎনবা হৌৎনবদা অচেৎপা ফিরেপ লৌরি। ভারত অমসুং ফ্রান্সনা ইন্দো-পেসিফিক্কীদমক্তা হেল্থকী মতাংদা ইন্দো-ফ্রেমহচ কেমপস মোদেলদা জোইন্ত ত্রেনিং প্রোগ্রামশিং প্রোমোত তৌরগনি, লোইন-লোইননা রিসর্চরশিংগী মোবিলিতী, মরু ওইনা সাইন্স অমসুং তেক্নোলোজীগী মরু ওইবা এরিয়াশিংদা প্রোমোত তৌরগনি। ভারতকী অলুম্নি গী কম্যুনিতী অমা শেম্নবগীদমক্তা, ফ্রান্সনা য়ামদ্রবদা সেমেস্তর অমা ফাওবদি ফ্রান্সতা লাইরিক তম্লকপা ভারত মচাশিংগীদমক্তা চহি-মঙাগী ভেলিদিতী লৈবা সেঙ্গেন ভিজাশিং ইশু তৌরগনি, হায়রিবা অসি ফ্রেঞ্চ য়ুনিভর্সিতী সীস্তেম্না মশক খঙলবা য়ুনিভর্সিতী অমদা মাস্তর দিগ্রী য়ৌরবা অমসুং সেঙ্গেনগী মথৌ তারিবশিং অদুবু ঙাক্না চৎপা মপুং ফানা য়াগদবা ফাইল অমা লৈগদবনি।

ফ্রান্সনা ২০২৫ ফাওবদা ভারত মচা মহৈরোই ২০,০০০ ওক্নবগী এম্বিশন অদুবু অমুক হন্না থাজবা পীরকখি অমসুং মসিগী এম্বিসন অসিবু ২০৩০ ফাোবদা ৩০,০০০ ফাওবদা হেনগৎহল্লগনি। মসিগী তার্গেতশিং অসিবু ফংবদা মতেং পাংনবগীদমক্তা, ফ্রান্সনা ফ্রান্সতা লৈরিক তম্বগী মতাংদা প্রোমোত তৌরিবা অদুবু হেন্না কনখৎহল্লগনি অমসুং ভারত্তা মসিগী প্রোমোশন তৌবা অইসগীদমক্তা থম্লিবা স্তাফ অদুগী মশিং হেনগৎহল্লগনি। ফ্রান্সনা ভারত মচা মহৈরোইশিংবু ফ্রেঞ্চ লোন অমসুং একাদেমিক তোপিকশিং ত্রেন তৌগদৌরিবা ফ্রেঞ্চ য়ুনিভর্সিতীশিং অমসুং অতোপ্পা অৱাংবা থাক্কী মহৈ-মশিং তমফম ইনস্তিত্যশনশিংদা “ইন্তরনেস্নেল ক্লাসশিং”শু শেম্লগনি। মসিনা মখোয়বু ফ্রেঞ্চ লোনশিংদা বেচেলর প্রোগ্রামশিং য়াওবা য়াহল্লগনি। ফ্রেঞ্চ সরকারনা অসিগুম্বা ক্লাসশিং অসি শেম্বদা চাংয়েং তোরগনি অদুগা ভারত সরকারনা ভারত্তা সেকেন্দরী এজুকেশন সীস্তেমদা মসিবু প্রোমোত তৌরগনি।

১.৪ ঐখোয়গী সিভিল সোসাইতিশিংগী মরক্তা সস্তেনেবল ওইবা এক্সচেঞ্জশিং: ভারত অমসুং ফ্রান্সনা ঐখোয়গী সিভিল সোসাইতীশিং, মরুর ওইনা ফ্রান্স-ইন্দিয়া ফাউন্দেশন অমসুং ভারত্তা এলাইন্স ফ্রেঞ্চাইসে নেতৱার্ক য়াওনা তুংদা লাক্কদবা প্রোগ্রামশিংগী পর্সোনেলিতীশিংগী মরক্তা এক্সচেঞ্জ য়াহনগদবা স্ত্রকচরশিং অমসুং মেকানিজমশিং অদুবু মখাতানা কনখৎহল্লগনি। ভারত অমসুং ফ্রান্সনা লৈবাক অনিমক্তা পাংথোকপা য়াবা য়ুথ এক্সচেঞ্জশিং থৌগৎলি, খুদম ওইনা ২০২৫ ফাওবদা ভারত্তা ফ্রেঞ্চ ভোলন্তীয়রশিংগী মশিং শরুক অনি থোক্না হেনগৎহন্নবা অমসুং ফ্রান্সতা ভারতকী ভোলন্তীয়রশিংগী মশিং অদু শরুক মঙা থোক্না হেনগৎহন্নবা “ইন্তর্নেস্নেল সোলিদেরিতী ভোলন্তীয়রিং অমসুং সিভিক সর্বিস” স্কীম।

২) ঐখোয়গী কলচরশিং অসিগী মরক্তা রেগুলর দাইলোগ প্রোমোত তৌবা

২.১ ঐখোয়গী লৈবাক অনি অসিনা হৌজিক্তি কলচরেল এক্সচেঞ্জকীদমক্তা অমসুং ঐখোয়গী ক্রিয়েতিব ইন্দস্ত্রীশিং অসিবু হেন্না নকশিন্না পুরক্নবগী পোতেন্সিয়েল অদুবু মপুং ফানা এক্সপ্লোইত তৌনবা ফাউন্দেস্নেল প্রোগ্রামশিং থম্বা পাম্লি।

২.২ ম্যুজিয়ম অমসুং এরিতেজগী লমদা কোওপরেশণ পীনবা : য়াম্না ফজাবা কলচর অমসুং পুৱারিনা থল্লবা লৈবাকশিং ওইবনা, ভারত অমসুং ফ্রান্সনা মখোয়গী হেরিতেজ অদুবু উত্থোক্নবা অমসুং তুংগী মীরোলশিংদা থংথনবা মখোয়না পুন্না তৌমিন্নরিবা থবক অদুবু হেন্না কনশিল্লগনি। ভারত অমসুং ফ্রান্সনা নেস্নেল ম্যুজিয়ম োফ ইন্দিয়া প্রোজেক্তকীদমক্তা লেতর ওফ ইন্তেন্তকী খুৎয়েক পীনবা অদুবু তরাম্না ওকখি। ফ্রান্সনা ভারত্তা মখোয়গী অচৌবা কলচরেল প্রোজেক্তশিং অদুগী এক্সপরিয়েন্স, মরু ও ইইনা গ্রান্দ লুভ্রেগী কান্নবা অদু পীরগনি। দিসপ্লে, স্রোরেজ অমসুং আর্কিয়োলোজিকেল ইন্তিক্বিতীজ, পেন্তিংস, নুমিসমেতিক্স, দেকোরেতিব আর্তশিং অসিনচিংবগী একজিবিশন তৌনবগী প্রোভিজন লৈহন্নবগীদমক্তা হেরিতেজ বিল্দিং অমগী রেত্রো-ফিত্তিং তৌবা অদু গ্রান্দ লুভ্রেনা খুদম চাংদম ওইদুনা তাক্লরে অমসুং নেস্নেল ম্যুজিয়ম ওফ ইন্দিয়া প্রোজেক্তকীদমক্তা মতিকচাবা কেস স্তদী ওইরগনি।

২.৪ সিনিমা: ফ্রান্স য়ুরোপ্তা খ্বাইদগী চাউবা ফিলমমার্কেতনি অমসুং ভারতনা মালেম অসিদা খ্বাইদগী চাউবা ফিলম প্রোদ্যুসরনা মখোয়গী প্রোদক্সনশিংগী এক্সপোর্ত, মখোয়গী ওদিয়ো-ভিজুৱল কো-প্রোদক্সন এগ্রীমেন্তকী মখাদা কো-প্রোদক্সনশিংগী ফেসিলিতেশন, অমসুং ফিলম নম্বগীদমক্তা মখোয়গী লৈবাক অদুগী পুক্নিং চিঙশিন্নিংঙাই ওইরবা লৈবাক্কী ফজবা অদুবু প্রোমোত তৌববু সপোর্ত তৌরি।

২.৫ আর্তিস্তিক অমসুং লিতরেরী কোওপরেশন: ভারত অমসুং ফ্রান্সনা ঐখোয়গী লৈবাক অনি অসিগী মরক্তা প্রোফেস্নেলশিং অমসুং আর্তিস্তশিংগী মোবিলিতীগী থাক হেনগৎহন্নবা ওবজেক্তিব শিয়র তৌরি। মখোয়না ২০২৩গী মার্চ ৩দা হৌদোকখিবা ভিল্লা স্বাগতমগী মোদেলদা রেসিদেন্সীশিংদা মতম শাংনা লৈগদবশিংদা খুদোংচাবা পীদুনা সস্তেনেবল দেবেলপমেন্ত লোজিক্কী মাইকৈদা ইচম-চম্বা ইভেন্ত লোজিক অদুগী ৱাংমদা চৎপা পাম্লি। ভিল্লা স্বাগতম অসি ভারত শিনবা থুংনা শন্দোক্লিবা হৌজিক-হৌজিক লৈরিবা রেসিদেন্সী ১৬তা খ্বাইদগী ফবা ফ্রেঞ্চ তেলেন্তশিং অদুবু পুরক্নবগী রেসিদেন্সীশিংগী নেতৱার্ক অমনি। অসুম্না তৌবনা ফ্রান্সনা ভারতকী ফজরবা সেভোইর-ফ্যর অমসুং পুৱারিদগী তমগদবা ফ্রেঞ্চ আর্তিস্তশিং অমসুং রাইতরশিংগী কম্যুনিতী অমা শেম্বা পাম্লি। ভারত অমসুং ফ্রান্সনা লৈবাক অনিমক্তা ২০৩৫ ফাওবদা ভিল্লা স্বাগতম লোরেত লৈহন্নবা অচেৎপা ফিরেপ লৌরি। ভারতকী ললিত কলা একাদেমি (এল.কে.এ.)না ফ্রান্সতা কুম্মৈশিংদা শরুক য়াহনবদা ভারতকী আর্তিস্তশিংগী মতেং পাংদুনা লাক্লি অমসুং ফ্রান্সকী  মীয়ামদা ভারতকী আর্তিস্তিক ত্রেদিশনশিং অসিবু পাক শন্না পাম্নবা পোকহনবদা মখাতানা সপোর্ত তৌখিগনি।

২.৬ লিংগ্বিস্তিক কোওপরেশন: ভারত অমসুং ফ্রান্সনা ভারত্তা এলাইন্স ফ্রেনঞ্চাইস নেতৱার্ক দেবেলপ তৌবগী মতাংদা অচেৎপা ফিরেপ লৌরি অমসুং ফ্রেঞ্চ লেংগ্বেজ তীচিং প্রোগ্রামশিংগী দেবেলপমেন্তকীদমক্তা, মরু ওইনা তীচিং লর্নিং মেতরিয়েল লোইন-লোইননা ভারতকী প্রাইভেত অমসুং সরকারগি স্কুলশিংদা চহিগা চুনবা তেক্সবুকশিংগী করিকুলম অমসুং প্রোভিজনদা মতেং পাংদুনা ফ্রেঞ্চ লোন তম্বগী প্রোগ্রাম দেবেলপ তৌবদা থৌগৎলি। মখোয়না ভারত্তা লৈরিবা এলাইন্স ফ্রেঞ্চাইজে  নেতৱার্ক্তা মহৈরোই ৫০,০০০গী তার্গেত য়ৌনবগীদমক্তা খোংফম চেৎনা লেপ্লি। মখাতানা , ভারতকী লোনশিং অমসুং ভারতকী অরিবা ময়েকশিং অদুবু ফ্রান্সকী স্কুল অমসুং হায়র এজুকেশনদা প্রোমোত তৌবা য়াই, মসিগীদমক্তা ভারত্তগী অকন্নবা এজুকেস্নেল অমসুং লিংগ্বিস্তিক ইনস্তিত্যশনশিংদগী কোওপরেশন লৌবা য়াগনি।

২.৭ ফ্রান্সনা ভারতপু ফ্রাঙ্কোফোন লৈবাকশিং অমসুং রিজনশিং অমসুং ফ্রেম্চ কলচরগা য়াম্না নক্নবা মরি লৈবশিংগী মহুৎশিল্লিবা ইন্তর্নেস্নেল ওর্গনাইজেশন অমা ওইরিবা ওর্গনাইজেশন ইন্তরনেস্নেল দে লা ফ্রাঙ্কোফোনী য়াওনবগী মতাংদা খন্নবা পুকক্নিং থৌগৎখি। ভারতনা ফ্রেম্চ চেবাউ অদুবু তরাম্না ওকখি।

২.৮ ভারত অমসুং ফ্রান্সনা স্পোর্তস অমসুং হকচাং ফনা লৈবা পুন্সিগী ভেল্যুশিং অদুবু সপোর্ত তৌই, মসিনা পেরিসতা পাংথোক্কদবা ২০২৪ ওলীমপিক অমসুং পেরালীমপিক গেম্সতা য়াম্না মরু ওইবা অমা ওইরগনি। মসিগী মতাংদা লৈবাক অনিমক্না সপোর্তসকী লমদা কোওপরেশন পীনবগী মতাংদা লেতর ওফ ইন্তেন্তগী খুৎয়েক পীনবা অদুবু তরাম্না ওকখি, মসিনা ভারতকী এথলেতশিংবু তুংদা মখোয়না মরু ওইবা অচৌবা স্পোর্তিং ইভেন্তশিংগীদমক্তা মখোয়গী ত্রেনিং তৌবদা অমসুং শেম-শাবদা মখাতানা মতেং পাংলগনি।

২.৯ ভারত অমসুং ফ্রান্সকী মরক্তা মী মশেলগী মরক্তা লৈনরিবা মরি অদুবু হেনগৎহন্নবা অমসুং মরু ওইনা কন্সুলেত অমগী তঙাইফদবশিং অদুবু নিংবা থুংহন্নবা অমসুং  ফ্রান্সকী খা থংবদা কমর্সিয়েলগী ওইবা মরি হেন্না চেৎশিনহন্নবা, ভারতনা মার্সেলদা কন্সুলেত জেনরেল হাংদোক্লগনি, ফ্রান্সনা হাইদরাবাদতা “বয়ুরো দে ফ্রান্স” হাংদোকখ্রে।

মসিগী অচৌবা রোদমেপ অসিগী খুত্থাংদা, ভারত-ফ্রান্স স্ত্রেতেজিক পার্তনরশিপ অসিবু মখাতানা কোওপরেশনগী অনৌবা এরিয়াশিংদা শন্দোক্লগনি লোইন-লোইননা ইন্তরেস্ত চপ মান্নবা লৈরিবা প্রোগ্রামশিং অদুবুশু হেন্না শন্দোক্লগনি।

***